Fréttablaðið - 16.12.2004, Blaðsíða 8

16. desember 2004 FIMMTUDAGUR
Reykjavíkurborg selur fornminjakjallara undir hóteli:
Notar söluvirðið til rekstrar safns
LEIGUSAMNINGUR Reykjavíkur-
borg hefur selt fyrirtækinu
Stoðum sýningarskála í kjall-
ara hótels við Aðalgötu sem
fyrirtækið byggir fyrir 160
milljónir króna. Borgin leigir
kjallarann fyrir tæplega 1,7
milljónir króna á mánuði næstu
25 árin.
Samningar um viðskiptin
voru undirritaðir í hálfkláruðu
hóteli fyrirækisins við Aðalgötu
í gær. Í kjallara hússins leynast
fornminjar og verður sýning um
fyrstu byggð í Reykjavík sett
þar upp.
Steinunn Valdís Óskarsdóttir
borgarstjóri segir rekstur og
umsjón sýningarinnar og rúst-
arinnar verða í höndum Reykja-
víkurborgar. „Fjármuni sem við
fáum fyrir söluna munum við
nota til að setja upp sýningu og
reka safnið árlega.“
Jónas Þorvaldsson, fram-
kvæmdastjóri Stoða, segir
helsta kost þess að fyrirtækið
kaupi kjallara hótelsins þann að
viðhald og umsýsla hússins
verði auðveldari.
Í sölusamningnum er for-
kaupsréttur borgarinnar
tryggður og hvor aðili fyrir sig
getur krafist fimm ára fram-
lengingar leigusamningsins.
- gag
Refurinn er erfiður
Loðdýraræktendur eru bjartsýnir á framtíð minkaræktunar á Íslandi.
Horfurnar eru ekki eins góðar fyrir refaskinn. Verð til framleiðanda er
óvenju lágt þessa dagana vegna lágs gengis dollara.
LANDBÚNAÐUR „Við erum farin að
sjá ljósglætu,“ segir Björn Hall-
dórsson, formaður Sambands ís-
lenskra loðdýraræktenda, sem nú
er staddur í Kaupmannahöfn
ásamt Guðna Ágústssyni landbún-
aðarráðherra og föruneyti. Loð-
dýraræktendur hafa um langt
skeið átt nokkuð erfitt uppdráttar.
Er tilgangur fararinnar að sýna
Guðna uppboðshús loðskinna, sem
íslenskir loðdýrabændur hafa átt
mikil viðskipti við.
Björn segir að verð á skinnum
hafi verið gott undanfarin tvö ár,
en gengið á dollaranum hafi nú
verið að stríða loðdýrabændum.
„Skinnin eru seld í dollurum og
gengið hefur verið óvenjulágt að
undanförnu.“ Björn segir það 100
til 150 milljónir sem loðdýra-
bændur á Íslandi fengju meira ef
gengi dollara væri eðlilegt. „Það
er ágætis verð á minknum, en ref-
urinn er erfiður.“
Björn segir horfurnar ekki
góðar fyrir refinn, sérstaklega
vegna þess að ekki hefur tekist að
koma refaskinni eins mikið inn í
tískuna og minkinn. „Refurinn er
önnur týpa af skinni, sem endist
ekki eins lengi. Það hefur líka
verið offramleiðsla á skinnum, til
dæmis í Finnlandi.“ Tiltölulega fá
refabú eru starfandi á Íslandi og
tveir loðdýraræktendur hættu
refaframleiðslu á árinu.
Minkabændur eru hins vegar
um 30 og mikil bjartsýni í grein-
inni. „Við erum að reyna að ná
niður fóðurverði og skipuleggja
okkur aðeins betur,“ segir Björn.
Þetta tvennt er meðal þess sem
Guðni Ágústsson telur að íslenskir
loðdýraræktendur geta lært af hin-
um dönsku. „Faglega og viðskipta-
lega getum við lært mikið af Dön-
unum. Það hefði verið gott að vinna
með þeim í upphafi þegar þessi loð-
dýrarækt fór af stað á Íslandi,“
sagði Guðni. „Þetta er þróaður at-
vinnuvegur hjá þeim og markviss.“
Hann segist sérstaklega hafa tekið
eftir því hve samvinna loðdýra-
bænda í Danmörku sé fagleg og í
samræmi við góða viðskiptahætti.
Á síðasta sölutímabili, frá des-
ember 2003 til september 2004,
náðist næst hæsta verð í Evrópu
fyrir íslensk minkaskinn. Aldrei
áður hafa íslenskir loðdýrarækt-
endur náð jafn góðum árangri.
svanborg@frettabladid
UMHVERFIÐ Síðastliðinn þriðjudag
samþykktu tíu bæjarfulltrúar af
ellefu í bæjarstjórn Akureyrar að
SS Byggir fengi að reisa sjö hæða
fjölbýlishús, með 40 íbúðum fyrir
aldraða, á lóð sem kennd er við
húsið Baldurshaga og er á milli
Glerártorgs og gamla miðbæjar-
ins. SS Byggir vildi reisa tólf
hæða byggingu en vegna and-
stöðu bæjarbúa sættist bæjar-
stjórn á málamiðlunartillögu frá
Kristjáni Þór Júlíussyni bæjar-
stjóra.
Upphafleg umsókn SS Byggis
hljóðaði upp á tólf hæða fjölbýlis-
hús með 45 íbúðum en tæplega
1.700 Akureyringar undirrituðu
yfirlýsingu þar sem þeim áform-
um var mótmælt. Í kjölfarið var
ákveðið að minnka ummál bygg-
ingarinnar. Samkvæmt þeirri
hugmynd átti byggingin áfram að
vera tólf hæðir en með 36 íbúðum.
Í viðhorfskönnun sem IMG
Gallup á Akureyri framkvæmdi
að eigin frumkvæði, og kynnt var
í síðustu viku, kom í ljós að af
þeim 62% sem þátt tóku í könnun-
inni voru rúmlega 60% andvíg tólf
hæða byggingu á þessum stað.
Um helmingur þeirra sem andvíg-
ir voru sögðu það ekki breyta af-
stöðu sinni þó að byggingin yrði
lækkuð niður í fjórar til sjö hæðir.
kk@frettabladid.is
jólagjöf
Hugmynd að
fyrir barnið
Smáralind
Sími 545 1550
Glæsibæ
Sími 545 1500
Kringlunni
Sími 575 5100
www.utilif.is
Jólatilboð 35% afsláttur, 3 gerðir.
Verð áður 5.990 kr. Verð nú 3.990 kr.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
2
66
32

12
/2
00
4

– hefur þú séð DV í dag?
– Barði konu í
þvottahúsinu
– Nágrannar vilja
hann burt
Steingrímur
Njálsson í
átökum við
nágranna
sína
S: 552 5070
við JL-Húsið
Opið 08:00-18:30
Þar sem fiskurinn stoppar stutt
Kæst skata
saltfiskur - síld
hnoðmör - hamsar
Bæjarstjórn heimilar byggingu sjö hæða fjölbýlishúss
Málamiðlun um nýtt
háhýsi á Akureyri
TÖLVUMYND AF HÁHÝSI
Náðst hefur sátt um að umdeilt háhýsi á Akureyri verði ekki jafn stórt og sést á myndinni,
heldur einungis sjö hæðir.
SÁTT UM HÚSALEIGU TIL 25 ÁRA
Kristín Jóhannesdóttir frá Stoðum og
Steinunn Valdís Óskarsdóttir borgarstjóri
handsala samninga um sölu kjallara með
fornminjum frá Reykjavíkurborg til Stoðar
og leigu kjallarans frá Stoðum til Reykja-
víkurborgar.
FR
ÉT
TA
B
LA
Ð
IÐ
/E
.Ó
L.
SKINNIN SKOÐUÐ
Torben Nielsen, forstjóri danska uppboðshússins, Eysteinn Jónsson, aðstoðarmaður land-
búnaðarráðherra, Einar E. Einarsson loðdýraræktarráðunautur, Guðni Ágústsson landbún-
aðarráðherra og Björn Halldórsson, formaður Sambands íslenskra loðdýraræktenda.
08-09 15.12.2004 20:19 Page 2