Fréttablaðið - 09.06.2006, Blaðsíða 10

10 9. júní 2006 FÖSTUDAGUR
Getur verið að þú sért með ofnæmi?
Það er engin ástæða til að láta sér líða illa á besta tíma ársins.
Komdu og fáðu ráðgjöf hjá okkur.
Lóritín 10 mg töflur. Hver tafla inniheldur 10 mg Loratadin. Notkunarsvið: Lóritín inniheldur virka efnið lóratadín sem hefur kröftuga og langvarandi verkun við algengustu tegundum
ofnæmis. Lyfið er ætlað við frjókorna- og dýraofnæmi, sem og ofnæmi af völdum rykmaura. Varúðarreglur: Gæta þarf sérstakrar varúðar hjá börnum með alvarlega nýrna- og
lifrarsjúkdóma. Sjúklingar með skerta lifrarstarfsemi þurfa minni skammta. Aukaverkanir: Lóritín þolist yfirleitt vel en algengustu aukaverkanirnar eru munnþurrkur og höfuðverkur. Svimi
getur einnig komið fyrir. Skömmtun: Ein tafla af Lóritíni er tekin daglega. Börnum 2–14 ára sem eru undir 30 kg að þyngd nægir hálf tafla á dag. Lyfið er ekki ætlað börnum yngri en 2ja ára.
Lesið vandlega leiðbeiningar sem fylgja lyfinu. 13.07.04
Histasín 10 mg töflur. Hver tafla inniheldur 10 mg Cetirizín. Notkunarsvið: Histasín er ofnæmislyf. Histasín virkar gegn öllum algengustu tegundum ofnæmis, svo sem frjóofnæmi og
rykofnæmi. Histasín er líka notað við ofnæmisbólgum í nefi og ofnæmiseinkennum eins og útbrotum og kláða. Varúðarreglur: Lyfið getur dregið úr viðbragðsflýti og skal það haft í huga
við akstur og nákvæmnisvinnu. Aukaverkanir: Einstaka sinnum veldur lyfið munnþurrki og syfju. Skömmtun: 1 tafla á dag fyrir fullorðna og börn frá 12 ára aldri. Börnum 6–12 ára sem eru
undir 30 kg að þyngd nægir hálf tafla á dag. Lyfið er ekki ætlað börnum yngri en 6 ára. Lesið vandlega leiðbeiningar sem fylgja lyfinu. 13.07.04
Við hlustum!
Lóritín og Histasín
fást án lyfseðils
Byrjar þú að hnerra um leið og
allt fer að lifna við á vorin?
Þannig er um marga án þess að þeir
átti sig á því að um ofnæmi geti verið
að ræða.
HÚSDÝR Urtan Kobba kæpti aðfara-
nótt fimmtudags í Húsdýragarðin-
um og heilsast þeim báðum vel.
Annar nýr kópur er í garðinum
þar sem urtan Særún kæpti fyrr í
vikunni. Faðir litlu kópanna er sel-
urinn Snorri en hann er átján ára
og hefur verið í garðinum lengi.
Kóparnir eru um fimmtán kíló
og nærast á mjólk frá mæðrum
sínum fyrstu vikurnar en eftir það
þurfa þeir að sjá um sig sjálfir.
Ekki er hægt að greina kyn þeirra
strax og þess vegna verður þeim
ekki gefið nafn fyrr en líða tekur á
sumarið. - gþg
Húsdýragarðurinn:
Nýr kópur
fæddur
HÚSDÝRAGARÐURINN Kópurinn ásamt
móður sinni Kobbu.
Hraðakstur Sextán manns voru teknir
fyrir hraðakstur af lögreglunni í Borgar-
nesi á miðvikudag. Sá sem hraðast ók
var á 126 kílómetra hraða á klukkustund.
LÖGREGLUFRÉTTIR
SLYS Maður slasaðist minna en á
horfðist þegar járnbiti féll á hann
við gatnamót Suðurlands- og
Vesturlandsvegar í gærmorgun.
Maðurinn var að störfum við
gerð mislægra gatnamóta þegar
járnbitinn sem verið var að hífa
upp datt úr kranaklónni og á
hann.
Það tók björgunarmenn frá lög-
reglu og slökkviliði um hálfa
klukkustund að losa manninn og
var hann fluttur á Fossvogsspítala
og gekkst undir rannsóknir. Hann
hlaut engin alvarleg meiðsl og
slapp að sögn vitna ótrúlega vel.
Að sögn lögreglu er verið að
rannsaka málið. - sh
Járnbiti féll á mann:
Slapp vel úr
vinnuslysi
EFNAHAGSMÁL „Við höfum verið í
sambandi við aðila vinnumarkað-
arins, bæði við Samtök atvinnu-
lífsins og verkalýðshreyfinguna.
Ég hef átt með þeim fundi og við
erum í sambandi við þá þessa dag-
ana. Við höfum lýst okkur reiðu-
búna í ríkisstjórninni til þess að
koma að málinu og munum vinna
að því næstu daga,“ segir Halldór
Ásgrímsson forsætisráðherra.
Spurður um hugsanlegar skatt-
breytingar, til dæmis frestun á
fyrirhuguðum skattalækkunum
um áramótin, kveðst hann ekki
geta sagt neitt frekar um það á
þessu stigi.
Forystumenn verkalýðshreyf-
ingarinnar eru jákvæðir í garð til-
boðs Samtaka atvinnulífsins um
tólf þúsund króna launahækkun á
mánuði og tvö prósent að auki til
þeirra sem ekki hafa fengið neitt
launaskrið síðustu tólf mánuði
fyrir utan 2,5 prósentin sem allir
fengu um áramótin.
Þannig segir Finnbjörn A. Her-
mannsson, formaður Samiðnar, að
í framkvæmdastjórn og miðstjórn
séu menn sammála um að vera
jákvæðir og reyna að leita leiða til
samkomulags.
„Við sjáum ekki muninn á því
hvort endurskoðun fer fram núna
eða í nóvember. Ef það hefur
jákvæð áhrif að gera þetta núna
þá erum við tilbúin til þess,“ segir
hann og bætir við að boltinn sé hjá
ríkisstjórninni. „Það er okkar gul-
rót.“
Aðalsteinn Baldursson, for-
maður Verkalýðsfélags Húsavík-
ur, segist „skotinn í“ hugmynd SA
um að hækka lægstu launin en vill
hækka krónutöluna í til dæmis
fimmtán þúsund.
„Þarna eru menn að tala um
krónutölu sem ég er sáttur við en
ég vil gjarnan sjá hana hærri svo
að hægt sé að ganga frá samkomu-
lagi. Þarna erum við fyrst og
fremst að hugsa um láglaunafólkið
og ég ætla að biðja aðra að virða
það.“
Áhyggjur eru innan verkalýðs-
hreyfingarinnar yfir ástandinu á
stjórnarheimilinu. Bent er á að
ríkisstjórnin sé hálflömuð vegna
átaka innan Framsóknarflokksins.
Á meðan ríki óstjórn í efnahags-
málum.
Stefnt er að því að endurskoðað
samkomulag taki gildi 1. júlí en
vangaveltur eru innan verkalýðs-
hreyfingarinnar um það við hvern
eigi að semja, Halldór Ásgrímsson
eða Geir H. Haarde, og hvort
leggja eigi áherslu á að ljúka sam-
komulagi áður en Halldór hverfur
úr ráðuneytinu. ghs@frettabladid.is
Ríkisstjórnin vill stuðla
að kjarasátt við launþega
Viðræður eiga sér stað milli ríkisstjórnar og aðila vinnumarkaðarins um það hvernig ríkisstjórnin geti
stuðlað að sátt í kjaramálum. Stefnt er að því að nýtt samkomulag taki gildi um næstu mánaðamót.
FINNBJÖRN A.
HERMANNSSON
AÐALSTEINN
BALDURSSON
DÓMSMÁL Aðalmeðferð í skaða-
bótamáli Péturs Þórs Gunnarsson-
ar gegn íslenska ríkinu fer fram í
Héraðsdómi Reykjavíkur í dag.
Pétur var dæmdur í sex mánaða
fangelsi fyrir aðild að stóra mál-
verkafölsunarmálinu árið 1999.
Pétur fer fram á 3,8 milljónir í
bætur vegna þess að hann átti ekki
kost á að sækja um reynslulausn
eins og lög kveða á um þar sem
önnur mál honum tengd voru í
refsivörslu í kerfinu, eins og það
heitir í lagaheiminum. Reglugerð-
arheimild segir til um að ef önnur
mál fanga séu í rannsókn á meðan
á afplánun standi eigi fanginn ekki
möguleika á reynslulausn. Nokkur
málverk, um hundrað talsins að
sögn Ragnars Aðalsteinssonar, lög-
manns Péturs, voru geymd og
rannsökuð frekar eftir að Pétur
var dæmdur til fangavistar árið
1999. Hann var síðan sýknaður af
ákæru um falsanir þeirra verka.
Ragnar segir þessa reglugerð-
arheimild ganga í berhögg við
tvær greinar stjórnarskrárinnar.
Annars vegar þá sem segir að allir
séu saklausir þar til sekt þeirra er
sönnuð og hins vegar jafnræðis-
regluna sem segir að allir menn
séu jafnir fyrir lögum. Ragnar
segir þeirri reglu ekki fylgt ef litið
sé til meintra brota sem menn hafi
ekki verið sakfelldir fyrir þegar
ákvarðað sé um möguleika á
reynslulausn. - sh
Átti ekki möguleika á reynslulausn þar sem önnur mál hans voru í rannsókn:
Falsanasali fer fram á bætur
PÉTUR ÞÓR Krefst bóta þar sem ósk hans
um reynslulausn hafi ekki fengið meðferð í
samræmi við lög.
HRAUNFLÓÐ ÚR GÍG MERAPI Hraun rennur
úr gíg eldfjallsins Merapi á Jövu í Indón-
esíu í gærmorgun. Eldvirkni hefur aukist í
fjallinu að undanförnu og hafa þúsundir
íbúa í nágrenni þess lagt á flótta af ótta við
stærra eldgos. FRÉTTABLAÐIÐ/AP
KRÖFUGANGA 1. MAÍ „Ef það hefur jákvæð áhrif að gera þetta núna þá erum við tilbúin
til þess,“ segir Finnbjörn A. Hermannsson, formaður Samiðnar, og segir að boltinn sé hjá
ríkisstjórninni. „Það er okkar gulrót.“
MEXÍKÓ Bandaríkjamenn hafa sent
fyrsta liðsafla þjóðvarðliða að
landamærum sínum við Mexíkó,
að því er kemur fram á heimasíðu
BBC. Alls eiga um sex þúsund
þjóðvarðliðar að aðstoða landa-
mæraverði við að hindra ólöglega
för Mexíkóa yfir landamærin.
Fyrst um sinn munu þjóðvarðlið-
arnir einungis hjálpa til við að
reisa risavaxinn vegg meðfram
landamærunum.
Þessi aðgerð er þáttur í fyrir-
ætluðum umbótum á innflytjenda-
stefnu forseta Bandaríkjanna,
George W. Bush, sem hafa vakið
miklar deilur í Bandaríkjunum og
ekki síst í röðum repúblikana,
flokksmanna forsetans. Mexíkó-
menn telja einnig að sér vegið og
tala um hervæðingu landamæra
þessara vinveittu ríkja. - kóþ
Breytt landamæragæsla Bandaríkjamanna:
Þjóðvarðlið til starfa
ÞJÓÐVARÐLIÐI UTAH-RÍKIS Ný innflytj-
endastefna er umdeild báðum megin
landamæranna. FRÉTTABLAÐIÐ/AP