Fréttablaðið - 09.06.2006, Blaðsíða 61

FÖSTUDAGUR 9. júní 2006 45
[UMFJÖLLUN]
TÓNLIST
Morðingjarnir er þriggja manna
sveit en meðlimir hennar voru allir
í Dáðadrengjum, sem virðist vera
búnir að leggja upp laupana, að
minnsta kosti hefur ekkert heyrst
frá þeirri ágætu sveit í dágóðan
tíma. Tónlist Morðingjanna er hins
vegar jafn ólík tónlist Dáðadrengja
og hugsast getur, þeir eru farnir úr
elektrópoppi í hreinræktað pönk-
rokk. Morðingjarnir sleppa því líka
að biðja stelpur um að fara úr að
ofan og í staðinn beina þeir kröft-
um sínum að stjórnvöldum og
almennri auðvaldsstefnu. Morð-
ingjarnir eru lítið að flækja hlutina
í götunni sinni enda virðist tilgang-
urinn vera að búa til hreinræktað
pönk með beittum boðskap.
Morðingjarnir eru heldur ekk-
ert að tvínóna neitt við hlutina. Þó á
plötunni sé heil tólf lög tekur það
Morðingjana ekki nema 24 mínútur
að koma þeim á framfæri. Gerir
það reyndar að verkum að um leið
og platan er búin langar mann að
spila hana aftur í gegn. Morðingj-
arnir ná nefnilega að semja nokkuð
grípandi melódíur, sem er því
miður of sjaldgæfur kostur meðal
pönksveita. Lög eins og Ætlarðu
ekki með?, Morð af gáleysi og Drep
ykkur öll, ná í einfaldleika sínum
að hrífa mann með sér og í leiðinni
að fá mann til þess að hugsa.
Textar Morðingjanna eru þó
helsti kostur plötunnar. Línur eins
og „Þingmennirnir þeir brosa blítt,
þeir líta undan, þeir fá fiskinn frítt
og ríki karlinn verður ríkari. Já,
svona virkar nú góðærið,“ og
„Davíð Oddsson þú ert bara feitur
og Halldór Ásgrímsson, þú heldur
að þú sért töff og ríkisstjórn
Íslands, þið eruð allir glæpamenn.
Þið ljúgið að okkar dag eftir dag,“
eru bara lítið brot um hápólitíska
texta Morðingjanna þar sem allt
vestrænt neyslusamfélag fær á
baukinn, meira að segja framhalds-
skólinn.
Í götunni minni er ekkert braut-
ryðjendaverk og skal heldur ekki
líta á sem slíkt. Platan er langt frá
því að vera gallalaus en sum lögin
virka hálf klisjukennd og sumir
textanna eru einum of óþjálir og
flæða því illa, til dæmis í Lest það
ekki í bók. Yfirhöfuð er platan
samt hin besta skemmtun sem ætti
að hrista vel upp í ósáttum og rokk-
þyrstum einstaklingum og einnig
þeim sem vilja dilla sér við einfald-
ar en hressar laglínur.
Steinþór Helgi Arnsteinsson
Hressir Morðingjar
MORÐINGJARNIR
Í GÖTUNNI MINNI
Niðurstaða: Fyrsta plata Morðingjanna er
rokk og ról í einni af sinni bestu myndum
þó svo að hún sé ekkert brautryðjendaverk.
Hreinræktað og hressandi pönk með beittum
textum og grípandi lögum.
Útgáfan blómstrar í vor og nú
tínast nýjar bústaðabækur og
aðrar uppbyggilegar bókmenntir í
hillur verslana.
Ólíkindatólið og slæpinginn
Wladimir Kaminer lýsir sögu
endaloka Sov-
étríkjanna frá
sínu sjónar-
horni í bókinni
Plötusnúður
Rauða hersins
sem Mál og
menning gefur
út. Kaminer
þessi er einn
helsti sérfræð-
ingur heims í
rússneskri
popptónlist og er þekktur fyrir að
skipuleggja danskvöld þar sem
leikið er „Rússadiskó“. Persónu-
leg og stórfyndin bók um horfinn
heim.
Bókin kom fyrst út árið 2001 en
dúkkar nú upp í íslenskri þýðingu
Magnúsar Þórs Þorbergssonar.
Sakamálasagan Blóðberg eftir
Ævar Örn Jósepsson er komin út í
kilju en henni var einkar vel tekið
í síðasta flóði. Sögusvið bókarinn-
ar er virkjun-
arsvæðið við
Kárahnjúka
þar sem sex
starfsmenn
hafa farist í
hörmulegu
slysi en ýmis-
leg bendir til
þess að
atburðurinn
hafi alls ekki
verið neitt
óhapp heldur kaldrifjað morð eða
jafnvel fyrsta mannskæða hryðju-
verkið í sögu eyjarinnar. Höfund-
urinn hefur áður gefið út spennu-
sögurnar Skítadjobb og Svartir
englar sem tilnefnd var til Gler-
lykilsins, norrænu glæpasagna-
verðlaunanna. Útgefandi er Mál
og menning.
Skáldsaga Hallgríms Helga-
sonar, Rokland, er komin í kilju-
form. Ævintýri framhaldsskóla-
kennarans og
heimspek-
ingsins Böðv-
ars Stein-
grímssonar
og uppgjör
hans við eigin
samtíma og
yfirgengilega
tilvistarang-
ist hafa fallið
vel í kramið
hjá lesend-
um. Samfélagsrýni og orðkynngi
aðalpersónunnar hafa ótvírætt
skemmtanagildi því enginn veit
betur en Böddi hversu sterk meðöl
nútímamaðurinn þarf til þess að
breyta sjálfum sér og heiminum.
Mál og menning gefur Rokland
út. - khh
Í hillurnar
AUGL†SINGASÍMI
550 5000
Sögurnar,
tölurnar,
fólki›.
FYLGIR FRÉTTABLA‹INU
ALLA MI‹VIKUDAGA
550 5000
AUGLÝSINGASÍMI