Morgunblaðið - 24.02.2006, Blaðsíða 2
2 FÖSTUDAGUR 24. FEBRÚAR 2006 MORGUNBLAÐIÐ
FRÉTTIR
ÚTGÖNGUBANN
Á annað hundrað manns hefur
fallið í óöldinni í Írak síðustu tvo
daga en sjítar hafa verið að hefna
þess, að Gullna moskan, einn þeirra
mesti helgistaður, var stórskemmd í
sprengingu í fyrradag. Hafa þeir
ráðist á súnníta og moskur þeirra.
Er ástandið í landinu sagt mjög
ískyggilega og ljóst er, að brugðið
getur til beggja vona um framhaldið.
Í gær tilkynntu stjórnvöld, að út-
göngubann yrði í Bagdad að mestu í
dag og var það ákveðið af ótta við, að
upp úr kynni að sjóða eftir föstu-
dagsbænir. Sjö skæruliðasamtök
súnníta hafa hótað að svara árásum
sjíta í sömu mynt.
Moodys með AAA
Alþjóða matsfyrirtækið Moody’s
staðfesti fyrir þremur vikum láns-
hæfismat ríkissjóðs, AAA, sem er
hæsta einkunn fyrirtækisins. Kristin
Lindow, annar af sérfræðingum
Moody’s sem sér um lánshæfismatið
fyrir Ísland, sagði í gær að fyr-
irtækið sæi ekki ástæðu til að breyta
horfum á lánshæfismati ríkissjóðs.
Kjaradeilan til sáttasemjara
Landssamband slökkviliðs- og
sjúkraflutningamanna vísaði í gær
kjaradeilu sambandsins við Launa-
nefnd sveitarfélaganna til ríkis-
sáttasemjara með formlegum hætti
og hefur sáttafundur verið boðaður í
dag. Mikill einhugur var á almennum
fundi slökkviliðsmanna í gærkvöldi.
Meleyri segir upp
Rækjuverksmiðjan Meleyri á
Hvammstanga, ein elsta rækjuverk-
smiðja landsins, hefur sagt upp öllu
starfsfólki sínu, rúmlega tuttugu
talsins, með lögbundnum upp-
sagnarfresti. Ástæðan eru þeir
rekstrarerfiðleikar sem rækjuiðn-
aðurinn hefur átt við að glíma síð-
ustu misserin.
Y f i r l i t
Í dag
Sigmund 8 Forystugrein 26
Fréttaskýring 8 Viðhorf 28
Úr verinu 13 Minningar 31/36
Viðskipti 14 Myndasögur 40
Erlent 16/17 Víkverji 40
Minn staður 18 Dagbók 40/43
Akureyri 20 Staður og stund 42
Austurland 20 Leikhús 44
Höfuðborgin 21 Bíó 46/49
Suðurnes 21 Ljósvakamiðlar 50
Menning 24, 45/49 Veður 51
Umræðan 25/30 Staksteinar 51
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
!
"
#
$
% ! )! )
! (! !))
! ! ''
( !"
)!(
&
'() *
+,,,
)!)'
! (! !'"
!)
! ( !'
)(!"
!())
!'
!'
)!(
!''
(! !'")
! ! )
( !)
)(!'"
INFLÚENSA er komin til landsins,
en fyrstu tilfelli hennar greindust
snemma í janúar sl. Að sögn Guð-
rúnar Sigmundsdóttur, yfirlæknis á
sóttvarnasviði Landlæknisembætt-
isins, er um að ræða inflúensu bæði
af A- og B-stofni, en nokkur ár eru
síðan báðir stofnar komu til landsins
samtímis. Aðspurð segir Guðrún
bóluefnin sem fólki er boðið upp á á
haustin virka bæði gegn inflúensu A
og inflúensu B. Hún segir að gera
megi ráð fyrir að inflúensan gangi
yfir á tveimur til þremur mánuðum.
Segir hún algengt að fólk glími við
inflúensuna í viku, en síðan geti það
verið slappt í nokkurn tíma á eftir.
Aðspurð sagði Guðrún erfitt að
segja til um það hvort hámarki inflú-
ensunnar væri náð nú um stundir.
Ekki væri ólíklegt að flensan ætti
eftir að ná hámarki sínu.
Aukaálag á Læknavaktinni
Aðspurður tekur Þórður G. Ólafs-
son, yfirmaður á Læknavaktinni í
Reykjavík, undir það að flensan eigi
eftir að ná hámarki sínu, en að farið
sé að styttast í það. Segir hann
nokkurt aukaálag hafa verið á
Læknavaktinni sl. tvær vikur og að
auka hafi þurft við mannskap í síma-
ráðgjöf vegna flensunnar. Að mati
Þórðar fer inflúensan þó ekki á kreik
af sama krafti og í fyrra og segir
hann fólk heldur ekki veikjast jafn
heiftarlega. Nokkuð hefur borið á
veikindum grunnskólabarna og víða
verið nokkur fjarvera í skólum á höf-
uðborgarsvæðinu.
Hafnfirðingar hafa ekki farið var-
hluta af komu flensunnar því mikil
fjarvera hefur verið í grunnskólum
þar í bæ og jafnvel heilu bekkirnir
fjarverandi. Þannig voru samkvæmt
upplýsingum frá Helgu Friðfinns-
dóttur, skólastjóra Hvaleyrarskóla,
100 börn af 600 nemendum skólans
heima í gær vegna veikinda. Segir
hún að svo virðist sem flensunni
fylgi hærri hiti en venjulega sem
þýði að börnin séu lengur að jafna
sig. Í Setbergsskóla voru 100 af 640
nemendum skólans frá vegna veik-
inda sem og 12 kennarar. Sam-
kvæmt upplýsingum frá Sigurði
Björgvinssyni, skólastjóra Víði-
staðaskóla, voru um 80 börn af 480
nemendum skólans frá vegna veik-
inda í gær sem og 16 af 70 starfs-
mönnum skólans.
Svæsnari en í meðalári
Að sögn Emils L. Sigurðssonar,
yfirlæknis á Heilsugæslustöðinni
Sólvangi í Hafnarfirði, eru það að-
allega ungir krakkar sem veikjast,
en veikindin í bænum byrjuðu fyrir
alvöru fyrir um hálfum mánuði. Seg-
ir hann flensuna nú virðast vera
svæsnari en í meðalári, því venju-
lega taki flensan þrjá til fjóra daga,
en núna séu allflestir veikir í alla-
vega fimm til sex daga. Aðspurður
segir hann að einkennin séu hár hiti,
höfuðverkur, beinverkir og þurr
hósti.
Styttist í að flensan nái hámarki
Eftir Silju Björk Huldudóttur
silja@mbl.is
HÆSTIRÉTTUR dæmdi í gær
Magnús Einarsson í 11 ára fangelsi
fyrir að bana eiginkonu sinni aðfara-
nótt 1. nóvember 2004. Með dómi
sínum þyngdi Hæstiréttur refsingu
héraðsdóms um tvö ár. Ákærði var
sakfelldur fyrir að bregða þvotta-
snúru um háls konunnar á heimili
þeirra í Hamraborg og þrengja að
með þeim afleiðingum að hún lést af
völdum kyrkingar.
Hæstiréttur staðfesti dóm hér-
aðsdóms um að ákærði greiði börn-
um sínum tveimur rúmlega 11,2
milljónir króna í bætur og foreldr-
um hinnar látnu samtals 2 milljónir.
Í dómi Hæstaréttar kemur fram
að mat héraðsdómara á trúverðug-
leika framburðar ákærða, sem var
einn til frásagnar um samskipti sín
og konu sinnar skömmu fyrir verkn-
aðinn, yrði ekki endurskoðað. Varð
því m.a. að leggja til grundvallar að
ásetningur hefði ekki skapast með
ákærða um að bana konu sinni fyrr
en í odda skarst með þeim um nótt-
ina.
Í dómi segir að ákærði hafi sagt af
sjálfsdáðum til brots síns og hafi
samkvæmt gögnum málsins sýnt
iðrun gerða sinna og var tekið tillit
til þess að því viðbættu að hann
hefði ekki áður gerst sekur um
refsivert brot sem máli skipti og
ætti sér ekki sögu um ofbeldishegð-
un. Ekki yrði þó litið fram hjá alvar-
leika brotsins.
Afbrýðisemi og niðurlæging
Í dómi segir ennfremur að ætla
megi að andlegt ástand hans fyrir
og við verknaðinn útskýri atburða-
rásina og hafi afbrýðisemi og nið-
urlæging orðið til þess að innibyrgð
reiði hans hafi brotist út og leitt til
þess að hann framdi verknaðinn.
Ákærði hefur setið í gæsluvarð-
haldi frá 1. nóvember 2004 og dregst
sá tími frá refsingunni.
Málið dæmdu hæstaréttardómar-
arnir Gunnlaugur Claessen, Garðar
Gíslason, Guðrún Erlendsdóttir,
Hrafn Bragason og Markús Sigur-
björnsson. Verjandi var Kristinn
Bjarnason hrl. og sækjandi Bogi
Nilsson ríkissaksóknari.
11 ára fangelsi
fyrir að bana
eiginkonu sinni
ÞORGERÐUR Katrín Gunnars-
dóttir menntamálaráðherra fer
um helgina í opinbera heimsókn
til Indlands í
stað Geirs H.
Haarde
utanríkisráð-
herra sem þurfti
að aflýsa för
sinni á síðustu
stundu vegna
óviðráðanlegra
ástæðna.
Undirbún-
ingur heimsókn-
arinnar, sem er í
boði utanríkisráðherra Indlands,
hefur staðið lengi yfir í samráði
við indversk yfirvöld, en ráðgert
er að Þorgerður Katrín fundi með
indverskum ráðamönnum auk
þess sem hún opnar nýtt sendiráð
Íslands í Nýju-Delhí.
Með í för er viðskiptasendi-
nefnd skipuð 23 fulltrúum ís-
lenskra fyrirtækja en Útflutn-
ingsráð Íslands hefur í samvinnu
við utanríkisráðuneytið skipulagt
viðskiptaráðstefnur og tvíhliða
fundi indverskra og íslenskra
fyrirtækja í Nýju-Delhí, Mumbai
og Bangalor.
Þorgerður Katrín
til Indlands í stað
Geirs H. Haarde
Þorgerður Katrín
Gunnarsdóttir
HJÁLMAR Árnason, formaður
þingflokks framsóknarmanna, fékk
hjartaáfall í fyrrinótt, og var flutt-
ur í skyndi á
Landspítala – há-
skólasjúkrahús
(LSH). Hann
gekkst þar strax
undir hjarta-
þræðingu og seg-
ir Jón Kristjáns-
son heilbrigðis-
ráðherra, sem
heimsótti Hjálm-
ar í gær, að líðan
hans sé bærileg.
„Þetta lítur ágætlega út miðað við
aðstæður.“
Jón segir að Hjálmar hafi fengið
verk fyrir hjartað og því farið í
skoðun hjá Heilbrigðisstofnun
Suðurnesja. Þaðan var hann fluttur
í skyndi á LSH þar sem hann fór í
hjartaþræðingu. Í ljós kom að æð
að hjartanu var stífluð. Jón segir að
það hafi skipt máli að Hjálmar hafi
komist fljótt undir læknishendur.
„Það eru góðar vonir um að hann
muni ná sér,“ segir Jón.
Ísólfur Gylfi Pálmason varaþing-
maður tók sæti Hjálmars á Alþingi í
gær, en útlit er fyrir að Hjálmar
verði frá þingstörfum í nokkrar
vikur.
Líðan Hjálmars
bærileg eftir
hjartaáfall
Hjálmar
Árnason
Í TILEFNI Vetrarhátíðar heimsótti þessi vaski hópur
barna af leikskólanum Austurborg Morgunblaðið í
gærmorgun. Börnin mættu með undurfögur snjókorn
sem þau hafa verið að föndra síðustu daga og skreyttu
anddyrið með þeim, gestum og gangandi til ánægju og
yndisauka. Áður en krakkarnir kvöddu tóku þau lagið
fyrir starfsfólk sem þakkaði fyrir sig með hlýju lófataki
og breiðu brosi.
Morgunblaðið/Ásdís
Í heimsókn á Vetrarhátíð
ENGINN liggur undir grun eftir
vopnað rán sem framið var í Apó-
tekaranum við Smiðjuveg í Kópa-
vogi um hádegisbil í fyrradag, að
sögn lögreglunnar í Kópavogi, en
rannsókn miðar áfram.
Ungur maður gekk inn í lyfja-
verslunina með búrhníf, ógnaði
starfsfólki og heimtaði lyf. Virðist
sem maðurinn hafi fyrst heimtað
morfínlyfið contalgin, mjög sterkt
verkjalyf í töfluformi sem eitur-
lyfjafíklar leysa upp og sprauta í
æð.
Þegar afgreiðslufólk gat ekki
orðið við beiðninni heimtaði mað-
urinn og fékk umtalsvert magn af
geðlyfinu rítalíni – og hljópst því
næst á brott með lyfin í innkaupa-
poka. Engan sakaði í ráninu en
starfsfólk varð mjög skelkað.
Engar öryggismyndavélar voru í
versluninni. Það torveldar lögreglu
leit en talið er að maðurinn sé á tví-
tugsaldri, um 165 cm á hæð. Að
sögn lögreglu er unnið að rannsókn
málsins eftir ákveðnum vísbending-
um en þær hafa enn ekki skilað
neinu.
Vopnað rán í apóteki
í Kópavogi í fyrradag
Komst undan
með talsvert
af rítalíni