Morgunblaðið - 08.02.2006, Blaðsíða 4

4 MIÐVIKUDAGUR 8. FEBRÚAR 2006 MORGUNBLAÐIÐ
FRÉTTIR
AUGLÝSING frá Stefáni Jóni Haf-
stein, frambjóðanda í prófkjöri
Samfylkingarinnar í Reykjavík,
hefur verið tekin úr birtingu hjá út-
varpsstöðvum 365 miðla en áður
hafði hún verið birt í miðlum fyr-
irtækisins í gær og fyrradag. Fram
kemur í tilkynningu frá Stefáni
Jóni að hann hafi auglýst símatíma
sinn í Útvarpi Sögu í útvarps-
stöðvum 365 en það hafi verið tekið
úr birtingu. Í svari Kristjáns Þórs
Haukssonar, auglýsingastjóra 365,
hafi komið fram að þessi auglýsing
myndi færa hlustendur frá þeirra
útvarpsstöðvum til útvarpsstöðva
keppinautarins. Stefán Jón segir að
þetta sé í hæsta máta vafasöm
ákvörðun og hún sé hörmuð. Hún
sé reyndar svo óskiljanleg að telja
verði víst að 365 taki hana til end-
urskoðunar, en stuðningsmenn
hans hafa óskað þess að 365 geri
svo.
365 miðlar
banna auglýsingu
frá Stefáni Jóni
Hafstein
ICELANDAIR hefur gengið til
samninga við bandaríska fyr-
irtækið Rolls-Royce um kaup á
hreyflum fyrir Boeing 787
Dreamliner-þotur sem félagið
hefur pantað hjá flugvélaverk-
smiðjunum. Kaup á tveimur þot-
um hafa verið afráðin og Ice-
landair hefur samið við Boeing
um kauprétt á fimm vélum til við-
bótar. Hliðstæður samningur er
gerður við Rolls-Royce um hreyfl-
ana, pantaðir hreyflar á tvær vél-
ar með kauprétti á hreyfla fyrir
hinar vélarnar fimm.
Hreyflarnir eru af gerðinni
Trent 1000 og samkvæmt upplýs-
ingum frá Jóni Karli Ólafssyni,
forstjóra Icelandair, eru þeir
taldir besti kosturinn fyrir félagið
og ekki síður sé verðmætt að
hafa gert langtímasamning við
framleiðandann um viðhald
þeirra.
Dreamliner-breiðþoturnar eiga
að hefja sig til flugs um mitt
næsta ár og var japanska flug-
félagið All Nippon Airways fyrst
til að panta slíkar vélar. Ice-
landair er fyrsta evrópska flug-
félagið sem pantar Draumfarann
og á félagið að fá vélarnar af-
hentar árið 2010. Kaupverð
þeirra er um 15 milljarðar króna.
Viðskipti Icelandair og Rolls-
Royce standa á gömlum merg en
Flugfélag Íslands keypti fyrst
hreyfla frá fyrirtækinu árið 1954
á Vickers Viscount-skrúfuþotur
og síðan hafa Flugleiðir og for-
verar þess einnig nýtt hreyfla af
þessari gerð á vélar sínar.
Kaupa Rolls-
Royce-hreyfla
á Draumfarann
SJÁLFSTÆÐISMENN í borgar-
stjórn Reykjavíkur kvarta yfir ólýð-
ræðislegum vinnubrögðum og lítils-
virðingu gagnvart íbúum borgar-
innar eftir að því var hafnað á fundi
borgarstjórnar í gær að taka á dag-
skrá tillögu þeirra um að aflýsa fyr-
irhuguðu lóðauppboði á byggingar-
rétti á lóðum undir einbýlishús, rað-
og parhús í Úlfarsárdal.
Tillagan kemur í kjölfar þess að
Árni Þór Sigurðsson, borgarfulltrúi
Reykjavíkurlistans, ákvað að styðja
ekki tillögu að úthlutunarskilmálum
sem lögð var fram í borgarráði fyrir
helgi, heldur benti á að réttlátara
væri að draga úr lóðaumsóknum en
að láta efnahag ráða með því að
bjóða upp lóðirnar.
Í tillögu sjálfstæðismanna, sem
ekki var tekin á dagskrá á fundi
borgarstjórnar, segir: „Borgarstjórn
Reykjavíkur samþykkir að aflýsa
fyrirhuguðu lóðauppboði á bygging-
arrétti á lóðum undir einbýlishús,
rað- og parhús í Úlfarsárdal. Í stað
þess verði farin sú leið við ráðstöfun
lóðanna sem Árni Þór Sigurðsson,
borgarfulltrúi Vinstri grænna, hefur
mælt með. Það er að mati borgarfull-
trúa Sjálfstæðisflokksins illskárri
leið en sú uppboðsleið sem borgar-
ráð samþykkti með aðeins þremur
atkvæðum af sjö.“
Þegar ekki var fallist á að taka til-
löguna á dagskrá fundarins með af-
brigðum bókuðu sjálfstæðismenn að
slíkt væri fáheyrt, og raunar hafi
fyrr á fundinum verið samþykkt að
taka aðra tillögu á dagskrá með
sama hætti.
Steinunn Valdís Óskarsdóttir
borgarstjóri sagði í samtali við
Morgunblaðið í gærkvöldi, að búið
hafi verið að afgreiða málið endan-
lega úr borgarráði og útboð á lóð-
unum hafi verið auglýst í gær.
„Það hefði engu breytt fyrir okkur
þótt við hefðum tekið málið inn og
gengið til atkvæða um það, það hefði
fallið á jöfnu líka, því Árni Þór hefði
setið hjá, [...] eins og hann sagði
sjálfur,“ sagði Steinunn. „Fyrir nið-
urstöðu málsins breytti það engu
hvort það hefði verið tekið á dagskrá
eða ekki.“
Steinunn sagðist einnig hafa bent
sjálfstæðismönnum á að þeim hafi
verið í lófa lagið að setja málið á dag-
skrá fundarins eftir hefðbundnum
leiðum í síðustu viku, en þeir hafi
einhverra hluta vegna kosið að gera
það ekki.
Átök í borgarstjórn um
lóðaúthlutun í Úlfarsárdal
MÖRKIN milli tjáningarfrelsisins
og tillitsseminnar voru rædd á
pressukvöldi sem Blaðamannafélag
Íslands stóð fyrir í gærkvöldi. Til-
efnið var birting fjölmiðla á skop-
myndum af Múhameð spámanni og
viðbrögð við þeim, sem hafa stig-
magnast víða um heim undanfarna
daga.
Frummælendur voru blaða- og
fréttamennirnir Þórir Guðmunds-
son og Friðrik Þór Guðmundsson,
en að framsögum loknum tóku við
umræður meðal fundarmanna.
Var ljóst af umræðunum að skipt-
ar skoðanir eru meðal félagsmanna
í Blaðamannafélagi Íslands á því
hvar mörkin liggja á milli þess
hvernig nýta megi tjáningarfrelsið
og þess hvernig beri að taka tillit til
skoðana hinna ólíku hópa í sam-
félaginu. Morgunblaðið/ÞÖK
Tjáningar-
frelsi rætt
á pressu-
kvöldi BÍ
GUÐNI Ágústsson landbúnaðarráðherra og Árni
Mathiesen fjármálaráðherra kynntu í gær
skýrslu um reiðhallir, reiðskemmur og reiðskála
en skýrsla þessi er unnin í kjölfar ályktunar Al-
þingis um að landbúnaðarráðherra skipi nefnd
sem geri úttekt á aðstöðu til hestamennsku á
landsbyggðinni og leggi fram tillögur um stuðn-
ing ríkissjóðs við uppbyggingu hennar. Nefndin
var skipuð fulltrúum Bændasamtaka Íslands,
Landssambands hestamanna, Ferðamálaráðs Ís-
lands, Akureyrarbæjar, landbúnaðarráðuneytis-
ins auk þess sem Jónas Hallgrímsson, fram-
kvæmdastjóri og varaþingmaður, átti sæti í
nefndinni, en hann var einn af flutningsmönnum
tillögunnar.
Í skýrslunni kemur meðal annars fram að notk-
un reiðhalla, reiðskála og reiðskemma, sé orðin
svo stór hluti af nútíma reiðmennsku, bæði íþrótt-
inni sem slíkri og atvinnugreininni. Slík aðstaða
sé nauðsynleg fyrir alla framþróun í hesta-
mennsku á landinu og ómissandi til að hægt sé að
halda uppi kennslu og námskeiðahaldi yfir vet-
urinn sem og sýningarhaldi. Einnig kemur fram
að sárlega vanti reiðleiðir á mörgum stöðum,
stuðningur við ungmennastarfs hestamanna-
félaga sé mikilvægur auk þess sem aðstaða fyrir
hestaferðamenn sé ófullnægjandi víða um land.
Reiðleiðir eru ekki til, þær ekki merktar, hafi ver-
ið girtar af eða lagðar meðfram þjóðvegum þar
sem slysahætta er mikil. Uppbygging reiðhúsa er
sérstaklega tekin fyrir í skýrslunni og settar fram
ákveðnar tillögur um stuðning við byggingu reið-
húsa á ákveðnum stöðum.
Nefnd úthlutar styrkjunum
Ríkisstjórnin ákvað í kjölfar þessara tillagna að
verja um 270 milljónum til uppbyggingar reið-
halla, -skemma og -skála. Féð er fjármagn og
eignir sem eftir voru við niðurlagningu Lánasjóðs
landbúnaðarins og ekki voru hluti af söluandvirði
sjóðsins. Landbúnaðarráðherra mun skipa fjög-
urra manna nefnd sem úthluta skal styrkjum til
bygginga reiðhúsa í samræmi við markmið
skýrslunnar. Landbúnaðarráðherra mun tilnefna
tvo menn í nefndina, fjármálaráðherra einn mann
og menntamálaráðherra einn. Einungis munu
hestamannafélög innan Landssambands hesta-
mannafélaga eiga kost á því að sækja um styrk en
veittir verða styrkir frá 5 milljónum króna til allt
að 30 milljónum króna.
Guðni Ágústsson sagði á fundinum að hesta-
mannafélög yrðu að leita til sveitarfélaga eða ein-
staklinga um að fjármagna framkvæmdir til fulls
en talið er að reiðhallir geti kostað frá 60 millj-
ónum króna til allt að 150 milljónir króna, allt eft-
ir því hversu mikill íburður er lagður í bygging-
arnar. Hann benti á því til stuðnings að reiðhallir
á Blönduósi og Sauðárkróki hefðu verið byggðar í
samvinnu við einkaaðila og hefði það samstarf
gengið vel. Hann benti einnig á að þéttbýlisstaðir
hefðu sýnt áhuga á að reisa reiðhallir enda væri
þetta stór hluti af ungmennastarfi auk þess sem
þjálfun fatlaðra á íslenska hestinum hefði skilað
árangri.
Spurðir um hvort hið opinbera einblíndi ekki of
mikið á að byggja yfir nokkrar íþróttagreinar á
borð við knattspyrnu og reiðmennsku bentu ráð-
herrarnir á að undanfarið hefði mikil uppbygging
orðið fyrir aðrar íþróttagreinar og nefndu dæmi
um uppbyggingu á frjálsíþróttahúsi í Laugardal
og annarri frjálsíþróttaaðstöðu á landinu í
tengslum við landsmót UMFÍ. Auk þess væru
reiðhallirnar fjölnota hús sem hægt væri að nýta
fyrir aðrar íþróttagreinar en hestamennsku.
Ekki hefur verið skipað í úthlutunarnefndina
að svo stöddu en búist er við því að það verði gert
hið fyrsta.
270 milljónir króna fara í
uppbyggingu reiðhalla
Eftir Sigurð Pálma Sigurbjörnsson
siggip@mbl.is
Morgunblaðið/Árni Sæberg
Guðni Ágústsson kynnir efni skýrslunnar á
blaðamannafundinum. Hjá honum sitja Árni M.
Mathiesen og Sigurgeir Þorgeirsson.