Fréttablaðið - 22.02.2008, Page 40

● fréttablaðið ● suðurland 22. FEBRÚAR 2008 FÖSTUDAGUR4
Mikið vatnaveður hefur geisað á landinu undanfarið.
Ljósmyndari Fréttablaðsins, Gunnar V. Andrésson,
lét vonda veðrið ekki á sig fá á leið sinni um Suður-
landið í vikunni og smellti myndum af áhugaverðum
stöðum sem á leið hans urðu. Hér má sjá afraksturinn
af þeirri ferð.
Á Suðurlandi er láglendi mikið, grasi grónar flatir, mýr-
lendi og móar. Landbúnaður er mikill enda kjöraðstæður til
ræktunar og dýrahalds.
Landsvæðið einkennist þó einnig af andstæðum því í
fjarska minna fjöllin á allt aðra veröld. Þar bjóða snævi
þaktir jöklar og tindar ferðalöngum upp á ýmsa skemmtun
en einnig hættur. - sg
Nú er úti veður vott
Ölfusá er ógnvænleg að sjá í vatnavöxtum.
Eldri borgarar á Selfossi létu vonda veðrið ekki á sig fá og skelltu sér í göngutúr út fyrir bæinn. Vatnavextir hafa verið miklir á Suðurlandi undanfarið. Hér sést vatnselgur á túnum.
Þuríðarbúð var reist af Stokkseyringafélaginu í Reykjavík árið 1949 til
minningar um Þuríði Einarsdóttur formann og horfna starfshætti.
Kirkjan á Stokkseyri var byggð 1886 og er fimmta timburkirkjan í
bænum, enda hefur kirkja verið á Stokkseyri frá fornöld.
Börnin á Stokkseyri búa í návígi við náttúruna. Þessi komu við í fjör-
unni á leiðinni heim úr skólanum.
FRÉTTABLAÐIÐ/GVA
Suðurlandsvegur er mörgum íbúum Suðurlandsins farartálmi á veturna en ötult starf er þó unnið við að greiða vegfarendum leið.