Morgunblaðið - 02.02.2006, Blaðsíða 12
12 FIMMTUDAGUR 2. FEBRÚAR 2006 MORGUNBLAÐIÐ
FRÉTTIR
Lagersala
1.-11. febrúar
40-70%
afslátturHverfisgötu 6, 101 Reykjavík, sími 562 2862
Suðurlandsbraut - Til leigu
Ingólfur G. Gissurarson, lögg. fast.
www.valholl.is
Opið virka daga frá kl. 9.00-17.30.
Jarðhæð sem er samtals 856 fm en mögulegt er að skipta henni upp í ca. 545
og 311 fm. Mjög góð sameign í snyrtilegu lyftuhúsi. Húsnæðið uppfyllir allar
kröfur um nútíma skrifstofurekstur. Hentar vel fyrir hvers konar þjónustu
og/eða verslun. Góð aðkoma og næg bílastæði. Húsið er mjög vel staðsett og á
áberandi stað. Eigandi er Landsafl sem er sérhæft fasteignafélag.
Upplýsingar veitir Magnús Gunnarsson,
sími 588 4477 eða 822 8242
www.landsafl.is
Toyota RAV4
prófaður í
Portúgal
Bílar á morgun
UNDIRBÚNINGUR fyrir hönnun
nýs Landspítala – háskólasjúkra-
húss hófst í gær með fundi fram-
kvæmdanefndar nýbyggingar Land-
spítalans í Borgarleikhúsinu með
hátt á þriðja hundrað starfsmönnum
spítalans og ráðgjöfum sem ráðnir
hafa verið til að sinna tilteknum
verkefnum. Þá undirritaði Jón Krist-
jánsson, heilbrigðis- og trygginga-
málaráðherra, og fulltrúi danska fyr-
irtækisins CF-Møller, höfunda
vinningstillögu vegna skipulags á lóð
Landspítala, samkomulag um gerð
deiliskipulagstillögu.
Nýi spítalinn verður byggður á
Landspítalalóðinni á árunum 2008–
2012. Á næstu mánuðum munu 44
notendahópar tæplega 300 starfs-
manna taka þátt í þarfagreiningu
vegna hönnunar spítalans. Hlutverk
þeirra er að taka saman nákvæmt yf-
irlit yfir starfsemina sem fram á að
fara á hinum nýja spítala og hvernig
starfseminni yrði best fyrir komið.
Haft verður samráð og samvinna við
samtök sjúklinga og hefur þegar ver-
ið haft samband við þrenn sjúklinga-
samtök og verður samráðið af þessu
tagi aukið fljótlega.
Kostnaður lægstur
við Hringbraut
Jón Kristjánsson sagði í ávarpi
sem hann hélt á fundinum að rök
staðarvalsnefndar sem skoðaði fjóra
kosti sem til greina komu vegna
byggingar sjúkrahússins, hefðu ver-
ið sannfærandi og hefði hann verið
nefndinni sammála. „Kostnaður við
uppbygginguna við Hringbraut
verður lægstur miðað við þær áætl-
anir sem gerðar höfðu verið, svo
munar allt að 10 milljörðum króna,
meðal annars vegna bygginganna
sem fyrir eru á lóðinni og nýta má til
starfseminnar. Nálægð við Háskóla
Íslands, möguleikarnir til áfram-
haldandi uppbyggingar á svæðinu
eru tryggðir, leið þeirra sem nýta sér
þjónustu spítalans og starfsmanna
verður greið, gatnakerfi hefur verið
lagfært og allt umhverfið er afskap-
lega skemmtilegt og framkvæmdin
öll var talin verða lyftistöng fyrir
þróun miðborgarinnar,“ sagði Jón.
Hann sagði ákvörðunina um að
verja 18 milljörðum króna af sölu-
andvirði Símans í uppbyggingu nýs
spítala við Hringbraut hafa falið í sér
mikil tímamót.
„Í ákvörðuninni felst að 18 millj-
örðum króna verður varið til upp-
byggingar nýs spítala á Landspítala-
lóðinni á árunum 2008–2012. Með
framlaginu er unnt að ljúka skipu-
lagsvinnu og undirbúningi svæðis-
ins, byggja aðstöðu fyrir slysa- og
bráðaþjónustu og koma upp aðstöðu
fyrir rannsóknarstarfsemi,“ sagði
Jón.
Hann sagði mikilvægt að breið, al-
menn, flokkspólitísk og fagleg sam-
staða ríkti um framkvæmdir sem
tækju langan tíma, líkt og bygging
nýs spítala. „Um þessa framkvæmd
er almenn pólitísk samstaða,“ sagði
hann.
Unnið í nánu samstarfi við
ráðgjafa frá CF-Møller
Samningurinn um tillögu að deili-
skipulagi og vinna við það tekur til
lóðar Landspítala – háskólasjúkra-
húss en hún markast af Eiríksgötu,
Barónsstíg og nýju Hringbrautinni
vestur að Njarðargötu. Unnið verður
í nánu samstarfi við ráðgjafa frá CF-
Møller, en arkitektarnir sem ráðnir
hafa verið sem ráðgjafar fram-
kvæmdanefndarinnar hafa víðtæka
reynslu á sviði hönnunar og að reisa
sjúkrahús og skyldar byggingar.
Auk Alfreðs Þorsteinssonar sitja í
framkvæmdanefndinni þau Inga
Jóna Þórðardóttir viðskiptafræðing-
ur, sem er varaformaður nefndarinn-
ar, Kristín Ingólfsdóttir rektor,
Ragnheiður Haraldsdóttir skrif-
stofustjóri, Árni Gunnarsson fram-
kvæmdastjóri, Magnús Pétursson
forstjóri og Björn Ingi Sveinsson
verkfræðingur.
Morgunblaðið/ÞÖK
Jón Kristjánsson og fulltrúar CF-Møller við undirritun samninga um vinnu við deiliskipulag og þarfagreiningu
vegna nýja spítalans. Miðað er við að framkvæmdir við spítalann geti hafist eftir tvö ár.
Hönnun nýs Landspítala – háskólasjúkrahúss
Um 300 manns taka
þátt í þarfagreiningu
ALFREÐ Þorsteinsson borgar-
fulltrúi er formaður fram-
kvæmdanefndar nýbygging-
arinnar. Hann tók til máls í gær
og sagði Íslendinga gera marg-
víslegar kröfur um bestu þjónustu
á hvaða sviði þjóðlífsins sem er.
Íslendingar sem búsettir væru er-
lendis kysu helst að njóta læknis-
og sjúkrahúsþjónustu hér heima
ef þess væri kostur. „Til að verða
við kröfum um bestu hugsanlegu
skilyrði á þessu sviði þarf tvennt
að fara saman. Fagmennska
lækna og hjúkrunarliðs og hús-
næði sem skapar viðeigandi um-
gjörð um starfsemina. Það leiðir
síðan af sér hagkvæmari rekstur
sem er grundvallaratriði í þessu
samhengi,“ sagði hann. „Verk-
efnið sem er fram undan er vissu-
lega stórt en ekki stærra en þeg-
ar við Íslendingar reistum
aðalbyggingu Landspítalans fyrir
76 árum,“ sagði hann. „Vonandi
getum við staðið við það fyrirheit
að fyrsta skóflustungan verði tek-
in að tveimur árum liðnum, á vor-
dögum árið 2008,“ sagði Alfreð
enn fremur.
Íslendingar gera kröfur um
bestu þjónustu á öllum sviðum