Réttur - 01.01.1933, Blaðsíða 62

Úr þessu hefir þýðandi reynt að bæta á þann hátt, að útvega frá-
höfundi skrá, er sýnir, hve langt framkvæmdum á ýmsum liðum.
áætlunarinnar var komið, þá er bókin var þýdd.
„Æfintýrið“ er ritað fyrir börn í Sovjet-Rússlandi á aldrinum
]'_í—14 ára. Það er þó ekki barnaæíintýri í venjulegri merkingu
þess orðs. Hér finnst hvergi frásögn um karl og kerlingu í koti og
kong og drottningu í ríki sínu, eins og við eigum að venjast í hin-
um borgaralegu æfintýrum, því síður um fátæka blaðadrenginn,
sem „vinnur sig upp“ og veröur miljónaeigandi, eins og títt er í
amerískum bamabókum. Nei, hér er æfintýrið um vélina, ein-
hentu vinnutröllin, sem taka keilt tonn á reku sína í einu, stálrisa,
er standa í löngum röðum út um víðáttumiklar sléttur og kalda í
greipum sér sterkum þráðum, sein leiða raforku milli fjarlægra
staða. Hér er sagt frá töfrum vísindanna og lýst baráttu dauðlegra
manna við tryllt náttúruöfl. Myndum er brugðið upp af stórvirk-
ustu vinnutækjum nútímans og sýnt, hversu heildardrjúg þau geta
verið fyrir mennina, þar sem þeim er stjórnað af viti almenningi
til gagns. A 107 litlum síSum skýrir höfundur frá ýmsu því mark-
verðasta, sem f jallað er um á 1180 síSum hinnar miklu 5 ára áætl-
unar. Hann virðist hafa sett sér þaS mark, að vekja áhuga rúss-
nesks æskulýðs á framförum Sovjetríkjanna og laða hann til starfs-
í þágu stórfelldrar hugsjónar.
0g höf. missir ekki marks. Hann leysir undra vel þá þraut, að'
rita um hagfræðilegt og vísindalegt efni, svo ljóst og skemmtilega,
að ungir og gamlir hljóta að hafa óblandna ánægju af lestri bók-
arinnar. Stíllinn er framlegur og heillandi. Hraði nýs tíma í frá-
sögninni. Þessi einkenni njóta sín vel í þýðingunni. Eg hygg, að
óvíða finnist á íslenzku jafnsnjallar lýsingar á vélum og störfuni'
þeirra sem í þessari bók. Hér kynnumst vér líka kommúnisman-
inn frá annari hlið, en þeirri, er najst blasir við í dægurbaráttu
kommúnistaflokkanna í auðvaldslöndunum. Þar reka menn ein-
att fyrst augun í niðuraifsstarf, tilraunir til þess að brjóta fúnar-
stoðir fallandi þjóðfélaga. Þetta tímabil á rússneska þjóðin nú að
baki sér. Hún er svo lánsöm, að geta nú einbeitt kröftum sínum
að því, sem auðvitað er kjarni stefnunnar: alhliða uppbygging
í anda hins nýja skipulags. En um þá merkilegu tilraun fjallar ein-
mitt Æfintýrið.
Eg veit þess vegna enga bók ánægjulegri aflestrar fyrir þá, er-
trúa á sigur sósíalismans, og enga, sem er líklegri iil þess að opna
augu þeirra, sem eru andstæðrar skoðunar í þjóðfélagsmálum.
Æfintýrið um áætlunina miklu er bók, sem hver æskumaður þarf'
að lesa. Iíún er tilvalið lesefni fyrir efstu bekki barnaskólanna og-
a'tti fyllilega skilið að komast inn á hvert lieiinili á landinu.
Svb. Sigurjónsson.
62