Morgunblaðið - 02.02.2006, Blaðsíða 41

Elsku litli fallegi drengurinn okk-
ar, Daði Snær, hefur kvatt okkur
alltof fljótt. Maður spyr sig, af
hverju? og hver er tilgangurinn? en
við viljum trúa því að hann hafi kom-
ið til okkar í þessa tæplega 8 mánuði
til að kenna okkur eitthvað og nú
hafi hans hlutverki verið lokið.
Við skoðum myndir af litla engl-
inum okkar og náum stundum að
brosa í gegnum tárin en við vitum að
við eigum eftir að skoða þessar
myndir þegar fram líða stundir og
brosa og hlæja og rifja upp ýmsa
skondna hluti sem litli grallarinn
okkar gerði. Efst í huga okkar er
hversu gaman var að vera í göngu-
grindinni og reyna að ná í lykla-
borðið og músina á tölvuborðinu og
við tölum nú ekki um hversu gaman
var að elta stóra rauða boltann um
öll gólf. Það nýjasta var samt að
þegar mamma var að skipta á litla
stráknum sínum og lagði hann í
rúmið sitt, þá var sá stutti fljótur að
velta sér yfir á magann og fannst
hann vera rosa sniðugur og iðaði all-
ur eins og lítill ormur og skellihló.
Allar myndirnar sem við eigum af
litla drengnum okkar eru fjársjóð-
urinn okkar sem við ætlum að varð-
veita mjög vel.
Við eigum einn sólargeisla eftir
hjá okkur en hinn er uppi hjá Guði
og heldur verndarhendi yfir okkur.
Birgitta hefur verið okkur ómetan-
legur stuðningur og vitum við ekki
hvernig við hefðum farið að án henn-
ar.
Elsku besti drengurinn okkar,
hvíldu í friði. Þú ert og verður alltaf
ljósið í lífi okkar hvort sem þú ert
hjá okkur eður ei.
Við elskum þig öll, ástin okkar.
Mamma, pabbi og Birgitta Dögg.
Elsku litla krúttið mitt.
Ég man þegar pabbi þinn hringdi
í mig og bað mig um að vera skírn-
arvottur þinn. Ég var svo stolt að
foreldrar þínir höfðu treyst mér fyr-
ir þessu hlutverki í þínu lífi. Þegar
kom að skírnardeginum var ég
ánægð að standa uppi við skírnar-
fontinn og horfa á þig um leið og
Pálmi prestur jós vatninu yfir þig.
Þú tókst þessu með stakri ró og
svafst bara með dudduna þína. Eftir
athöfnina var falleg veisla heima hjá
mér, þú varst ekkert að æsa þig yfir
gestaganginum heldur fékkst þér
blund í rúminu mínu. Ég naut þess
að sitja hjá þér og horfa á þig sofa.
Baltasar fékk sér blund hjá þér
smástund en ég þurfti fljótlega að
taka Baltasar í burtu því að hann
vildi fá að skoða þig með höndunum
sínum.
Elsku litli frændi, ég sakna þín
sárt og mun geyma minningu þína í
hjarta mínu.
Þín frænka,
Kristjana Hlín.
Þú komst sem sólargeisli síðasta
vor, elsku litli vinurinn. Svo hraust-
ur, brosmildur og blíður.
DAÐI SNÆR
ARNÞÓRSSON
✝ Daði Snær Arn-þórsson fæddist
í Reykjavík 31. maí
2005. Hann lést á
heimili sínu 24. jan-
úar síðastliðinn.
Foreldrar hans eru
Arnþór Hinrik Val-
garðsson f. 23. jan-
úar 1979 og Katrín
Helga Óskarsdóttir
f. 14. mars 1980.
Systir Daða Snæs er
Birgitta Dögg f. 15.
mars 2002.
Foreldrar Arn-
þórs eru Valgarð Guðmundsson f.
19. júlí 1951 og Áróra Hlín Helga-
dóttir f. 25. september 1961. For-
eldrar Katrínar eru Óskar Þór
Óskarsson f. 10. nóvember 1951
og Sigurbjörg Helgadóttir f. 2.
desember 1950.
Útför Daða Snæs verður gerð
frá Bústaðakirkju í dag og hefst
athöfnin klukkan 13.
Þú gafst okkur ynd-
islegar stundir sem
við þökkum svo inni-
lega fyrir að hafa
fengið með þér.
Í þína umsjón nú,
ástríki faðir,
felum líf, byggð og bú,
blundum svo glaðir.
(Arnór Jónsson.)
Elsku Arnþór, Kata
og Birgitta, megi
minningin um lítinn
hamingjusaman dreng
lifa með ykkur sem ljós í myrkri og
veita ykkur styrk í sorginni þegar
fram líða stundir.
Áróra amma.
Elsku litli Daði Snær.
Hvert örstutt spor var auðnuspor með
þér,
– hvert andartak er tafðir þú hjá mér
var sólskinsstund og sæludraumur hár,
minn sáttmáli við Guð um þúsund ár.
Hvað jafnast á við andardráttinn þinn?
Hve öll sú gleði’ er fyrr naut hugur minn
er orðin hljómlaus utangátta’ og tóm
hjá undrinu að heyra þennan róm,
hjá undri því, að líta lítinn fót
í litlum skóm, og vita’ að heimsins grjót
svo hart og sárt er honum fjarri enn,
og heimsins ráð sem brugga vondir menn,
já vita eitthvað anda hér á jörð
er ofar standi minni þakkargjörð
í stundareilífð eina sumarnótt.
Ó, alheimsljós, ó, mynd sem hverfur
skjótt.
(Halldór Kiljan Laxness.)
Elsku Arnþór, Kata og Birgitta,
við biðjum algóðan Guð að vaka yfir
ykkur og styrkja um ókomna tíma.
Megi minningin lifa um lítinn og
fallegan dreng.
Helgi afi og amma Dóra.
Kveðja frá langömmu.
Oft vonir bregðast vilja,
oss veitir þungt að skilja
Guðs voldugt vísdómsráð.
Þú Guð, sem gleði vekur,
þú gefur og þú tekur,
en öll þín stjórn er einskær náð.
Vér þökkum barnið blíða,
með bjarta svipinn, fríða,
þá góðu lífsins gjöf.
Þú sveinninn, ljúfur lifir,
og ljós Guðs skín þér yfir.
Ei líf og andi er lagt í gröf.
Svo talar trúin bjarta
og tendrar von í hjarta,
þá hjaðnar dauðlegt hold.
Á friðar fögru landi
er frjáls og glaður andi,
þá fölnað blóm er falið mold.
Oft falla fljótt að jörðu
í frosti og veðri hörðu
hér fíngerð, fögur blóm.
Þú forsjón Guðs ert falinn
og fegri staður valinn,
vér skiljum ei vorn skapadóm.
Þú áttir ylríkt hjarta,
þín elskan hreina og bjarta
ei þoldi sárt að sjá.
Þín bláu augun blíðu,
með brosi engilfríðu
af fögrum tárum fylltust þá.
Til sælla himinsala
frá sorgum jarðardala
vér hefjum hug í dag.
Þú Guð ei okkur gleymir,
þín gæzka niður streymir,
þú annast hvert vort æðaslag.
(Guðríður S. Þóroddsdóttir.)
Þóra Sigurjónsdóttir.
Elsku Daði Snær.
Þú byrjaðir í mömmuhópnum
okkar þegar þú varst rúmlega 2
mánaða gamall. Þú komst með
mömmu þinni og heillaðir okkur öll.
Þú varst alltaf glaður, brosmildur og
hvers manns hugljúfi. Við fengum
þann heiður að fá að hitta þig viku-
lega og fylgjast með þér vaxa og
dafna en skyndilega varstu tekinn
frá okkur og missirinn er mikill. Þín
verður sárt saknað.
Leiddu mína litlu hendi,
ljúfi Jesús, þér ég sendi
bæn frá mínu brjósti, sjáðu,
blíði Jesús, að mér gáðu.
(Ásmundur Eiríksson.)
Stórt skarð hefur verið höggvið í
hópinn okkar vegna ótímabærs frá-
falls þíns. Minningin um þig, Daði
Snær, lifir í hjörtum okkar um
ókomna tíð.
Elsku Kata, Addi, Birgitta og fjöl-
skyldur, við vottum ykkur okkar
dýpstu samúð og biðjum Guð að
vaka yfir ykkur og veita ykkur
styrk.
Hinstu kveðjur.
Mömmuhópurinn.
Ég kveð þig, litli vinur, hinstu
kveðju með sorg í hjarta – sorg sem
nístir mig ólýsanlega. Ég vil því
gera texta Pam Brown í þýðingu
Óskars Ingimarssonar að mínum en
þar segir:
Á tímum erfiðleika… Tilgangslaust er að
ætla sér að skilgreina ástæðurnar fyrir
sálarkvöl. Ekki verður aftur snúið. Engir
töfrar fá því breytt sem gerst hefur, ekki
heldur ásakanir af neinu tagi. Hvenær
sem áhyggjur þjaka þig skaltu einbeita
huganum að því sem getur veitt þér
ánægju á líðandi stund, þó í litlu sé. Gefðu
þér tíma til að læknast. Haltu ró þinni.
Missir skilur alltaf eftir sig tómarúm – en
þú verður að varast að helgreipar sorgar
læsi sig um hug þinn og hjarta. Sæktu
kjark í lífið sjálft. Það virðist óhugsandi
þegar áföllin dynja yfir – en nýtt áhyggju-
efni bíður þess að fylla tómið.
Ég óska þér þeirrar hamingju að geta
sleppt tökum á því liðna – og byrja nýtt líf.
Ég óska þess að ég gæti forðað þér frá
hverri sorg, hverri hörmung, hverju því
sem mistekst. En þá yrðir þú frábrugðin
öllum öðrum lífverum jarðarinnar. Það er
ekki síður hjartakvöl okkar en hamingja
sem byggir upp fjölskyldu, hjónaband eða
vináttu.
Ef ég gæti gefið þér eitthvað, mundi ég
kjósa þér frið og kyrrð við innstu hjarta-
rætur, svo þú megir verða örugg og róleg
hvað sem á dynur.
Farðu mjúkum höndum um hamingjuna.
Hún er að láni.
Guð blessi minningu þína, Daði
Snær.
Anna Gísladóttir.
Okkur langar að minnast Daða
Snæs, ástkærs sonar vinkonu okkar.
Það er erfitt að kveðja lítinn vin sem
tekinn var frá okkur svo skyndilega.
Við minnumst þín Daði Snær sem
litla glaðlynda drengsins með fal-
lega brosið þitt. Sérstaklega eru
okkur minnisstæð öll kvöldin sem þú
eyddir með okkur í saumaklúbbnum
og virtist una þér vel í félagsskap
okkar stelpnanna.
Þrátt fyrir að hafa náð aðeins átta
mánaða aldri náðir þú að snerta
hjörtu okkar allra og gaman var að
fylgjast með hvað þú dáðir stóru
systur þína hana Birgittu. Þú varst
litli sólargeislinn í lífi foreldra þinna
og stóru systur og munt verða það
um ókomna tíð í hjörtum þeirra.
Það er sárt að fá ekki að sjá þig
vaxa og dafna. Hvern hefði grunað
að við hefðum svona stuttan tíma
með þér.
Erfitt er að kveðja það litla ljós
sem skein svo skært og gaf okkur yl
og dró að sér svo mikla ást.
Fylltir hjarta okkar með brosinu breiða
og hjali,
yljar okkur í brjósti sá heiður og sá tími
sem við fengum með þér.
Ferð þú nú burt.
Í hjörtum okkar þú alltaf ert.
Elsku Kata, Arnþór og Birgitta
Dögg.
Hugur okkar er hjá ykkur á þess-
um erfiðu tímum. Guð gefi ykkur
styrk í þessari miklu sorg. Minn-
ingin um litla fallega drenginn ykk-
ar lifir í hjörtum okkar að eilífu.
Anna G., Drífa, Guðrún Edda,
Helena Björk, Helena Sif og
Soffía Marín.
MORGUNBLAÐIÐ FIMMTUDAGUR 2. FEBRÚAR 2006 41
MINNINGAR
Yfir 40 ára reynsla
Sendum myndalista
Steinsmiðjan MOSAIK
Hamarshöfða 4 • 110 Reykjavík
sími 587 1960 • www.mosaik.is
10-50% afsláttur
TILBOÐ
á legsteinum,
fylgihlutum og
uppsetningu
Elskuleg móðir okkar, tengdamóðir, amma, lang-
amma og langalangamma,
LILJA ÓLAFSDÓTTIR
frá Vík í Mýrdal,
Vogatungu 99,
áður Skjólbraut 11,
Kópavogi,
verður jarðsungin frá Kópavogskirkju föstudaginn
3. febrúar kl. 15.00.
Ragnhildur Kjartansdóttir, Hilmir Þorvarðarson,
Guðmundur Ingi Ingason, Fanndís Halla Steinsdóttir,
María Kjartansdóttir, Þór Hauksson,
Lilja Gunnarsdóttir, Birgir Bjarnason,
Rósa Gunnarsdóttir, Erling Hafþórsson,
Högni Gunnarsson,
Kjartan Hilmisson, Hrönn Kristbjörnsdóttir,
Jón Bergur Hilmisson, Sigríður Árný Júlíusdóttir,
barnabarnabörn og
barnabarnabarnabarn.
Elskuleg móðir okkar, tengdamóðir, amma og
langamma,
LOVÍSA INGVARSDÓTTIR
frá Hellishólum í Fljótshlíð,
verður jarðsungin frá Selfosskirkju laugardaginn
4. febrúar kl. 11 00.
Ólafur Óskarsson,
Elínborg Óskarsdóttir,
Ingunn Óskarsdóttir,
Sigurður Óskarsson,
Jón Þórir Óskarsson,
Magnús Óskarsson,
Anton Óskarsson,
Eyþór Óskarsson,
Guðmundur Óskarsson,
Stefán Ingi Óskarsson
og fjölskyldur.
Innilegar þakkir fyrir samúð og hlýhug við andlát
og útför móður okkar, tengdamóður, ömmu og
langömmu,
SIGÞÓRU SIGURÐARDÓTTUR,
Fossheiði 60,
Selfossi.
Sérstakar þakkir til starfsfólks á Heilbrigðisstofnun
Suðurlands fyrir hlý samskipti og góða umönnun.
Unnur S. Bjarnþórsdóttir, Þorlákur Marteinsson,
Guðrún Bjarnþórsdóttir, Hilmar Þ. Sturluson,
Birna Bjarnþórsdóttir, Frans Páll Sigurðsson,
barnabörn og barnabarnabörn.
Elskulegur eiginmaður minn, faðir okkar, tengda-
faðir, afi og langafi,
HJÖRTUR FRIÐBERG JÓNSSON,
Fornastekk 11,
Reykjavík,
sem lést á heimili sínu mánudaginn 23. janúar,
verður jarðsunginn frá Fossvogskirkju föstu-
daginn 3. febrúar kl. 15.00.
Þeim sem vilja minnast hans er bent á líknarfélög.
Vigdís Einarsdóttir,
Jón F. Hjartarson, Elísabet Kemp,
Einar F. Hjartarson, Kristín Þorgeirsdóttir,
Stefán F. Hjartarson, Áslaug Guðmundsdóttir,
Ævar S. Hjartarson,
barnabörn og barnabarnabörn.