Réttur - 01.01.1978, Page 41

FRÆÐASETUR
MARXISMANS
í BERLINARBORG
Þýska verklýðshreyfingin var fram að 1914 sterkasta verklýðshreyfing heimsins og átti
Þá þeim sósíalistíska forustuflokki á að skipa sem litið var til sem eins konar foringja
Alþjóðasambandsins: Sósíaldemokrataflokkinn undir stjórn þeirra August Bebels
°9 Wilhelms Liebknecht. Eftir að sá flokkur brást og sundraðist í upphafi fyrri heims-
styrjaldar hófust hinar alkunnu heimssögulegu sviptingar áranna 1914—1945.
Þegar þýski verkalýðurinn tók við völdunum í þeim hluta hins forna Þýskalands, sem
nú er Þýska Alþýðulýðveldið (DDR) og skóp sér sinn sósíalistíska sameiningarflokk
(SED), tók flokkurinn fljótt að hyggja að hinum mikla sögulega arfi sósíalismans í
Þýskalandi — og þótt landið væri í rústum og aðstæður allar ægilegar eftir skelfing-
ar 12 ára fasisma og stríðs, var tekið til óspilltra málanna að bjarga og varðveita
skjöl, myndir og sögu hreyfingarinnar, ekki síst flokkanna, sem myndast hafa eftir
1g14: Kommúnistaflokks Þýskalands og nú SED, jafnt forustumanna sem fjöldasam-
taka þeirra.
Strax 1949 var Marx-Engels-Lenin-
stofnunin í Berlín mynduð að frum-
kvæði flokksins og hafði bæði útgáfu- og
rannsóknarstarf með höndum. Síðar
tengdist henni hið sögulega skjalasafn, er
flokkurinn kom á fót, sem geymir öll þan
skjöl varðandi flokkana og hreyfinguna,
sem náðst hefur til og alltaf bætast nú
við. Var þetta sögulega skjalasafn (His-
torisches Arkiv), er fyrst hafði aðsetur í
Charlottenstrasse í Berlín, gríðarlega
stórt og merkilegt safn. Á árinu 1959
fluttu svo allar þessar stofnanir saman í
húsið í Wilhelm-Pieck-strasse í Berlín og
41