Fréttablaðið - 09.06.2006, Blaðsíða 70
54 9. júní 2006 FÖSTUDAGUR
sport@frettabladid.is
Opna Xerox mótið
Hamarsvelli Borgarnesi
Leikfyrirkomulag:
Punktakeppni - Hámarksforgjöf karla 24, hámarksforgjöf kvenna 28.
Verðlaun:
3 efstu sætin
Fyrir besta skor
Nándarverðlaun á par 3 holum
Teighögg næst línu á 18. braut
Allir fá teiggjafir
Skráning á golf.is eða í síma 437-1663
����
�
�
�
�
Klæðskerasaumaðar prentlausnir fyrir þitt fyrirtæki
10. júní 2006
FÓTBOLTI Arnar Grétarsson hefur
verið að æfa með Breiðabliki að
undanförnu en svo gæti farið að
hann léki með liðinu seinni hluta
tímabilsins hér heima. Arnar,
sem er orðinn 34 ára, hefur
undanfarin fimm ár verið í her-
búðum belgíska liðsins Lokeren
en samningur hans þar er að
renna út.
„Það er alveg ljóst að ég mun
ekki spila erlendis næsta vetur
nema eitthvað mjög spennandi
komi upp. Umboðsmaður minn
segir mér að fjögur hollensk
úrvalsdeildarlið hafi áhuga á
mér og einnig Alemannia Aachen
sem vann sér sæti í þýsku bund-
esligunni síðasta vetur. Það er þó
alltaf langur vegur frá áhuga og
til þess að tilboð verður gert. Ég
er reyndar með tilboð frá grísku
liði en hef ekki áhuga á að fara
þangað,“ sagði Arnar.
Það er þó alveg ljóst að ekk-
ert annað lið kemur til greina
hér á landi en Breiðablik. „Fjöl-
skyldan er að flytja heim og ég
er mjög opinn fyrir því að spila
hér á landi. Ég er menntaður við-
skiptafræðingur og það væri
bara gaman að fara að vinna og
spila hér heima. Ég hef séð
marga leiki í deildinni hérna að
undanförnu og gæðin koma mér
nokkuð á óvart. Það eru margir
ungir og mjög efnilegir leik-
menn hérna. Ég sá til dæmis FH
og Keflavík mætast og hreifst
nokkuð af Keflavíkurliðinu, þar
eru margir spennandi leik-
menn.“
Arnar hefur glímt við erfið
meiðsli undanfarna sjö mánuði
en er að jafna sig af þeim. Það er
ljóst að reynsla hans gæti komið
Breiðablik að miklum notum á
síðari hluta tímabilsins ef hann
fær ekki spennandi tilboð að
utan og ákveður að taka eitt tíma-
bil í viðbót erlendis. - egm
Arnar Grétarsson, fyrrverandi landsliðsmaður:
Líkur á að hann
spili með Blikum
ARNAR GRÉTARSSON Á fullri ferð með
landsliðinu í leik gegn Skotum ytra.
Ragnar Óskarsson, handboltakappi hjá
Dunkerque í Frakklandi, missir af seinni
leiknum gegn Svíum þar sem hann er
að fara að gifta sig.
„Það er langt síðan dagurinn var ákveð-
inn og ég hafði ekki hugmynd um að ég
yrði í hópnum á þessum tíma. Því miður
hittist þetta svona á. Því miður og því
miður reyndar, það er ekkert leiðinlegt
að vera að gifta sig. Ég sagði alltaf að
ég væri tilbúinn að hjálpa til eins og
ég gæti fram að seinni leiknum og ég
vona bara að ég geti komið að einhverju
gagni,“ sagði Ragnar eldhress í gær.
„Ég var mest hissa á að vera valinn aftur
í hópinn. Svona er þetta, maður gerir
bara eins vel og maður getur úr þessu.
Ég var mjög ánægður með að Alfreð
vildi fá mig eins og ég gæti og var ekki
að setja mig út úr hópnum þrátt fyrir
þetta. Ég er honum mjög þakklátur fyrir
traustið. Strákarnir í liðinu litu á þetta
eins og því er það bara hið besta mál
en það kom aldrei til greina að fresta
brúðkaupinu. Það er búið að vera
nóg að gera í
undirbún-
ingnum
en þetta
er allt
komið
þrátt fyrir að
ég hafi stungið af
bara, svona rétt fyrir
stóra daginn,“ sagði
Ragnar en unnusta
hans er frönsk.
Ragnar var svo steggjaður eins og hefð
er fyrir brúðkaup.
„Þetta gekk alveg eins og í sögu. Ég var
látinn dansa í neðanjarðarlestunum í
Frakklandi og safna eins miklum pening
og ég gæti í hatt. Ég dustaði rykinu af
gamla hip-hopinu mínu og fékk fullt af
evrum í hattinn. Ef þetta klikkar með
handboltann hjá mér þá get ég greini-
lega alltaf farið að troða upp í lestun-
um, jafnvel rappað og svona,“ sagði
Ragnar og hló við en það voru
samherjar hans úti sem
steggjuðu hann svona
eftirminnilega.
HANDBOLTAKAPPINN RAGNAR ÓSKARSSON: MISSIR AF SEINNI LEIKNUM GEGN SVÍUM HINN 17. JÚNÍ
Ég gat ekki frestað brúðkaupinu!
Ragnheiður með Íslandsmet
Ragnheiður Ragnarsdóttir, sundkona
úr KR, setti nýtt Íslandsmet í 50 metra
skriðsundi á móti í Canet í Frakklandi
í gær. Hún synti á tímanum 26,23
sekúndum og bætti fyrra metið, 26,34
sekúndur, sem hún átti sjálf og tryggði
sér þar með sæti á EM í sundi, sem fram
fer í Búdapest, í ágúst.
> Þorgils í ÍR
Unglingalandsliðsmarkvörðurinn
Þorgils Jónsson er genginn í raðir ÍR frá
ÍBV. Þorgils er hávaxinn og efnilegur
markvörður og er gríðarleg ánægja með
komu hans í Breiðholtinu en ÍR-ingar
binda miklar vonir við þennan
strák á næstu árum.
Breiðhyltingar
hafa orð á sér
fyrir að skila
markvörðum
sínum í lands-
liðið og verður
spennandi að
fylgjast með
hvernig Þorgils
kemur til með að
ganga hjá ÍR, sem
hefur verið að bæta
nokkuð við sig undanfarið
og ber þar hæst endurkomu Brynjars
Steinarssonar frá Danmörku.
FÓTBOLTI Heiðar Helguson er alls
ekki á förum frá Fulham í sumar.
Enskir fjölmiðlar greindu frá því í
gær að Fulham hefði áhuga á því
að láta Heiðar og Collins John fara
til Birmingham í skiptum fyrir
Emile Heskey. Það er þó ekki að
fara að gerast ef marka má orð
Chris Coleman, stjóra Fulham.
„Það er alls ekki rétt. Þetta eru
bara einhverjar sögusagnir sem
blaðamenn búa til. Heiðar spilaði
virkilega vel á tímabilinu og við
höfum ekki í hyggju að selja hann,
alls ekki,“ sagði Coleman um Dal-
víkinginn knáa.
Heiðar gekk til liðs við Fulham
síðasta sumar og átti erfitt upp-
dráttar til að byrja með á Craven
Cottage. Eftir áramót fór baráttu-
hundurinn svo í gang og lauk hann
tímabilinu með tíu mörk fyrir Ful-
ham og komst í miklar mætur hjá
stuðningsmönnum liðsins. - hþh
Chris Coleman:
Heiðar er alls
ekki á förum
FÓTBOLTI Sinisa Valdimar Kekic
íhugar nú hvort hann eigi að hætta
hjá Grindavík og færa sig um set
eftir að ágreiningur kom upp á
milli hans og Sigurðar Jónssonar,
þjálfara liðsins. Kekic hefur verið
lykilmaður liðsins undanfarin ár
og væri það mikil blóðtaka fyrir
Suðurnesjaliðið ef þessi 36 ára
gamli fjölhæfi leikmaður ákvæði
að skipta um félag.
„Ég vil ekki mikið tjá mig um
þetta mál en það kom upp ágrein-
ingur við þjálfarann og ég er að
hugsa hvað ég á að gera núna. Ég
er þó ekki búinn að ákveða hvað
ég geri og ég vil bara alls ekki
hætta að spila fótbolta, ég á enn
eitthvað eftir en ég er ekki viss
um hvort ég verði áfram hjá
Grindavík,“ sagði Sinisa Valdimar
Kekic við Fréttablaðið í gær.
Sigurður Jónsson, þjálfari liðs-
ins, sagði að málið væri stormur í
vatnsglasi og gerði fastlega ráð
fyrir að málið leystist innanbúðar.
Sömu sögu er að segja af Jónasi
Þórhallssyni, formanni knatt-
spyrnudeildar Grindavíkur. Jónas
fundaði með Kekic og Sigurði í
gær en þær viðræður skiluðu ekki
tilætluðum árangri.
Kekic er enn í fullu fjöri og er
jafnan á meðal bestu manna liðs-
ins, hvort sem hann spilar í vörn
eða sókn. Hann er þó alls ekki á
því að hætta knattspyrnuiðkun,
jafnvel þó hann hætti hjá Grinda-
vík.
„Ég vil ekki hætta að spila fót-
bolta og ef ég hætti hjá Grindavík
vil ég frekar fara eitthvert annað í
stað þess að hætta að spila,“ sagði
Kekic, sem er þokkalega sáttur
við tímabilið fram að þessu.
„Eftir fimm leiki höfum við
aðeins tapað einum leik og það er
ekki slæmt. Við höfum verið
óheppnir og vorum til að mynda
betri en ÍBV en náðum bara ekki
að skora. Við spiluðum lítinn fót-
bolta en meiri orka fór í baráttu.
Auk þess fengum við á okkur tvö
mörk á lokasekúndunum gegn
Fylki þar sem við vorum óheppnir
og ofan á allt höfum við fengið á
okkur fullt af vítaspyrnum,“ sagði
Kekic.
Þrátt fyrir að vera 36 ára slær
Kekic hvergi af en hann er reynd-
ar óánægður með sjálfan sig þessa
dagana. „Ég er í smá vandamálum
núna. Ég er hundóánægður með
hvernig ég hef spilað tvo síðustu
leiki, ég hef sofið og borðað mjög
lítið tvær síðustu vikur en ég er að
reyna að vinna í mínum málum.
Ég býst alveg við því að þetta lag-
ist á næstunni hjá mér,“ sagði
Sinisa Valdimar Kekic, sem lék
ekki með gegn Víkingum í gær.
Sigurður Jónsson sagði ástæðuna
vera þá að Kekic væri meiddur en
Kekic sagði sjálfur að hann væri í
lagi og gæti spilað.
hjalti@frettabladid.is
Fer Sinisa Valdimar frá Grindavík?
Einn allra besti leikmaður Grindavíkurliðsins undanfarin ár, Sinisa Valdimar Kekic, gæti verið á förum frá
félaginu. Hann lenti upp á kant við Sigurð Jónsson, þjálfara liðsins, og íhugar nú hvar framtíð hans liggur.
HORFÐI Á ÚR STÚKUNNI Sinisa Kekic mátti gera sér það að góðu að fylgjast með leik Vík-
ings og Grindavíkur úr stúkunni. Hann gæti hafa leikið sinn síðasta leik fyrir félagið.
FRÉTTBLAÐIÐ/HÖRÐUR