Fréttablaðið - 09.06.2006, Blaðsíða 16

16 9. júní 2006 FÖSTUDAGUR
HANAAT Í AUSTUR-TÍMOR Lítið hnífsblað
er bundið við löpp hanans til að auka
spennuna í hanaati í smábænum Gleno á
Austur-Tímor. FRÉTTABLAÐIÐ/AP
AFGANISTAN, AP Uppreisnarmenn
leita sífellt nýrra leiða í baráttu
sinni við hersetulið Bandaríkja-
manna. Í gær komu hermenn í veg
fyrir að maður næði að leiða asna
sinn inn í bæinn Qalat í róstursöm-
um syðri hluta Afganistan. Í Qalat
er herstöð Bandaríkjamanna og
reyndist asninn vera hlaðinn þrjá-
tíu kílóum af sprengiefni sem var
tengt fjarstýrðri hvellhettu.
Þetta er í fyrsta sinn, svo vitað
sé, sem asni er nýttur í þessum til-
gangi. - kóþ
Tilræði í Afganistan:
Asnasprengja
aftengd
NÝJASTA VOPNIÐ Nú eru ferfætlingarnir
notaðir til manndrápa í Afganistan.
LANDGRÆÐSLA Landgræðsla Íslands
hóf uppgræðslu í Stóru Sandvík á
Reykjanesi í gær. Landið sem um
ræðir er sá hluti Sandvíkurinnar
sem notaður var í tökum á kvik-
mynd Clints Eastwood, Flags of
Our Fathers, í fyrrasumar. Mel-
gresi verður sáð á nokkra hektara
lands sem áður var uppgróin sand-
eyðimörk.
Andrés Arnalds, fagstjóri Land-
græðslunnar, segir það hafa verið
nauðsynlegt að ráðast í þessa
framkvæmd nú til að styrkja gróð-
ur á svæðinu. „Þegar kvikmyndin
var tekin upp þurfti að raska sand-
inum svolítið. Það rask var mjög
lítið miðað við það sem mun sjást í
myndinni. Maður trúir því eigin-
lega ekki eftir á hvað þar hefur
verið gengið vel um landið.“ Andr-
és segir skemmdirnar líka af völd-
um torfæruhjóla sem þarna voru
tíðir gestir síðastliðinn vetur.
„Þetta svæði hafði verið lokað
lengi fyrir torfæruakstri en með
þessari bylgju torfæruhjóla sem
flætt hefur yfir landið varð álag á
þessu svæði meira en góðu hófi
gegndi. Það gerir þetta upp-
græðslustarf mun umfangsmeira
en ella hefði verið.“
Andrés minnir á hversu tökur
myndarinnar á sandinum voru
umdeildar á sínum tíma vegna
væntanlegra skemmda á umhverf-
inu. „Svo heyrist ekkert þótt tor-
færuhjólin séu að djöflast þarna
út um allt.“ - shá
Landgræðsla Íslands við störf í Stóru Sandvík á Reykjanesi:
Mikill skaði eftir torfæruhjól
FRÁ UPPTÖKUM Þrátt fyrir að kvikmynda-
tökumennirnir hafi haft mikið umleikis var
skaði af veru þeirra lítill.
KOSNINGAR Framsóknarflokkurinn
og J-listi óháðra á Dalvík hafa náð
samkomulagi um myndun nýs
meirihluta í Dalvíkurbyggðar. Svan-
fríður Jónasdóttir, oddviti J-lista,
verður bæjarstjóri fyrstu tvö árin
en síðan verður auglýst eftir bæjar-
stjóra í samræmi við stefnuskrá
framsóknarmanna og ráðið í starfið
samkvæmt tilnefningu þeirra.
Bjarnveig Ingvadóttir, oddviti
framsóknarmanna, verður forseti
bæjarstjórnar fyrri hluta tímabils-
ins en þá taka óháðir við embætt-
inu. Formennska í bæjarráði skipt-
ist milli framboðanna og verður
Anna Sigríður Hjaltadóttir, J-lista,
fyrsti formaður þess. - sh
Meirihluti í Dalvíkurbyggð:
Svanfríður fær
bæjarstjórastól
ÍRAK, AP Ferill Abus Musab al-
Zarqawi var um margt sveipað-
ur dulúð. Hann fæddist árið 1966
í Zarqa í Jórdaníu, sem hann
kenndi sig við, en honum var upp-
haflega gefið nafnið Ahmed
Fadhil al-Khalayleh. Hann missti
ungur báða foreldra sína, hætti í
skóla og endaði í fangelsi.
Dvölin í fangelsinu jók trú-
festu al-Zarqawis og þegar
honum var sleppt árið 1989 fór
hann til Afganistan til að berjast
gegn hersetu Rússa. Við pakist-
önsku landamærin kynntist hann
Salafist-bókstafstrúnni, sem ýtti
undir hatur hans á sjíamúslimum
og nútímayfirvöldum múslima-
ríkja. Samtök al-Zarqawis eru nú
sögð halda úti þjálfunarbúðum
fyrir hryðjuverkamenn og hvetja
til hryðjuverka gegn Ísraelum,
sjíamúslimum og bandarískum
hermönnum.
Margt af þessu gæti þó verið
hálfsannleikur eða uppspuni frá
rótum. Sagt er að tilvist al-
Zarqawis sé uppspuni einn sem
Bandaríkjastjórn noti til að ná
fylgi við aðgerðir sínar í Írak.
Skemmst er þess að minnast
þegar Colin Powell, þáverandi
utanríkisráðherra Bandaríkj-
anna, lýsti því yfir sex vikum
fyrir innrásina í Írak að al-
Zarqawi væri hlekkurinn sem
tengdi Saddam Hussein við
hryðjuverkasamtökin al-Kaída
og heimsins hættulegasta mann,
Osama bin Laden. Fyrir þann
tíma hafði nafn al-Zarqawi verið
flestum óþekkt, enda nær engar
myndir til af manninum og lítið
vitað um þá hugmyndafræði sem
hann fylgdi.
Margar sögur ganga um al-
Zarqawi, til dæmis er talið líklegt
að bandaríski herinn hafi fangað
hann árið 2004, en sleppt honum
aftur þar sem ekki hafi verið
borin kennsl á þennan nafntog-
aða hryðjuverkamann, en Banda-
ríkjastjórn hafði boðið 25 milljón
dollara í laun fyrir handtöku
hans. Einnig er talið að hann hafi
særst alvarlega á flótta frá
Afganistan árið 2002, og jafnvel
hafi þurft að fjarlægja annan fót-
legg hans.
Yfirvöld hafa einnig bendlað
al-Zarqawi við ránið og aftökuna
á Nicholas Berg, sem netverjar
fengu að sjá myndband af árið
2004, en þar sést grímuklæddur
maður skera Berg á háls. Sá
maður er reyndar ekki einfættur
og ekkert bendlar al-Zarqawi við
þetta hrikalega ódæði annað en
röddin, en hann hefur sent frá
sér margar hljóðupptökur með
hvatningu til vígamanna.
steindor@frettabladid.is
Dularfulli
Jórdaninn
Abu Musab al-Zarqawi lést í loftárás í Írak í gær.
Bandarísk yfirvöld lýstu honum sem hættulegasta
manni heims að Osama bin Laden undanskildum.
ABU MUSAB AL-ZARQAWI Hryðjuverkamaðurinn dularfulli er nú allur. FRÉTTABLAÐIÐ/AP
■ 28. október 2002: Bandarískur sendi-
herra er myrtur fyrir utan heimili sitt í
Amman.
■ 19. ágúst 2003: Höfuðstöðvar Samein-
uðu þjóðanna í Bagdad sprengdar, 23
farast.
■ 29. ágúst 2003: Bílasprengja í Najaf
drepur 85 manns.
■ 2. mars 2004: Samstilltar sjálfsmorðsárásir
á sjíamúslima valda dauða 181 manns.
■ 11. maí 2004: Nicholas Berg er rænt og
hann hálshöggvinn á myndbandi.
■ 18. maí 2004: Bílasprengja banar Abdel-
Zahraa Othman, formanns ríkisráðs Íraks.
■ 22. júní 2004: Suðurkóreski gíslinn Kim
Sun-Il hálshöggvinn.
■ 29. júní 2004: Tveimur Búlgörum rænt og
þeir síðar hálshöggnir.
■ 2. ágúst 2004: Myndband sýnir tyrknesk-
an gísl skotinn til bana.
■ 13. september 2004: Tyrkneskur vörubíl-
stjóri afhöfðaður.
■ 14. september 2004: Bílasprengja drepur
47 manns við lögreglustöð í Bagdad.
■ 16. september 2004: Þremur Bretum
er rænt og þeir allir hálshöggnir innan
mánaðar.
■ 30. október 2004: Shosei Koda frá Japan
rænt, afhöfðað lík hans finnst vafið í banda-
ríska fánann.
■ 9. nóvember 2005: Þrjár sjálfsmorðsárás-
ir á jórdönsk hótel, 60 farast.
ÁRÁSIR OG MANNRÁN
�Úr meintri „afrekaskrá“ al-Zarqawis og fylgismanna hans:
EINN OG SAMI MAÐURINN? Fáar myndir
eru til af al-Zarqawi og ekki er víst hvort
þær sýna sama manninn eða hver þeirra
er í raun af þessum fræga glæpamanni.