Fréttablaðið - 09.06.2006, Side 64
9. júní 2006 FÖSTUDAGUR48
Salan á landsliðstreyjum þeirra
þjóða sem taka þátt í HM hefur
tekið töluverðan kipp að undan-
förnu.
„Það eru allir búningar að selj-
ast, það er bara svo einfalt,“ segir
Eyþóra Valdimarsdóttir, starfs-
maður Jóa útherja. „Reyndar er
Brasilía heit en líka England, Arg-
entína, Holland og Frakkland.
Síðan er Ítalía orðin uppseld,“
segir hún.
Að sögn Eyþóru eru keyptar
treyjur á börn niður í eins árs
gömul og fullorðið fólk alveg upp í
nírætt. Hvað varðar íslensku
landsliðstreyjuna segir Eyþóra að
hún seljist alltaf jafnt og þétt bæði
hér heima og erlendis, sérstaklega
á Norðurlöndunum þar sem fjöldi
Íslendinga býr. Hér á landi sé
einnig mikið um það að útlending-
ar kaupi treyjuna.
Eyþóra ætlar að sjálfsögðu að
fylgjast með HM. „Ég held með
Englendingum og vona náttúrlega
að þeir vinni en ég held samt að
Brasilía taki þetta,“ segir hún.
Brassarnir heitastir
SALAN EYKST Sala á landsliðstreyjum þeirra
liða sem taka þátt í HM hefur aukist að
undanförnu. FRÉTTABLAÐIÐ/VILHELM
Ölver og Wembley
Í Ölveri og á Wembley í Glæsibæ
verða allir leikirnir sýndir á breið-
tjöldum. Hægt er að velja úr fimm
tjöldum samanlagt á báðum stöð-
um og 22 sjónvörpum. Einn skaf-
miði mun fylgja með hverjum bjór
á barnum og þeir sem skafa og
vinna ekki komast engu að síður í
stóran pott. Þar er utanlandsferð í
verðlaun. 120 gramma hamborg-
ari með stórum bjór verður á til-
boði á tólf hundruð krónur.
Players
Allir leikirnir verða sýndir á breið-
tjöldum, sem eru fimm talsins auk
þess sem ellefu sjónvörp
verða í gangi. Nýir skjá-
varpar eru komnir í
hús og ættu gæðin því
að vera eins og best
verður á kosið. Þeir
sem kaupa bjór á barn-
um fara í pott þar sem
dregnir verða út smá-
vinningar auk utan-
landsferðar. Tilboð
verður á grillbeikon-
borgara og stórum bjór
á 1.500 kall. Búast má við
hópi Norðmanna á barn-
um á þriðjudag þegar
Brasilíumenn mæta Króötum.
Vín og skel
Í fimmtíu fermetra tjaldi úti í
porti verður 48 tommu sjónvarp
þar sem fólk getur horft á leikina.
Hitalampi verður í tjaldinu þannig
að engum ætti að verða kalt. Bar
verður inni í tjaldinu og verða
ýmsir leikir í gangi. Hægt verður
að veðja á úrslit auk þess sem
menn geta sett nöfn sín í pott sem
verður dregið úr á Sýn. Utanlands-
ferð verður meðal verðlauna.
Einnig verður annað tjald á staðn-
um með skjávarpa sem sýnir leik-
ina á átta fermetra tjaldi. Ýmsir
sjávarréttir verða á tilboði, þar á
meðal fiskur, kræklingur, rækju-
kokteill, humar og skelfiskssúpa.
Glaumbar
Sett hafa verið upp ellefu
ný plasmasjónvörp frá 28
tommum upp í 42 tommur
að stærð. Alls verða þrettán
sjónvörp á staðnum auk þess
sem myndvarpi mun varpa
leikjunum upp á breiðtjald.
Stór bjór verður á 500 kall auk
þess sem hamborgari, fransk-
ar og kokkteilsósa verða á 950
krónur.
Stemningin lifir á kránni
SPENNTIR ÁHORFENDUR Mikil stemning verður væntanlega á pöbbum og veitingastöðum
út um allt land í tilefni af HM. MYND/KARL PETERSSON
Heimsmeistarakeppnin í
fótbolta hefst í Þýskalandi í
dag. Milljónir manna munu
fylgjast með þessari miklu
íþróttaveislu úti um allan
heim, þar á meðal hér heima
á litla Íslandi. Freyr Bjarna-
son fór á stúfana og frædd-
ist meðal annars um pólska
gullaldarliðið, brjálað
andrúmsloftið í Þýskalandi,
120 gramma hamborgara og
leðurklædda hægindastóla.
Knattspyrnuveislan mikla hefst í dag
Pólverjar eru fjölmennir
á Íslandi og að sjálfsögðu
ætla flestir þeirra að fylgj-
ast með sínum mönnum etja
kappi við þá bestu á HM.
Freyr Bjarnason ræddi við
Witek Bogdanski um pólska
landsliðið og væntingarnar
sem til þess eru gerðar.
Pólska landsliðið er í riðli með
Þýskalandi, Kosta Ríka og Ekvad-
or og reikna flestir með því að Pól-
verjar komist upp úr riðlinum
ásamt heimamönnum.
Að sögn Witek Bogdanski, rall-
ökumanns og formanns samtaka
Pólverja á Íslandi, eiga flestir Pól-
verjar gervihnattadiska og munu
þeir fyrst og fremst fylgjast með
keppninni heima hjá sér. Engin
sameiginleg hátíðarhöld hafi verið
skipulögð í tengslum við HM.
„Pólska sjónvarpið hefur verið
að sýna gamla leiki frá árinu 1974
þegar landsliðið var að vinna leik
eftir leik, til að hjálpa fólki að
muna eftir gömlu dögunum og
hjálpa því að trúa á liðið,“ segir
Witek. „Þeir töpuðu fyrir Kólumb-
íu um daginn og þá var mikil gagn-
rýni á landsliðið heima en síðan
spiluðu þeir við Króatíu og unnu,
þannig að það er erfitt að spá fyrir
um hvernig gengur,“ segir hann.
Mikil sorg var í Póllandi nýlega
þegar Kazimierz Górsky, fyrrver-
andi þjálfari pólska landsliðsins,
lést. Náði hann mjög góðum
árangri með liðið á sínum tíma og
er því mikil eftirsjá að honum.
„Gamli kallinn var að vonast eftir
því að lifa lengur og vonaðist til að
sjá leiki á HM. Stefnan var að
hjálpa honum að fara og fylgjast
með en því miður varð ekkert út
því,“ segir Witek. „Það var mikil
virðing borin fyrir honum. Hann
gerði kraftaverk með liðið árið
1974. Þá komst það í undanúrslit á
móti Þýskalandi en tapaði. Það var
45 mínútna seinkun á leiknum því
það var vatn um allan völl en samt
fór leikurinn fram. Ég man eftir
því að frægur pólskur leikmaður,
Lato, sem skoraði 7 mörk á mót-
inu, var að hlaupa og skaut á mark-
ið. Boltinn var á leiðinni inn en
stoppaði á línunni. Þetta var algjör
skandall og margir kvörtuðu yfir
þessu. Þeir töpuðu 1-0 og fóru ekki
í úrslit en unnu Brasilíu í leik um
þriðja sætið,“ segir hann.
Witek spáir Pólverjum upp úr
riðlinum á HM í Þýskalandi en á
ekki von á því að árangurinn verði
sá sami og gullaldarliðið náði á
sínum tíma. Hann býst við því að
Hollendingar muni standa uppi
sem sigurvegarar í fyrsta sinn í
sögu HM. - fb
Ný gullöld hjá Pólverjum?
SPENNTIR PÓLVERJAR Fjölmargir Pólverjar bíða spenntir eftir HM í fótbolta, þar á meðal
Witek og félagar hans sem starfa hjá Samskipum. Witek er í fremstu röð til hægri. Aðrir á
myndinni eru: Krzysztof Orlowski, Agnieszka Kasprzyk, Piotr Klinczak, Marek Dabrowski,
Marius Mryniewkki, Krystian Baranowski, Iotr Budziszewski, Sebastian Sadcik, Patrycjusz
Kadzikowski, Hanna Cypriak og Tomasz Chmiel. FRÉTTABLAÐIÐ/HÖRÐUR
Í tilefni HM í Þýskalandi munu
Goethe-stofnunin og þýska sendi-
ráðið í Reykjavík bjóða til athafn-
ar í Borgarleikhúsinu kl. 15:30 í
dag.
Opnunarleikur Þýskalands og
Kosta Ríka verður sýndur beint á
litla sviði leikhússins og eru allir
boðnir velkomnir. Einnig verður
ljósmyndasýningin Heimsmálið
fótbolti opnuð formlega af heið-
ursgestinum Atla Eðvaldssyni,
sem lék með góðum árangri frá
1980-1988 með þýsku liðunum
Borussia Dortmund, Fortuna
Düsseldorf og KFC Uerdingen 05.
Stefanie Hontscha, menningar-
fulltrúa hjá Goethe, hlakkar mikið
til athafnarinnar í dag. „Ég er
mjög ánægð með að Atli Eðvalds-
son verði heiðursgestur. Hann var
góður leikmaður á sínum tíma og
hefur gert mikið fyrir fótboltann á
Íslandi,“ segir Stephanie og hvet-
ur Þjóðverja jafnt sem Íslendinga
til að mæta í Borgarleikhúsið. Um
830 Þjóðverjar eru skráðir hér á
landi en um eitt þúsund eru hér
búsettir og því ætti mætingin í
dag að vera góð.
Stefanie segir að stemningin
hjá gestgjöfunum í Þýskalandi sé
hálfbrjáluð um þessar mundir.
„Það er svo mikið af fólki þarna af
öllum þjóðernum og allir eru að
koma saman til að skemmta sér.
Andrúmsloftið er hálfklikkað en
það er líka gott,“ segir hún.
Fótboltafár í Borgarleikhúsinu
STEFANIE HONTSCHA Menningarfulltrúi
Goethe-stofnunarinnar hlakkar mikið til
athafnarinnar í dag. FRÉTTABLAÐIÐ/VILHELM