Fréttablaðið - 24.05.2006, Blaðsíða 53

MARKAÐURINN
til að koma fram, sérstaklega framan af þegar
umboðsmannaskipulagið
var ekki eins ríkjandi og
það er í dag og persónuleg
sambönd skiptu öllu máli. Í
dag skipar Ashkenazy sæti
heiðursforseta Listahátíðar
og hefur enn íslenskan rík-
isborgararétt, þótt hann búi
ekki hér.
Margir heimsþekktir lista-
menn hafa komið fram á
Listahátíð. Oft hefur hún
líka laðað til sín listamenn
áður en þeir urðu stór-
stjörnur. Þannig var til
dæmis ekki húsfyllir þegar
Pavarotti kom hingað til
lands. „Þannig á það líka
að vera,“ segir Þórunn.
„Ef við fáum heimsþekkta
listamenn hingað verða
þeir að hafa eitthvað alveg
sérstakt við sig. Þeir þurfa
að hafa mjög sérstaka sögu
og vera fulltrúar fyrir eitt-
hvað miklu meira en bara
að vera frægir og standa á
sviði og syngja.“ Hún tekur
dæmi um afrísku söng-
konuna Miriam Makeba,
sem var með stórtónleika
í Laugardalshöll á laugar-
daginn var, sem á sér einstaka sögu.
ENGINN VILL FJÁRFESTA Á EYÐIEYJU
Þórunn er ekki í vafa um að hátíð á borð
við þessa væri ekki hægt að halda nema
með samstarfi einkaaðila og opinberra aðila.
„Einkaaðili getur haldið hátíð með erlend-
um listamönnum en við erum
að borga með nánast öllum
íslensku verkefnunum.“ Hún
dregur ekki í efa að ríki og
borg eigi að leggja almanna-
fé í hátíð sem Listahátíð. „Ef
ríki og borg styðja ekki við
menningarstarfsemi erum
við ekki til lengur sem þjóð.
Við getum ekki verið sjálf-
stæð þjóð ef við eigum ekki
okkar eigin menningu, okkar
eigin tungu og hlúum að
okkar menningu,“ segir hún.
„Viðskiptalega erum við líka
búin að vera ef við rækt-
um ekki sköpunarkraftinn.
Enginn vill fjárfesta í slíku
landi. Þetta vita íslenskir
viðskiptamenn, þeir vita að
það skiptir öllu máli fyrir þá
í fjárfestingum á alþjóðleg-
um vettvangi að hafa að baki
sér sterka, sjálfstæða og
stolta þjóð og menningarlíf
sem stenst alþjóðlegan sam-
anburð. Slíkur kjarni gerir
okkur að þjóð sem er aðlað-
andi að eiga viðskipti við.
Ég hef ekki hitt stjórnanda
nokkurs fyrirtækis sem er
að gera það gott erlendis
sem ekki skilur þetta.“ Hún telur einkaaðil-
ana jafnframt hafa ákveðnar skyldur til að
hjálpa til við að byggja upp sterkt og gott
samfélag, enda séu í því fólgin viðskiptatæki-
færi líka og segir að lokum: „Það vill enginn
fjárfesta á eyðieyju.“
13MIÐVIKUDAGUR 24. MAÍ 2006
Ú T T E K T
Fjölmörg fyrirtæki styrkja Listahátíð
á einn eða annan hátt og standa styrk-
ir undir einum fjórða hluta kostn-
aðar við hátíðina. Einn af dyggustu
samstarfsaðilum Listahátíðar er
Icelandair sem hefur stutt við hana
síðastliðin 25 ár. Guðjón Arngrímsson,
upplýsingastjóri Icelandair Group,
segir Listahátíð hjálpa félaginu í því
miði að markaðssetja Reykjavík sem
alvöru menningarborg enda auðgi
hún verulega menningarlíf borgar-
innar. Hátíðin sé jafnframt haldin
á svokölluðu axlartímabili, ekki um
hávetur og ekki um hásumar, en þá
leggur flugfélagið áherslu á að fjölga
ferðamönnum og lengja þannig ferða-
mannatímann.
„Icelandair er sérstakt flugfélag að
því leyti til að við búum við afskap-
lega lítinn heimamarkað og verðum
því að byggja okkar sölu- og mark-
aðsstarf verulega á því að fá fólk
erlendis til Íslands. Þess vegna er
okkur mikilvægt að sjá til þess að
hingað sé áhugavert að koma sem
ferðamaður. Í þessu miði höfum við
séð hag okkar í því að styðja við
hátíðir á borð við Listahátíð, og búið
til okkar eigin hátíðir, eins og Iceland
Airwaves og Food and Fun.“
Guðjón segir erfitt að henda reiður á
hversu margir koma hingað til lands
gagngert til að fara á Listahátíð.
Ferðamönnum yfir vetrarmánuðina
hafi hins vegar fjölgað gríðarlega á
undanförnum árum. Nú sé algengt
að fólk komi hingað í nokkra daga
með Reykjavík sem aðalviðkomustað
en ekki eingöngu náttúrunnar vegna
eins og áður var. Hátíðir á borð við
Listahátíð eigi þar ríkan þátt. Hann
segir þá fjölmörgu blaðamenn koma
hingað á hátíðina, sem svo upplifa
borgina og landið og nýta sem fóður í
sínar greinar, jafnframt stuðla mjög
að landkynningu. „Og svo hafa þess-
ar hátíðir þann dásamlega eiginleika
að nýtast Íslendingum ekkert síður
en útlendingunum.“
Stuðlar að fjölgun ferðamanna
GUÐJÓN ARN-
GRÍMSSON,
UPPLÝSINGA-
FULLTRÚI
ICELANDAIR
Segir Listahátíð
auðga menning-
arlíf Reykjavíkur
og auðveldi við
að markaðssetja
borgina sem
alvöru menning-
arborg.
Tuttugasta Listahátíðin í hæstu hæðum
Þegar Listahátíð í Reykjavík lýkur þann 2. júní munu sex hundruð listamenn hvaðanæva að úr heiminum hafa
örvað skynfæri þúsunda Íslendinga undanfarnar vikur. Hólmfríður Helga Sigurðardóttir skoðaði glæsta sögu
Listahátíðar sem, að sögn listræns stjórnanda hátíðarinnar, einkennist af farsælu samstarfi hins opinbera og einkaaðila.
Radisson SAS Hótel Saga hefur
verið styrktaraðili að Listahátíð í
Reykjavík frá því menningarárið
2000. Flestir þeirra listamanna sem
taka þátt í Listahátíð gista á hótel-
um keðjunnar en hluti af styrktar-
samningnum við Listahátíð felst í
ákveðnum fjölda gistinátta auk þess
sem föst upphæð er greidd í formi
styrkjar.
Hrönn Greipsdóttir segir sam-
starf milli Listahátíðar og einka-
fyrirtækja afar jákvætt fyrir báða
aðila. Hún segist finna fyrir því að
hátíðin veki athygli á Íslandi sem
áfangastað og landið fái fyrir vikið
meiri „klassa“ í hugum ferðalanga.
Hún segir vont að dæma um hversu
margir komi hingað í beinum tengsl-
um við Listahátíð enda sé yfirleitt
nokkuð mikið að gera í maímán-
uði. „Við látum gögn um Listahátíð
liggja frammi, bæði fyrir og eftir
hátíðina, sem vekur mikla athygli
útlendinga. Áhrifin af Listahátíðinni
eru að mínu mati mjög jákvæð, ekki
einungis fyrir maímánuð heldur
fyrir allt árið.“
Hrönn þykir einkar vel staðið
að Listahátíð undir stjórn Þórunnar
Sigurðardóttur sem hún segir skipta
höfuðmáli til að tryggja þátttöku og
áhuga einkafyrirtækja sem hugleiði
að sjálfsögðu hvernig samstarfið
samræmist stefnu fyrirtækisins.
„Þórunn hefur staðið sig frábær-
lega í því að finna listamenn, suma
hverja á heimsmælikvarða sem
mann hefði aldrei dreymt að myndu
koma hingað. Í dagskránni má finna
eitthvað við allra hæfi og mikið og
breitt úrval listamanna sem hafa
tekið þátt í hátíðinni. Það er frábært
að geta sagt frá þeim listamönnum
sem hafa komið hingað og þeim
listviðburðum sem hafa átt sér stað
hér í okkar markaðssetningu. Það
gerir okkur miklu trúverðugri og
Ísland miklu meira spennandi sem
áfangastað fyrir útlendinga.“
HRÖNN
GREIPSDÓTTIR,
HÓTELSTÝRA
RADISSON
SAS Hrönn þykir
vel staðið að
Listahátíð sem
skipti höfuðmáli
fyrir þátttöku
einkafyrirtækja.
„ENGINN VILL FJÁRFESTA Á EYÐIEYJU“ Þórunn Sigurðardóttir,
listrænn stjórnandi Listahátíðar, sem hér er umkringd samstarfs-
konum sínum, dregur ekki í efa að það sé allra hagur að hið opin-
bera og einkaaðilar leggi fé til menningarstarfsemi.
Þ A U H A F A K O M I Ð
Á L I S T A H Á T Í Ð
Bob Dylan
Nina Simone
Benny Goodman
Stan Getz
Ingmar Bergman
Cesaria Evora
Herbie Hancock
Jacqueline du Pré
John Cage
Led Zeppelin
Leonard Cohen
Kronos kvartettinn
San Francisco ballettinn
Vladimir Ashkenazy
David Bowie
Luciano Pavarotti
Styrkir ímynd Reykjavíkur