Fréttablaðið - 16.12.2004, Blaðsíða 2

2 16. desember 2004 FIMMTUDAGUR
Umdeildur heimilisofbeldisdómur:
Hæstiréttur veitir áfrýjunarleyfi
DÓMSMÁL Hæstiréttur hefur tekið
ákvörðun um að veita Ríkissak-
sóknara leyfi til að áfrýja dómi
Héraðsdóms Reykjaness, sem
frestaði refsingu manns sem
beitti eiginkonu sína ofbeldi.
Dómarinn ákvað að fresta
refsingu mannsins í ljósi að-
stæðna og atvika, sem meðal ann-
ars voru á þá leið að maðurinn
hefði lagt hendur á konuna í mik-
illi bræði og segir í dómnum að
gögn málsins hnígi frekar að því
að konan kunni að hafa valdið
bræðinni.
Í málum þar sem refsingu er
frestað verður ekki áfrýjað nema
með leyfi Hæstaréttar. Á síðasta
ári bárust Hæstarétti 46 beiðnir
um áfrýjun og voru 22 samþykkt-
ar, 22 synjað en tvær beiðnir
voru dregnar til baka. Árið 2002
bárust Hæstarétti 53 beiðnir og
voru 25 samþykktar en 28 synjað.
Maðurinn var ákærður fyrir
að hafa tekið eiginkonu sína háls-
taki og hrint henni til og frá
þannig að hún tognaði á hálsi og
hné og hlaut yfirborðsáverka á
andliti og hársverði.
- hrs
Hóta að sprengja
rútuna í loft upp
Tveir glæpamenn tóku 23 farþega grískrar rútu í gíslingu. Flestum gíslanna
slepptu þeir í gær en hótuðu að sprengja sig og gíslana í loft upp ef þeir
fengju ekki greitt lausnargjald og öruggt far til Rússlands.
GRIKKLAND, AP/AFP Gíslatökumaður
hótaði í gærkvöld að sprengja
rútu með sex gíslum innanborðs í
loft upp ef yfirvöld yrðu ekki við
kröfu hans um andvirði 85 millj-
óna króna í lausnargjald og trygg-
ingu fyrir því að flogið yrði með
hann og félaga til Rússlands. Þá
höfðu þeir sleppt sautján af 23
farþegum sem þeir hnepptu í gísl-
ingu fyrr um daginn.
Gíslatökumennirnir tveir stigu
um borð í rútuna í Aþenu, höfuð-
borg Grikklands, vopnaðir riffl-
um, snemma í gær og skutu
nokkrum skotum í gegnum þak
rútunnar. Bílstjóri rútunnar
stöðvaði hana og náði að flýja
ásamt miðasölumanni og einum
farþeganna. Eftir voru 23 farþeg-
ar sem teknir voru í gíslingu.
Talið er að gíslatökumennirnir
séu Albanar sem eigi að baki
glæpaferil í Grikklandi. Þeir
skutu af og til að lögreglumönnum
sem umkringdu rútuna, og
slepptu farþegum reglulega fram
eftir degi. Í gærkvöldi sagði ann-
ar gíslatökumannanna hins vegar
að fleiri gíslum yrði ekki sleppt
fyrr en yfirvöld yrðu við kröfu
þeirra félaga. Hann gaf þeim
frest til klukkan sex í morgun að
íslenskum tíma til að greiða lausn-
argjaldið og koma honum og
félaga sínum um borð í flugvél á
leið til Rússlands.
„Ég bíð til klukkan átta í fyrra-
málið, þegar bankarnir opna, og
þeir færa mér bílstjóra og pen-
inga. Ef þeir gera það ekki kveiki
ég á þræðinum,“ sagði gíslatöku-
maðurinn í símaviðtali við Alter-
sjónvarpsstöðina. Klukkan er sex
hér á Íslandi þegar hún er átta í
Grikklandi. ■
Fitusýrurannsóknir:
Meinholl
dýrafita
LANDBÚNAÐUR Vísbendingar eru um
að fitusýra í fitu jórturdýra geti
veitt vörn gegn offitu, krabba-
meinum og hjartasjúkdómum.
Í nýjasta tölublaði Bændablaðs-
ins er greint frá því að Handbók
um hollustu lambakjöts, sem er
nýútkomin, greini frá rannsóknum
sem tengjast kenningum sem hald-
ið hefur verið á lofti um óhollustu
dýrafitu. „Það má því segja að upp
sé komin ný staða varðandi holl-
ustu lambafitu,“ er haft eftir Ólafi
Reykdal matvælafræðingi. Fitu-
sýran sem um ræðir er konjugeruð
línolsýra, en hún á uppruna sinn í
gerjun í vömb jórturdýra. - óká
SIGRÍÐUR ANNA ÞÓRÐARDÓTTIR
Ráðherrafundur:
Áhersla á
jarðhita
UMHVERFISMÁL „Í máli mínu hér
mun ég mun fyrst og fremst
leggja áherslu á hvað við erum að
gera varðandi jarðhitamál og
vetni, auk ýmislegs annars,“ sagði
Sigríður Anna Þórðardóttir um-
hverfisráðherra, sem nú situr ráð-
herrafund tíunda aðildarríkja-
þings Loftslagssamnings Samein-
uðu þjóðanna. Fundurinn hófst í
gær í Buenos Aires í Argentínu og
lýkur á morgun.
Sigríður Anna segir helsta efni
fundarins að hnýta lausa enda
varðandi framkvæmd Kýótó-bók-
unarinnar um losun gróðurhúsa-
lofttegunda.
Þá vakti skýrsla Norðurskauts-
ráðsins um áhrif loftslagsbreyt-
inga á norðurslóðum mikla at-
hygli og sagði Sigríður Anna hana
hafa verið nefnda í ræðum og
hrósað. Hún sagðist þó ekki þora
spá fyrir um hvort niðurstöður
skýrslunnar myndu breyta af-
stöðu Bandaríkjanna, sem ekki
ætla að vera aðilar að Kýótó-bók-
uninni um losun gróðurhúsaloft-
tegunda. - óká
HÁSKÓLINN Í REYKJAVÍK
Brotthvarf er minnst hjá þeim sem vinna
að fyrstu háskólagráðu, 13,3 prósent.
Haustið 2002 stunduðu 15.566 manns
háskólanám.
Háskólamenntun:
15 prósenta
brottfall
MENNTAMÁL Nær fimmtán prósent
nemenda á háskólastigi hættu eða
gerðu hlé á námi sínu milli haust-
anna 2002 og 2003.
Brottfall er meira meðal karla
en kvenna. 16,5 prósent karla sem
stunduðu nám á haustönn 2002
komu ekki aftur í nám á haustönn
2003. Hliðstætt hlutfall kvenna
var 13,6 prósent, samkvæmt rann-
sókn Hagstofu Íslands.
Sambærileg könnun var gerð
árin 1997 til 1998 og var brott-
hvarf þá hlutfallslega jafn mikið
og nú. Rúmlega helmingur brott-
fallshópsins þá hóf háskólanám að
nýju síðar. - gag
„Já, við höfum margt gott til
Reykjavíkur og sækja. Við viljum
komast á þing til að láta landslýð
vita að það er margt gott að sækja
til Akureyrar líka.“
Ragnar Sverrisson er talsmaður Akureyrarlistans,
samtaka Akureyringa sem telja það miður að eng-
inn Akureyringur sé á þingi og vilja bæta úr því.
SPURNING DAGSINS
Ragnar, hafa Akureyringar eitthvað til
Reykjavíkur að sækja?
HÆSTIRÉTTUR
Rískissaksóknari má
áfrýja umdeildum
heimilisofbeldisdómi.
■ KJARAMÁL
FUNDAÐ Í KARPHÚSINU Leik-
skólakennarar og sveitarfélögin
funduðu með ríkissáttasemjara í
gær. Karl Björnsson, formaður
launanefndar ríkisins í viðræðun-
um, segir kröfur samninganefnd-
anna í fyrsta sinn hafa verið
ræddar með ríkissáttasemjara.
Málin séu í eðlilegum farvegi en
á síðasta fundi hafi línur við-
ræðnanna verið lagðar.
Innanlandsflug til Keflavíkur:
Borgarstjóri segir því fyrr því betra
STJÓRNMÁL Steinunn Valdís Óskars-
dóttir borgarstjóri segir að menn
hljóti að fara að velta því fyrir sér
hvort Íslendingar hafi efni á að reka
tvo flugvelli eftir að Davíð Oddsson
utanríkisráðherra lagði til að Ís-
lendingar tækju á sig aukinn kostn-
að við rekstur Keflavíkurflugvallar
í viðræðum við Colin Powell, utan-
ríkisráðherra Bandaríkjanna. Eins
og fram kom í Fréttablaðinu í gær
væri hægt að spara 240 milljónir á
ári með því að flytja innanlandsflug
til Keflavíkur. Slíkt væri hægt að
gera með innan við árs fyrirvara.
„Eg hef talað fyrir því í mörg
ár að flugvöllurinn eigi að fara og
það er ánægjulegt ef það gerist
fyrr en ætlað var.“
Sturla Böðvarsson samgöngu-
ráðherra segir að það liggi í aug-
um uppi að fé tapist við að nýta
ekki mannvirki Reykjavíkurflug-
vallar. „Ég hef ekki forsendurnar
og get ekki lagt mat á fjárhæðirn-
ar“. Sturla segir að fari svo að Ís-
lendingar þurfi að taka á sig stór-
aukinn hluta rekstrarkostnaðar
við Keflavíkurflugvöll verði að
taka málin til skoðunar og velja
vænlegustu kostina. - gag/ás
STEINUNN VALDÍS ÓSKARSDÓTTIR
Ítrekar andstöðu við flugvöll í Reykjavík.
LÖGREGLUMENN FYLGJAST MEÐ RÚTUNNI
Fjölmennt lögreglulið dreif að rútunni þar sem hún var stopp í Aþenu. Ökumaðurinn
hlaut lof fyrir að forða sér og tilkynna lögreglu strax um ránið.
HELSTU GÍSLATÖKUR
SÍÐUSTU ÁRA Í EVRÓPU
31. júlí 2001 Vopnaðir menn taka 40
manns í gíslingu nærri Mineralny Vody í
suðurhluta Rússlands og krefjast lausn-
ar tsjetsjenskra uppreisnarmanna. Gísl-
arnir sleppa eftir árás lögreglu þar sem
einn gíslatökumaður særist.
4. nóvember 2000 Maður sem er ný-
búinn að myrða tvo ættingja sína tekur
35 í gíslingu á Pelopsskaga í Grikklandi.
Hann fremur sjálfsmorð skömmu síðar.
28. júlí 1995 Vopnaður Ísraeli tekur 26
farþega rútu í gíslingu í Köln í Þýska-
landi. Hann myrðir bílstjórann og far-
þega og særir lögreglumann og farþega
áður en hann fremur sjálfsmorð.
16. ágúst 1988 Tveir bankaræningjar
ræna rútu og taka 25 í gíslingu nærri
Bremen í Þýskalandi. Fimmtán ára far-
þegi er myrtur í ráninu. 23 gíslanna er
síðar sleppt í skiptum fyrir bíl og þrem-
ur dögum síðar fellur annar gísl í árás
lögreglu á bankaræningjana.
11. apríl 2003 Bankaræningi tekur tutt-
ugu farþega í gíslingu í Berlín. Lögregla
frelsar gíslana fimm tímum síðar, gísla-
tökumaðurinn særist.
Leyfishneyksli:
Sagði af sér
BRETLAND, AFP David Blunkett, inn-
anríkisráðherra Bretlands, sagði í
gær af sér embætti vegna ásakana
um að hann hafi beitt sér óeðlilega
til að tryggja barnfóstru þáverandi
ástkonu sinnar dvalarleyfi á mun
skemmri tíma en tekur venjulega
að ganga frá slíkum leyfum.
Blunkett sagðist ekkert hafa
vitað af því að embættismenn
hefðu skrifað stofnuninni sem
veitir dvalarleyfi til að þrýsta á
um að útgáfu dvalarleyfis barn-
fóstrunnar yrði flýtt. Sjálfur hafi
hann ekki átt frumkvæði að því en
verði að taka ábyrgð sem yfir-
maður ráðuneytisins. ■
02-03 15.12.2004 21:13 Page 2