Fréttablaðið - 20.06.2005, Page 40

Tónleikahald erlendra stórsveita hérlendis hefur
velt hundruðum milljóna á ári síðustu tvö ár. Eft-
irspurn eftir miðum á þessa tónleika hleypur á
þúsundum og sló þungarokkshljómsveitin
Metallica aðsóknarmet í fyrrasumar þegar 18
þúsund manns mættu á tónleika sveitarinnar í
Egilshöll. Umfang tónleikahalds er svo mikið hér
á landi að um sjálfstæða atvinnugrein er nánast
að ræða. Á þessu ári mun andvirði miðasölu á er-
lenda tónlistarmenn vera meiri en hálfur millj-
arður króna. En hverjar eru ástæður þessara
fjölda tónleika og þessarar gífurlegu aðsóknar?
Eru tónleikahaldarar að moka inn peningum á
þessu og því óstöðvandi í því að flytja inn erlenda
tónlistarmenn? Sumarið 2004 sló öll met í fjölda
tónleika og aðsókn en sumarið núna er aðeins ró-
legra. Taka verður tillit til þess að verið er að
gera upp Laugardalshöllina og því færri hentug-
ir tónleikastaðir í boði.
EKKI SKJÓTFENGINN GRÓÐI
Tónleikahaldarar segja sögur um skjótfenginn
gróða stórlega ýktar og vara við því að reynslu-
lausir aðilar rói á þessi mið. Í mörg horn beri að
líta og eru sögur á kreiki um að nokkrir hafi far-
ið mjög illa á þessu.
Gróði getur verið nokkur af tónleikahaldi en
áhættan er þó öllu meiri. Oftast er ekki um mjög
fjársterka aðila að ræða og því augljóst að ef illa
fer er fallið mikið.
Einnig er oft samið um að tónlistamennirnir
fái stóran hluta hagnaðar ef einhver er en tón-
leikahaldarinn tekur allt tapið á sig, ef eitthvað
er. Sérstaklega er um slíka samninga að ræða í
tilvikum frægra hljómsveita sem eru vanar að
draga þúsundir aðdáenda til sín.
STERKT GENGI
Helsta ástæða þess að tónlistarmenn flykkjast
hingað til lands er að gengi krónunnar er mjög
sterkt um þessar mundir. Innflutningur á tónlist
er eins og hver annar innflutningur og því njóta
íslenskir tónlistarunnendur háa gengisins í botn.
Tónleikahaldarar segja lítið mega bera út af í
kostnaðinum til að tónleikar standi ekki undir
sér. Því megi búast við að með veikingu krónunn-
ar fækki tónleikum til muna.
Einnig benda tónleikahaldarar á að ef gróði
verður á tónleikum fá tónlistarmennirnir hluta
hans en bera ekkert tap ef verður.
Önnur ástæða þess að tónleikum fjölgar er að
tónleikahald er mun stærri hluti af tónlist en
áður. Bæði vegna minnkandi tekna vegna hljóm-
plötusölu og einnig vegna þess að tónlistarunn-
endur vilja heldur sjá hljómsveitirnir á sviði.
Með nýjustu tækni er erfitt að greina hversu góð
hljómsveitin í rauninni er og því eru tónleikar dá-
lítil prófraun á hæfileika listamannanna. Tónlist-
armenn selja einnig fleiri plötur í kjölfar tón-
leikaferða.
Erlendis er svipað uppi á teningnum, stórar
tónlistarhátíðar njóta mikilla vinsæla og hljóm-
sveitir eru duglegar við að stíga á stokk.
Þriðja ástæðan liggur í því að nokkrir aðilar
bjóða nú tæki og tól til leigu fyrir stórtónleika og
því er samkeppni á því sviði. Samkeppnin verður
til þess að meira er hægt að semja um verð.
HUNDRUÐ MILLJÓNA
Tekjur tónleikahalda eru mjög einhæfar, þær
koma frá seldum miðum og því er hægt að áætla
tekjur hvers tónleikahalds. Tónleikar sem haldn-
ir voru með Metallicu í fyrra sumar slógu öll met
MIÐVIKUDAGUR 15. JÚNÍ 2005 MARKAÐURINN12
Ú T T E K T
Erlendar stórhljómsveitir hafa komið hingað til lands og haldið tónleika fyrir tugi þúsunda gesta að
undanförnu. Síðasta sumar sló öll met en sumarið í ár virðist einnig vera mjög blómlegt. Meira er þó
um þungt rokk heldur en almennt vinsældapopp enda hefur reynslan sýnt að lítill áhugi er fyrir því.
Dögg Hjaltalín skoðar hvort Ísland sé svona rosalega vinsælt að hljómsveitirnar sækist eftir að spila
hér eða hvort skýringarnar megi rekja til sterks gengis krónunnar og minnkandi tekna af plötusölu.
Rokkað fyrir fúlgur fjár
18 ÞÚSUND MANNS MÆTTU Á TÓNLEIKA METALLICU SÍÐASTA SUMAR Slógu öll met og umferðarþunginn eftir því.
EINN FREMSTI TENÓR HEIMS Dýrari tónlistarmenn draga
til sín hóp fólks sem sækir ekki mikið aðra tónleika. Einnig
sjá fyrirtæki sér leik á borði með því að kaupa marga miða
og bjóða viðskiptavinum sínum. Miðar á tónleika slíkra lista-
manna kosta oft tugi þúsunda.
Breiður hópur fólks sækir tónleika er-
lendra listamanna sem koma hingað en
fjölbreytt flóra er í boði, allt frá frægum
óperusöngvurum til harðra þungarokkara.