Fréttablaðið - 16.12.2004, Blaðsíða 73

FIMMTUDAGUR 16. desember 2004
Grand Rokk - You´ll never drink alone.
Föstudagskvöld með
Gísla Marteini !
Síðasta Pub Quiz spurningarkeppnin á Grand Rokk
þetta árið verður föstudaginn 17. des. kl. 17.30.
Spyrill að þessu sinni verður enginn annar en hinn
geðþekki sjánvarpsmaður Gísli Marteinn Baldursson.
Nú fer hver að verða síðastur að
svara fyrir sig á Grand Rokk !
Hljómsveitin Fimm á Richter
heldur uppi stuðinu föstudag og laugardag.
Idol á breiðtjaldi, Poolbor og boltinn í beinni alla helgina.
Classic Sportbar Ármúla 5
Við hliðina á gamla Hollywood
Jóladartmót laugardag kl. 12 • Frítt inn • Stór á krana 500 kr.
3.000 kr.
Diesel ávísun
fylgir öllum
GSM símum.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
O
G
V
2
64
43

12
/2
00
4
NOKIA 3220
Heitasti myndavélasíminn
16.900 kr.
Komdu í Og Vodafone verslun, smelltu þér á www. ogvodafone.is
eða hringdu í 1414 fyrir nánari upplýsingar.
Styrktarforeldrar óskast - sos.is
SOS - barnaþorpin
S: 564 2910
Laugardaginn síðastliðinn voru
fluttar í Hallgrímskirkju þrjár
fyrstu kantöturnar í Jólaóratoríu
Jóhanns Sebastians Bach. Flytj-
endur voru Schola cantorum og
The Hague International Baroque
Orchestra ásamt einsöngvurunum
Elfu Margréti Ingvadóttur, Guð-
rúnu Eddu Gunnarsdóttur, Eyjólfi
Eyjólfssyni og Benedikt Ingólfs-
syni. Stjórnandi var Hörður Ás-
kelsson.
Nú um stundir, þegar Jóla-
óratoría Johanns Sebastians Bach
hljómar víða um lönd, er hollt að
minnast þess að tónlist hans naut
ekki almenningshylli meðan hann
var sjálfur á lífi. Þvert á móti var
hún á stundum harðlega gagn-
rýnd. Til dæmis taldi Johann
Adolf Scheibe, fræðimaður, tón-
skáld og samtímamaður Bachs,
hana innihalda of mikinn kontra-
punkt, of viðamiklar laglínur, of
mikla byggingu og vera yfirleitt
hið mesta torf. Þetta er sú sama
gagnrýni og atgervismenn meðal
tónskálda hafa jafnan mátt þola og
þola enn þann dag í dag fyrir að
leggja sig fram í list sinni og
höfundur frægs leikrits um Ama-
deus sauð niður í eina setningu;
„of margar nótur“.
Jólaóratorían stóð í mönnum
jafnvel lengur en önnur stórvirki
Bachs fyrir þá sök að hún var að
verulegu leyti sett saman úr kant-
ötum um veraldleg efni sem hann
hafði áður samið. Jafnvel hinn
mikli frumkvöðull um Bach-rann-
sóknir, Spitta, átti erfitt með að
sætta sig við þetta. Hinn hrífandi
kórkafli í upphafi verksins
„Jauchzet, frohlocket! auf, preiset
die Tage“ var upphaflega saminn
við orðin „Tönet, ihr Pauken!
Erschallet, Trompeten“ úr kantötu
um afmæli prinsessu nokkurrar og
hljóðfæravalið er í samræmi við
það. Þorsteinn Valdimarsson gerir
sér mat úr þessu í ágætri þýðingu
sinni sem birt var í efnisskrá tón-
leikanna og má segja að hann taki
sér hár úr báðum lokkum og snúi
úr einn þráð. Hann segir „Dunið,
þér bumbur, þér básúnur, hljómið!
Berist til himins vort lofsöngva-
mál.“ Hvernig sem málinu er velt
og snúið mun vandfundin sannari
tjáning á gleði hins trúaða manns
yfir fagnaðartíðindum jólaguð-
spjallsins en þessi kórkafli.
Hljómsveitin sem þarna lék er
skipuð ungu fólki frá ýmsum lönd-
um sem numið hefur í tónlistar-
skólanum í Haag og leikur á
svokölluð upprunaleg hljóðfæri. Sú
tíska hefur verið við lýði um árabil
og mætti margt um hana segja,
þótt ekki gefist rúm til þess hér.
Þarna var á ferðinni fyrsta flokks
tónlistarfólk. Var til þess tekið hve
hljómblærinn var fallegur og við-
eigandi við tónlistina. Þá var hljóð-
fallsleg nákvæmni oft mjög góð.
Hins vegar gerir lítið styrksvið
hinna upprunalegu hljóðfæra það
að verkum að dýnamísk tilþrif
verða af nauðsyn takmörkuð. Tón-
list Bachs gefur þó oft góð tilefni
til slíkrar túlkunar. Hljómsveitin
hafði heldur ekki í fullu tré hvað
styrk varðaði við Schola cantorum,
sem söng mjög vel með skýrleika
og fögrum hljómi á þessum tónleik-
um.
Það er gaman að heyra hve vel
hinir ungu einsöngvarar, sem
þarna sungu, stóðu sig. Þótt finna
mætti snurður á stöku stað fer ekki
milli mála að þar fór fólk sem á
eftir að blómstra í framtíðinni.
Þessir tónleikar voru í senn
ánægjulegir og endurnærandi og
var það ekki síst að þakka stjórn-
andanum Herði Áskelssyni. ■
Stórvirkið sem stóð í mönnum
SCHOLA CANTORUM Söng mjög vel með skýrleika og fögrum hljómi á þessum tónleikum.

20.00 Árlegir jólatónleikar Blásara-
kvintetts Reykjavíkur undir heit-
inu "Kvöldlokkur á jólaföstu"
verða haldnir í kvöld í Fríkirkjunni
í Reykjavík. Að venju verða leiknar
hljómfagrar serenöður eða kvöld-
lokkur, að þessu sinni eftir Goun-
od, Mozart og Krommer.

20.30 Gunnar Gunnarsson
organisti og Sigurður Flosason
saxófónleikari halda tónleika í
Stokkseyrarkirkju í tilefni af út-
komu geisladisksins "Drauma-
landið". Gert verður hlé á tónleik-
unum og mun síðari hluti þeirra
fara fram handan götunnar í Tón-
minjasetri Íslands, Hafnargötu 9.

21.00 Útgáfutónleikar hljómsveitar-
innar The Foghorns verða á
Nelly's. Þórir og KGB hita upp.

22.30 Sessý & Sjonni verða með
tónleika á Cafe Victor.

22.30 Michael Pollock fagnar jól-
um með tónleikum á Café Rosen-
berg.
Upplýsingar um viðburði og sýningar
sendist á hvar@frettabladid.is
ekki síðar en sólarhring fyrir birt-
ingu.
TÓNLIST
FINNUR TORFI STEFÁNSSON
Jólaóratoría J.S.Bach
Hallgrímskirkja
Flytjendur: Schola cantorum, The
Hague International Baroque Orchestra,
Elfa María Ingvarsdóttir, Guðrún Edda
Gunnarsdóttir, Eyjólfur Eyjólfsson og
Benedikt Ingólfsson.
Stjórnandi: Hörður Áskelsson.
72-73 (52-53) Slanga 15.12.2004 20:58 Page 3