Réttur - 01.01.1978, Page 28

HEFUR VERIÐ STOLIÐ ÚR
ATVINNULEYSIS-
TRYGGINGASJÓÐNUM ?
VerSgildi hans var 1967 um 25 millj. dollara
en er nú um 19 millj. dollara
HvaS hefur gerst með atvinnuleysistryggingasjóð verkamanna, sem safnað hefur
verið í í 20 ár og lítið munað um það, sem út úr honum hefur verið borgað?
í 12 ár hafði Brynjólfur Bjarnason flutt frumvörp á Alþingi um slíkan sjóð. Aldrei
fékkst meirihlutinn til að samþykkja það frumvarp. — Svo kom sex vikna verkfallið
sumarið 1955. Verkamenn sigruðu. Þeir gátu fengið 16% kauphækkun, en kusu heldur
að fá 12% kauphækkun og að atvinnurekendur greiddu 4% í atvinnuleysistrygginga-
sjóð er verkamenn ættu og stofnaður yrði þá þegar með lögum. Borgaraflokkarnir
víkja venjulega aðeins fyrir valdinu og nú loks í krafti verkfallsins, komst sá atvinnu-
leysissjóður á, sem Sósíalistaflokkurinn hafði barist fyrir í 12 ár.
Það var harðvítugt og fórnfrekt verk-
fall, sem verkamenn alls landsins höfðu
háð, til þess að knýja þessar kauphækk-
anir og réttarbætur fram - og sérstaklega
hafði þar mætt á Dagsbrún eins og oftar.
í sex vikur stóðu Dagsbrúnarmenn og
fleiri með þeim í þessu verkfalli og það
var farið að sverfa að á mörgum verka-
mannaheimilunum, þegar því verkfalli
lauk og allir verkfallssjóðir orðnir tómir.
Það voru því engar smáræðis fórnir,
sem verkamenn höfðu fært til þess að
sigra í þessu verkfalli. Afturhaldið hafði
í upphafi ætlað sér að „brjóta verklýðs-
hreyfinguna á bak aftur í eitt skipti fyrir
öll“, með þvi að sýna henni í tvo heim-
ana. En það varð afturhaldið, sem ósigur-
inn beið fyrir samtakamætti verkalýðsins
28