Fréttablaðið - 09.12.2007, Qupperneq 32

MENNING 6
É
g vissi um fólk sem safn-
aði mynt og frímerkjum
en hafði aldrei gert mér
grein fyrir því hversu
margir safna póstkort-
um,“ segir Árni Þór Árnason upp-
boðshaldari hjá A&A. Uppboðið í
dag er annað uppboðið sem fyrir-
tækið heldur en auk Árna mun
félagi hans Saso Andonov sveifla
hamrinum í dag. Árni Þór segir
hann virtan á þessu sviði en Saso
kom upphaflega hingað til lands-
ins frá Makedóníu til að nema hag-
fræði. A&A er aðeins tveggja
mánaða fyrirtæki. Sé uppboðsskrá
skönnuð vekur nokkra furðu
hversu marga muni er þar að finna
auk þess sem breitt svið er spann-
að. Safnarar af öllu tagi ættu að
finna eitthvað við sitt hæfi.
Engin brunaútsala
Árni Þór segir fyrirsjáanlegt að
það stefni í hörkusamkeppni á
sviði uppboða hér á landi en fyrir
á markaði er Gallerí Fold undir
forystu Tryggva Páls listmunasala
sem staðið hefur fyrir vel sóttum
listaverkauppboðum um árabil.
Auk þess endurstofanaði Pétur
Þór Gunnarsson nýverið Gallerí
Borg og hyggst gangast fyrir upp-
boðum.
„Já, ég tel að ekki sé pláss fyrir
nema tvö stór uppboðshús á land-
inu. Þannig að það stefnir í mikla
samkeppni. Við teljum okkur þó
vera að fylla inn í eyðu á markaði.
Þannig hafa myntsafnarar komið
með muni til að sýna okkur stuðn-
ing. Og svo eru íslensk frímerki
alveg sérstakt fyrirbrigði.“
Fyrirkomulag uppboða A&A er
að eigandi muna sem boðnir eru
upp ákveður lágmarksverð. Árni
Þór segir menn hafa lent í því að
setja málverk á uppboð sem meta
má á til dæmis 70 þúsund en þau
hafi svo farið á 18 þúsund. Þá sé
um sannkallaða brunaútsölu að
ræða. Þetta býður reyndar þeirri
hættu heim að munir gangi ekki út
og er verði því stillt í hóf við upp-
hafsboð.
Árni segir að erlendis geti ekki
að líta nema 40 til 50 manns á við-
urkenndum uppboðum en hér, á
uppboðum Foldar, hafi komið yfir
400 manns í Súlnasal. Fæstir til að
kaupa heldur jafnvel fremur til að
forvitnast um hverjir væru að
kaupa hvað. Mjög hefur færst í
vöxt að menn bjóði í gegnum
síma.
„Við völdum Iðnó sem er róm-
antískt hús og þægilegur staður að
vinna. Maður hefur heyrt að fólk
sé vantrúað á símaboð, að það sé
eitthvert „fiff“, en þannig seldum
við til dæmis eitt málverkið á síð-
asta uppboði. Maður í Skagafirði
bauð í málverk eftir Karl Kvaran,
ætlaði sér það og keypti fyrir 630
þúsund krónur. Sumir kæra sig
ekkert um að aðrir viti hvað þeir
eru að gera á þessu sviði,“ segir
Árni.
Forfallinn safnari sjálfur
En hvaðan kemur allur þessi varn-
ingur? Á uppboðinu eru á fjórða
hundrað item. Árni segir munina
meðal annars koma úr dánarbúum
auk þess sem fólk komi til þeirra
hjá A&A með muni og biðji um
mat. „Þetta er lítið samfélag og
fólk vill af ýmsum ástæðum koma
fágætum hlutum sínum í verð.“
Önnur spurning sem vaknar í
tengslum við uppboðið er hvort
markaður sé fyrir hluti af þessu
tagi. Árni segir að svo sé – virkt
safnarasamfélag er á Íslandi.
„Jájá, það er reyndar töluvert neð-
anjarðar. Þetta er ekki fólk sem er
alltaf í fjölmiðlum og kannski ekki
áberandi við opnanir ýmiss konar.
En ótrúlegasta fólk er að safna
einhverju. Það að halda hlutum til
haga getur því reynst vel inn í
framtíðina.“
Sjálfur er Árni Þór forfallinn
safnari að eigin sögn. Hann hefur,
frá því hann man eftir sér, safnað
frímerkjum.
„Ég rak Austurbakka hf. heild-
verslun í gamla daga. Eftir að ég
seldi fyrirtækið hafði ég meiri
tíma fyrir áhugamálin og fór þá
„massívt“ út í frímerkjasöfnun.
En þegar maður er byrjaður að
vinna við þetta hefur áhuginn hjá
mér persónulega minnkað. Það
gerist við það þegar maður sér svo
margt fallegt. Nú er ég aðallega
spenntur fyrir því að hafa eitthvað
fallegt að bjóða upp.“
Fágætar bækur í boði
Þegar Árni Þór er beðinn um að
nefna einhverja þá muni sem eru
sérstaklega athyglisverðir á upp-
boðinu veit hann ekki alveg hvar
byrja skal.
„Jahh, við erum með mikið af
skemmtilegum málverkum eftir
málara hvers verk hafa ekki sést
mikið á uppboðum. Þorri Hrings-
son er einn þeirra, Rut Rebekka,
Pétur Gautur... auk verka eftir
Kjarval, Karl Kvaran og Jóhannes
Geir.”
Og það er einmitt sjálfur Kjar-
val sem á það verk sem er dýrast
við upphafsboð. Landslag frá 1932,
olía á striga, stærð 52 x 68, merkt
og metið á 675.000 krónur. Eins og
áður sagði verður einnig mynt,
gamlar ljósmyndir og póstkort svo
eitthvað sé nefnt í boði auk bóka.
„Við verðum með útgáfu af Pétri
Gaut sem kom út árið 1901 og
Einar Benediktsson íslenskaði.
Þetta er eitt eintak af 30 sem gefin
voru út. Það boð byrjar á 250 þús-
undum. Þá má nefna Íslensk ævin-
týri sem gefin var út árið 1852
safnað af Grímssyni og J. Árna-
syni. Mjög eiguleg bók en byrjun-
arverð á henni er 200 þúsund.
Frumeintak og lesheil bók eins og
einn bókasnillingurinn komst að
orði en til okkar hafa menn komið
til að skoða þetta eintak og dáðst
að því.“
Þegar svo frímerkjaspekingur-
inn Árni Þór fer að fjalla um frí-
merkin í eyru blaðamanns hefst
fyrirlesturinn fyrir alvöru: „Frí-
merkjahlutinn er allur boðinn upp
í evrum því þar erum við á alþjóða-
markaði. Við erum að horfa á bréf
frá 1917 með númerastimpli 39
frá Danmörku. Krónustimplar og
númerastimplar eru mjög verð-
mætir í dag.“
Víst er að safnarar eiga spenn-
andi dag í vændum en uppboðið
hefst klukkan 14.00.
jakob@frettabladid.is
URRANDI SAMKEPPNI UM SAFNARANA
Mennirnir á bak
við A&A Árni Þór
og Saso Andonov
munu sveifla
hamrinum ótt og
títt í dag en hér
eru þeir með eina
af verðmætustu
bókunum sem
boðin verður
upp, Pétur Gaut
í þýðingu Einars
Benediktssonar.
Eitt eintak af 30
og kom út árið
1901. Upphafs-
verð er 250
þúsund krónur.
FRÉTTABLAÐIÐ/VALLI
Fjölmörg frímerki
Umslag með
númerastimpli
31, en aðeins er
eitt annað þekkt
á póstkorti en
fjölmörg frímerki
verða boðin upp.
Íslensk ævintýri
Einn þeirra dýr-
gripa sem slegnir
verða í dag.
Útgefið árið 1852
og upphafsverð
er kr. 200.000.-
Málverk slegin
Eitt þeirra mál-
verka sem verða
slegin í Iðnó í dag.
Verk eftir Pétur
Gaut frá 2007 og
er upphafsverð
150.000.
Í dag verður haldið mikið uppboð í Iðnó á vegum nýs fyrirtækis – Arnarson og Andonov ehf. eða A&A – sem sérhæfi r sig í uppboðum á
list- og safnmunum: Frímerkjum, ljósmyndum, póstkortum, fágætum bókum sem og málverkum. Annar forsprakki fyrirtækisins er Árni
Þór Árnason sem segir stefna í verulega vaxandi samkeppni á sviði uppboðsmála á Íslandi.