Fréttablaðið - 29.06.2005, Blaðsíða 38

MIÐVIKUDAGUR 29. JÚNÍ 2005 MARKAÐURINN14
F Y R I R T Æ K I
F Ó L K Á F E R L I
Erlendur Hjaltason, forstjóri
fjárfestingarfélagsins Exista,
segir gott ráð vera að hafa í
huga að betra er að taka ranga
ákvörðun en enga. Þetta segir
hann eiga við bæði í einka-
lífinu og viðskiptum.
„Það er þannig að menn
þurfa oft að vera snöggir og
ekki láta hlutina drattast of
lengi,“ segir Erlendur.
„Það gerist ekkert nema
menn taki ákvarðanir og þótt
menn taki vitlausar ákvarð-
anir þá þurfa menn bara að
læra af því,“ segir hann. Þetta
sé betra en að lifa í stöðugum
ótta um að taka rangar ákvarð-
anir og fresta þeim af þeim
sökum.
Erlendur segist alltaf hafa
þetta ráð í huga og reyna að
beita því sem oftast. „Það er
alltaf betra að taka ákvörðun
en að fresta henni,“ segir hann.
„Menn eiga ekki að vera
hræddir við að taka ákvarðan-
ir yfir höfuð. Það gerist aldrei
neitt nema maður taki ákvarð-
anir,“ segir Erlendur. - þk
B E S T A R Á Ð I Ð
Steinar Árnason er varaforseti sænska fyrir-
tækisins Audiopro. Steinar og
félagi hans, Stefan Pantz-
ar sem titlaður er for-
seti, komu að rekstr-
inum árið 1995 en
fyrirtækið hafði þá
starfað frá árinu
1978.
Audiopro framleiddi
upphaflega ýmsa aukahluti
fyrir hljómtæki en hagur fyrirtæk-
isins vænkaðist þegar hönnuðurinn Karl
Erik-Stohl fann upp svokallaða A-Space
tækni sem gerði mönnum kleift að minnka
magnara sem fylgdu með tækjum fyrir-
tækisins án þess að það kæmi niður á gæðum.
TUTTUGU ÁRUM Á UNDAN
Steinar segir þessa uppfinningu hafa verið
langt á undan sinni samtíð: ,,Þetta var tæp-
um tveimur áratugum á undan. Enda var
einkaleyfið selt til japanska framleiðandans
Yamaha árið 1991. Þeir höfðu þá fundið ná-
kvæmlega sömu lausn og Audiopro rúmum
fimmtán árum áður“.
Þegar Steinar og Pantzer tóku yfir
reksturinn hafði fyrirtækið átt í basli í
nokkurn tíma: ,,Það var svona upp úr 1992
sem fór að syrta í álinn. Smekkur fólks á
hljómtækjum breyttist og Audiopro náði
ekki að aðlagast“.
Steinar og Pantzer hafa verið viðskiptafé-
lagar lengi og höfðu meðal annars umboð
fyrir Kenwood-hljómtæki í Svíþjóð. Þeir
komust að þeim möguleikum sem búa í Audi-
opro-vörumerkinu þegar þeir hjálpuðu við
sölu á lager fyrirtækisins þegar hvað verst
gekk: ,,Varan hreinlega rauk út. Við sáum
strax að þetta var einstakt tækifæri. Nafnið
sjálft er gríðarlega verðmætt“.
PUTTINN Á PÚLSINUM
Árið 1995 kaupa þeir félagar svo Audiopro.
Steinar keypti þrjátíu prósenta hlut og
Pantzer það sem eftir stóð. Þeir félagar náðu
fljótlega að snúa blaðinu við og koma fyrir-
tækinu á réttan kjöl. Steinar segir lykilinn að
viðsnúningnum hafa verið að fylgjast með
breytingum á markaðnum: ,,Maður þarf að
vera með puttann á púlsinum og fylgjast með
breytingum á háttalagi fólks. Það sjáum við
bara í dag með MP3 byltingunni. Þetta kallar
allt saman á breyttar áherslur“.
Audiopro er með höfuðstöðvar í Helsingi-
borg og hjá fyrirtækinu vinna ellefu manns
að eigendunum meðtöldum. Þessir ellefu sjá
um allt; markaðssetningu, hönnun, bókhald
og allt sem rekstrinum við kemur. Fram-
leiðslan sjálf og lagerinn eru hins vegar boð-
in út: ,,Framleiðslan fer fram í Kína. Við
segjum oft að við séum ekki með neinn bak-
poka, það eru engar byrðar sem við þurfum
að bera eða takmarkanir sem koma í veg
fyrir að fyrirtækið vaxi og dafni“.
Upphaflega einblíndi Audiopro á markaði í
nágrannalöndunum Danmörku og Noregi.
Það var síðan árið 2000 sem ákveðið var að
ráðast í frekari útrás: ,,Nú er Audiopro að
finna í verslunum um allan heim. Í 35 löndum
held ég. Afríka er eina heimsálfan þar sem
ekki er hægt að nálgast vörur frá okkur“.
Steinar bætir við að útrásin hafi gengið
vonum framar: ,,Við erum nýjasta fyrirtækið
á alþjóðamarkaðnum og ég held ég fari með
rétt mál þegar ég segi okkur eina fyrirtækið
sem er að auka markaðshlutdeild
sína. Við erum að keppa við
gríðarlega rótgróin fyrir-
tæki“.
HÁTALARI EKKI SVART-
UR KASSI
Á stefnuskrá Audiopro er
að framleiða gæðavöru á
góðu verði: ,,Þú færð ekki betri
hljómgæði en í vörunum frá okkur“,
segir Stefán og bætir við að fólk verði að hafa
efni á á græjunum: ,,Við reynum að hafa vör-
una á viðráðanlegu verði“.
Þegar tækjakostur Audiopro er skoðaður
vekur strax athygli hversu litríkar og beinlín-
is óvenjulegar í útliti margar afurðanna eru:
,,Fyrir mörgum kann hátalari að vera einhver
stór svartur kassi. En ekki fyrir okkur. Þeir
geta komið í öllum stærðum og gerðum, ótelj-
andi litum og formum“.
Aðspurður um fjárhag fyrirtækisins segir
Steinar hann standa traustum fótum: ,,Á
síðasta ári veltum við í kringum 14 milljónum
Bandaríkjadala“. Hann vill þó ekki gefa upp
hagnað fyrirtækisins en segir afganginn hafa
verið talsverðan: ,,Við kvörtum ekki“, segir
hann.
Steinar er greinilega ánægður með lífið og
segir það forréttindi að fá að starfa við
áhugamál sitt: ,,Ég hef alltaf haft brennandi
áhuga á tónlist, var meira segja í Íslendinga-
bandi í Gautaborg í gamla daga. Hljómsveitin
hét Vikivaki og kom einu sinni til Íslands og
spilaði í Tónabæ og Stapa“.
Hann segir andann innan fyrirtæksins frá-
bæran: ,,Við erum allir eins. Lifum allir fyrir
tónlistina og erum í raun bara að vinna að
hobbíinu“.
Audiopro:
Höfuðstöðvar: Helsingborgs, Svíþjóð
Forseti: Stefan Pantzer
Varaforseti: Steinar Árnason
Starfsmenn: Ellefu að eigendunum meðtöldum
Velta: 14 milljónir Bandaríkjadala
árið 2004
Alls staðar nema í Afríku
Steinar Árnason á þrjátíu prósent hlut í sænska fyrirtækinu Audiopro sem sér-
hæfir sig í hönnun hljómtækja og velti á síðasta ári 14 milljónum Bandaríkja-
dala. Steinar spjallaði við Jón Skaftason og fræddi hann um fyrirtækið.
THOMAS MÖLLER hefur tekið við stöðu
framkvæmdastjóra Aalborg Portland Ís-
landi ehf. Hann er
hagverkfræðingur
að mennt og hefur
starfað við fram-
kvæmdastjórn hjá
nokkrum fyrir-
tækjum, síðast sem
framkvæmdastjóri
Thorarensen Lyfja
ehf. Aalborg
Portland Íslandi ehf. sem er í eigu Aal-
borg Portland AS í Danmörku hefur
starfað hér á landi í fimm ár við mark-
aðssetningu og dreifingu á hágæða
sementi. Félagið rekur tvö sex þúsund
tonna síló fyrir laust sement í Helguvík
og dreifingarmiðstöð fyrir pakkað sem-
ent á sama svæði. Flutningabílar félags-
ins dreifa lausu sementi um allt land.
Pakkað sement frá Aalborg Portland er
selt í byggingavöruverslunum og múr-
búðum víða um land. Aalborg Portland
AS í Danmörku flytur út sement til um 70
landa. Félagið er meðal stærstu fram-
leiðenda á sementi í Evrópu og rekur
sementsverksmiðjur í Danmörku,
Malasíu, Kína, Egyptalandi og í Banda-
ríkjunum.
KRISTÍN RAFNAR hefur hafið störf sem
forstöðumaður skráningarsviðs Kaup-
hallarinnar. Kristín
er viðskiptafræðing-
ur frá Háskóla Ís-
lands og MA í þjóð-
hagfræði frá Ohio
State University.
Kristín starfaði um
árabil í Landsbanka
Íslands, meðal ann-
ars sem framkvæmdastjóri.
STEINAR ÁRNASON VARAFORSETI AUDIOPRO Segir Audiopro keppa við rótgróin fyrirtæki, en segir reksturinn gangi
vel og að Audiopro sé eina fyrirtækið á markaði sem sé að auka markaðshlutdeild sína.
ERLENDUR HJALTASON Forstjóri Exista þarf eflaust að taka margar ákvarðanir í starfi
sínu.
Fr
ét
ta
bl
að
ið
/H
ei
ða
Dömuúr 18kt gull og
eðalstál, sett alls
59 demöntum 26pt. VVS.
Perluskel í úraskífu sett
12 demöntum.
Betri er röng ákvörðun en engin
Íslandsbanki
opnar í Köben
Styrkja viðskiptasam-
bönd á Norðurlöndum.
Íslandsbanki opnar söluskrif-
stofu í Kaupmannahöfn í Dan-
mörku í september. Meginhlut-
verk hennar verður að styrkja
viðskiptasambönd Íslandsbanka
við fyrirtæki og fjármála-
stofnanir á Norðurlöndunum
einkum í Danmörku. -dh