Fréttablaðið - 24.05.2006, Blaðsíða 90
38 24. maí 2006 MIÐVIKUDAGUR
sport@frettabladid.is
��������������
����������
Orra Frey Hjaltalín, leikmanni Grinda-
víkur í knattspyrnu, er greinilega margt
til lista lagt en eftir að hafa meiðst illa
í fyrra fór hann að stunda golf af miklu
kappi. Hann gerði sér lítið fyrir og fór
holu í höggi í Grindavík síðastliðinn
laugardag.
„Þetta var nú bara algjör heppni hjá
mér, það voru einhver tíu vindstig og
brjálaður hliðarvindur. Ég negldi hann
því vel með níu járninu upp í vindinn
sem togaði hann inn og ofan í holuna.
Ég ætlaði ekki að trúa þessu, sá sem
var að spila með mér fagnaði eiginlega
meira en ég. Ég stóð orðlaus þegar ég
sá að hann hafði farið ofan í,“ sagði
Orri en draumahögginu náði hann á
13. holu á Húsatóftarvelli, en hún er
138 metrar á lengd.
„Ég byrjaði að spila af ein-
hverju viti síðasta sumar
og spila þegar tími og
tækifærin gefast. Þau
eru frekar fá núna út
af fótboltanum en ég
reyni að fara aðeins með
strákunum í liðinu. Ég hef
eiginlega lækkað alltof
hratt í forgjöfinni, hún er
komin niður í 16,6,“ sagði
Orri.
Í marsmánuði á
síðasta ári sleit
Orri Freyr
krossband
í hnénu
á sér
en er
nú allur að koma til. Hann spilaði
með U-23 ára liði Grindavíkur
í fyrradag og vonast til að
komast í leikmannahópinn í
nágrannaslagnum gegn Keflavík
í kvöld.
„Það er komið rúmlega ár og ég
finn fyrir gríðarlegri tilhlökkun
að spila aftur. Ég er búinn að fá
mig fullsaddan á því að vera
bara uppi í stúku og horfa á.
Ég er kominn í ágætis form og
vonandi fer ég að banka á
dyrnar hvað liðið varð-
ar, þetta er allt að
koma,“ segir Orri
Freyr Hjaltalín.
KNATTSPYRNUKAPPINN ORRI FREYR HJALTALÍN: FÓR HOLU Í HÖGGI Á GRINDAVÍKURVELLI
Þetta var algjör heppni hjá mér
> Við hrósum...
... KR-sporti sem er farið í samstarf við
Sólheima en samstarfið hefst með
formlegum hætti á næsta heimaleik KR.
Knattspyrnulið Sólheima mun mæta á
staðinn fyrir leik og taka á móti gjöfum
frá Jóa útherja sem eru búningar, gallar,
skór, töskur og fleira sem þarf til knatt-
spyrnuiðkunar. Aðalstyrktaraðilar KR
– Shell og Landsbankinn – munu síðan
afhenda peningagjöf að upphæð 500
þúsund kr. sem rennur í íþróttastarfið
á Sólheimum.
Frábært
framtak
þetta
hjá KR-
ingum.
HANDBOLTI Landsliðsmaðurinn
Sigfús Sigurðsson hefur skrifað
undir samning við spænska liðið
Ademar Leon. Samningaviðræð-
urnar tóku stuttan tíma,
spænska félagið sendi honum
tilboð, Sigfús sendi gagntilboð
sem var samþykkt og er framtíð
kappans því loksins ráðin. Sig-
fús ákvað að fara frá Magde-
burg sem hann gekk til liðs við
árið 2002.
„Ég var með tilboð frá Malaga
og Nordhorn. Mér leist ágæt-
lega á bæði félögin en um leið
og af áhuga Ademar Leon heyrð-
ist var það samstundis fyrsti
kostur. Þetta er sögufrægt lið
sem er að berjast um sæti í
Meistaradeildinni. Þeir hafa
sterkan leikmannahóp og ætla
að bæta verulega við sig í sumar
til að vera með í toppbaráttunni
á næsta ári,“ sagði Sigfús við
Fréttablaðið í gær en liðið er að
tryggja sér hina feykisterku
Matteo Garalda frá Portland
San Antonio og Claus Jakobsen
frá Ciudad Real auk fleiri leik-
manna.
Sigfús var þegar byrjaður að
pakka þegar Fréttablaðið náði í
hann í gær en Sigfús hafði neitað
tilboði frá danska félaginu Tvis/
Holstebro. Í það minnsta tólf lið,
sex frá Spáni og sex frá Þýska-
landi höfðu sýnt línumanninum
sterkan áhuga.
„Mér er létt að þessu sé loks-
ins lokið og ég fer sáttur frá lið-
inu mínu. Ég hefði viljað vera
hérna áfram en það er erfitt
þegar yfirmaðurinn vill bola
Íslendingunum í burtu. En ég
hlakka til að komast til Spánar og
takast á við nýja áskorun,“ sagði
Sigfús en tímabilið þar er styttra
en í Þýskalandi auk þess sem
leikmenn fá kærkomið jólafrí.
„Það er alveg frábært og
kemur eflaust til með að lengja
ferilinn minn. Ég sé alveg fram á
að spila í fjögur til sex ár til við-
bótar,“ sagði Sigfús Sigurðsson,
kampakátur með samning sinn
við Ademar Leon og bætti við að
hann hyggðist læra spænsku í
sumar. - hþh
Framtíð Sigfúsar Sigurðssonar er loksins ljós eftir margra vikna vangaveltur:
Skrifar undir hjá Ademar Leon
ÖFLUGUR Sigfús heldur nú í víking til
Spánar og verður gaman að sjá hvernig
honum vegnar þar á bæ. FRÉTTABLAÐIÐ/TEITUR
Bjarki fékk einn leik
Bjarki Freyr Guðmundsson, markvörð-
ur ÍA, sleppur með eins leiks bann
fyrir brot sitt gegn KR um helgina en
aganefnd KSÍ fundaði í gær. Grétar
Hjartarson úr KR og Mounir Ahandour í
Grindavík fengu einnig eins leiks bann.
Þá var Magnús Gylfason, þjálfari Víkings,
dæmdur í eins leiks bann og sömuleiðis
liðstjóri liðsins.
FÓTBOLTI Tveir leikir fara fram í
Landsbankadeild karla í knatt-
spyrnu í kvöld. Á KR-vellinum
koma Fylkismenn í heimsókn og
etja kappi við KR en í Grindavík
mæta Keflvíkingar til leiks í
nágrannaslag af bestu gerð. Sá
leikur verður í beinni útsendingu
á Sýn klukkan 20.
Mounir Ahandour verður í leik-
banni hjá Grindavík eftir rauða
spjaldið umdeilda sem hann fékk
gegn Fylki í 2. umferðinni en lík-
legt er að Orri Freyr Hjaltalín
verði á bekknum eftir langa fjar-
veru vegna meiðsla. Þórarinn
Brynjar Kristjánsson og Kenneth
Gustavsson eru meiddir hjá Kefl-
víkingum en bæði lið hafa þrjú
stig eftir tvo leiki.
Klukkan 19.15 verður flautað
til leiks KR og Fylkis þar sem
Björgólfur Takefusa mun mæta
sínum gömlu félögum úr Árbæn-
um. Fylkir hefur unnið báða leiki
sína í deildinni til þessa, gegn Vík-
ingi og Grindavík en KR hefur
þrjú stig eftir tap gegn FH en
sigur gegn ÍA. - hþh
Landsbankadeildin í kvöld:
Grannaslagur í
Grindavík
Í BARÁTTUNNI Páll Einarsson, leikmaður
Fylkis, og Jóhann Þórhallsson, leikmaður
Grindavíkur, eigast við í 2. umferð deildar-
innar. Báðir verða í eldlínunni í kvöld.
FRÉTTABLAÐIÐ/VILHELM
FÓTBOLTI Spænska blaðið Marca
reið á vaðið í gærmorgun og
greindi frá því að Eiður Smári
væri á meðal þeirra leikmanna
sem Frank Rijkaard, þjálfari Evr-
ópumeistara Barcelona, hefði
undir smásjánni. Blaðið fullyrti að
Barca myndi bjóða í Eið Smára
yrði ekkert úr því að Diego Forlan
kæmi frá Villarreal. Barca er að
leita að manni í stað Svíans
Henriks Larsson og þar sem leik-
stíll Larssons og Eiðs Smára er
ekki ólíkur þarf vart að koma á
óvart að félagið sé að skoða Eið.
Sky-fréttastofan bætti svo um
betur síðar um daginn er það
greindi frá áhuga sex liða á Eiði
Smára. Það eru ensku liðin Man.
Utd, Blackburn og Newcastle og
spænsku liðin Barcelona, Real
Madrid og Atletico Madrid. Engin
smá lið og þessi listi segir meira
en mörg orð um hversu stórt nafn
Eiður Smári er í Evrópuboltanum.
Arnór Guðjohnsen, faðir og
umboðsmaður Eiðs, sagði við Sky
að það væri vissulega áhugi á Eiði
frá bæði Englandi og Spáni og
hugsanlega yrði eitthvað að frétta
á næstu dögum. Greinilegt er þó á
öllu að Eiður er farinn að líta alvar-
lega í kringum sig og skal svo sem
engan undra þar sem hann er búinn
að vera í kuldanum hjá Mourinho,
stjóra Chelsea, ansi lengi.
Eggert Skúlason, upplýsinga-
fulltrúi Eiðs Smára, staðfesti við
Fréttablaðið í gær að til stæði að
loka málinu áður en HM hæfist 9.
júní. Hann sagði það flækja málið
nokkuð fyrir Eiði að Chelsea sé
ekki búið að setja verðmiða á
hann. Það að fá verðmiða yrði
stórt skref og þá gætu hlutirnir
farið að rúlla almennilega.
henry@frettabladid.is
Barcelona og Real Madrid
sýna Eiði Smára áhuga
Sky-fréttastofan fullyrti í gær að spænsku risarnir Barcelona og Real Madrid
væru á meðal þeirra liða sem hefðu áhuga á Eiði Smára Guðjohnsen. Líkurnar
á því að Eiður yfirgefi Chelsea aukast með hverjum degi.
VANTAR VERÐMIÐANN Chelsea hefur enn ekki sett verðmiða á Eið Smára Guðjohnsen og
því er erfitt fyrir félög að staðfesta áhuga sinn á íslenska landsliðsfyrirliðanum. Hér sést
hann í skallaeinvígi við Carlos Puyol hjá Barcelona en svo gæti farið að þeir yrðu samherjar
á næsta tímabili. NORDICPHOTOS/AFP