Fréttablaðið - 29.06.2005, Blaðsíða 12

12 29. júní 2005 MIÐVIKUDAGUR
Hlú› a› verkum
Samúels í Selárdal
Viðgerð á listaverkum
Samúels Jónsson í Selár-
dal hófst á síðasta ári og
er fram haldið í sumar.
Félag um endurreisn
safns hans stendur að
framkvæmdunum og
hlaut nýlega tvo styrki
til verksins.
Selárdalur er einn svonefndra
Ketildala í Arnarfirði sunnan-
verðum. Í eina tíð var dalurinn
þéttbyggður fólki en tekið var að
fækka þegar Samúel Jónsson bjó
að Brautarholti í mynni dalsins,
þaðan sem tilkomumikil sýn er
yfir fjörðinn að Lokinhömrum og
Hrafnabjörgum.
Samúel var kominn á efri ár
þegar hann réðist í að reisa kirkju
og listasafn á jörð sinni, auk lista-
verka. Norðanáttin á greiða leið
inn í dalsmynnið og á henni hafa
hús og verk Samúels fengið að
kenna.
Fyrir sjö árum var félag um
endurreisn listasafns Samúels
stofnað en auk þess að stuðla að
viðgerðum og viðhaldi listaverk-
anna er því ætlað að kynna verk
Samúels innan lands og utan.
Á dögunum bárust félaginu
tveir styrkir, annar úr Minningar-
sjóði Margrétar Björgólfsdóttur
og hinn úr Þjóðhátíðarsjóði, og
renna peningarnir í viðgerðir og
viðhald.
Ólafur J. Engilbertsson sagn-
fræðingur situr í stjórn félagsins
og segir hann ástand verkanna
hafa verið mjög slæmt þegar haf-
ist var handa við viðgerðirnar.
Þýski myndhöggvarinn Gerhard
König var fenginn til verksins og
er hann væntanlegur vestur aftur
í sumar. „Það kostar um þrjár
milljónir króna að gera við lista-
verkin,“ segir Ólafur en hann og
aðrir félagsmenn hafa sett sér
enn háleitari markmið um framtíð
Brautarholts í Selárdal. „Félagið
hefur áhuga á því að gera húsið
íbúðarhæft svo fræði- og lista-
menn geti haft þar aðsetur og
haldið sýningar.“ Verði ráðist í
það má ætla að heildarkostnaður
nemi um tíu milljónum króna.
Þegar hefur húsið verið lagfært
að innanverðu en er þó fjarri því
að vera íbúðarhæft. Landbúnaðar-
ráðuneytið kostaði þær fram-
kvæmdir en ráðuneytið hefur, lög-
um samkvæmt, formleg yfirráð
yfir jörðinni.
Ólafur J. Engilbertsson hefur
lengi haft áhuga á Samúel í Selár-
dal, sögu hans og verkum. „Ég ólst
upp á Vestfjörðum og frétti að
þarna í dalnum væri ævintýra-
garður sem væri að grotna niður.“
Ólafur gerði heimildarmynd
um Samúel með Kára Schram
kvikmyndagerðarmanni og legg-
ur nú sitt af mörkum svo verk
hans varðveitist komandi kyn-
slóðum til ánægju og yndisauka.
bjorn@frettabladid.is
ELÍS ÁRNI SIGURÐSSON ÖSKUBÍLSTJÓRI
Líst vel á fletta
ÓPERUHÚS Í KÓPAVOG
SJÓNARHÓLL
Það verður að segjast eins og er
að Mýrdalssandur er lengri en
hann lítur út fyrir að vera. Þar er
fátt að sjá og ekki bætti úr skák
rigningin í upphafi göngunnar.
Það rættist þó úr veðrinu þegar
leið á daginn og undir lokin geng-
um við í ljómandi gönguveðri.
Okkur bættist félagsskapur á síð-
ustu kílómetrunum; Þorgerður
Ragnarsdóttir, framkvæmdastjóri
Sjónarhóls, slóst í för með okkur
og var hin hressasta. Ekki spillti
fyrir að eftir gönguna bauð hún
upp á brennivínstár og hákarl. Það
er gott að fá smá kraft í kroppinn
eftir erfiðan dag. Hákarlinn var frá
Hildibrandi í Bjarnarhöfn en
Brennivínið kom úr Ríkinu.
Bjarki og Tómas skiptu Sandinum með
sér en Bjarki kennir sér ennþá smá-
meins í fótum og þarf því að hvíla sig
eftir um tíu kílómetra göngu. Við höfum
í flimtingum að þegar Bjarki hvílir sig
leiði skakkur blindan því Tómas var ekki
undir göngu búinn og er því orðinn hálf
skakkur af öllu þessu labbi.
Áfram er arkað og í gær komum við á
Kirkjubæjarklaustur. Við brugðum okkur út
af þjóðveginum og gengum gamla veginn
í eldhrauninu. Þar er afskaplega fallegt og
gott að vera lausir við alla umferð.
Rétt er að geta þess í lokin að á mánu-
dag fundum við ýmsa nytsamlega hluti
á göngu okkar, til dæmis gaffal, skóhorn,
penna og ágætis geisladisk. Munu þessir
hlutir nýtast vel þegar á líður.
Kveðja, göngugarpar.
Hákarl og brennivínstár eftir M‡rdalssand
HALTUR LEIÐIR BLINDAN: PÓSTKORT FRÁ BJARKA OG GUÐBRANDI
nær og fjær
„Ég er gömul í hettunni
og vinn enn flá út frá
l‡rískum abstraktsjón-
um.“
SIGRÚN GUÐJÓNSDÓTTIR,
BÆJARLISTAMAÐUR Í HAFNARFIRÐI,
Í MORGUNBLAÐINU.
„Brú›ardansinn var á
sínum sta› og gestirnir
dönsu›u dálíti› í stof-
unni.“
RAGNAR PÁLL ÓLAFSSON,
NÝKVÆNTUR DAGSKRÁRGERÐARMAÐ-
UR Á RÁS 2, Í FRÉTTABLAÐINU.
OR‹RÉTT„ “
Skammtaði matinn
og stal
frá okkur
milljónum
BORGARSTARFSMAÐUR STAL FRÁ GEÐFÖTLUÐUM
„Hún var ekki góð við okkur”
Grasið endurnýtt:
Bláfjöll ver›a
græn
Mörgum hefur leikið forvitni á að
vita hvað verður eiginlega um allt
grasið sem er slegið á túnum höf-
uðborgarsvæðisins. Fréttablað
Eflingar-stéttarfélags gerði mann
út af örkinni til að komast að hinu
sanna og viti menn: svar fékkst.
„Við nánari eftirgrennslan hjá
borginni komumst við að því að
mikið af grasinu fer til upp-
græðslu t.d. í Bláfjöllum þar sem
því er ekið á ógróna mela og í
svörð sem er skaddaður eftir
þungavinnuvélar sem hafa verið
að koma fyrir skíðatólum og tækj-
um,“ segir í Fréttablaði Eflingar.
Bláfjöll eru á vatnsverndar-
svæði og þess vegna settar
strangar hömlur á notkun hefð-
bundinna áburðaefna. Því hefur
verið gripið til þess ráðs að græða
svæðið upp með garðúrgangi úr
Reykjavík. Atorkusamir vinnu-
skólanemendur hafa unnið sumar-
langt að því að dreifa efninu og
sáð svo yfir og er árangurinn víst
býsna góður. ■
Gunnar I. Birgisson, bæjarstjóri í Kópa-
vogi hefur lagt til að Íslenska óperan fá
nýtt húsnæði í Kópavogi á lóð sunnan
við Gerðarsafn. Hann telur að húsið
muni kosta á bilinu einn og hálfan til
tvo milljarða króna.
„Fljótt á litið finnst mér þetta góð hug-
mynd,“ segir Elís Árni Sigurðsson,
öskubílsstjóri og Kópavogsbúi, um
hugmyndina. „Gunnar er að hugsa um
að efla sinn bæ og styrkja á menning-
arsviðinu og það er hið besta mál.“
Sjálfur sækir Elís ekki óperur og býst
ekki við því að það muni breytast þó
að óperuhús rísi í bænum. „Ég held þó
að allir séu hlynntir því að hafa öflugt
menningarlíf í bænum.“
Elís Árni segir að það þurfi að skoða
útfærsluna nánar áður en lengra er
haldið og auðvitað eigi ríkið að koma
að kostnaðinum, því allir landsmenn
hagnist jú á nýju óperuhúsi.
SLÁTTUR Slegið gras er notað til upp-
græðslu á ógrónum melum.
MEÐ SELUM, LJÓNUM OG MÖNNUM Samúel Jónsson stendur við listaverk sín í Brautarholti í Selárdal í Arnarfirði. Samúel lést 1969
en myndina tók myndlistamaðurinn Ragnar Páll 1965.
LJÓNAGOSBRUNNURINN SELUR FÆDDUR
ÓLAFUR J. ENGILBERTSSON
FR
ÉT
TA
B
LA
Ð
IÐ
/G
VA
FR
ÉT
TA
B
LA
Ð
IÐ
/V
IL
H
EL
M