Fréttablaðið - 16.12.2004, Blaðsíða 24

24 16. desember 2004 FIMMTUDAGUR
Óvenjutíðir stórbrunar
Eftir fremur rólega tíð hjáslökkviliðum landsinsfyrstu átta mánuði ársins
hefur fjöldi bruna orðið í landinu
síðan í september. Sumir þeirra
hafa verið ansi stórir. Bruninn í
Hringrás í Klettagörðum er ein-
hver mesti bruni sem orðið hefur
síðustu ár eða jafnvel áratugi.
Jón Viðar Matthíasson, aðstoð-
arslökkviliðsstjóri Slökkviliðs
höfuðborgarsvæðisins, segir að
fjöldi bruna komi í sveiflum.
„Við vorum að ræða það í lok
sumars hversu rólegt þetta ár
hefði verið – svo kemur þessi
gusa,“ segir Jón Viðar. „Fjöldi
bruna er mjög sveiflukenndur
eftir árum og ég held að það sé
ekki hægt að skýra það á nokkurn
hátt hvers vegna margir stórir
brunar verði á stuttu tímabili. Ég
held það sé algjörlega tilviljunum
háð hvernig þetta gerist allt sam-
an. Þetta hefur gengið svona í
gegnum árin og er því engin
nýlunda fyrir okkur.“
Í eldsvoðum haustsins hefur
einn maður látist. Það var þegar
íbúðarhús brann á Sauðarkróki í
byrjun mánaðarins. Jón Viðar
segir að eitt mannslát sé of mikið.
Það fyrsta sem slökkviliðsmenn
hugsi um þegar þeir komi á vett-
vang bruna sé að ganga úr skugga
um að fólk sé ekki í hættu og ef
einhver sé í hættu sé öll áhersla
lögð á að bjarga viðkomandi.
Stundum sé það bara ekki hægt og
það sé það versta sem slökkviliðs-
menn lendi í.
Jón Viðar segir að sá bruni sem
standi upp úr hjá Slökkviliði
höfuðborgarsvæðsins sé án efa
bruninn í Hringrás.
„Það var slíkur bruni að það
liggur við að maður líki honum við
náttúruhamfarir,“ segir Jón Viðar.
„Það hafa líka orðið aðrir stórir
brunar hérna á höfuðborgarsvæð-
inu í haust eins og til dæmis brun-
inn í vélsmiðjunni í Garðabæ. Þá
var líka mikil hætta á ferðum þeg-
ar eldurinn kom upp í timburhús-
inu í Lækjargötu 2. Það gekk
reyndar vel að slökkva eldinn þar
en við erum alltaf með í maganum
þegar við fáum tilkynningu um
eld í timburhúsi í miðborginni.
Það þarf svo lítið að gerast til að
hann breiðist út í sambyggð hús
og úr verði illviðráðanlegur bruni.
Miðborgin er rosalega viðkvæmt
svæði. Það er ekki langt síðan stór
hluti miðborgar Björgvin í Noregi
brann eftir að eldur kom upp í
timburhúsi en það sýnir ágætlega
hættuna sem getur skapast á
svona svæðum.“
Þó að mikið hafi verið að gera
hjá slökkviliðinu undanfarna
mánuði segir Jón Viðar að nú sé sá
tími að renna upp þegar ansi
mikið geti orðið að gera.
„Það hefur því miður oft verið
mikið að gera hjá okkur um jólin
og áramótin. Brunar á þessum
árstíma eru yfirleitt mjög erfiðir
að því leyti að þessi tími er svo
viðkvæmur hjá fjölskyldum.
Reyndar hafa líka komið ár þar
sem nánast ekkert hefur verið að
gera hjá okkur yfir jól og áramót
og auðvitað vonum við að svo
verði nú.“
Jón Viðar segir forvarnastarf
undanfarinna ára hafa skilað sér.
Jákvætt sé hversu meðvitað fólk
sé almennt orðið um mikilvægi
þess að vera með góð viðvörunar-
kerfi. Þessi breyting sem orðið
hafi á hugsunarhætti fólks hafi
breytt miklu fyrir slökkviliðið og
auðveldað starf þess. Til dæmis
séu slökkvililiðsmenn nú yfirleitt
komnir fyrr á vettvang en áður
tíðkaðist. ■
VOTMÚLI BRANN TIL KALDRA KOLA
Óvenjumargir brunar hafa orðið í landinu síðustu mánuði. Aðstoðarslökkvi-
liðsstjórinn á höfuðborgarsvæðinu segir fjölda bruna koma í sveiflum. Hann
líkir eldsvoðanum í Hringrás við náttúruhamfarir.
Flutningabílstjóri sem átti leið í gegnum
Blönduós aðfaranótt þriðjudagsins 28.
september tilkynnti lögreglu um eld í
atvinnuhúsnæðinu Votmúla. Þegar
slökkvilið bæjarins kom á vettvang stóðu
eldtungur upp úr þaki hússins. Var þá
strax kallað á aðstoð frá slökkviliðinu á
Skagaströnd og Hvammstanga. Með sam-
hæfðum aðgerðum tókst að bjarga norð-
urhluta hússins en óhjákvæmilega varð
stærsti hluti þess eldinum að bráð. Mikill
eldsmatur var í húsinu, þar sem mat-
vælaverksmiðja Vilkó, pakkhús kaupfé-
lagsins og Bílaþjónustan voru með starf-
semi. Gaskútar sprungu með svo miklum
hvelli að íbúar í nágrenninu vöknuðu.
Lögregluna á Blönduósi grunar að kveikt
hafi verið í húsinu. Enginn hefur hins
vegar verið handtekinn og er málið í
rannsókn.
STÓRTJÓN Á SNÆFELLSNESI
Ríflega sex hundruð fjár brunnu inni í
fjárhúsi við bæinn Knerri í Breiðuvík á
Snæfellsnesi mánudaginn 18. október.
Mikið eignatjón varð því fjárhúsið eyði-
lagðist, sem og hlaða og skemma með
fjölda tækja. Aðkoman var hræðileg.
Sumar kindur komust út en hlupu log-
andi um, brunnar í framan og blindar.
Aðstæður fyrir slökkvistarf voru óhemju-
erfiðar vegna ofsaroks. Járnplötur fuku
sem og hjálmar af slökkviliðsmönnum.
Talið er að vindhraði hafi farið hátt í 60
metra á sekúndu í mestu hviðunum og
þurftu slökkviliðsmenn um tíma að hörfa
inn í tankbíl fullan af vatni. Óttuðust þeir
jafnvel að bíllinn myndi velta þegar veð-
urofsinn var hvað mestur. Talið er að eld-
urinn hafi kviknað vegna hitnunar í heyi.
BRUNINN Í HRINGRÁS
Gríðarlegur eldur kviknaði í dekkjahaug
við fyrirtækið Hringrás í Klettagörðum
mánudagskvöldið 22. nóvember. Þegar
mest lét tóku á fjórða hundrað manns
þátt í samhæfðum aðgerðum björgunar-
aðila og hafa ekki fleiri komið að slíkum
verkum fyrr hérlendis. Um 80 slökkviliðs-
menn stóðu í ströngu um langa hríð, yfir
30 lögreglumenn komu að verkinu, 90
björgunarsveitarmenn og 50 liðsmenn
Rauða krossins auk fjölda annarra, eins
og strætisvagna- og leigubílstjóra. Um sex
hundruð íbúum í grennd við brunann var
gert að yfirgefa heimili sín vegna eitraðs
reyks sem barst frá eldsvoðanum.
Skemma Hringrásar varð eldinum að
bráð og allt sem í henni var auk þess
sem talsverð verðmæti voru í dekkja-
haugnum sem brann til kaldra kola. Starf-
semi lá niðri í mörgum nærliggjandi fyrir-
tækjum daginn eftir brunann og eigur
sumra þeirra eyðilögðust vegna reyks og
sóts. Matvælafyrirtæki í grenndinni þurfti
að farga allri framleiðslu sinni. Ónefndar
eru þær skemmdir sem urðu á heimilum.
Talið er að kviknað hafi í út frá hleðslu-
tæki fyrir lyftara sem var á lóðinni við
dekkjahauginn.
PILTUR LÉST Á SAUÐÁRKRÓKI
Piltur um tvítugt fórst þegar eldur kom
upp í einbýlishúsi við Bárustíg á Sauðár-
króki sunnudagsmorguninn 5. desember.
Annar piltur fannst meðvitundarlaus í
húsinu og var hann fluttur á sjúkrahús
Sauðárkróks og þaðan til Reykjavíkur á
gjörgæsludeild. Stúlka og piltur sem
einnig voru í húsinu sluppu ómeidd.
Samkvæmi hafði verið í húsinu um nótt-
ina og fannst pilturinn sem lést inni í
stofu hússins þar sem talið er að eldur-
inn hafi kviknað. Þegar slökkviliðið kom á
staðinn var mikill eldur í húsinu. Slökkvi-
starf gekk samt greiðlega fyrir sig. Húsið
er talið nánast ónýtt. Eldsupptök eru
ókunn. Mögulegt er talið að kviknað hafi
í út frá sígarettu en hins vegar útilokar
lögreglan ekki að um íkveikju hafi verið
að ræða.
ALLT ÓNÝTT Í NÓATÚNI
Eldur kviknaði í hluta verslunar Nóatúns í
JL-húsinu við Hringbraut 121 aðfaranótt
laugardagsins 11. desember. Mikill eldur
var í verslun í húsinu og um það leyti
sem slökkvilið bar að garði sprakk gluggi
í versluninni og gengu eldtungur út. Vel
gekk að slökkva eldinn og tók það tiltölu-
lega lítinn tíma. Engin slys urðu á fólki,
enda verslunin mannlaus, en gjörsam-
lega allt er ónýtt í versluninni. Talið er að
eldurinn hafi kviknað út frá rafmagni við
kjötborð verslunarinnar.
ELDUR Í HJARTA MIÐBORGARINNAR
Eldur kom upp á matsölustaðnum
Kebabhúsinu í Lækjargötu 2 mánudags-
kvöldið 13. desember. Allt tiltækt lið
slökkviliðsins var sent á staðinn auk þess
sem kallað var á slökkviliðsmenn á auka-
vakt þar sem um timburhús í hjarta mið-
borgarinnar var að ræða. Frá staðnum
lagði mikinn reyk, sem barst bæði um
Lækjargötu og Austurstræti. Húsið er
samtengt fleiri timburhúsum, meðal ann-
ars Hressingarskálanum. Rýma þurfti
kaffihús í samliggjandi húsi vegna reyks.
Greiðlega gekk að slökkva eldinn. Þó
nokkurt eignatjón varð.
VÉLSMIÐJA Í BJÖRTU BÁLI
Vélvirki í Vélsmiðju Sigurðar Jónssonar
var að slípa rör aðfaranótt þriðjudagsins
14. desember þegar neisti úr slípirokkn-
um fór í tunnu fulla af olíu með þeim af-
leiðingum að eldur blossaði upp. Vél-
smiðir á staðnum gripu nálæg slökkvi-
tæki en náðu ekki að slökkva eldinn.
Húsið varð síðan alelda á örskammri
stundu. Það tók slökkviliðið um klukku-
stund að ráða niðurlögum eldsins. Tjónið
er metið á tugi milljóna króna. Grind
hússins er talin heil en nokkra mánuði
mun taka að klæða það upp á nýtt og
endurnýja það að innan.
STÓRBRUNI Í KLETTAGÖRÐUM
Einn mesti bruni á síðari árum kom upp við fyrirtækið Hringrás við Sundahöfn fyrir þremur vikum. Slökkvilið var við störf á vettvangi í tvo
sólarhringa, svo erfiður var eldurinn viðureignar.
BRUNAR HAUSTSINS
Staður Hvenær Orsök
Vélsmiðja Garðabæ 14. des. Neisti frá slípirokki
Lækjargata 2 (Kebabhúsið) 13. des. Eldur í potti
JL-húsið (Nóatún) 11. des. Rafmagn
Íbúð á Sauðárkróki 5. des. Ókunn
Klettagarðar 9 (Hringrás) 22. nóv. Hleðsla í lyftara
Knörr á Snæfellsnesi 18. okt Hitnun í heyi
Þjóðleikhúsið 15. okt. Eldur í potti
Votmúli á Blönduósi 28. sept. Ókunn
TRAUSTI HAFLIÐASON
BLAÐAMAÐUR
FRÉTTASKÝRING
STÓRBRUNAR
24-25 (360°) 15.12.2004 20:08 Page 2