Fréttablaðið - 16.12.2004, Blaðsíða 20

„Það varð allt vitlaust. Morguninn
eftir að Stöð 2 sagði frá þessu í
fréttum fylltist búðin og hún var
troðfull af fólki frá morgni til
kvölds alveg fram að jólum,“
segir Guðbjörg Jakobsdóttir, sem
rak Bókabúð Árbæjar. Henni
blöskraði bóksala stórmarkað-
anna og hóf að selja kjöt með bók-
unum fyrir jólin 1994. Það gerði
hún í samvinnu við matvöruversl-
unina sem stóð við hlið bókabúð-
arinnar. Það er til marks um
þróun mála að Guðbjörg hætti
rekstri bókabúðarinnar fyrir
fimm árum og hjónin sem ráku
matvöruverslunina brugðu búi og
þar er nú 11-11 verslun.
Kjötsala bóksalans vakti ekki
bara þjóðarathygli heldur heims-
athygli. „Það hringdu fréttamenn
frá Bretlandi, Danmörku og
Þýskalandi þannig að þetta varð
rosa viðburður. Ég átti alls ekki
von á því.“
Hin harða samkeppni knúði
Guðbjörgu til að loka versluninni
fyrir fimm árum. „Ég var ekki
samkeppnishæf. Ég hefði þurft að
eiga fimm svona litlar búðir til að
geta barist við stórmarkaðina.
Það þýddi ekkert að kaupa inn
fyrir þessu einu búð, verðið frá
birgjunum bauð ekki upp á það.“
Guðbjörg var lengi viðloðandi
bóka- og ritfangasölu, bæði áður
og eftir að hún rak Bókabúð Ár-
bæjar. Nú hefur hún hins vegar
snúið við blaðinu og nemur sál-
fræði við Háskóla Íslands. ■
20
MEÐALHÆNAN VERPIR
18 KÍLÓUM AF EGGJUM Á ÁRI
Heimild: Bændasamtök Íslands
SVONA ERUM VIÐ
Á dögunum birtist frétt af því að hópur
Akureyringa íhugi að bjóða fram lista
nýs stjórnmálaafls í næstu þingkosning-
um. Stjórnmálaflokkurinn á að vera
þverpólitískur en eingöngu skipaður
Akureyringum og á að tryggja þing-
mann með búsetu í bænum.
Lára Stefánsdóttir, sérfræðingur um
hagnýtingu upplýsingatækni og vara-
þingmaður Samfylkingar, sem búsett er
á Akureyri, telur þetta ekki réttu leiðina
til að koma sjónarmiðum Akureyringa á
framfæri. „Slíkur hópur yrði einangraður
á þinginu. Akureyringar eiga að reyna
að koma sér eins ofarlega og þeir geta
á framboðslistum stjórnmálaflokkanna.
Það væri ekki minna spennandi að
Akureyringar kjósi þá Akureyringa sem
eru að bjóða sig fram.“
Lára segist þó hafa áhyggjur af því
hversu fáir Akureyringar eru á þingi. „Ak-
ureyri er öflugasti byggðakjarninn utan
Stór-Reykjavíkursvæðisins. Þar þarf að
efla uppbyggingu til að Íslendingar hafi
fjölbreytta búsetumöguleika innanlands.
Á sama tíma þurfum við Akureyringar að
vera dugleg að koma sjónarmiðum
okkar á framfæri alls staðar þar sem við
getum, hvar sem er og hvenær sem er.“
Ragnar Sverrisson, kaupmaður í JMJ og
forsprakki átaksins Akureyri í öndvegi
fer fyrir áhugamönnum um
Akureyrarframboð Akureyringalista
LÁRA STEFÁNSDÓTTIR
Akureyringar
kjósi Akureyringa
AKUREYRARLISTI
SJÓNARHÓLL
Fyrir tveimur mánuðum síðan var
stofnun samtaka um sárameðferð í
burðarliðnum. Baldur Tumi Baldurs-
son húðsjúkdómalæknir sagði í við-
tali við Fréttablaðið að margir hér á
landi þjáist af illlæknanlegum sár-
um. Í öðrum löndum geti hlutfall
slíks sjúklingahóps numið allt að
einu prósenti og engin ástæða sé til
að ætla að því sé öðruvísi farið hér
á landi.
Skömmu eftir að grein Fréttablaðs-
ins birtist voru Sums – samtök um
sárameðferð – stofnuð. Baldur Tumi
segir að það hafi gengið vel fyrir sig.
„Stofnfundurinn var haldinn hinn
28. október á Hótel Sögu og þang-
að mættu fjórir erlendir fyrirlesarar úr
heilbrigðisstétt. Það mættu um 120
manns á málþing um efnið og um
hundrað manns gengu í samtökin
að því loknu,“ segir Baldur.
Á fundinum var stjórn samtakanna
skipuð en hún hefur það verkefni á
sínum snærum að skilgreina hlut-
verk samtakanna. „Stjórnin mun
setja sér markmið og skipa hópa til
að marka stefnu í málum sem
brenna á félagsmönnum. Það var
forsendan fyrir stofnun samtak-
anna.“ Baldur segir að stjórnin eigi
eftir að ákveða á hvaða vettvangi
félagið mun helst beita sér til að
byrja með. „Það gæti til dæmis
verið í rannsóknum á sárum, hvert
rannsóknarferlið á að vera og
þvíumlíkt. Þá mun félagið einnig
halda uppi fræðslu um sárameðferð,
bæði fyrir almenning og starfsfólk í
heilbrigðisgeiranum.“
Mun beita sér fyrir rannsóknum og fræðslu
EFTIRMÁL: STOFNUN SAMTAKA UM SÁRAMEÐFERÐ
16. desember 2004 FIMMTUDAGUR
Baráttan um bóksöluna
Sú var tíðin að bækur voru seldar í bókabúðum og ekki annars staðar. Hin seinni ár hafa stórmarkaðir selt
bækur og höggvið skarð í sérhæfðu bóksalana sem um leið hefur fækkað. Nokkrir þrauka en mislíkar ástand-
ið. Stórmarkaðirnir eru vændir um græðgi og sameining Pennans og Máls og menningar er gagnrýnd.
BÓKSALA Bóksalan fyrir þessi jólin
er nýhafin fyrir alvöru og bækur,
stórar og smáar, streyma úr hill-
um og af borðum verslananna.
Líkt og síðustu ár fást söluvæn-
legustu bækurnar í stórmörkuð-
unum og hefur borðum með þeim
verið komið fyrir inn á milli kjöt-
borða og mjólkurkæla. Drjúgir af-
slættir eru gefnir af jólabókunum
og kaupendum fellur vitaskuld
vel að þurfa að borga sem minnst.
Ekki er óalgeng sjón að sjá inn-
kaupakerrur hlaðnar bókum í
bland við kjötfars, kartöflur og
klósettpappír.
Á tímum hafta og helsis þurfti
sérstakt leyfi upp á vasann til að
fá að selja bækur. Bókaútgefend-
ur veittu leyfin og gættu þess að
fjöldi útgefinna leyfa væri í sam-
ræmi við íbúafjölda á hverjum
stað. Þetta fyrirkomulag lagðist
af fyrir mörgum árum en sumum
bóksölunum verður hugsað til
þess nú þegar hver sem er getur
selt hvað sem er, hvenær sem er,
fyrir hvað sem er. Gagnrýni
þeirra á stórmarkaðasöluna felst
fyrst og fremst í þeirri stað-
reynd að hún fer aðeins fram síð-
ustu þrjár vikur fyrir jól. Eftir
það standa nokkrar kiljur og ein-
staka barnabækur við kassana.
Stórmörkuðunum er sumsé legið
á hálsi fyrir að fleyta rjómann
ofan af.
Sérverslunum með bækur hef-
ur fækkað talsvert en samkvæmt
nýjustu Bókatíðindum eru þær nú
á milli 30 og 40 á landinu öllu. Út-
sölustöðum bóka fjölgar um ann-
að eins fyrir jólin.
bjorn@frettabladid.is
Stuðtækið
vinsæla
F
í
t
o
n
/
S
Í
A

F
I
0
1
1
3
9
6
úr Popptíví
3.990 kr.
Guðjón Smári Agnarsson bóksali:
Óskiljanleg græðgi
JÓLABÓKAFLÓÐIÐ. SMÆRRI BÓKSÖLUM SVÍÐUR BÓKSALA STÓRMARKAÐANNA LÍKT OG UNDANFARIN ÁR.
„Þetta er erfið samkeppni og mér
finnst afar ósanngjarnt þegar
stórmarkaðirnir koma inn á mark-
aðinn og selja bækur í þrjár vikur.
Þetta er þvílík græðgi að maður
varla skilur það,“ segir Guðjón
Smári Agnarsson bóksali í Bóka-
búð Lárusar Blöndal. Hann keypti
verslunina fyrir fimm árum en þá
stóð hún við Skólavörðustíg. Fyrir
nokkrum árum flutti hann sig um
set og inn í Engjateig.
Guðjón Smári segist reyna að
bjóða samkeppnishæft verð en
baráttan sé hörð. „Auðvitað segir
það til sín þegar svona stórir aðil-
ar koma og heimta afslátt og geta
pínt verðið niður.“ Hann segir alls
konar fólk koma í búðina og kaupa
bækur en telur ekki ólíklegt að
einhverjir geri það af hugsjón.
„Ég held að þetta sé ekki síst fólk
sem vill að það ríki samkeppni í
þessari grein. Þeir mættu þó vera
fleiri,“ segir Guðjón Smári og
hlær. Fyrir síðustu jól höfðaði
hann einmitt til þessa hóps þegar
hann auglýsti; „Viltu fákeppni eða
samkeppni – þú velur þegar þú
verslar.“
Auk þess að vera óánægður með
bóksölu stórmarkaðanna síðustu
tuttugu daga fyrir jól á Guðjón
Smári bágt með að skilja hvers
vegna Penninn fékk að kaupa Mál
og menningu. „Það er alveg furðu-
legt að Samkeppnisstofnun skildi
leyfa þessa sameiningu. Í 49 vikur
á ári er einn aðili gjörsamlega ráð-
andi á markaðnum.“ ■
Guðbjörg Jakobsdóttir fyrrverandi bóksali:
Kjöt fylgdi bókunum
SELDI HANGIKJÖT MEÐ BÓKUNUM
Guðbjörg Jakobsdóttir með dóttur sinni
Jónínu og læðunni Lúsíu.
GUÐJÓN SMÁRI AGNARSSON
Skilur ekki að Penninn hafi fengið að kaupa Mál og menningu.
BALDUR TUMI BALDURSSON LÆKNIR
Um hundrað manns gengu í samtökin á stofnfundinum
fyrir einum og hálfum mánuði.
20-21 (24 klst) 15.12.2004 20:36 Page 2