Fréttablaðið - 24.05.2006, Blaðsíða 28
[ ]
Íslenskir fjallaleiðsögumenn
er voldugt nafn á fyrirtæki og
mörg borgarbörnin telja ferðir
þeirra ekki henta sér. Hins veg-
ar er mottó Íslenskra fjallaleið-
sögumanna að búa til ævintýri
fyrir alla, líka þá sem aldrei
hafa á fjallstind komið.
Íslendingar hafa lengi vitað að
þeir búa á landi sem býr yfir ótrú-
legri náttúrufegurð. Hins vegar
vex það mörgum í augum að kom-
ast upp á hálendi Íslands eða á
helstu útsýnisstaði landsins enda
hafa slíkar ferðir oft verið kennd-
ar við jeppaáhugamenn eða fólk
sem fæddist með fjallablóð í
æðum.
Íslenskir fjallaleiðsögumenn
hafa aftur á móti lagt upp úr því í
sínum ferðum að gera Ísland
aðgengilegt öllum og nýlega hlaut
fyrirtækið frumkvöðlaverðlaun
Icelandair. „Fyrirtækið hefur
verið starfrækt frá 1994 og starf-
semin þróast mikið síðan þá,“ segir
Einar Torfi Finnsson, leiðsögu-
maður og markaðsstjóri hjá
Íslenskum fjallaleiðsögumönnum.
„Við fengum verðlaunin fyrir það
hugtak sem við höfum unnið að frá
upphafi en það er að búa til ævin-
týri fyrir alla. Við förum með
venjulegt fólk, ekki bara fjalla-
garpa, upp á skriðjökla og gefum
því tækifæri til að komast í snert-
ingu við náttúruna og jökulum-
hverfi sem er svo ólíkt því
umhverfi sem við erum í dags dag-
lega. Við gefum fólki þessa upplif-
un á öruggan og auðveldan máta í
umhverfi sem er af mörgum talið
illskeytt og hættulegt. Með því að
bjóða upp á ævintýri fyrir alla
erum við að opna nýjar víddir fyrir
fólk sem að öðrum kosti myndi
ekki fara í svona ferðir.“
Íslenskir fjallaleiðsögumenn
leggja einnig mikið upp úr beinni
náttúruupplifun enda segir Einar
Torfi upplifunina skipta öllu máli.
„Í ferðum okkar erum við ekki að
þramma á jökul í tvo tíma og svo
beinustu leið niður aftur. Við
stöldrum við, snertum jökulinn,
hlustum á hann og fræðumst um
hann. Ísinn hefur ávallt gegnt mik-
ilvægu hlutverki í mótun landsins
ásamt eldfjöllunum og einnig
gegnt stóru hlutverki í sögu fólks-
ins sem býr í nágrenni hans.“
Einar Torfi segir fjölmarga
Íslendinga hafa ferðast með
Íslenskum fjallaleiðsögumönnum
en að sama skapi mættu þeir vera
fleiri enda eru Íslendingar vinsæll
ferðahópur þar á bæ. „Íslending-
arnir hafa allt aðra nálgun á land-
ið. Meðan maður útskýrir grunn-
jarðfræði í ferðum með erlenda
hópa þá getur maður rætt um
núlifandi fólk í sveitum kringum
jökulinn við Íslendinga. Íslending-
ar láta heldur ekki veðrið koma
sér á óvart.“
Íslendingar ættu því ekki að
vera hræddir við að rífa sig af stað
á fjallstinda og fá náttúru Íslands
beint í æð enda hefur Ísland að
geyma ævintýri fyrir alla.
johannas@frettabladid.is
Sýnishorn af sumarferðum
Íslenskra fjallaleiðsögumanna
www.mountainguide.is
Ævintýri fyrir alla
Einar Torfi Finnsson brosir framan
í sólina á Grænlandsjökli.
Á Hvannadalshnjúk Gönguferð á hæsta tind landsins. Gangan er fremur auðveld
tæknilega en reynir á þol og vöðva. Upplifunin er einstök og margir Íslendingar hafa
lagt leið sína oftar en einu sinni á hnjúkinn. Farin er annaðhvort svokölluð Hryggjaleið
frá Virkisjökli eða Sandfellsleið. Sú fyrri er venjulega fær fram undir miðjan júní, en
lokast síðan af sprungum og svellum. Sandfellsleiðin er tiltölulega auðveld leið og er
opin mestallt árið. FRÉTTABLAÐIÐ/GVA
Skaftáreldaganga Fimm daga trússferð. Um er að ræða skálagöngu á einu
fallegasta svæði landsins. Ferðin er flokkuð sem hófleg og gengnar eru um 5 til 7
klukkustunda dagleiðir. Mesta hækkun 200 metrar. Aðeins þarf að bera dagsnesti og
lágmarksútbúnað. Gengið er í stórbrotinni náttúru sem hefur mikla sögu að geyma frá
því Lakagígar gusu árið 1783. Ganga sem hentar öllum. MYND/JEAN MARMEISE
Strönd til strandar Þrjátíu daga bakpokaferð sem er flokkuð krefjandi/erfið.
Gengnir eru 450 kílómetrar, um sjö til tíu klukkustundir á dag. Mesta hækkun 400
metrar. Ferðin er ögrandi áskorun fyrir bakpokaferðalanginn. Gengið er þvert yfir
hálendi Íslands frá norður- til suðurstrandarinnar. Gengið eftir eldvirka hluta Norður-
Atlantshafshryggjarins, um alls kyns gos- og jökulminjar, um þjóðsagnaslóðir og
einstakar gróðurvinjar í skjóli stærsta jökuls utan heimskautasvæða. Einstök upplifun.
Nú óska allir þess að vera einhvers staðar þar sem sólin skín og
loftið er hlýtt. Ætli flest okkar myndu ekki sætta sig við að vera bara
einhvers staðar þar sem ekki er frost.
Í þessari skemmtilegu vikuferð verður farið að Chiemsee vatninu,
sem er með fallegustu stöðum Þýskalands og gist þar í 4 nætur.
Þaðan verður farið til tónlistarborgarinnar Salzburg en einmitt á
þessu ári er haldið upp á afmæli Mozart. Skoðunarferð í
Arnarhreiður Hitlers sem Bormann lét byggja á einstökum stað og
færa honum að gjöf. Á leiðinni verður stoppað við Königsee vatnið
sem er þekkt fyrir náttúrufegurð. Upplagt er að fara í siglingu á
Chiemsee til eyjarinnar Herrenchiemsee en þar er höll Loðvíks II
konungs Bæjaralands. Síðustu 3 næturnar er gist í grennd við hina
líflegu Regensburg. Farið í siglingu á Dóná, Walhalla safnið skoðað
og ekki má gleyma München.
Fararstjóri: Aldís Aðalbjarnardóttir
Verð: 104.940 kr. á mann
Sumar 10
Salzburg - München
s: 570 2790 www.baendaferdir.is
A L L I R G E T A B Ó K A Ð S I G Í B Æ N D A F E R Ð I R
20. - 27. ágúst
Sp
ör
-
R
ag
nh
ei
ðu
r
In
gu
nn
Á
gú
st
sd
ót
tir
Chiemsee -