Fréttablaðið - 29.06.2005, Blaðsíða 4

KAUP
Gengisvísitala krónunnar
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
USD
GBP
EUR
DKK
NOK
SEK
JPY
XDR
65,10 65,42
118,63 119,21
78,82 79,26
10,58 10,64
9,91 9,97
8,38 8,43
0,59 0,60
95,23 95,79
GENGI GJALDMIÐLA 28.06.2005
GENGIÐ
HEIMILD: Seðlabanki Íslands
SALA
110,96 +0,54%
4 29. júní 2005 MIÐVIKUDAGUR
Ár liðið frá því að Írakar fengu fullveldi sitt á ný:
Aldursforseti flingsins rá›inn af dögum
BAGDAD, AP Í gær var ár liðið síðan
Írakar fengu aftur fullveldi sitt eft-
ir innrásina í landið í mars 2003.
Engu að síður er þar róstusamt sem
aldrei fyrr.
Í gærmorgun beið Ahari Ali al-
Fayadh, tæplega níræður aldursfor-
seti íraska þingsins, bana ásamt
syni sínum og lífvörðum í sjálf-
morðssprengjuárás nærri Bagdad.
Fayadh var á leið til þingins þegar
árásin var gerð en hann var fulltrúi
Íslamska byltingarráðsins í Írak,
SCIRI. Þetta er annar þingmaður-
inn sem ráðinn er af dögum síðan
Írakar gengu að kjörborðinu í janú-
arlok.
Al-Kaída í Írak lýsti ábyrgð á til-
ræðinu á vefsíðu í gær en áreiðan-
leiki hennar hefur ekki fengist stað-
festur. Tilræðið var harðlega for-
dæmt en talið er að því sé ætlað að
auka enn á spennu sem fyrir er milli
sjía og súnnía..
Talið er að að minnsta kosti tólf
manns hafi dáið í öðrum árásum í
landinu í gær. Þar á meðal voru
fimm manns sem létust í þremur
bílsprengjuárásum í bænum
Baqouba.
George W. Bush Bandaríkjafor-
seti ávarpaði þjóð sína í gærkvöld í
tilefni afmælis fullveldisframsals-
ins. Efasemdir um réttmæti stríðs-
rekstrarins í Írak gerast æ meiri á
meðal bandarísku þjóðarinnar og
því reyndi Bush að sannfæra hana
um að árangur væri í augsýn. ■
Vel teki› í hugmynd
um óperu í Kópavogi
Frammámenn í Íslensku óperunni taka vel í hugmynd Gunnars I. Birgissonar
um óperuhús í Kópavogi. Menntamálará›herra segir hana til marks um hve
framarlega Kópavogur er í menningarmálum.
ÓPERA Bjarni Daníelsson, óperu-
stjóri Íslensku óperunnar, tekur
vel í hugmynd Gunnars Birgis-
sonar bæjarstjóra Kópavogs um
að reisa óperuhús í Kópavogi.
„Mér finnst þetta góð hug-
mynd, bæði er gott að hún skuli
koma fram sem innlegg í umræð-
una og svo finnst mér hún algjör-
lega óvitlaus. Það sem okkur
dreymir um er auðvitað vinnuað-
staða fyrir óperuna og aðrar
greinar tónlistarleikhúss en ekki
það að geta hlaupið inn í einhvern
fjölnotasal við og við,” segir
Bjarni.
Hingað til hefur umræðan um
Óperuna snúist um aðstöðu henn-
ar í væntanlegu tónlistarhúsi í
Reykjavík en ekki er gert ráð fyr-
ir að það hús verði sérhannað fyr-
ir Óperuna. Gunnar Birgisson
hefur látið vinna frumteikningar
að óperuhúsi en hugmyndin hefur
hvorki verið lögð fyrir bæjar-
stjórn né Íslensku óperuna.
„Mér finnst þetta kristalla það
og draga skarplega fram hvað
Kópavogur er framarlega í menn-
ingarmálum,” segir Þorgerður
Katrín Gunnarsdóttir mennta-
málaráðherra um hugmynd Gunn-
ars. Hún segir að í ágúst verði val-
inn hönnuður að tónlistarhúsi og
þá fari línur að skýrast. „Það hef-
ur verið tekið tillit til óska óperu-
unnenda og kröfunum breytt í
samræmi við það. Það á að vera
hægt að flytja óperur með fram-
bærilegum hætti í húsinu,” segir
Þorgerður. Hún bendir á að Ís-
lenska óperan fái einungis styrki
frá ríkinu og sé ekki ríkisstofnun
og því ekki sjálfgefið að ríkisvald-
ið taki þátt í rekstri óperuhúss.
„Við munum vera tilbúin til að
skoða þetta og velta fyrir okkur
tölunum,” segir Jón Karl Ólafsson
varaformaður stjórnar Íslensku
óperunnar. Júlíus Vífill Ingvars-
son, stjórnarmeðlimur, tekur und-
ir með Jón Karli og fagnar athygl-
inni sem Gunnar veiti þessu máli.
„Það er tímabært að það komi
fram á opinberum vettvangi við-
brögð við nauðsyn þess að skapa
þessari listgrein umgjörð til
framtíðar sem henni sæmir,” seg-
ir Júlíus.
rsg@frettabladid.is
Bandamaður Sýrlands:
Berri kosinn
flingforseti
BEIRÚT, AP Þrátt fyrir að andstæð-
ingar Sýrlandsstjórnar hafi unnið
sigur í líbönsku þingkosningunum
á dögunum var
einn helsti
b a n d a m a ð u r
S ý r l e n d i n g a
kjörinn forseti
þingsins í gær.
Nabih Berri,
leiðtogi sjía-
hreyfingarinn-
ar Amal, hefur
gegnt embætt-
inu um margra
ára skeið og í
gær var hann
endurkjörinn með yfirgnæfandi
meirihluta. Talið er að með kjörinu
hafi andstæðingar hans viljað
rétta fram sáttahönd og koma í veg
fyrir að Hizbollah-hreyfingin yrði
of öflug.
Samkvæmt kosningakerfi Lí-
bana er staða þingforseta eyrna-
merkt sjíum. ■
Framsókn í Kópavogi:
Efnir til
prófkjörs
STJÓRNMÁL Framsóknarmenn í
Kópavogi efna til opins prófkjörs
til að velja sex efstu frambjóðend-
ur flokksins til bæjarstjórnar-
kosninga næsta vor.
Prófkjörið verður haldið á
tímabilinu 29. október til 20. nóv-
ember í haust og geta allir Kópa-
vogsbúar, átján ára og eldri, kos-
ið. Þeir einir geta gefið kost á sér
sem eru flokksbundnir framsókn-
armenn.
Prófkjörið er bindandi séu nið-
urstöður þess í samræmi við regl-
ur Framsóknarflokksins sem
tryggja hvoru kyni um sig minnst
40% fulltrúa. Það þýðir að þrjár
konur og þrír karlar eiga að rað-
ast í sex efstu sætin, ella er próf-
kjörið óbindandi. - bþg
VEÐRIÐ Í DAG
DANMÖRK
SE OG HØR DÆMT VEGNA
MYNDA
Undirréttur í Kaupmannahöfn
hefur dæmt danska slúðurtíma-
ritið Se og Hør til að greiða
dönsku leikkonunni Anne Lou-
ise Hassning rúmar 200.000 ís-
lenskar krónur í skaðabætur.
Blaðið hafði fjallað um leikkon-
una sem lék í sjónvarpsþáttun-
um Kroniken og birt nektar-
myndir af henni úr kvikmynd-
inni Idioterne með klúrum til-
vísunum. Það taldi dómurinn
ólöglegt.
EIGINMAÐUR RÁÐHERRA
SEKTAÐUR Jørgen Tørnæs,
svínabóndi og eiginmaður Ullu
Tørnæs þróunarsamvinnuráð-
herra, var í gær dæmdur til að
greiða tæpar tvær milljónir ís-
lenskra króna í sekt fyrir að
ráða Úkraínumenn og Letta
sem voru án atvinnuleyfis til að
vinna á búgarði sínum. Ekki er
talið að eiginkona hans segi af
sér en málið þykir engu að síð-
ur vandræðalegt fyrir ríkis-
stjórnina.
BÍLSPRENGJA SPRAKK Ekki var mikið eftir af bíl þingmannsins al-Fayadh sem lést eftir að
bíll hans var sprengdur.
ÚRSLITUNUM
FAGNAÐ Mikil gleði
ríkti í hverfum sjía. FRUMTEIKNING AÐ ÓPERUHÚSINU Óperustjórinn Bjarni Daníelsson hafði ekkert heyrt af hugmynd Gunnars.
Eldsneytisverð:
Skeljungur
hækkar
NEYTENDUR Olíufélagið Skeljung-
ur fylgdi í gær í kjölfar annarra
olíufyrirtækja í landinu og
hækkaði eldsneytisverð á stöðv-
um sínum til samræmis við Olís
og Esso.
Er því lítraverð á stöðvum
þessara aðila fyrir 95 oktana
bensín í sjálfsafgreiðslu alls
staðar 110,20 krónur og 58,10
krónur fyrir lítra af díselolíu.
Verð á sjálfsafgreiðslustöðvum
Ego, Atlantsolíu, Orkunnar og
ÓB er einnig að mestu hið sama
yfir línuna. Þar fæst 95 oktana
bensínlítrinn á 108,90 krónur og
lítri af díselolíu á 56,70 krónur.
Tekið skal fram að í töflu með
grein um eldsneytisverð í fyrra-
dag var tilgreint rangt verð á
díselolíu. -aöe