Fréttablaðið - 24.05.2006, Blaðsíða 16
24. maí 2006 MIÐVIKUDAGUR16
nær og fjær
„ORÐRÉTT“
TÍMI TIL AÐ BYGGJA MISLÆG
GATNAMÓT Á MÓTUM
MIKLUBRAUTAR OG
KRINGLUMÝRARBRAUTAR
Skipulagsstefna Sjálfstæðisflokksins
og önnur stefnumál á betriborg.is
550 5000
AUGLÝSINGASÍMI
Bjarka Birgissyni og Gyðu Rós
Einarsdóttur sækist hjólreiðaferð
sín hringinn í kringum landið vel.
Þau lögðu upp frá Bíldudal í gær
og setja stefnuna á Ísafjörð.
„Það er vonandi að vindurinn
verði í bakið,“ sagði Bjarki í gær
en veðrið hafði leikið þau grátt.
„Og ég sem hélt að það væri komið
sumar,“ sagði Bjarki og hló.
Ferðin gengur vonum framar
en þau segja vestfirsku fjöllin
hafa verið erfið yfirferðar, ekki
síst eins og tíðin hefur verið. Þau
láta veður ekki á sig fá og halda
ótrauð áfram enda ekki annað að
gera, og áhrifin eru ekki annað en
góð. „Ætli ég sé ekki búinn að
missa fimm kíló,“ segir Bjarki og
mælir með hjólreiðum ef fólk vill
grennast.
Þau eru ekkert að flýta sér,
enda liggur ekkert á. Markmiðið
er að koma aftur til Reykjavíkur
fyrir júlílok. Þau fara því rólega
yfir en á móti kemur að þau hjóla
lengur á degi hverjum. Og yfir-
leitt er fallegt um að litast. „Við
skoðum náttúruna svona í bland
við ryk og drullu,“ sagði Bjarki og
settist á hnakkinn. Þau Bjarki og
Gyða vildu koma á framfæri sér-
stökum þökkum til Hannesar og
Þórunnar Helgu á veitingastaðn-
um Vegamótum á Bíldudal, enda
hefðu þau hjálpað þeim mikið. ■
Hjólreiðaferðalag Bjarka og Gyðu Rósar hringinn í kringum landið gengur vel:
Hélt að sumarið væri komið
Gat nú verið
„Það eru dómsmálaráðherr-
ar Sjálfstæðisflokksins sem
ákváðu að beita hlerunum
gagnvart einstaklingum og
samtökum sem voru þeim
pólitískt ekki að skapi.“
INGIBJÖRG SÓLRÚN GÍSLADÓTTIR
SAMFYLKINGUNNI UM HLERANA-
MÁLIÐ. FRÉTTABLAÐIÐ.
Meira ástandið
„Þegar horft er til þessa
tíma í ljósi þess ástands,
sem þá ríkti, er í raun eftir-
tektarvert, að símahlerunum
skuli ekki hafa verið beitt í
ríkara mæli...“
LEIÐARI MORGUNBLAÐSINS
UM HLERANAMÁLIÐ.
Róbert Ragnarsson stjórnmála-
fræðingur er sveitarstjóraefni E-
listans í Vogum á Vatnsleysuströnd.
Róbert er í hópi helstu sérfræðinga
þjóðarinnar í sveitarstjórnarmál-
um en hann vinnur sem sérfræð-
ingur á sveitarstjórnarskrifstofu
félagsmálaráðuneytisins og kennir
að auki um málefni sveitarfélaga í
Háskóla Íslands. Þá má geta þess
að eiginkona hans, Valgerður
Ágústsdóttir, er sérfræðingur hjá
Sambandi íslenskra sveitarfélaga.
Þau hjónin hafa því lifibrauð sitt af
sveitarstjórnarmálum.
Róbert býr í Reykjavík en er
Keflvíkingur að upplagi og hefur
að auki unnið í Grindavík. Hann tók
sér svolitla stund til að velta fyrir
sér hvort hann ætti að slá til þegar
E-listamenn föluðust eftir kröftum
hans. „Mér finnst spennandi að
vinna í mikilli nálægð við fólk og
svo er líka gaman að komast aftur
heim á Suðurnesin,“ segir hann. Við
þetta bætist svo að fjölskyldan
hefur áhuga á að búa í smærra sam-
félagi en Reykjavík er.
Róbert er vakinn og sofinn yfir
sveitarstjórnarmálum og finnst
þau meira spennandi en landsmál-
in. „Í sveitarstjórnarmálum hef-
urðu áhrif á þætti sem virkilega
varða fólk. Þú ert í beinum tengsl-
um við það sem skiptir fólk máli
frá degi til dags á meðan landsmál-
in felast frekar í stefnumótun til
langs tíma fyrir heildina.“
Þegar kosið var um sameiningu
sveitarfélaga á síðasta ári felldu
Vogamenn tillögu um sameiningu
sveitarfélagsins við Hafnarfjörð.
Róbert segist sammála niðurstöðu
þeirra enda hafi hann ekki séð mik-
inn hag fyrir Voga í slíkri samein-
ingu. „Vogar eru sveitarfélag sem
stækkar hratt og hefur nægt land-
rými og því forsendur til að verða
mjög öflugt sveitarfélag.“ ■
RÓBERT RAGNARSSON Hefur sérhæft sig í
málefnum sveitarfélaga og er bæjarstjóra-
efni E-listans í Vogum. FRÉTTABLAÐIÐ/STEFÁN
Sérfrótt bæjarstjóraefni
HRESS OG KÁT Á REYKHÓLUM
Guðný Sæbjörg Jónsdóttir, sem
býr í Reykhólasveit, heilsaði
upp á Gyðu Rós og Bjarka í
sjoppunni.
„Við erum farin af stað með vinnu varðandi
innflytjendur. Félagsmálaráðuneytið hefur sett
okkur sem verkefni að koma með tillögur og
forgangsraða hvað það varðar. Innflytjendaráð
er að vinna þessar tillögur til að geta kynnt
þær næsta haust,“ segir Sæunn Stefánsdóttir,
aðstoðarmaður félagsmálaráðherra og formað-
ur Innflytjendaráðs.
Stjórnmálaflokkar og stjórnvöld hafa
undanfarið verið gagnrýnd fyrir stefnuleysi í
málefnum innflytjenda en Sæunn Stefánsdóttir
hefur unnið að málefnum innflytjenda frá því
hún fluttist yfir í félagsmálaráðuneytið með
Jóni Kristjánssyni og tók við formennsku í
Innflytjendaráði og hún bendir á að í lögum og
reglugerðum liggi fyrir viss stefnumótun.
„Breytingar hafa orðið hraðar á íslensku samfé-
lagi, til dæmis hvað fjölda innflytjenda varðar,“
segir hún. „Fyrir tveimur árum skipaði þáverandi
félagsmálaráðherra nefnd til að fjalla um aðlög-
un innflytjenda að íslensku samfélagi. Þessi
nefnd skilaði skýrslu árið 2005 sem er komin
á heimasíðu ráðuneytisins. Í þessari skýrslu er
aðaltillagan og sú mikilvægasta að samræma
og samhæfa aðgerðir og stefnu stjórnvalda. Í
því skyni skyldi komið á Innflytjendaráði. Inn-
flytjendaráðið var skipað í nóvember á síðasta
ári og ég tók við því fyrir stuttu.“
Innflytjendaráði er ætlað að vera samræm-
ingar- og samhæfingaraðili ólíkra ráðuneyta
og stofnana í samfélaginu. „Þessi málaflokkur
kemur við félagsmálaráðuneytið, sveitarfélögin,
heilbrigðisráðuneytið, menntamálaráðuneytið,
dóms- og kirkjumálaráðuneyti, aðila vinnu-
markaðarins og síðast en ekki síst innflytjendur
sjálfa. Því er ætlað að vera stjórnvöldum til
ráðgjafar og vera samræmingaraðili þarna á
milli. Samhliða stefnumótun í málefnum inn-
flytjenda hefur verið ákveðið að stefnumótun
og forgangsröðun félagsmálaráðuneytisins liggi
fyrir í haust. Þó að ráðið sé samræmingaraðili
þá er mikilvægt að ráðuneyti og sveitarfélög
vinni áfram sína vinnu. Þeirra ábyrgð hverfur
ekki,“ segir Sæunn.
HVAÐ ER AÐ FRÉTTA? SÆUNN STEFÁNSDÓTTIR, FORMAÐUR INNFLYTJENDARÁÐS
Tillögurnar verða kynntar næsta haust