Fréttablaðið - 09.03.2006, Page 12

12 9. mars 2006 FIMMTUDAGUR
NISSAN MICRA
MICRA
AKSTURSLAG!
Verð frá 1.360.000 kr.
6 diska geislaspilari, lyklalaus,
sjálfvirkar rúðuþurrkur.
MICRA er betra!
Nissan Micra
ÞÚ
BO
RGAR AÐEINS*
ÞÚSUND Á MÁN
UÐ
I!
17
*Mánaðarleg greiðsla 16.816 kr. Miðað við 20% útborgun og bílaálán frá VÍS í 84 mánuði.Sævarhöfða 2 Sími 525 8000 www.ih.is Opið: Mán – fös kl. 9-18 og lau kl. 12-16
E
N
N
E
M
M
/
S
ÍA
/
N
M
2
0
6
9
6
*Mánaðarleg greiðsla 16.367 kr. miðað við
20% útborgun og bílasaming í 84 mánuði
AFGANISTAN, AP Í Afganistan er
vorið á næsta leiti og hundruð
bænda eru byrjuð að hlúa að sprot-
um ópíumvalmúans sem er að
skríða upp úr jörðinni. Uppskeran
virðist ætla að verða með stærra
móti.
Starfsmenn afgönsku fíkni-
efnalögreglunnar reyna hvað þeir
geta til þess að uppræta valmú-
ann. Í gær hófust fjölmennir hópar
handa við að eyðileggja akrana í
Helmand, helsta ópíumræktar-
svæði landsins. Starfsmenn hins
opinbera óku þar um akrana á
dráttarvélum og nutu til þess
verndar þúsunda afganskra lög-
regluþjóna og hermanna meðan
ópíumbændurnir og fjölskyldur
þeirra fylgdust með lítt hrifin.
Hvenær sem er má búast við
árásum á þá sem standa í þessum
aðgerðum, annað hvort frá vopnuð-
um hópum fíkniefnasmyglara eða
frá talibanasveitum, sem hafa heit-
ið því að verja ópíumbændurna.
Næstum því níutíu prósent af
öllu ópíumi og heróíni í heiminum
eru enn þann dag í dag ræktuð í
Afganistan, þrátt fyrir að ríki heims
hafi dælt hundruðum milljóna dala í
baráttuna gegn eiturlyfjasölum frá
því talibanastjórninni var steypt af
völdum árið 2001.
Aðgerðirnar eru fjármagnaðar
af Bretum og Bandaríkjamönnum,
en búast má við því að það taki ára-
tugi að fá bændur í Afganistan til
þess að hætta að rækta valmúa,
sem þrífst vel í hrjóstrugri jörð-
inni sem sólin skín ótæpilega á.
Sams konar herferð í Taílandi hafði
staðið í aldarfjórðung áður en hún
fór að skila verulegum árangri.
Haji Abdul Karim, bóndi í
Kandahar, segist ekki geta brauð-
fætt börnin sín átta án þess að
rækta valmúann á þeim fimm
hektörum sem hann hefur til
umráða.
„Ég á enga aðra kosti,“ segir
hann. „Ég er ekki hrifinn af því að
rækta valmúa. Ef ég gæti aflað
fjár með einhverjum öðrum hætti
myndi ég ekki rækta hann.“
Til þess að flækja málin enn
frekar njóta bændur á borð við
Abdul Karim gjarnan verndar
vopnaðra hópa fíkniefnasmyglara.
Hótanir hafa borist um árásir á
upprætingarsveitir lögreglunnar.
Á síðasta ári týndu nokkrir úr
þeim sveitum lífinu við störf sín.
Vonast er til þess að um tuttugu
þúsund hektarar verði eyðilagðir
áður en uppskerutíminn hefst, en
alls má reikna með að ópíumval-
múi verði ræktaður á um 130 þús-
und hektörum í Afganistan í ár.
gudsteinn@frettabladid.is
ÓPÍUMVALMÚINN EYÐILAGÐUR Starfsmenn fíkniefnalögreglunnar í Afganistan aka nú um
ópíumakra landsins á dráttarvélum og eyðileggja uppskeruna meðan bændur og fjölskyld-
ur þeirra fylgjast með lítt hrifin. MYND/AP
Ráðist gegn
valmúarækt
Ópíumbændur í Afganistan fylgjast lítt hrifnir með
því þegar lögreglumenn gera sitt besta til að eyði-
leggja akrana. Útlit er fyrir gríðarlega uppskeru í ár.
LOÐIN TÍSKA Tískumódel skartar loð-
feldum í Frankfurt í Þýskalandi í gær, en
tískusýningin Loðfeldir og tíska, eða Fur &
Fashion, hófst þar í dag. FRÉTTABLAÐIÐ/AP
VÍN, AP Íranar hóta Bandaríkjun-
um „tjóni og sársauka“ í beinu
framhaldi af þeirri áherslu sem
Bandaríkin hafa lagt á að draga
írönsk stjórnvöld fyrir Öryggis-
ráð Sameinuðu þjóðanna.
„Bandaríkin búa yfir mætti til
þess að valda tjóni og sársauka,“
segir í yfirlýsingu frá írönskum
stjórnvöldum, sem stíluð var á
stjórn Alþjóðakjarnorkumála-
stofnunarinnar, sem kom saman í
Vínarborg til þess að ræða stefnu
Írans í kjarnorkumálum.
„En Bandaríkin geta líka orðið
fyrir tjóni og sársauka, þannig að
ef þetta er leiðin sem Bandaríkin
vilja kjósa skulum við láta boltann
rúlla,“ sagði enn fremur í yfirlýs-
ingunni.
Íranar harðorðir í yfirlýsingu:
Hóta Bandaríkjun-
um sársauka og tjóni
Á FUNDI ALÞJÓÐLEGU KJARNORKUMÁLA-
STOFNUNARINNAR Ali Asghar Soltanieh,
sendifulltrúi Írans hjá stofnuninni, spjallar
við Yukiya Amand, yfirmann stofnunarinn-
ar. MYND/AP
LÖGGÆSLA Björn Bjarnason, dóms-
og kirkjumálaráðherra, segir að ekki
standi til að færa löggæslu frá rík-
inu til sveitarfé-
laga en Steinunn
Valdís Óskarsdótt-
ir borgarstjóri vill
að það verði gert.
Töluverð
umræða hefur
vaknað um
öryggismál í
Reykjavík eftir
tvær hníf-
stunguárásir við
Tryggvagötu um síðastliðna helgi.
Steinunn hefur oft opinberað þá
skoðun sína að löggæsla væri í
betri höndum hjá sveitarfélögun-
um heldur hjá ríkinu þar sem
öryggismál standi sveitarfélögun-
um að mörgu leyti nærri en rík-
inu.
Fyrir Alþingi liggur nú frum-
varp til breytinga á lögreglulögum
sem unnið hefur verið að síðan
2003. Að sögn Björns miðar það að
því að efla lögreglulið með stækk-
un umdæma, sem ná yfir mörg
sveitarfélög, til dæmis á höfuð-
borgarsvæðinu. „Við gerð þessa
frumvarps var haft samráð við
fjölmarga, þar á meðal sveitar-
stjórnarmenn, án þess að tillögur
um flutning löggæslu til sveitarfé-
laga kæmi til. Að borgarstjórinn í
Reykjavík skuli vera þessarar
skoðunar er á skjön við þau sjónar-
mið, sem lögð hafa verið til grund-
vallar í þessu starfi. Flokksbræður
borgarstjóra, sem eiga sæti á
Alþingi, hafa ekki viðrað þessa
skoðun.“ -mh
Björn Bjarnason segir ótímabært að ræða um flutning löggæslu til sveitarfélaga:
Löggæsla fer ekki til sveitarfélaga
BJÖRN BJARNASON Löggæsla verður ekki
færð frá ríki til sveitarfélaga.
FRÉTTABLAÐIÐ/VILHELMSTEINUNN VALDÍS
ÓSKARSDÓTTIR
HAAG, AP Lögmenn Serbíu hófu máls-
vörn sína fyrir Alþjóðadómstólnum
í Haag í Hollandi í gær í máli Bosníu
gegn Serbíu-Svartfjallalandi vegna
stríðsglæpa og þjóðarmorðs.
Þetta er í fyrsta sinn sem ríki er
ákært fyrir þjóðarmorð. Lögmenn
Serbíu segja stjórnina ekki hafa vilj-
andi reynt að útrýma múslimum í
Austur-Bosníu, og reyna að aðskilja
milli Serbíu og þáverandi stjórnar
Slobodan Milosevic. Serbía-Svart-
fjallaland er þjóðréttarlegur arftaki
gömlu Júgóslavíu, en talið er að um
200.000 manns hafi tapað lífi þar í
byrjun tíunda áratugarins.
Gert er ráð fyrir að dómstóllinn
skili niðurstöðu á næsta ári. - smk
Alþjóðadómstóllinn:
Serbía hefur
málsvörn
NÝBÚAR Einstaklingum sem fá
íslenskt ríkisfang hefur fjölgað
ört á síðustu árum.
Árið 2005 voru þeir 726 saman-
borið við 161 árið 1991. Mest fjölgun
varð á milli áranna 2003 og 2004 en
þá fjölgaði þeim sem öðluðust ríkis-
fang hér úr 463 í 671. Pólverjum
sem fá ríkisfang á Íslandi hefur
fjölgað ört á undanförnum árum en
fáir framan af síðasta áratug. Undan-
farin tvö ár hafa þeir verið fjöl-
mennastir allra sem hljóta íslenskt
ríkisfang. Þeir voru 184 á árinu 2005
en næstir þeim komu Serbar og
Svartfellingar og þá Taívanar. - shá
Hagstofa Íslands:
Pólverjum
fjölgar hraðast
Aðgerðir tókust Sameinuðu þjóð-
irnar segja hjálparstarf á jarðskjálfta-
svæðunum í Pakistan hafa skilað þeim
árangri að meira en þrjár milljónir
heimilislausra manna lifðu af veturinn.
PAKISTAN