Fréttablaðið - 23.06.2006, Qupperneq 61

FÖSTUDAGUR 23. júní 2006 29
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tekið
á móti efni sem sent er frá Skoðanasíð-
unni á visir.is. Þar eru nánari leiðbeining-
ar. Ritstjórn ákveður hvort efni birtist í
Fréttablaðinu eða Vísi eða í báðum miðl-
unum að hluta eða í heild. Áskilinn er
réttur til leiðréttinga og til að stytta efni.
Sigurbjörn Sveinsson, formaður
Læknafélags Íslands, rekur í ágætu
viðtali við Fréttablaðið, þann 25.
maí sl. undir þessari yfirskrift,
aukið álag heimilislækna vegna
uppsagnar samnings hjartalækna
við Tryggingastofnun ríkisins.
Ekki er hér efast um að þessir
útreikningar séu réttir, enda hef ég
engar forsendur til þess. Ljóst er að
kostnaður sjúklings er ekki talinn
með í viðtali þessu, sem er viðtal
við heimilislækni, ferð á Trygginga-
stofnun með reikning hjartalæknis
ásamt tilvísun frá heimilislækni né
annara óþæginda sem eru þessu
samfara s.s. tafir frá vinnu. Fasti
punkturinn í þessu öllu er heimsókn
til hjartalæknis, sem er skylda að
fara til í nánast öllum tilvikum.
Sigurbjörn segir að heimilis-
læknar kvarti ekki undan álagi
vegna þessa, en við sjúklingar hljót-
um að kvarta undan, því m.a. vegna
þessa álags er erfiðara að fá viðtal
við sinn heimilislækni, þannig að
ekki verður séð að heimilislæknar
séu í þessu máli píslarvottar eins og
skilja má á Sigurbirni.
Ég held miklu fremur að píslar-
vottarnir séu við sem verðum að
fara alla þessa krákustíga til þess
eins að fá leyfi til að hitta þann
lækni sem maður treystir vel fyrir
líftórunni þegar eitthvað er að
hjarta eða kransæðum, og hefur
reynst manni vel. Hér er um að
ræða árlegt eftirlit eða oftar, sem
að sjálfsögðu er háð ástandi við-
komandi sjúklings. Séu aðrir kvillar
að hrjá mann fer maður auðvitað
fyrst til síns heimilislæknis. Ekki er
ég með þessum skrifum að draga
eina starfsstétt til ábyrgðar frekar
en aðra.
Hitt má ljóst vera að það eru
þröngar kransæðar í heilbrigðis-
kerfinu ekki síður en í fólkinu, því
væri eðlilegt að kerfið fengi dálitla
skoðun og að henni lokinni lækn-
ingu.
Stjórnvöld sem eiga að gæta
heildar hagsmuna sjúklinga og
tryggja að allir fái sem besta þjón-
ustu og sem ódýrasta lækningu,
verða að hafa þá yfirsýn yfir kerfið
að þetta markmið náist án þess að
einstakir hópar séu fótum troðnir
eða aðrir settir á einhvern forrétt-
inda pall.
Ég sem fer reglulega til hjarta-
læknis geri það vegna þess að þegar
ég var útskrifaður af Landspítalan-
um var mér ráðlagt að láta hjarta-
lækni fylgjast með mér.
„Um sex
ársverk í
tilvísanir“
UMRÆÐAN
PÁLL HJARTARSON TÆKNIFRÆÐINGUR
SKRIFAR UM HJARTALÆKNA
Það er ekki langt síðan flestir bank-
ar hér á landi voru í eigu ríkisins og
menn deildu um rekstrarform
þeirra. Ýmsir töldu eðlilegt að þeir
væru áfram í eigu ríkisins og rekn-
ir sem ríkisstofnanir en aðrir sögðu
það ekki þjóna hagsmunum almenn-
ings og kröfðust þess að ríkið hætti
rekstri þeirra og seldi þá einstakl-
ingum, því þá fengi einstaklings-
framtakið að njóta sín almenningi í
hag.
Þeir sem mæltu með einkavæð-
ingunni héldu þeim rökum óspart á
lofti að háir vextir og mikill láns-
kostnaður hjá ríkisbönkunum væru
fyrst og fremst því að kenna að
samkeppni vantaði í bankarekstur-
inn. Þetta myndi breytast um leið
og bankarnir kæmust í hendur
einkaaðila, því þá færu þeir að
keppa innbyrðis um hylli viðskipta-
vinanna. Sú samkeppni myndi leiða
til betri þjónustu, lægri vaxta og
jafnvel afnáms verðtryggingar á
langtímalánum.
Svo fór að lokum að ríkið einka-
væddi bankana með því að „selja“
þá á spottprísum til fjársterkra
aðila, sem hefðu samkvæmt mark-
aðslögmálinu, getað farið að veita
hver öðrum samkeppni og sýnt
Íslendingum í verki hvað einka-
rekstur og frelsi í viðskiptum hefur
fram yfir opinber afskipti á þessu
sviði.
Almenningur trúði talsmönnum
einkavæðingar og sá jafnvel fyrir
sér að íslenskir bankar færu að
haga sér líkt og kollegar þeirra í
öllum hinum vestræna heimi,
þannig að kostnaður, til dæmis við
íbúðarlán, lækkaði verulega. Nú
mörgum árum síðar hefur lítið sem
ekkert breyst. Ennþá bíður almenn-
ingur eftir því að bankarnir hefji
samkeppni hver við annan eins og
lofað var áður en einkaaðilar náðu
þeim á sitt vald og ennþá bíður
almenningur eftir að níðþungar
greiðslubyrðar íbúðalána lækki.
Í staðinn fyrir efndir á loforðum
um virka samkeppni og lægri láns-
kostnað reyna bankarnir nú að
blekkja almenning með villandi
auglýsingum, þar sem auglýst eru
lán með hagstæðum vöxtum en
sjaldan eða aldrei minnst einu ein-
asta orði á verðtrygginguna sem á
láninu er, sem er þó sá undirliggj-
andi kostnaðarliður sem hækkar
greiðslubyrðina mest og viðheldur
verðbólgunni. Einkareknir bankar
hafa ekkert það fram yfir ríkis-
reksturinn sem réttlætir tilveru
þeirra. Eigendur þeirra hafa fallið
á prófinu.
Tekjur bankanna hafa á undan-
förnum árum aukist ótrúlega mikið
og hagnaður þeirra margfaldast.
Þannig var samanlagður hagnaður
þeirra nær þrefalt meiri á fyrstu
þremur mánuðum þessa árs en á
sama tímabili í fyrra, eða 61,3 millj-
arðar króna samanborið við 24,7
milljarða í fyrra. Það má segja að
skuldir heimilanna í landinu vaxi í
réttu hlutfalli við þennan ofurgróða
bankanna.
Þessi ótrúlegi og vaxandi gróði
einkavæddu bankanna sýnir á
hvaða leið þeir eru. Þeir eru auð-
sýnilega ekki í neinni innbyrðis
samkeppni hver við annan um að
lækka lánskostnað viðskiptavina
sinna, frekar mætti tala um samráð
og samvinnu um verðtryggingu og
háa vexti.
Stjórnendur þeirra leggja höfuð-
áhersluna á að auka sem mest eigin
gróða og greiða sjálfum sér ofur-
laun sem eru víðsfjarri íslenskum
veruleika. Almenning nota þeir ein-
ungis til að hámarka gróða sinn.
Einkavæðing bankanna
UMRÆÐAN
EINKAVÆÐING
BANKANNA
SIGURÐUR T. SIGURÐSSON
FYRRVERANDI FORMAÐUR HLÍFAR
Viðey - göngur, grill og messa
20:00 Siglt til Viðeyjar.
20:20 Fjörleg upphitun fyrir Skúlaskeiðið hefst. Stjórnandi Felix Bergsson leikari.
20:30 Göngufólk ræst af stað. Allir þátttakendur fá verðlauna pening.
21:20 Grillveisla fyrir göngufólk. Felix Bergsson leikari skemmtir.
22:20 Jónsmessuganga með guðlegu ívafi.
24:00 Miðnætur-Jónsmessu-messa með Jakobi Ágústi Hjálmarssyni,
Dómkirkjupresti þar sem farið er yfir sögu og þýðingu Jónsmessunar.
Verð kr. 1100 fyrir fullorðna og kr. 550 fyrir börn.
Ferðir með Viðeyjarferjunni:
Til Viðeyjar á heila tímanum frá 20 til 01
Frá Viðey korter yfir heila tímann frá 21:15 til 01:15.
Heiðmörk - leikir og hjólreiðar
16:00 Skógræktarfélag Reykjavíkur býður öllum út að leika í Heiðmörk. Leikir,
álfasögur, plattamálun, kennsla í tálgun og ýmislegt fleira skemmtilegt. Pylsur
grillaðar á birkigrein á opnum eldi. Mæting við Borgarstjóraplanið. Aðgangur
ókeypis og allir velkomnir. Nánari upplýsingar á www.heidmork.is
16:00 Kynning á stafgöngu á vegum Íþrótta- og Ólympíusambandsins. Fólk er
hvatt til þess að koma með stafi en einnig verður hægt að fá stafi lánaða.
Mæting við Borgarstjóraplanið.
23:00 Heiðmerkuráskorun ræst. Ævintýralegt hjólreiðamót þar sem
aðeins vanir menn geta tekist á við erfiðar þrautir.
20:00 Hjólaskemmtun fyrir alla fjölskylduna.
Allir sem taka þátt fá tækjamiða í Fjölskyldu- og húsdýragarðinn.
Mæting við aðalinngang Fjölskyldu- og húsdýragarðsins.
20:00 Kynning á stafgöngu á vegum Íþrótta- og Ólympíusambandsins.
Fólk er hvatt til þess að koma með stafi en einnig verður hægt að fá stafi
lánaða. Mæting fyrir framan Laugardalshöll.
20:00 - 22:00 Skemmtilegar línuskautaferðir um dalinn undir leiðsögn
reyndra manna. Mæting við Skautahöllina.
22:00 Miðnætur- og Ólympíufjölskylduhlaupið. 5 og 10 km með tímatöku og
flokkaskiptingu, 3 km skemmtiskokk. Hlaup hefst og endar við Laugardalslaug.
Skráning frá kl. 18.00 í gamla andyri laugarinnar. Skráningargjald fyrir 5 og 10 km er
kr. 1.200 og 3 km kr. 600. Allir fá bol og þátttökupening. Úrdráttarverðlaun.
Fjölskyldu- og húsdýragarðurinn er opinn frá kl. 21:00 – 00:30.
Dulmögnuð stemning. Ófrenjur og furðuverur verða á sveimi hér og þar. Spákona, skoffín
og óvæntar uppákomur.
22:30 Magnús Skarphéðinsson heldur erindi um álfa og huldufólk á Jónsmessu við Selalaugina.
22:00 – 00:30 Geirfuglarnir spila hér og þar.
23:20 Glöggur segir sögur við Selalaugina.
23:30 Kveikt verður í brennunni í Þjófadölum. Geirfuglarnir spila.
00:00 Munu kýrnar tala?
Níðhöggur (fallturninn) – Hringekjan og Lestin verða opin. Aðgangur ókeypis.
Gestir í Laugardalinn eru hvattir til að koma gangandi eða hjólandi.
í Jónsmessumóti Fjölskyldunnar
fá límmiða en hann
gildir sem aðgangsmiði
í Laugardalslaugina
Allir sem taka þátt
23. júní
á milli kl. 20 - 24.
Laugardalur - hjólreiðar og hlaup
Íþróttaviðburðir
við allra hæfi
í Laugardal, Heiðmörk og Viðey.
Hjólum, göngum, hlaupum, leikum og syndum saman.
Ljúkum hátíðinni í Fjölskyldu- og húsdýragarðinum þar sem
Trjálfur segir sögur, kýrnar tala á miðnætti og Geirfuglarnir
spila við varðeldinn.
Kynnið ykkur dagskrána á www.reykjavik.is 1
z
e
to
r