Morgunblaðið - 02.02.2006, Blaðsíða 32

32 FIMMTUDAGUR 2. FEBRÚAR 2006 MORGUNBLAÐIÐ
UMRÆÐAN
F
immtudaginn 13. nóv-
ember 2003 sagði
Morgunblaðið frá
umræðum á Alþingi
sem orðið höfðu dag-
inn áður um starfslokasamninga
sem ríkið hafði gert við tvo fyrr-
verandi forstjóra Byggðastofn-
unar. Valgerður Sverrisdóttir,
iðnaðar- og viðskiptaráðherra,
varð fyrir svörum en m.a. ræddi
hér um starfslokasamning sem
gerður var við Theodór Bjarna-
son í júní 2002 og hljóðaði upp á
19,6 milljónir króna. Sagðist Val-
gerður hafa borið ábyrgð á þess-
um samningi, þ.e. hún var ráð-
herra þegar samningurinn var
gerður, en að það hefði verið
þannig „að það var mikil kreppa í
þessari stofnun og hún í raun
óstarfhæf“.
Síðan sagði ráðherrann: „Þegar
ég stóð frammi fyrir því hvort ég
vildi gera starfslokasamning við
forstjórann með þessum hætti, þá
ákvað ég að gera það og taldi það
mikilvægt vegna stofnunarinnar.
Það má alveg velta því fyrir sér
hvort sá samningur hafi verið of
dýr, en ég tel að mál hafi verið
þannig vaxin að ástæða var til að
afgreiða málið með þessum
hætti.“
Um hvað snerist þetta mál? Jú,
það geisaði semsé mikill ófriður
um Byggðastofnun um mitt ár
2002 sem lyktaði með því að 14.
júní var starfslokasamningur
gerður við forstjórann, Theodór
Bjarnason, og formaður stjórnar,
Kristinn H. Gunnarsson, hvarf á
sama tíma frá þeim störfum.
Samstarf tvímenninganna hafði
gengið afar illa, eins og ítarlega er
rakið í fréttum Morgunblaðsins
þetta vor og sumar. „Valdníðsla
og yfirgangssemi Kristins er ólíð-
andi. Þetta hef ég ekki sætt mig
við og læt ekki yfir mig og starfs-
menn stofnunarinnar ganga. Ég
mun í mínu starfi standa vörð um
heiðarleg vinnubrögð og eðlilega
og löglega starfsemi Byggða-
stofnunar,“ hafði Theodór m.a.
sagt við Morgunblaðið 15. maí.
Kom þar jafnframt fram um hvað
deilurnar snerust, a.m.k. að hluta
til. „Fljótlega eftir að ég hóf störf
hjá stofnuninni varð ljóst að það
var alvarlegur ágreiningur,“ segir
Theodór um samskipti sín og
stjórnarformannsins. „Ég leit á
það sem mitt höfuðhlutverk að
tryggja heiðarleg og réttlát
vinnubrögð og að koma í veg fyrir
að sérstökum landshlutum væri
hyglað. Þegar ég gerði at-
hugasemd við að Kristinn ætlaði
að troða í gegn samningagerð um
að flytja lánaumsýslu stofnunar-
innar til vina sinna í Sparisjóði
Bolungarvíkur, án samráðs við
stjórn og forstjóra, vakti ég at-
hygli stjórnar á því sem mótmælti
vinnubrögðum. Hann hefur síðan
orðið sífellt grófari í ofsóknum í
minn garð.“
Forstjórinn var ekki eini starfs-
maður Byggðastofnunar sem
ósáttur var við samskiptin við
Kristin. Í bréfi sem fimm starfs-
menn stofnunarinnar sendu for-
stjóranum 22. apríl 2002 og var
birt í Morgunblaðinu 15. maí
sögðust viðkomandi starfsmenn
upplifa ástandið þannig að „setið
sé um hvert okkar fótmál, lúsleit-
að að einhverju sem hægt væri að
hanka okkur á, og þar með vænt-
anlega forstjórann“. Síðan sögðu
fimmmenningarnir: „Ítrekað höf-
um við þurft að horfa uppá full-
komlega óásættanleg vinnubrögð
og framkomu frá hendi stjórn-
arformanns sem virðist í herför
gegn forstjóra stofnunarinnar og
starfsmönnum hans. Teljum við
okkur hafa sýnt mikið langlund-
argeð og fórnfýsi að umbera það
ástand sem verið hefur ríkjandi
síðustu mánuði. Atburðir síðustu
daga hafa endanlega fyllt mælinn,
og þá sérstaklega þau vinnubrögð
sem viðhöfð voru við afgreiðslu
hlutafjárbeiðna og tilraunir
stjórnarformanns til að breyta
staðfestri fundargerð síðasta
stjórnarfundar sér og umbjóð-
endum sínum til hagsbóta.“
Það er í raun óþarfi að rekja
þetta mál frekar. Flestir sem
þessar fréttir lásu fengu það sjálf-
sagt á tilfinninguna að Kristinn
H. Gunnarsson væri óalandi og
óferjandi, ótækur til samstarfs.
Því virtist manni það furðuleg
niðurstaða að forstjóri Byggða-
stofnunar þyrfti að víkja, eins og
varð raunin í júní 2002. Ekkert
benti til annars en að sökin væri
aðallega stjórnarformannsins og
að það væri hans að víkja.
Líklega grunaði fleiri en mig að
hér hefði pólitíkin spilað inn í.
Kristinn H. Gunnarsson var for-
maður stjórnar Byggðastofnunar
í umboði Framsóknarflokksins,
hvorki hann né flokkurinn máttu
koma illa út úr málinu. Nið-
urstaðan varð sú sem áður var
lýst, stjórnarformaður vék en for-
stjórinn látinn fara líka, keyptur
frá starfinu með digrum starfs-
lokasamningi.
Nú er hins vegar eins og for-
ysta Framsóknarflokksins vilji
þvo hendur sínar af Kristni H.
Gunnarssyni. Hvernig öðruvísi er
hægt að skýra grein Einars Krist-
jáns Jónssonar, formanns Full-
trúaráðs framsóknarfélaganna í
Kópavogi, í Morgunblaðinu í síð-
ustu viku? Þar lýsir Einar Krist-
ján Kristni sem „röngum manni í
röngu húsi á vitlausum tíma“.
Grein Einars Kristjáns tengd-
ist prófkjörsbaráttunni í Reykja-
vík en það sem vakti athygli mína
var að hann vitnaði til þess sem
fimm starfsmenn Byggðastofn-
unar höfðu sagt um Kristinn 2002
(og sem ég rakti hér áðan). En á
forysta Framsóknarflokksins og
aðilar henni tengdir (Einar Krist-
ján starfaði til skamms tíma fyrir
núverandi iðnaðar- og við-
skiptaráðherra en er nú hjá VÍS
þar sem ræður ríkjum Finnur
nokkur Ingólfsson) að komast
upp með að sleppa því að nefna í
þessu samhengi að Framsókn-
arflokkurinn hélt einmitt hlífi-
skildi yfir Kristni H. Gunnarssyni
þegar fyrrgreindir starfsmenn
Byggðastofnunar báru sig aum-
lega undan samstarfinu við hann?
Ætla framsóknarmenn nú að fara
að rifja Byggðastofnunarmálið
upp í því skyni að sýna hversu erf-
iður Kristinn H. Gunnarsson er í
samstarfi en sleppa því að nefna
að einmitt þeir voru reiðubúnir til
að láta okkur skattborgarana
punga út næstum 20 milljónum
svo Kristinn héldi andlitinu 2002?
Rangir menn
Ætla framsóknarmenn nú að fara að
rifja Byggðastofnunarmálið upp […] en
sleppa því að nefna að einmitt þeir voru
reiðubúnir til að láta okkur skattborg-
arana punga út næstum 20 milljónum
svo Kristinn héldi andlitinu 2002?
david@mbl.is
VIÐHORF
Davíð Logi Sigurðsson
NÝLEGA barst Kópavogsbúum
dreifibréf með áletruninni „Skattar
lækka í Kópavogi“. Það er gefið út í
nafni bæjarstjórnar, þó
svo að mér, einum af 11
bæjarstjórnarmönn-
um, hafi ekki verið
kunnugt um það. Ég
ber því enga ábyrgð á
því.
Það er ekkert nema
gott um það að segja að
bæjarstjórn sendi út
upplýsingar til bæj-
arbúa. En þær upplýs-
ingar sem fram koma í
þessu riti eru áróð-
urskenndar og villandi.
Þetta eru stór orð en
lítum nánar á innihaldið.
1. Sérstakur afsláttur til lækkunar
fasteignagjalda –
Öll sveitarfélögin í kringum okkur
fóru þá leið um áramótin að lækka
álagningarprósentuna vegna mik-
illar hækkunar fasteignamats. Í
Kópavogi var ákveðið að halda pró-
sentunni óbreyttri en gefa sérstakan
afslátt þannig að gjöldin yrðu ekki
hærri en í fyrra. Þessi gjöld hafa því
ekki lækkað í Kópavogi, þau standa í
stað. Kópavogsbúar greiða áfram
hærri fasteignagjöld en Reykvík-
ingar og Seltirningar. Það kemur
ekki fram í þessum „upplýs-
ingabæklingi“ að tekjulágir, aldraðir
og öryrkjar greiða hærri fast-
eignagjöld hér í Kópavogi en víða
annars staðar. „Þökk“ sé meirihluta
Framsóknarflokks og Sjálfstæð-
isflokks sem felldu tillögur okkar
Samfylkingarmanna um tekjuteng-
ingu.
2. Álagning vatnsgjalds lækkar –
Álagning vatnsgjalds fer úr 0,19% í
0,13% af fasteignamati. Eins og allir
muna var vatnsgjaldið hér í Kópa-
vogi miklu hærra en í öðrum sveit-
arfélögum á síðasta ári.
Meirihluti bæj-
arstjórnar fór aldrei
fram á lækkun vatns-
verðs frá Orkuveitunni
á sl. ári en stjórn henn-
ar ákvað einhliða að
lækka verð á vatni til
Kópavogs um a.m.k.
fjórðung. Þess vegna
lækkar vatnsgjaldið nú
og þess vegna eru fast-
eignagjöldin örlítið
lægri nú en í fyrra.
3. Niðurgreiðsla dag-
gæslu barna hækkar –
Í ágústlok lögðu bæjarfulltrúar Sam-
fylkingarinnar til að félagsmálaráði
yrði falið að koma með tillögur um
hækkun á niðurgreiðslum til dagfor-
eldra, þannig að þeir greiddu sam-
bærilegt verð fyrir þá þjónustu og
fyrir vist á leikskóla. Tillaga okkar
var samþykkt en kom aldrei til baka í
bæjarstjórnina. Við fjárhagsáætl-
unargerð dúkkaði hún aftur á móti
upp sem tillaga meirihlutans! Og þeir
töluðu eins og hún væri þeirra eigin.
Í umræðum um daggæslumálin í
ágúst taldi Gunnar I. Birgisson „ekki
mikla þörf á því að fjölga dagfor-
eldrum með sértækum aðgerðum svo
sem auknum niðurgreiðslum“, eins
og segir í fundargerð.
4. Raunlækkun leikskólagjalda – Á
síðasta ári greiddu foreldrar í Kópa-
vogi hæstu leikskólagjöldin á höf-
uðborgarsvæðinu. Af því að gjöldin
voru ekki hækkuð núna reiknar
meirihlutinn það út að hann sé að
„raunlækka“ leikskólagjöld, vegna
þess að laun starfsfólks hækka. Þetta
eru fáséðar og áróðurskenndar
reikningskúnstir. Málflutningur af
þessu tagi dæmir sig sjálfur.
5. Fleiri hópar njóta niðurgreiðslu
æfingagjalda – Í skýringartexta er
talað um niðurgreiðslur æfinga-
gjalda barna og unglinga og það er
margendurtekið. Það eru þó aðeins
börn á aldrinum 6–12 ára sem fá nið-
urgreidd æfingagjöld. Unglingar fá
engar niðurgreiðslur frekar en áður
en lesendur gætu haldið hið gagn-
stæða eftir að hafa lesið dreifibréfið.
6. Átak í málefnum fatlaðra – Eng-
inn veit hvað átt er við með þessu og
það er á engan hátt útskýrt í bæk-
lingnum.
Eins og sjá má af þessari yfirferð
þá hefur þetta dreifibréf lítið upplýs-
ingagildi. Það hefur allt yfirbragð
áróðurspésa og um hann þarf ekki að
hafa fleiri orð. Auðvitað eiga menn að
borga svona lagað úr eigin vasa en
ekki að nota almannafé til þess.
Áróðurspési á
kostnað Kópavogsbúa
Eftir Hafstein Karlsson ’Það hefur allt yfirbragðáróðurspésa og um hann
þarf ekki að hafa fleiri
orð. Auðvitað eiga menn
að borga svona lagað úr
eigin vasa en ekki að nota
almannafé til þess.‘
Hafsteinn Karlsson
Höfundur er bæjarfulltrúi Samfylk-
ingarinnar í Kópavogi , og gefur kost
á sér 2. sæti á lista flokksins.
Prófkjör Kópavogi
NÚ Á laugardaginn fer fram
prófkjör Sjálfstæðisflokksins á
Seltjarnarnesi þar sem kosnir
verða þeir fulltrúar sem skipa
munu framboðslista flokksins í
sveitarstjórnarkosningum í vor.
Það segir í ljóði eftir Þórberg
Þórðarson: „Seltjarn-
arnesið er lítið og
lágt, / lifa þar fáir og
hugsa smátt.“ Ekki
veit ég hvort þetta
hefur nokkurn tímann
átt við, að Seltirn-
ingar hugsi smátt, en
svo sannarlega á það
ekki við núna, því
þvert á móti býr á
Seltjarnarnesinu
kraftmikið og ákveðið
fólk með miklar og
sterkar skoðanir á
bæjarfélagi sínu. Ég
hef stundum verið að
því spurð þegar ég segist búa á
Seltjarnarnesinu hvort það sé ekki
endalaust vesen á fólkinu þarna á
Nesinu og er þá verið að vísa í
mikil skrif um skipulagsmál og
fleiri mál sem hafa verið ofarlega í
umræðunni. En ég svara því til að
þetta sé ekkert vesen heldur íbúar
með sterkar skoðanir á málefnum
að láta álit sitt í ljós og er það vel.
Það væri heldur leiðinlegt að búa í
bæjarfélagi þar sem íbúarnir
hefðu enga skoðun á málefnum
bæjarfélagsins.
Sjálfstæðisflokkurinn hefur ver-
ið við völd í bæjarfélaginu síðustu
5 áratugina og gott betur, og stað-
ið sig með prýði eins og sést á
góðri fjárhagsstöðu bæjarfélagsins
sem er eitt best stæða bæj-
arfélagið á landinu. Og þessi góða
fjárhagsstaða hefur ekki þýtt lak-
ari þjónustu, þvert á móti, því
þjónustan á Seltjarnarnesinu þyk-
ir vera góð og öfundsverð og
reynt hefur verið að búa þannig
um hnútana að allar aðstæður fyr-
ir íbúa séu sem bestar. Álögur eru
þær lægstu sem þekkjast í bæj-
arfélögum á landinu og þær
lægstu hér á höfuðborgarsvæðinu.
Þessi staða markast kannski af
því að þrátt fyrir að sami flokkur
hafi verið við völd svo lengi sem
raun ber vitni, hefur
verið mikið og gott
aðhald af íbúum bæj-
arfélagsins sem svo
sannarlega hafa skoð-
un á málunum og láta
þær óspart í ljós ef
eitthvað bjátar á og ef
óánægja er um ein-
hver málefni.
Það er ekki að
ástæðulausu að bæj-
arbúar hafa svo sterk-
ar skoðanir á málum
eins og raun ber vitni
því bæjarfélagið er
tiltölulega ungt og
margir hverjir sem þar búa eru
þeir sem byggðu upp bæjarfélagið
og gerðu það að því fyrirmynd-
arsveitarfélagi sem það er, af mik-
illi röggsemi og dug, og er því
hreint ekki sama hvernig haldið er
á spöðunum í bænum.
Það liggur fyrir að mikið verður
framkvæmt á næstunni á Seltjarn-
arnesinu. Sundlaugin er nú þegar
í mikilli endurnýjun, hafist er
handa við langþráðan knatt-
spyrnuvöll með gervigrasi, bygg-
ing heilsuræktar á döfinni, fyr-
irhuguð uppbygging á Hrólfs-
skálamel á næsta leiti þar sem í
boði verða minni íbúðir sem sár-
lega vantar, og væntanlegar
breytingar á Bygggarðasvæðinu,
svo eitthvað sé nefnt. Einnig verð-
ur hjúkrunarheimili byggt í sam-
starfi við Reykjavík rétt við bæj-
armörkin.
Þetta eru spennandi tímar en að
sama skapi þarf að huga að því að
allar þessar framkvæmdir falli vel
að því sem fyrir er og þá sér-
staklega hvað varðar umferð bæði
gangandi og akandi vegfarenda og
þá þjónustu sem fyrir er.
Styrk fjármálastjórn verður að
vera sem áður lykilatriði og
áhersla lögð á að halda álögum
sem lægstum.
Mig langar að leggja mitt af
mörkum og taka þátt í að halda
áfram því góða starfi sem hefur
verið innt af hendi, með styrka
fjármálastjórn og góða þjónustu
við íbúana að leiðarljósi. Ég hef
setið á varamannabekknum sl. tvö
kjörtímabil, og hef á þeim tíma
verið formaður Menningarnefndar
Seltjarnarness og er núverandi
formaður Félagsmálaráðs auk
þess að sitja í Æskulýðs- og
íþróttaráði. Ég tel mig meira en
reiðubúna að koma inná sem að-
almaður og vona að ég fái ykkar
stuðning til þess.
Ég hvet sem flesta Sjálf-
stæðismenn til að taka þátt í
prófkjöri okkar á laugardag og
láta skoðanir sínar í ljós á því
hverja þeir vilja sjá á lista
Sjálfstæðisflokksins í vor og
mynda með því sterkan lista sem
leitt getur Sjálfstæðismenn til
sigurs.
Prófkjör á Seltjarnarnesi
Eftir Sigrúnu Eddu Jónsdóttur ’Ég tel mig meira enreiðubúna að koma inn á
sem aðalmaður og vona
að ég fái ykkar stuðning
til þess.‘
Sigrún Edda
Jónsdóttir
Höfundur er varabæjarfulltrúi,
og býður sig fram í 3. sæti listans
í prófkjör Sjálfstæðisflokksins
á Seltjarnarnesi.
Prófkjör Seltjarnarnesi