Morgunblaðið - 02.02.2006, Síða 4

4 FIMMTUDAGUR 2. FEBRÚAR 2006 MORGUNBLAÐIÐ
FRÉTTIR
E
N
N
E
M
M
/
S
ÍA
/
N
M
18
0
8
7
MISSTU EKKI
AF ÞRÆÐINUM
Notaðu tannþráð daglega.
Hann nær þangað sem burstinn kemst ekki
og munnurinn verður hreinni og heilbrigðari.
GUÐMUNDI Magnússyni, fulltrúa
ritstjóra Fréttablaðsins, var sagt
upp störfum á
blaðinu síðdegis
sl. þriðjudag og
hefur hann þegar
látið af störfum.
Skv. upplýsing-
um Morgun-
blaðsins sögðu
ritstjóri og að-
stoðarritstjóri
Fréttablaðsins
Guðmundi upp.
Guðmundur staðfesti í samtali við
Morgunblaðið í gær að honum hafi
verið sagt upp en hann sagðist ekki
vilja tjá sig um málið að svo stöddu
og um ástæður uppsagnarinnar.
Hann vilji fá ráðrúm til að hugsa
málið næstu daga áður en hann tjái
sig eitthvað um aðdraganda þessa
máls.
Kári Jónasson, ritstjóri Frétta-
blaðsins, vildi í gær ekkert segja um
starfslok Guðmundar hjá Frétta-
blaðinu.
Fékk tiltal vegna leiðara
Guðmundur hefur starfað á
Fréttablaðinu í tæp tvö ár og hafði
þau verkefni m.a. með höndum að
skrifa leiðara, annast leiðarasíðu
blaðsins og hafa umsjón með að-
sendu efni. Hann var ráðinn fulltrúi
ritstjóra haustið 2004.
Samkvæmt heimildum Morgun-
blaðsins var Guðmundur fyrir
nokkru kallaður fyrir ritstjóra og
honum veitt tiltal vegna leiðara sem
hann skrifaði í Fréttablaðið um DV-
málið og birtist 16. janúar sl.
Í leiðaranum, sem bar yfirskrift-
ina „Ritstjórnir fái erindisbréf“,
fjallaði Guðmundur um ritstjórnar-
legt sjálfstæði ritstjórna og sagði
m.a.: „Það er til fyrirmyndar, sem
upplýst var í vikunni, að stjórn
Dagsbrúnar, móðurfélags 365
miðla, hafi sett þá reglu að stjórn-
armönnum fyrirtækisins sé óheimilt
að hafa afskipti af einstökum mál-
um sem ritstjórnirnar fást við. Ekki
er kunnugt um að önnur fjölmiðla-
fyrirtæki hafi sett slíkar reglur.
Hitt er einkennilegt sjónarmið hjá
framkvæmdastjóra félagsins, Gunn-
ari Smára Egilssyni, að yfirmenn á
ritstjórnum eigi sjálfir að ákveða
hvers konar fjölmiðil þeir reka. Eig-
endur og rekstrarstjórar fjölmiðla
eiga ekki að geta firrt sig ábyrgð
með slíku tali enda blasir við að það
getur ekki verið heil brú í slíkum
vinnubrögðum. Því aðeins er vit í
reglunni um að eigendur og stjórn-
armenn fjölmiðlafyrirtækja virði
sjálfstæði ritstjórna sinna að þeir
hafi markað meginstefnuna og
þannig sé hægt að sækja þá til
ábyrgðar ekkert síður en ritstjórn-
irnar ef út af bregður.“
Í leiðaranum sagði enn fremur:
„Það var ekki á almennu vitorði
starfsmanna 365 miðla að stjórnar-
menn fyrirtækisins mættu ekki hafa
afskipti af ritstjórnunum. Umrædd-
ar reglur hafa ekki verið birtar
starfsfólki. Mikilvægt er að það
verði nú gert. Þá kemur væntanlega
í ljós hvort reglan taki einnig til
framkvæmdastjóra fyrirtækisins og
markaðs- og auglýsingastjóra eins
og eðlilegt hlýtur að teljast.“
Guðmundi Magnússyni
sagt upp á Fréttablaðinu
Guðmundur
Magnússon
„ÉG get staðfest að [Guðmundur
Magnússon] hefur hætt störfum en
vil ekki tjá mig
að öðru leyti en
því, að ég vísa al-
gerlega á bug að
þetta mál hafi
eitthvað með
skoðanir eða
skrif Guðmundar
að gera,“ segir
Ari Edwald, for-
stjóri 365 ljós-
vakamiðla og 365
prentmiðla, er hann er spurður um
uppsögn Guðmundar Magnússonar
og undir hann borið hvort Guð-
mundi hafi verið veitt tiltal vegna
leiðaraskrifa í Fréttablaðinu.
„Mér var það ljóst þegar ég var
að setja mig inn í málefni fyrirtæk-
isins eftir að ég var ráðinn, og það
var áður en þessi leiðari sem þú ert
að vísa til var skrifaður, að þá þeg-
ar höfðu menn komist að þessari
niðurstöðu á ritstjórn blaðsins sem
núna er komin fram. Það er alveg
kristaltært í mínum huga og kenn-
ingar um annað eru bara rangar,“
segir Ari.
Þetta mál hefur ekkert með
skoðanir eða skrif að gera
Ari Edwald
HLÝINDIN að undanförnu hafa
gert það að verkum að trjágróður
hefur byrjað að springa út, þó enn
sé það skammt á veg komið. Dæmi
eru einnig um að páskaliljur séu
farnar að blómstra í garði einum
norðan heiða.
Þórólfur Jónsson, garðyrkju-
stjóri Reykjavíkurborgar, segir að
gróður fari að bæra á sér þegar
það sé hlýtt samfleytt í dálítinn
tíma. Það sé ekki óvenjulegt að
það geri hlýindakafla á vetrum og
þetta verði ekki alvarlegt nema
hlýindin haldi lengi áfram.
Hann bætti því við að gróður
þoli kuldakafla þótt hann sé farinn
að bæra aðeins á sér. Hann þurfi
að vera kominn talsvert lengra til
þess að gera það ekki, þótt auðvit-
að sé það mismunandi eftir teg-
undum. Íslenska birkið til dæmis
láti ekki plata sig, en öðru máli
gegni um gróður sem ættaður sé
annars staðar frá sem sé vanari
því að ekki komi hlýindakaflar og
kólni síðan aftur.
Þórólfur sagði afar lítið hægt að
gera til að vernda gróðurinn þegar
um stærri runna og tré sé að ræða.
Minni runnum og fjölærum sé
hægt að skýla ef hlýindin haldist
áfram.
„Náttúran hefur sinn gang og
eldri tré og grunnar þola það þó
einhverjar greinar kali,“ sagði
hann ennfremur.
Búin að biðja þær að bíða
Einstök veðurblíða ríkir einnig
norðan heiða sem hefur ruglað
gróðurinn í ríminu. Þannig prýða
nú nýútsprungnar páskaliljur
garðinn hjá Ute Stelle í Skessugili.
Það hefur ekki gerst áður á þess-
um árstíma. „Stundum springa
þær út um páskana, jafnvel um
hvítasunnuna eða bara þegar kom-
ið er fram í júní,“ segir hún. Þegar
hún tók eftir því fyrir nokkrum
dögum, í lok janúar, að páskalilj-
urnar voru að springa út, lagði
hún yfir þær leifar af jólatré, þeim
til skjóls. „Ég er búin að tala við
þær,“ segir hún um páskaliljur sín-
ar, „en þær bara hlusta ekki á mig,
ég sagði þeim að vera bara rólegar
áfram, þetta sé allt of snemmt.“
Götusópurinn á Akureyri hefur
verið ræstur út og er nú á ferðinni
að hreinsa sand og ryk af götum
og þá brá Hallgrímur Arason, veit-
ingamaður á Bautanum og La Vita
é Bella í Kaupvangsstræti, sér út
og spúlaði stéttina við veitinga-
staðinn. Og hreinsaði í leiðinni
kokkinn sem stendur fyrir utan
staðina.
Gróður tekur við
sér í hlýindunum
Morgunblaðið/Skapti Hallgrímsson
Kokkurinn við Kaupvangsstræti fékk baðið sitt í góða veðrinu.
Morgunblaðið/Skapti Hallgrímsson
Útsprungin páskalilja á Akureyri.
Morgunblaðið/ÞÖK
Brum á runnum í Reykjavík.
ÁGÚSTA Eva Erlendsdóttir, sem
gengur undir listamannsnafninu
Sylvía Nótt, fær að flytja lagið „Til
hamingju Ísland“ í Söngvakeppni
sjónvarpsins á laugardaginn kemur
þó svo lagið hafi komist í dreifingu
á netinu.
Þetta kemur fram í yfirlýsingu
frá Bjarna Guðmundssyni, fram-
kvæmdastjóra Sjónvarpsins, sem
Morgunblaðinu hefur borist.
Yfirlýsingin er svohljóðandi:
„Eitt þeirra laga sem valið hafði
verið til keppni í Söngvakeppni
Sjónvarpsins 2006 fór í dreifingu á
netinu. Aðstandendur lagsins
harma þessi mistök og hafa beðist
afsökunar á að þetta hafi gerst.
Í ljósi þeirrar umræðu sem átt
hefur sér stað í kjölfar þessa atviks
vill Sjónvarpið taka fram að um-
rætt lag verður flutt í forkeppninni
nk. laugardagskvöld. Fimm lög
munu komast áfram og sjötta lagið
á möguleika á að verða uppbót-
arlag.
Sjónvarpið vonar að þessi uppá-
koma varpi ekki skugga á keppn-
ina.“
Fær að flytja lagið
HÉRAÐSDÓMUR Reykjavíkur hef-
ur dæmt karlmann á þrítugsaldri í
fimm mánaða fangelsi fyrir kanna-
bisræktun en 33 kannabisplöntur,
38,03 grömm af kannabislaufum og
1,50 gr. af kannabisstönglum fund-
ust í vörslu mannsins 20. september
2005. Ákærði játaði brot sitt fyrir
dóminum en með því rauf hann skil-
orðsbundinn dóm sem hann hlaut
fyrir brot gegn ávana- og fíkniefna-
lögum frá desember árið 2004. Í
dóminum er litið til þess að ákærði
á að baki langan feril innan dóms-
kerfisins auk þess sem hann hefur
ítrekað rofið skilorð. Ákærði greiði
auk þess málsvarnarlaun skipaðs
verjanda síns, 65 þúsund krónur.
Héraðsdómarinn Ingveldur Ein-
arsdóttir dæmdi málið en verjandi
var Hilmar Ingimundarson hrl.
Fimm mánaða
fangelsi fyrir
kannabisræktun
LANDSSÍMAHÚSIÐ við Aust-
urvöll, sem staðið hefur autt frá
árinu 2001, hefur nú verið leigt út
að mestu. Þetta staðfesti Pálmi
Sigmarsson, forsvarsmaður Að-
alstrætis 11 ehf., eiganda hússins.
Að sögn Pálma hafa áætlanir um
hótelrekstur í húsinu verið lagðar
til hliðar næstu 5-6 árin, en við
eigendaskipti á húsinu í maí síð-
astliðnum kom fram að bæði fyrri
eigendur og núverandi eigendur
höfðu ráðgert hótelrekstur í hús-
inu. Pálmi sagði að gerðir hefðu
verið leigusamningar til 5-6 ára
við mismunandi aðila, meðal ann-
ars Íslandsbanka og Landsbank-
ann. Mestur hluti húsnæðisins mun
verða nýttur undir skrifstofur.
Pálmi benti á að félagið hefði
byggingarrétt á 3500 fermetrum
fyrir aftan skemmtistaðinn Nasa
og á lóðinni sem snýr að Kirkju-
stræti og bjóst Pálmi við að sá
byggingarréttur yrði nýttur á
næstu árum.
Landssímahúsið
leigt út
VARAÐ er við orminum W32/
Kapser.A@mm sem mun eyða
fjölmörgum skrám á sýktum tölv-
um á morgun, 3. febrúar, og síðan
endurtaka leikinn þriðja dag
hvers mánaðar um alla framtíð
eða þar til orminum er sjálfum
eytt, samkvæmt upplýsingum frá
Einari J. Skúlasyni. Meðal þeirra
skjala sem ormurinn mun eyða
eru Word-skjöl, Excel-skjöl, Pow-
erPoint-skjöl, Adobe PDFskjöl og
Adobe Photoshop-skjöl. Notend-
ur sem ekki hafa hreinsað smit-
aðar vélar fyrir þennan tíma og
sem ekki eiga afrit af skjölum sín-
um munu tapa þeim endanlega.
Ormurinn berst í viðhengjum við
tölvupósta sem lofa klámmyndum
eða öðru myndefni sé viðhengi
opnað. Þegar viðhengi er opnað
smitast tölvan og veiran safnar
tölvupóstföngum af harða drifinu
og notar þau til að dreifa sér.
Varað við tölvu-
ormi á morgun