Fréttablaðið - 22.02.2008, Page 46

F
rá því í sumar hefur Einar
Magnús birst reglulega í
veðurfréttatímum RÚV þar
sem hann hefur ábúðarfullur
sagt þjóðinni frá veðurfari lands-
ins. Einar Magnús, sem er 28 ára
gamall, er yngsti veðurfræðingur
stöðvarinnar, en sex manns skipta
þessu ábyrgðarfulla starfi á milli
sín, fjórir karlar og tvær konur.
„Fyrir utan einstaka ambögu sem
hrekkur út úr manni í hita leiksins,
þá finnst mér þetta bara hafa geng-
ið nokkuð vel,“ segir Einar Magn-
ús sem kann vel við sig á skjánum.
Drengurinn er ókrýndur veðurtöff-
ari stöðvarinnar en hans aðalkar-
aktereinkenni, augnaráðið, hefur
vakið mikla athygli hjá áhorfend-
um, þar sem hann virðist alltaf
setja vel í brýrnar þegar hann flyt-
ur veðurfréttirnar. „Ég veit ekk-
ert af hverju ég geri þetta, þetta er
eitthvað sem ég geri alveg ómeð-
vitað og ég hef ekki hugmynd um
hvort ég geri þetta líka við önnur
tækifæri,“ segir Einar Magnús og
hlær.
Hálfgert tölvunördastarf
Einar Magnús er fæddur í Svíþjóð
en fluttist fljótlega til Ísafjarðar
þar sem hann bjó til sjö ára aldurs.
Síðan hefur hann að mestu búið
í Reykjavík ef frá eru talin sjö ár
á Selfossi og tvö ár í Kaupmanna-
höfn. Hann játar að veður hafi oft
verið válynd þegar hann var að
alast upp fyrir vestan en er þó ekki
viss um að það hafi kveikt áhuga
hans á veðurfræðinni. „Það var
oft mikið að gerast í veðrinu fyrir
vestan með þeim afleiðingum að
Mogginn kom oft ekki í viku, það
varð oft rafmagnslaust og skólan-
um lokað,“ minnist Einar Magnús.
Sem krakki ætlaði hann sér allt-
af að verða læknir eins og faðir
hans en síðan tók eðlisfræðiáhug-
inn yfir.
Einar er menntaður jarðeðl-
isfræðingur og á daginn vinnur
hann hjá Reiknistofu í veðurfræði
en fyrirtækið setur meðal annars
saman veðurspár fyrir hin ýmsu
fyrirtæki og heldur líka úti heima-
síðunni belgingur.is þar sem hægt
er að sjá ýmsar tegundir af veður-
spám.
„Við sitjum að mestu leyti fyrir
framan tölvur, reiknum spár og
berum þær saman við raunveru-
leikann. Að vera veðurfræðingur
er því hálfgert tölvunördastarf,“
útskýrir hann.
Vill sviptingar í vinnunni
Í eyrum margra eru veðurspár hin
mesta latína. Þegar Einar Magn-
ús er spurður að því hvort ekki
sé hægt að flytja veðurfréttirn-
ar á meira mannamáli segir hann
að það mætti kannski alveg athuga
það en þó séu margir landsmenn,
og ekki síst þeir sem virkilega
þurfi að stóla á spárnar, vel inni í
þessu tungumáli veðurfræðinn-
ar. Hann reynir að útskýra helstu
hugtökin, eins og hæð og lægð á
einfaldan hátt fyrir blaðamanni.
„Lægð er yfirleitt ávísun á meiri
vind og úrkomu en hæðum fylgja
yfirleitt hægari vindar og bjart-
viðri. Þetta segir þó ekki endilega
alla söguna. Lægð þarf ekki endi-
lega að vera ávísun á leiðindi, það
fer eftir því hvar hún er staðsett,
hversu kröpp hún er og hvar á þró-
unarskeiði sínu hún er stödd …“
segir Einar Magnús og er þar með
strax farinn að flækja hlutina.
Talið berst að erlendum veður-
fréttatímum sem oft eru hið mesta
skemmtiefni. Þar gera veður-
fréttamennirnir út á hressileikann
og klæðast jafnvel fötum í takt við
spána.
„Ég efa að slíkar veðurfrétt-
ir myndu slá í gegn hér á Íslandi.
Veðrið er nefnilega ekki eins létt-
vægt hér og víða erlendis. Við
erum bundnari í hefðirnar,“ segir
Einar Magnús en upplýsir um leið
að útfærsla veðurfréttanna á RÚV
bjóði samt sem áður upp á nokkuð
persónulega framsetningu; veður-
fræðingarnir tali blaðlaust og búi
því það sem þeir eru að segja til
jafn óðum, svo útkoman getur oft
orðið skrautleg.
Það er viðeigandi að enda sam-
talið á því að spyrja Einar Magn-
ús út í hans uppáhaldsveður og
hann er ekki lengi að svara því.
„Ætli það sé ekki bara eins og hjá
flestum landsmönnum. Mér sýnist
mörgum leiðast hálfkák, það er að
segja slydda og slabb, og ég er þar
engin undantekning. Ég er hrifn-
astur af rólegheitaveðri í frítím-
anum en auðvitað er skemmtilegra
að fást við einhverjar sviptingar
þegar maður er í vinnunni.“ - snæ
Einar Magnús Einarsson hefur vakið athygli í
veðurfréttatímum RÚV fyrir hvassbrýnt
augnaráð og líflega framkomu en hann er
yngsti veðurfræðingur stöðvarinnar.
Þolir ekki
slyddu og
slabb
Veðurfræðingur-
inn Einar Magn-
ús kann best við
rólegheitaveð-
ur í frítímanum en
vill gjarnan hafa
sviptingar í veðr-
inu þegar hann er
í vinnunni.
10 • FÖSTUDAGUR 22. FEBRÚAR 2008