Réttur - 01.04.1982, Side 37

sérstaklega mun sú breyting verða mikil og tilfinn-
anleg í hans heimabæ Neskaupstað þar sem hann
var dáður af félögum sínum og virtur og mikilsmet-
inn af öllum bæjarbúum.
Við Bjarni Þórðarson vorum samstarfsmenn og
samherjar og nánir vinir nær alla mína starfsævi.
Við Bjarni kynntumst fyrst þegar við vorum um 14
ára gamlir. Þá fluttist Bjarni með móður sinni sem
var ekkja, og 4 systkinum til Neskaupstaðar. Ekkjan
var bláfátæk en Bjarni var elstur hennar barna.
Það varð því hlutskipti Bjarna Þórðarsonar,
þegar hann kom til Neskaupstaðar, rétt í byrjun
heimskreppunnar miklu að gerast fljótlega aðal-
vinnuaðstoð móður sinnar og hjálparhella hennar
fátæka heimilis.
Móðir Bjarna, Matthildur Bjarnadóttir, var
skörungskona, sem ekki lét sér nægja að berjast til
sigurs fyrir sínum barnahópi, heldur tók hún barn
til uppeldis af fátækri nágrannakonu. Bjarni Þórðar-
son kynntist því snemma að líf alþýðufólks var
enginn leikur. Ekkja með 5 börn naut þá engra
félagslegra styrkja og þá var knappt um vinnu og
varla um annað að ræða en komast til sjós.
Bjarni var sjómaður í allmörg ár.
Og svo tók verkalýðsbaráttan við.
í verkalýðsmálum vann Bjarni mikið starf og var
í mörg ár einn aðal-forustumaður verkafólks í
Neskaupstað. Það var einmitt í þeirri baráttu sem
leiðir okkar Bjarna og Jóhannesar Stefánssonar lágu
saman og segja má að á þeim vettvangi hafi orðið
til það fóstbræðralag okkar, sem síðan hefir staðið.
Bjarni Þórðarson átti þess ekki kost að stunda
langt skólanám, aðeins nám í unglingaskóla. En
Bjarni varð þó gagnmenntaður maður — menntun
hans var öll sjálfsmenntun, menntun af lestri bóka,
skarpri athyglisgáfu og reynslu úr skóla lífsins.
Bjarni var mikill bókamaður, átti mikið bókasafn,
ættfróður og flestum mönnum fróðari um menn og
málefni á Austurlandi, ekki aðeins um samtímann,
heldur einnig um löngu liðna tíð.
Bjarni Þórðarson var skapgreindur, mikill málaf-
ylgjumaður, jafnt í ræðu og riti. Ég veit að þeir sem
sáu hann og heyrðu á mannþingum, í kappræðum
á fundum, eða flytja samið mál, þeir gleymdu ekki
Bjarna Þórðarsyni.
Bjarni var afburða dugnaðarmaður. Störf hans í
þágu sósíalista á Austurlandi og reyndar í landinu
öllu, verða seint metin til fulls. Bjarni varbæjarstjóri
í Neskaupstað í full 23 ár, og áhrifamesti maður í
bæjarstjórn Neskaupstaðar um 40 ár.
Hann var aðalhvatamaður að stofnun Sambands
austfirskra sveitarfélaga.
Bjarni var mikill sveitarstjórnarmaður, enda
gjörkunnugur þeim málum. Hann var mikils metinn
101