Réttur - 01.07.1973, Blaðsíða 60

færa landhelgina út í 50 mílur þó hann væri
kúskaður til þess að standa að samþykkt al-
þingis 15. 2. 1972, gerðist mikill 200 mílna
flokkur. Tók hann plagg það sem sagt er
frá hér á undan mjög upp á sína arma, enda
kom í ljós að einhverjir höfðu skrifað undir
þetta plagg sérstaklega til þess að reyna með
þeim hætti að koma höggi á sjávarútvegsráð-
herra, en það er einmitt fjandskapurinn við
Lúðvík sem tengir Breta og íhaldið einlægum
tryggðaböndum. Svo langt gekk íhaldið í of-
stæki sínu í máli þessu að það hélt því jafn-
vel fram að auðveldara væri að verja 200
mílur en 50 mílur. Allur var málatilbúnaður
íhaldsins hinn hjákátlegasti og vakti hlátur
um allt land.
Hámarki náði ósvífni haldsins í þessu máli
þegar texta undirskriftarskjalsins um 200
mílur var breytt eftir að nokkrir einstakling-
ar höfðu skrifað undir plaggið án þess að
hafa samráð við þá alla. Fór íhaldið mjög
halloka í máli þessu og hefur nú þagað um
þetta hneyksli um nokkurt skeið.
MAÐUR LÉST
Um miðjan ágúst taka Bretar að færa sig
upp á skaftið og stunda nú jafnvel veiðar
innan 12 mílnamarkanna. Forsætisráðherra
bar fram formleg mótmæli af þessu tilefni og
sjávarútvegsráðherra sagði í viðtali við Þjóð-
viljann: „enginn samningagrundvöllur við
bresku stjórnina."
En í þessum mánuði kemur einnig í Ijós,
að bresku togarasjómennirnir eru teknir mjög
að þreytast á að fiska undir herskipaeftir-
liti. Fá þeir til samkomulags við sjóherinn að
fiska utan verndarsvæða Bretanna tíma og
tíma. Jafnframt ber sífellt meira á því að
treglega gangi að ráða sjómenn á bresku
togarana.
204
29. ágúst ná ofbeldisverk Bretanna há-
marki: Halldór Hallfreðsson, vélstjóri á Ægi,
lést að skyldustörfum í framhaldi af því að
breska freigátan Appolló keyrði á Ægi innan
12 mílnanna! Reiðialda fór um þjóðina alla
við þennan atburð og töldu margir að hér
með væri óhugsandi að samið yrði við Breta
eftir slíka framkomu þeirra.
Ólafur Jóhannesson, forsætisráðherra,
sagði á blaðamannafundi á ársafmæli land-
helginnar, 30. ágúst: „Engar líkur á samning-
um við Breta eins og nú horfir." Lúðvík
Jósepsson ræddi við Þjóðviljann og sagði að
svona ætti að taka á móti Bretum:
„Lúaleg árás freigátu og síðar dráttarbáts
á Ægi, sem leiddi til þess hörmulega atburð-
ar að einn varðskipsmanna okkar lést við
skyldustörf, sýnir að átökin fara harðnandi.
. Það er mín skoðun að nú hljótum við
Islendingar að herða stórlega aðgerðir okkar
gegn Bretum. Þar vil ég nefna þessi atriði:
1. Stöðva tafarlaust alla fyrirgreiðslu og
allar upplýsingar sem átt hafa sér stað við
njósnaflugvélarnar.
2. Tafarlaust ber að kalla heim sendi-
herra okkar hjá NATO, og loka þeirri skrif-
stofu algerlega og lýsa yfir að við munum
ekki taka neinn þátt í starfi þeirrar stofnun-
ar.
3. Slíta ber stjórnmálasambandi við Breta
eða a.m.k. að sendiherra þeirra verði sendur
héðan og allt hans starfslið.
4. Stöðva ber alla afgreiðslu við aðstoðar-
skip breska togaraflotans og líta ber á þau
sem lögbrjóta. Við tökum auðvitað við veik-
um mönnum en öll brotleg skip á að taka
föst.
5. Gerum Bretum ljóst að við munum í
engu tilfelli hlífa breskum landhelgisbrjótum
Joó þeir leiti vars í veðrum.