Fréttablaðið - 20.06.2005, Page 49

og er andvirði seldra miða yfir 100 milljónum
króna. Gróði hefur verið af þeim tónleikum
sem RR stóð fyrir. Nú nýverið stóðu sömu tón-
leikahaldarar fyrir Iron Maiden tónleikum
sem hafa skilað um 65 milljónum króna í tekj-
ur.
Við áætlun á tekjum af hverjum tónleikum
hér á síðunni var stuðst við upplýsingar úr
fjölmiðlum frá tónleikahöldurunum sjálfum.
Talið er að þær tölur séu nokkuð ofáætlaðar
vegna þess að stundum er ekki alveg uppselt
þrátt fyrir að sagt sé að uppselt sé á tónleika.
Einnig er stundum boðsmiðum dreift og því
er ekki hægt að gera ráð fyrir að allir miðar
skili inn tekjum.
Kostnaðurinn sem fylgir tónleikahaldi
liggur ekki einungis í tilkostnaðinum við að fá
tónlistarmennina. Hann felst einnig í auglýs-
ingakostnaði en þær eru oft unnar í samstarfi
við ýmis fyrirtæki sem setja nafn sitt við tón-
leikana og borga þá auglýsingarnar.
SAMÞJÖPPUN
Fyrirtæki Ragnheiðar Hanson, R&R, sem
flutti inn Metallicu og Iron Maiden meðal
annars, er stærst á þessum markaði veltulega
séð. Concert Einars Bárðarsonar er með
mestan fjölda tónleika og næst mesta veltu
samkvæmt töflunni hér á síðunni. Einnig má
nefna Þorstein Stephensen sem er með Hr.
Örlyg og Kára Sturluson meðal tónleikahald-
ara. Hr. Örlygur sér um Icelandic Airwaves
ár hvert.
Tónleikar Concerts hafa jafnan gengið vel
og samkvæmt fjölmiðlum var nánast alltaf
uppselt á tónleika sem það stóð fyrir í fyrra.
Of mikil samþjöppun í viðskiptalífinu er
áhyggjuefni margra og virðist tónleikahald
ekkert frábrugðið. Mun fleiri reyndu fyrir sér
í tónleikahaldi í fyrra en í ár þrátt fyrir að
fjöldinn virðist nokkurn veginn sá sami. Ætli
það megi ekki túlka það svo sem að þeir hæf-
ustu lifa af. Í mörg horn er að líta við tónleika-
hald og virðist reynslan skipta miklu máli til
að vel takist til.
ROKKIÐ LAÐAR
Breiður hópur fólks sækir tónleika erlendra
listamanna sem koma hingað en fjölbreytt
flóra er í boði, allt frá frægum óperusöngvur-
um til harðra þungarokkara. Eins og gefur að
skilja laðar þessi breidd mjög mismunandi fólk
að sér og á mismunandi aldri. Flestir eru þó
sammála um að stór hluti tónleikagesta sé
ávallt sá sami.
Þungarokkssveitir virðast eiga upp á pall-
borðið hjá íslenskum tónleikagestum því
Metallica dró að sér alls 18 þúsund manns og
nú nýlega dró Iron Maiden til sín 10 þúsund
tónleikagesti. Síðasta sumar voru bæði tónleik-
ar með Pink og 50 cent hér á landi, sem ættu að
höfða til ungu kynslóðarinnar en þeir tónleikar
svöruðu ekki tilkostnaði vegna þess að fjöldi
gesta var ekki nægur.
Ekki nægir því fyrir tónleikahaldara að
hafa reynslu heldur verða þeir að vita hvar
áhugi fjöldans liggur því að hann hefur úrslita-
valdið um hvort að tónleikarnir takist eða ekki.
MARKAÐURINN MIÐVIKUDAGUR 15. JÚNÍ 2005 13
Ú T T E K T
Tekjur í
milljónum
R&R
Iron Maiden 65
Megadeath 11
btb/Kári Sturluson
Reykjavík Rocks 59
Duran Duran 18
Queens of the Stone Age/Foo Fighters 18
Concert
Jose Carreras 23
Shadows 11
Joe Cocker 65
Sissel Kirkebo 6
Kiri Te Kanawa 14
Alice Cooper 11
Event
Snoop Dogg 47
Örlygur-Destiny
Airwaves –
Franz Ferdinand 12
Aðrir
Placido Domingo 50
Sonic Youth 8
Robert Plant 23
Samtals: 440
S T Æ R S T U T Ó N L E I K A R N I R Á R I Ð
2 0 0 5 O G Á Æ T L A Ð A R T E K J U R
TÓNLEIKAR MEÐ KEANE VORU EINN AF HÁPUNKTUM AIRWAVES Í FYRRA Hingað steyma hundruð erlendra ferðamanna ár hvert til að fylgjast með innlendum
og erlendum listamönnum. Þeir skilja eftir sig eitthvað af gjaldeyristekjum auk þess sem skemmtunin er ómetanleg í skammdeginu. Icelandair er stærsti styrktaraðilinn
og án stuðnings þeirra væri hátíð á borð við Airwaves varla möguleg.
FRANZ FERDINAND SPILA Á ÍSLANDI Í BYRJUN SEPTEMBER Ein heitasta hljómsveit heims um þessar mundir, en því miður rata of fáar af fremstu hljómsveitum
heims hingað. Rokk og ról virðist draga mun fleiri tónleikagesti til sín og jafnframt mun meiri tekjur. Til dæmis skiluðu tónleikar Metallicu yfir 100 milljónum króna en tón-
leikar með Franz Ferdinand skila ekki nema rúmlega 10 milljónum. Tónleikarnir verða haldnir í Kaplakrika en Laugardalshöll er lokuð um þessar mundir.
GÖMLU KEMPURNAR Í DURAN DURAN Enn er ekki uppselt á tónleika þeirra í lok júní.
SNOOP DOGG SPILAR HÉR Í JÚLÍ
Rapparinn er með þeim allra svölustu.