Fréttablaðið - 18.08.2004, Blaðsíða 6

6 18. ágúst 2004 MIÐVIKUDAGUR
FLUGREKSTUR Flugleiðir hafa aldrei
flutt jafn marga farþega í einum
mánuði og í nýliðnum júlí. Farþeg-
ar Flugleiða voru 183 þúsund í
mánuðinum.
Farþegum í júlí fjölgaði um 23
prósent milli ára, en þeir voru
148 þúsund í fyrra. Fyrra metið í
farþegaflutningum var í júlí
2001, en fjölgunin stöðvaðist við
hryðjuverkin 11. september.
„Þetta eru tveir þriðju hlutar
þjóðarinnar sem við höfum flutt í
einum mánuði,“ segir Guðjón
Arngrímsson, upplýsingafulltrúi
Flugleiða. Sumarmánuðirnir eru
langdrýgstir í tekjuöflun Flug-
leiða. Aukningin í farþegaflutn-
ingum milli landa það sem af er
ári er ríflega 20 prósent.
Farþegum Flugfélags Íslands í
innanlandsflugi fjölgaði einnig en
þó ekki jafn mikið og millilandafar-
þegunum. Farþegum innanlands
fjölgaði um tæp fjórtán prósent.
Einnig var vöxtur í fraktflugi
milli ára og í leiguflugi. Leigust-
undum flugvéla Loftleiða - Iceland-
ic fjölgaði um rúm 64 prósent.
Fyrstu sjö mánuði ársins hafa
leiguflugsstundir tvöfaldast. ■
Vilja semja við
umdeildan verktaka
Verktakafyrirtækið Impregilo sýnir sjúkraflutningamönnum sem kvartað
hafa að undanförnu lítilsvirðingu og hafa þeir nú selt allar sjúkrabifreiðar
sínar til verktakafyrirtækis sem er ætlað að sjá um sjúkraflutninga eftirleiðis.
ATVINNUMÁL „Ég veit ekki til þess að
Impregilo eða þessir verktakar hafi
tilskyld leyfi til að reka sjúkrabif-
reiðar,“ segir Vernharð Guðnason,
framkvæmdastjóri Landssam-
bands slökkviliðs- og sjúkraflutn-
ingamanna. Ítalska verktakafyrir-
tækið Impregilo á nú í viðræðum
við íslenskt verktakafyrirtæki um
að taka að sér allan akstur og eftir-
lit með sjúkrabifreiðum á Kára-
hnjúkum. Fyrirtækið, GT verktak-
ar, hefur um skeið séð um rútu-
flutninga fyrir Ítalina og herma
heimildir að Impregilo hafi nú þeg-
ar selt verktökunum alla fimm
sjúkrabílana sem nota skal á Kára-
hnjúkasvæðinu.
Eins og komið hefur fram í
Fréttablaðinu hafa fimmtán ís-
lenskir sjúkraflutningamenn íhug-
að verkföll eða uppsagnir um skeið
enda laun þeirra ekki samkvæmt
samningum og vinnuaðstaða dapur-
leg. Einnig vantar mikið upp á að
sjúkrabílar Impregilo uppfylli þau
skilyrði sem slík öryggistæki þurfa
að hafa. Tveir sjúkrabílanna eru
enn á verkstæðum tæpum tveimur
vikum eftir að notkun þeirra var
bönnuð eftir bifreiðaskoðun.
Vernharð segir starf sjúkra-
flutningamanna löggilt og því þurfi
leyfi heilbrigðisráðuneytis til að
starfa sem slíkur. „Við höfum ítrek-
að sent Impregilo bréf vegna þeirr-
ar deilu sem uppi er og þeir hafa
ekki svo mikið sem svarað einu
þeirra. Nú fáum við þetta framan í
okkur eins og blauta tusku og þetta
er ekkert annað en lítilsvirðing við
þá starfsmenn sem þarna hafa ver-
ið að störfum.
Verkalýðsfélög eiga í stappi við
GT verktaka nú þegar en rúmlega
20 manns hafa sagt upp störfum
hjá fyrirtækinu síðan um áramót
þar sem ekki hefur verið staðið
skil á launum og launatengdum
gjöldum. Ennfremur þykir skorta
mikið á að hópflutningabílar fyrir-
tækisins uppfylli allar öryggis-
kröfur og dæmi eru um að öku-
menn þeirra hafi ekki tilskilin
meirapróf. Yfirmaður fyrirtækis-
ins svaraði ekki skilaboðum blaða-
manns en í síðustu viku neitaði
hann allri vitneskju um að margir
starfsmenn hans hefðu sagt upp
störfum.
Heimildir blaðsins herma að
sjúkrastarfsmennirnir að Kára-
hnjúkum hyggist segja upp störf-
um og vinna uppsagnarfrest. Skort-
ur er á menntuðum starfsmönnum
til þessara starfa í landinu og vitað
er að Alcoa sem byggir senn álver í
Reyðarfirði er á höttunum eftir
slíku fólki.
albert@frettabladid.is
Straumur í Noregi:
Fá ódýra
auglýsingu
VIÐSKIPTI Straumur fjárfestingar-
banki keypti í gær yfir fimm pró-
senta hlut í norska Kreditbanken
fyrir tæpar 200 milljónir ís-
lenskra króna.
Íslandsbanki hefur lagt fram
yfirtökutilboð í bankann og er
gengi tilboðsins 1,5 prósentum
hærra en gengið sem Straumur
keypti á. Í hlutfalli við stærð
Straums er um óverulega fjár-
festingu að ræða og tryggan geng-
ishagnað upp á 2,6 milljónir gangi
yfirtakan eftir, sem talið er nokk-
uð öruggt.
Samkvæmt heimildum eru
markmið Straums lítilsháttar
skammtímahagnaður. Norskir
fjölmiðlar fjölluðu um kaupin og
leiða má getum að því að Straum-
ur hafi verið að kaupa ódýra aug-
lýsingu í norskum fjölmiðlum. ■
GENGI GJALDMIÐLA
Bandaríkjadalur 70,66 0,41%
Sterlingspund 129,73 0,01%
Dönsk króna 11,72 0,39%
Evra 87,16 0,36%
Gengisvísitala krónu 121,96 0,87%
KAUPHÖLL ÍSLANDS - HLUTABRÉF
Fjöldi viðskipta 391
Velta 4.785 milljónir
ICEX-15 3.226 0,92%
Mestu viðskiptin
Opin Kerfi Group 2.879.973
Burðarás hf. 808.624
Landsbanki Íslands hf. 423.972
Mesta hækkun
Afl fjárfestingarfélag 13,64%
Fjárfestingarfélagið Atorka 9,76%
Kögun hf. 5,00%
Mesta lækkun
Líftæknisjóðurinn hf. -22,86
Samherji hf. -3,08
SÍF hf. -0,80%
ERLENDAR VÍSITÖLUR
DJ * 9.969,8 0,15%
Nasdaq * 1.796,2 0,75%
FTSE 4.358,7 0,20%
DAX 3.705,7 0,18%
NIKKEI 10.726,0 0,36%
S&P * 1.081,8 0,23%
*Bandarískar vísitölur kl. 16.35
VEISTU SVARIÐ?
1Hvaða íslenska tónskáld á lag á nýrriplötu Bjarkar?
2Um hversu mörg prósent vill sænskastjórnin lækka skatt á áfengi?
3Keppendur hvaða bandaríska raun-veruleikasjónvarpsþáttar komu til Ís-
lands síðastliðna helgi?
Svörin eru á bls. 30
Ferðaþjónusta Iceland Express
Sími 5 500 600, icelandexpress.is
Bókaðu flug
á icelandexpress.is
Ódýrar ferðir til Köben á icelandexpress.is
Krydda þá með því að fara í Tívolí,
dýragarðinn eða á ströndina; „hygge
sig“ á ölstofu eða götukaffihúsi við
Nýhöfnina eða „spadsere“ eftir Strikinu
með viðkomu í tískubúðunum eða litlu
antikbúðunum.
Hvernig væri að bæta nokkrum
heitum, dönskum dögum við
sumarið og skella sér til Köben?
Ljúfir dagar
í Köben
H
im
in
n
o
g
h
af
-
9
04
05
39
Farþegamet hjá Flugleiðum:
Tveir þriðju þjóðar á mánuði
STRAUMUR FARÞEGA
Vöxtur er í öllum þáttum í flugrekstri
Flugleiða. Stöðug fjölgun farþega, sem
bakslag kom í 11. september 2001,
virðist komin á fullan skrið.
AÐSTOÐARMENN FYRIR RÉTTI
Tveir fyrrverandi frammámenn í
flokki Kristilegra demókrata í
Þýskalandi hafa verið ákærðir
fyrir að flytja fé til útlanda til að
komast hjá því að gefa það upp
eins og reglur um fjármál stjórn-
málaflokka kveða á um.
HUNDRUÐ MÓTMÆLTU Hundruð
Tékka efndu til mótmæla fyrir
framan stjórnarráðið í gær til að
mótmæla embættismanni sem
bældi niður mótmæli lýðræðis-
sinna fyrir fall kommúnista-
stjórnarinnar í Tékkóslóvakíu.
BORGARALEGUR YFIRMAÐUR Í
fyrsta skipti í sögunni er æðsti
yfirmaður öryggisráðs Tyrklands
óbreyttur borgari en ekki herfor-
ingi. Með skipun Mehmet Yigit
Alpogan á að draga úr áhrifum
hersins og koma um leið til móts
við kröfur Evrópusambandsins
fyrir hugsanlegri aðild landsins.
■ EVRÓPA
SLÖKKVI- OG SJÚKRAÆFINGAR AÐ KÁRAHNJÚKUM
Fái Impregilo að ráða munu starfsmenn verktakafyrirtækisins GT verktaka aka sjúkrabílum
þeirra í framtíðinni.
■ VIÐSKIPTAFRÉTTIR
SELJA EN EIGA SAMT Íslands-
banki mælir með sölu á bréfum
Bakkavarar í nýju verðmati
Greiningardeild bankans ráð-
leggur þó að halda vægi bréfa
Bakkavarar í eignasöfnum í hlut-
falli við stærð þess í Kauphöll-
inni.