Fréttablaðið - 16.12.2004, Blaðsíða 51

31FIMMTUDAGUR 16. desember 2004
Flugvöllurinn: Kjördæmapot alþingismanns
Eru menn alveg vissir um að innan-
landsflug á Íslandi leggist af ef
Reykjavíkurflugvöllur verður
fluttur til Keflavíkur? Það er nú
ekki nema 40 mínútu akstur frá
Keflavík til miðbæjar Reykjavíkur,
helmingi lengra en úr Grafarvogin-
um í miðbæ Reykjavíkur.
Liggi leið fólks hinsvegar upp í
Breiðholtið, Hafnarfjörð eða
Garðabæ breytir ekki miklu hvort
lent sé í miðbæ Reykjavíkur eða
Keflavík. Ekki þurfa allir farþegar
innanlandsflugsins að fljúga upp að
inngangi Alþingishússins.
Með örum vexti millilandaflugs,
sérstaklega eftir tilkomu Iceland
Express, verður sífellt mikilvæg-
ara fyrir fólk að komast á sem
fljótastan og hagkvæmastan hátt
beint á Keflavíkurflugvöll. Ég leyfi
mér að efast um að flutningur inn-
anlandsflugsins til Keflavíkur muni
ganga að því dauðu eins og Einar K.
Guðfinnsson alþingismaður virðist
viss um samkvæmt grein sem hann
skrifaði í Fréttablaðið á dögunum.
Það væri áhugavert ef Hagfræði-
stofnun kannaði hagræn áhrif
flutning innanlandsflugsins til
Keflavíkur, greiðari aðgang fólks
utan höfuðborgarsvæðisins að
millilandaflugi, hagkvæmni sem
hlýst af rekstri eins flugvallar í
stað tveggja, flutning starfa frá
Reykjavík til Keflavíkur í kjölfar
vaxandi atvinnuleysis á Suður-
nesjum vegna fækkun starfa hjá
Varnarliðinu, hagræn áhrif upp-
byggingar Vatnsmýrarinnar og
þéttingar byggðar sem í því felst.
Þingmaðurinn lætur í það skína
að ekkert kæmi í stað flugvallarins
fyrir atvinnulíf Reykvíkinga. Þarf
að minna þingmanninn á að þetta
landflæmi er í miðbæ Reykjavíkur
sem býður upp á mikla möguleika í
ferðaþjónustu, verslun og viðskipt-
um og skilur samt eftir nægt pláss
fyrir fjölmenna íbúðabyggð. Enda
er umframeftirspurn eftir íbúðar-
húsnæði í miðbæ Reykjavíkur slíkt
að fæstir, sem þess óska, geta leyft
sér að festa kaup á húsnæði þar. Ég
held að ekki sé hægt að fara í þessa
umræðu án þessa að ræða þéttingu
byggðar og möguleika miðbæjar
Reykjavíkur. Einar ber flugvöllinn
saman við lestarstöðvar í London
og í Köben. Heldur Einar að lestar-
stöðvarnar í miðborg London séu
sambærilegar við landflæmið
sem Reykjavíkurflugvöllur þekur?
Samt er London 100 sinnum fjöl-
mennari borg en Reykjavík.
Flugvöllurinn heldur í gíslingu
um helming alls landsvæði sem
nýta má undir miðbæjarbyggð í
Reykjavík! Ég efast um að Lundún-
arbúar væru tilbúnir fyrir slík
skipti. Þétting byggðar er eitt
stærsta hagsmunamál Reykvík-
inga, sem hefur í för með sér: Minni
umferð; færri umferðaslys; minni
útblástursmengun; styttri leiðir og
ferðatíma (til og frá vinnu); minni
fjárfestingu í gatnakerfi og bílum;
hagkvæmari almenningssam-
göngukerfi (aukin tíðni ferða og
meiri skilvirkni); minni slit á gatna-
kerfi og minni eldsneytisnotkun;
betri nýting lands. Þetta eru alvöru
hagsmunir sem skipta ekki síður
máli en ferðatími frá þéttbýlisstöð-
um á landsbyggðinni til Reykjavík-
ur, en virðast ekki vega þungt hjá
þingflokksformanni Sjálfstæðis-
flokksins. Til að svara spurningu
Einars K. Guðfinnssonar, þá þarf
ekki að svipta Reykvíkinga sjálfs-
forræði og hann þarf ekki hafa vit-
ið fyrir okkur. Gæti verið að flutn-
ingur innanlandsflugs til Keflavík-
ur og uppbygging Vatnsmýrar auki
skilvirkni íslensks efnahagslífs,
skapi hagvöxt og ný störf, dragi úr
mengun og auki lífsgæði ? ■
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.
Auglýsingin í
New York Times
Vegna þeirra umræðna sem skap-
ast hafa um fyrirhugaða auglýs-
ingu Þjóðarhreyfingarinnar í New
York Times um Ísland og Íraks-
stríðið hefur Fréttablaðið verið
beðið að birta texta hennar í heild.
Hann fer hér á eftir en nánar má
lesa um málið á vefsíðu hreyfing-
arinnar, thjodarhreyfingin.is. Þar
kemur m.a. fram að í auglýsing-
unni verður nefndur fjöldi þeirra
Íslendinga sem kostuðu birtinguna:
„Við, Íslendingar, mótmælum
eindregið yfirlýsingu íslenskra
stjórnvalda um stuðning við inn-
rás Bandaríkjanna og ,,viljugra“
bandamanna þeirra í Írak í mars
2003. Með þeirri yfirlýsingu voru
brotin íslensk lög, alþjóðalög – og
íslensk lýðræðishefð.
Ákvörðun um stuðning við inn-
rásina tóku forsætisráðherra og ut-
anríkisráðherra Íslands einir án
þess að málið fengi fyrst umfjöllun
í utanríkismálanefnd Alþingis Ís-
lendinga. Er það þó skylt sam-
kvæmt íslenskum lögum, sem
segja að þar skuli fjalla um öll
meiriháttar utanríkismál. Ákvörð-
un þessi hefur hvorki verið af-
greidd formlega frá Alþingi né rík-
isstjórn Íslands.
Kofi Annan, framkvæmdastjóri
Sameinuðu þjóðanna, hefur lýst
innrás Bandaríkjanna og banda-
manna þeirra brot á Stofnsáttmála
Sameinuðu þjóðanna og þar með
brot á alþjóðalögum.
Alþingi Íslendinga neitaði að
lýsa yfir stríði á hendur Þýskalandi
og Japan árið 1945, sem var þá skil-
yrði fyrir stofnaðild að Sameinuðu
þjóðunum. Með stofnaðild að
NATO árið 1949 tóku Íslendingar
sérstaklega fram að þeir myndu
ekki lýsa yfir stríði á hendur
annarri þjóð, enda hefur Ísland
aldrei haft eigin her.
Ákvörðun íslensku ráðherranna
um að styðja innrásina í Írak er til
vansæmdar íslenskri stjórnmála-
sögu og hnekkir fyrir lýðræðið.
Gengið er í berhögg við hefðir
Alþingis Íslendinga, elsta löggjaf-
arþings heims. Allar skoðanakann-
anir hafa sýnt að yfirgnæfandi
meirihluti íslensku þjóðarinnar er
mótfallinn stuðningi íslensku ráð-
herranna við innrásina í Írak.
Við biðjum írösku þjóðina af-
sökunar á stuðningi íslenskra
stjórnvalda við innrásina í Írak.
Við krefjumst þess að nafn Ís-
lands verði umsvifalaust tekið út af
lista hinna „viljugu“ innrásarþjóða.
Ísland hefur átt vinsamleg sam-
skipti við Bandaríkin um langa
hríð. Þau samskipti hafa byggst á
gagnkvæmu trausti og hreinskilni.
Því teljum við skyldu okkar að
koma þessum skoðunum á fram-
færi – bæði við Bandaríkjamenn og
aðrar þjóðir.
Þjóðarhreyfingin – með lýð-
ræði“. ■
VIGFÚS KARLSSON
SKRIFAR UM REYKJAVÍKURFLUGVÖLL
30-51 (30-31) Umræðan 15.12.2004 13.46 Page 3