Réttur - 01.01.1977, Blaðsíða 77

í íran hótað banni á hollenskar vörur í íran
ef af ráðstefnunni verður. (Blóðkeisari þessi
er stórhluthafi í Krupp-félaginu og fleiri
stærstu fyrirtækjum Yestur-Þýskalands).
MÓSAMBÍK
Dagana 3.—7. febrúar hélt Frelimo, þjóð-
frelsishreyfing Mósambík 3. þing sitt, hið
fyrsta í frjálsu landi sínu. A þinginu var
ákveðið að stofna Verkamanna- og bænda-
flokk á grundvelli marxismans, þannig að
þjóðfrelsishreyfingin yrði slíkur flokkur. Var
Samora Machel, er verið hefur leiðtogi hreyf-
ingarinnar og er nú forseti landsins, kosinn
formaður miðstjórnar flokksins. Hlutverk
flokksins yrði fyrst og fremst að skapa grund-
völl undir sósíalisma í landinu.
Alls mættu á þinginu fulltrúar frá 50
marxistiskum verklýðsflokkum, þjóðfrelsis-
hreyfingum og öðrum róttækum samtökum.
ANGÓLA
í ársbyrjun 1977 voru sextán ár liðin síð-
an hin vopnaða frelsisbarátta þjóðfrelsis-
hreyfingarinnar í Angólu, MPLA, hófst.
Leiðtogi hreyfingarinnar, Agostinho Neto,
sem nú er forseti landsins, lýsti þá yfir því
að stefna skyldi að því að koma á sósíal-
isma í landinu, en skilyrði fyrir því væru
róttækar efnahagslegar umbreytingar og
myndun verklýðsflokks. Kvað hann MPLA
myndu halda þing í árslok, þar sem myndun
slíks flokks á grundvelli marxisma, yrði á
dagskrá.
TANSANÍA
Þann 5. febrúar ákváðu tveir aðalflokkar
þeir, sem starfað hafa í landinu: Afríkanska
þjóðarbandalagið í Tanganjika (TANU) og
Afro-Schirazi-flokkurinn að sameinast í einn
byltingarflokk í því skyni að berjast fyrir
því að koma á sósíalisma í Tansaníu og taka
þátt í byltingarhreyfingunni í Afríku og
annarsstaðar í heiminum. Kvað hinn sam-
einaði flokkur nauðsyn á sterkri forustu, er
sameini verkamenn og bændur til átaka
þeirra, er nú bíða þjóðarinnar.
JAMAICA OG GUYANA
Þessi tvö smáríki í Mið-og Suður-Ameríku
hafa tekið upp allmikil viðskipti við sósíal-
istísku löndin og efnahagssamband þeirra,
Comecon, að því er „Times" í London segir.
Veldur því viðskiptakreppa auðvaldsheimsins
og ill reynsla af ágangi amerískra auðhringa.
Og auk þess hafa viðskiptin við nágrannarík-
ið Kúbu beint þeim á þessa braut og góð
viðskipti Kúbu við Sovétríkin orðið þeim
fyrirmynd.
VERNDARAR SUÐUR AFRÍKU
Eftir öll morð hvítu fasistanna á hundruð-
um skólabarna í Soweto og hin daglegu
morð í fangabúðunum, halda auðvaldsríki
Vestur-Evrópu og Ameríku áfram að halda
verndarhendi sinni yfir hvítri fasistastjórn
Suður-Afríku. Bandaríkin ræða við stjórn
Vorsters á jafnréttisgrundvelli um margra
miljóna dollara aðstoð, — ásamt Bretum,
— til verndar „hvítum" hagsmunum í
Zimbabve (Rhodesíu). Og til þess að fasistar
Vorsters séu vel vopnum búnir til þess að
skjóta niður skólabörn, sem heimta að fá að
læra á móðurmáli sínu, beita Bandaríkin,
Bretland og Frakkland neimnarvaldi í ör-
yggisráði Sameinuðu þjóðanna gegn tillögu
meirihlutans um vopnasölubann á Suður-
Afríku. Bandaríkin neita, studd af ríkjum
Efnahagsbandalagsins, að slíta tengsl sín við
77