Fréttablaðið - 09.06.2006, Blaðsíða 74
9. júní 2006 FÖSTUDAGUR58
LA
ND
SB
AN
KA
DE
IL
DI
N
HANDBOLTI „Ég get ekki sagt annað
en að ég hafi nokkrar áhyggjur af
varnarleiknum. Framliggjandi
vörnin sem við beittum í síðari
hálfleik var ekki að ganga sem
skyldi. Við stóðum of opnir, vorum
að telja vitlaust og fleira. Það er
ljóst að við þurfum mun betri
varnarleik og markvörslu til að
vinna Svíana,“ sagði Alfreð Gísla-
son landsliðsþjálfari eftir jafn-
teflisleik gegn Dönum í Höllinni,
34-34.
Fyrri hálfleikur var mjög
góður hjá íslenska liðinu. Alfreð
gerði smá breytingar á varnar-
leiknum frá því í leiknum á Akur-
eyri. Setti Sigfús á bekkinn,
Sverri fyrir miðju varnar og
Alexander og Róbert sitt hvoru
megin við Framarann.
Flest mörk íslenska liðsins
framan af komu úr hraðaupp-
hlaupum en alls skoraði Ísland
úr 7 hraðaupphlaupum í fyrri
hálfleik en Danir aðeins úr þrem-
ur. Nokkuð reyndi á sóknarleik-
inn síðari hluta hálfleiksins og
þar var einstaklingsframtakið
allsráðandi en strákarnir voru að
velja góð skot og flest enduðu
þau í netinu. Varnarleikurinn var
ágætur lengstum og Danir voru
lengi vel í vandræðum með að
koma skoti á markið. Ísland
leiddi með þrem mörkum, 19-16,
í leikhléi. S forysta hefði getað
verið meiri hefði liðið fengið ein-
hverja markvörslu en hún var
engin eins og oft áður. Mest náði
Ísland fimm marka forystu, 17-
12.
Sigfús kom í vörnina í síðari
hálfleik og Guðjón Valur byrjaði
að klippa út vinstri vænginn hjá
Dönum en þessa vörn spilaði liðið
lengstum á Akureyri. Sú vörn
gekk ekki sem skyldi en mikið
munaði um að fá loksins mark-
vörslu en Hreiðar Levý varði
mjög vel fyrri hluta hálfleiksins.
Um leið komu hraðaupphlaupin
aftur og fyrir vikið breikkaði
bilið á milli liðanna en Ísland náði
aftur fimm marka forystu um
miðjan hálfleikinn, 28-23.
Um miðjan hálfleikinn gaf
liðið eftir, strákarnir klúðruðu
boltanum klaufalega, markvarsl-
an hvarf og Danir náðu aftur í
skottið á íslenska liðinu, 31-31.
Mikið fjör var undir lokin en
íslenska liðið náði ekki að klára
leikinn og voru það nokkur von-
brigði eftir ágætan leik lengst-
um.
Ólafur og Alexander áttu báðir
frábæran leik, Guðjón Valur var
öflugur og Snorri stýrði sókninni
vel þó skotin hafi ekki verið að
ganga. Sigur og jafntefli gegn
sterku liði Dana gefa ágæt fyrir-
heit fyrir slaginn gegn Svíum en
hausverkur liðsins fyrir leikina
er mjög kunnuglegur - vörn og
markvarsla. - hbg
Alfreð Gíslason landsliðsþjálfari heldur ekki alveg sáttur til Svíþjóðar eftir leikina gegn Dönum:
Hef nokkrar áhyggjur af varnarleiknum
GRIMMUR Arnór Atlason stóð sig vel gegn Dönum og skorar hér eitt af þrem mörkum
sínum í gær. FRÉTTABLAÐIÐ/HEIÐA
FÓTBOLTI Það vantaði marga leik-
menn í Skagaliðið sem sótti Kefl-
víkinga heim í sjöttu umferð
Landsbankadeildar karla í gær-
kvöldi. Þórður Guðjónsson gat
ekki spilað með vegna meiðsla en
auk hans vantaði marga aðra leik-
menn í liðið. Eftir að hafa tapað
fimm fyrstu leikjunum bitu Skaga-
menn loks frá sér og innbyrtu sín
fyrstu stig í ár og sannkallaður 1-0
baráttusigur var niðurstaðan.
Jafnræði var með liðunum í
upphafi leiks og Guðmundur
Steinarsson setti strax tóninn og
náði að skapa sér almennileg
marktækifæri. Leikurinn galt
þess að hann fékk nánast ekki að
fljóta neitt og ótt og títt dæmdi
Erlendur Eiríksson aukaspyrnur.
Kom það niður á ágætlega spil-
andi liðunum, sem gerðu sitt besta
í að halda boltanum innan liðanna.
Skagamenn náðu forystunni á
22. mínútu þegar Ellert Jón
Björnsson ýtti boltanum yfir lín-
una eftir fyrirgjöf Guðjóns Heið-
ars Sveinssonar. Eftir markið
sóttu Keflvíkingar meira en Bjarki
Freyr Guðmundsson var mjög
öruggur í Skagamarkinu og staðan
í hálfleik var 1-0, Skagamönnum í
vil.
Það var fátt um fína drætti hjá
liðunum í síðari hálfleik. Harka
færðist í leikinn en Keflvíkingar
voru meira með boltann, án þess
að skapa sér teljandi færi. Bjarki
Freyr, markmaður Skaamanna,
átti mjög góðan leik og var virki-
lega vel vakandi. Skagamenn áttu
nokkrar fínar skyndisóknir og
voru allt eins líklegir til að bæta
við eins og Keflvíkingar að jafna.
Undir lok leiksins sauð svo end-
anlega upp úr en eftir handalög-
mál fékk Guðmundur Viðar Mete
beint rautt spjald fyrir að hrinda
einum Skagamanni auk þess sem
Kristján Guðmundsson var send-
ur upp í stúku. Skagamenn geta
vel við unað eftir að hafa landað
stigunum þremur í Keflavík í
gær.
„Þetta er góð tilfinning en það
er synd að við skulum ekki hafa
upplifað þetta fyrir fimm umferð-
um. Mér fannst við eiga sigurinn
skilinn enda vorum við betri aðil-
inn í þessum leik. Við áttum að
vera búnir að klára þetta og hefð-
um átt að gera það eftir að hafa
fengið dauðafæri til þess en það er
alltaf hættulegt þegar staðan er 1-
0 og það þarf lítið að gerast til að
þeir séu búnir að jafna eða við að
klára leikinn,“ sagði Ólafur Þórð-
arson, þjálfari ÍA, sem gat loksins
leyft sér að brosa eftir leiki liðsins
í sumar.
„Ég gerði ekkert sérstakt fyrir
þennan leik annað en að reyna að
blása lífi í þetta. Þeir vildu mikið
strákarnir í dag og þeir stóðu sig
vel. Að sjálfsögðu ætlum við svo
að halda áfram á sömu braut,“
sagði Ólafur Þórðarson og mátti
sjá að þungu fargi var af honum
létt en hann hefur verið undir
mikilli pressu og orðrómur í
gangi þess efnis að Guðjón Þórð-
arson væri að taka við Skagalið-
inu af Ólafi hefur eflaust hjálpað
lítið.
ÍA er komið á beinu brautina og
verður spennandi að fylgjast með
því hvað liðið gerir í kjölfarið en
ÍA var spáð öðru sæti í deildinni
fyrir mót.
- hþh
Skagamenn fengu sín fyrstu stig í sumar er þeir heimsóttu Keflavík:
Loksins bitu Skagamenn almennilega frá sér
FÓTBOLTI Valsmenn voru í miklum
ham í Laugardalnum í gær í fjör-
legum leik sem bauð upp á fjölda-
mörg færi. Til að mynda hefði
Garðar vel getað skorað fleiri
mörk en þessi tvö sem hann gerði
því hann skaut tvívegis yfir í góðri
stöðu. Valsmenn voru betri á nán-
ast öllum sviðum leiksins en mark
Fylkismanna kom í uppbótartíma.
„Hugarfarið var alveg til fyrir-
myndar í þessum leik og allt annað
að sjá til leikmanna núna en í síð-
asta leik,“ sagði Willum Þór Þórs-
son, þjálfari Vals, en liðið tapaði
fyrr í vikunni fyrir Víkingi. „Liðið
barðist sem einn maður og naut
þess að spila fótbolta. Fylkismenn
misstu hinsvegar móðinn þegar á
leið.“
Valur varð fyrir áfalli þegar
Valur Fannar Gíslason meiddist
en Skotinn Barry Smith leysti
miðvarðarstöðuna við hlið Atla
Sveins Þórarinssonar af prýði.
„Það var mikil lukka fyrir okkur
að eiga Barry inni því hann kann
heldur betur að spila. Hann er
leiðtogi í sér, les leikinn mjög vel
og talar.“
Nokkuð mikil harka var í leikn-
um en Einar Örn dómari gaf
snemma tóninn og var óhræddur
við að spjalda menn í byrjun leiks.
Hann dæmdi þó ekkert þegar Dan-
inn Christian Christiansen féll
innan teigsins og vildi fá víti og
Fylkismenn létu óánægju sína
berlega í ljós. Páll Einarsson átti
skalla sem Kjartan Sturluson,
fyrrum markvörður Fylkis, varði
vel áður en Garðar skoraði fyrsta
markið. Baldur Aðalsteinsson
sýndi þá mögnuð tilþrif og fór illa
með gestina áður en hann gaf á
Guðmund Benediktsson sem
renndi boltanum út á Garðar sem
skaut góðu skoti í hornið.
Út fyrri hálfleikinn voru Vals-
menn sterkari. Baldur hélt áfram
að láta að sér kveða og átti gott
langskot sem fór naumlega yfir
markið.
Það var svo Pálmi Rafn Pálma-
son sem bætti við marki fyrir hálf-
leik eftir að varnarmenn Fylkis
voru sofandi en það var Garðar
sem lagði markið upp.
Fylkismenn voru með lífsmarki
í upphafi síðari hálfleiks en svo
tóku heimamenn völdin á ný og
Garðar skoraði úr aukaspyrnu
sem hafði viðkomu í varnarmanni
og fór inn. Það sem eftir lifði leiks
höfðu þeir tögl og hagldir og áttu
margar stórhættulegar sóknir
enda voru þeir mjög sprækir fram
á við og spiluðu stórskemmtilega.
Fylkir komst lítt áleiðis nema í
uppbótartíma þegar Jens Elvar
Sævarsson skoraði eftir horn.
elvar@frettabladid.is
Valsmenn sýndu sparihliðarnar
gegn Fylki í Laugardalnum
Valsmenn voru í miklum ham í Landsbankadeildinni í gær og unnu Fylkismenn 3-1 þar sem Garðar Gunn-
laugsson skoraði tvö mörk. Allt annað var að sjá til liðsins frá því gegn Víkingi á mánudaginn.
ERFITT Fylkismenn máttu síns lítils gegn Val í gær. Hér er Daninn Christian Christiansen í
baráttu við Atla Svein Þórarinsson. FRÉTTABLAÐIÐ/HEIÐA