Morgunblaðið - 26.03.2006, Blaðsíða 32

32 SUNNUDAGUR 26. MARS 2006 MORGUNBLAÐIÐ
Åbäke er sænska og þýð-ir: eitthvað sem tengirá milli eða eitthvað semer fyrir.Åbäke er líka nafn á
hönnunarhópi grafískra hönnuða
sem hefur aðsetur í London. Åbäke
skipa þau Patrick Lacey, Benjamin
Reichen, Kajsa Stahl og Maki Su-
zuki og samanlagt hafa þau yfir 25
ára reynslu í faginu. Þau stofnuðu
hópinn í júlí árið 2000 eftir útskrift
frá Royal College of Arts þar sem
þau kynntust. Patrick kemur frá
Bretlandi, Benjamín og Maki frá
Frakklandi og Kajsa frá Svíþjóð.
Til þess að gera öllum löndunum
skil hafa þau aðsetur í London, eru
með franskt netfang og heita
sænsku nafni.
Nafnið sem þau gáfu sér segir
mikið um hvað þau álíta grafíska
hönnun vera eða eiga að vera. Því
þeim finnst grafísk hönnun snúast
um að tengja á milli þess sem hefur
eitthvað að segja og þess sem tek-
ur á móti skilaboðunum. Að hjálpa
fólki að koma skilaboðum sínum á
framfæri.
Åbäke hafa verið milliliður fyrir
marga og ólíka viðskiptavini. Þau
hafa unnið fyrir söngvara, hljóm-
sveitir, listamenn, háskóla, arki-
tekta, söfn, húsgagnahönnuði, fata-
hönnuði, kvikmyndafyrirtæki,
listastofnanir og tímarit.
Mörg þekkt nöfn koma þar við
sögu og má nefna Cardigans, Air,
Daft Punk, Martin Margiela, Peter
Jensen, Brighton University, Virg-
in France, Royal College of Arts,
Channel 4, GAS Shop Tokyo og
Nigel Coates.
Verk þeirra hafa hlotið verð-
skuldaða athygli og eru fagmann-
leg en í senn vinaleg.
Að læra með vinnunni
Sú ímynd sem Åbäke hefur skap-
að sér er nýstárleg, óvenjuleg og
þau eru opin fyrir því óþekkta og
framandi. Hönnun þeirra er oft
eins og hún sé handgerð og þau
nota óreglulegar leturgerðir, ýmis
flúr og krúsidúllur sem oft eru
flokkaðar sem gervi barokk. Þau
gera oft hluti sem hafa persónu-
legar tilvísanir eins og útsaumuð
merki af feðrum sínum sem þau
gerðu fyrir sýningu á vegum GAS
Shop í Tokyo. Hönnun þeirra virð-
ist vera tilviljanakennd og óreglu-
leg en hefur meiningu að baki, þó
hana þurfi ekki að taka of alvar-
lega.
Þrátt fyrir að hafa unnið ýmis
verkefni sem flokkast ekki endi-
lega í daglegu tali sem grafísk
hönnun vilja þau ekki kalla sig
neitt annað en grafíska hönnuði.
Þau hafa stjórnað námskeiðum og
kennt í Royal College of Arts í
Bretlandi og Fabrica á Ítalíu og
einnig í Lausanne í Sviss. Mottóið
þeirra er að læra meðan þau vinna
og þau læra mikið þar sem verk-
efnin þeirra eru ólík og fjölbreytt.
Samstarf einkennir mjög þeirra
vinnuaðferðir og verkefni. Þau
vinna náið með viðskiptavinum sín-
um og eftir stendur oft vinátta og
verkefnið verður einskonar minn-
isvarði um hvernig þessi vinátta
hófst. Þar sem þau vita oftast
minna í byrjun en viðskiptavinur-
inn gefur það þeim frelsi til að tak-
ast á við verkefnin með ferskum
hætti.
Samstarf er kjarninn í vinnuað-
ferðum þeirra og í samstarfi við
Simon Basar og Dominik Krem-
erskothen gefa þau út tímaritið
Sexymachinery. Tímaritið fjallar
um arkitektúr og listir og er
umræðugrundvöllur fyrir ýmis mál
tengd þessu efni.
Þau reka einnig fata- og plötuút-
gáfu sem heitir Kitsuné ásamt Gil-
das Loaec og Masaya Kuroki. Kits-
uné gefur út tónlist sem þeim
finnst skemmtileg eða áhugaverð
og selur einnig föt sem þau hanna
og Kitsuné stendur líka fyrir ýms-
um uppákomum á sviði tónlistar.
Ein ástæðan fyrir því að þau stofn-
uðu Kitsuné var sú að þau vildu
hanna plötuumslög sem er áhuga-
vert fyrir flesta grafíska hönnuði,
en þau vildu ekki þurfa að bíða eft-
ir að verkefnin kæmu til þeirra
heldur gera umslög fyrir tónlist-
armenn sem þeim líkar.
Mánaðarlegur veitingastaður
Þetta er líka hugarfar sem ein-
kennir Åbäke en það er að sækja
sér verkefni sem þau hafa áhuga á
að vinna og hafa samband við fólk
sem þau hafa áhuga á að vinna
með. Þannig höfðu þau samband
við Maison Martin Margiela og
sýndu áhuga á að vinna með tísku-
húsinu. Eftir 6 mánaða bréfaskipti
kallaði tískuhúsið þau til liðs við
sig og vann Åbäke að útskýringum
á kvenfatalínu Margiela, þar sem
hver flík var gerð á þrjá ólíka vegu.
Útkoman er falleg ljósmynda-
sería með einföldum útskýringum
sem sýnir mjög sjónrænt ólíka
þætti hverrar flíkur. Núna vinna
þau fyrir hverja línu útskýringar
sem sýndar eru í verslunum Mai-
son Martin Margiela.
Samvinna Åbäke við tískuheim-
inn er áframhaldandi en þau hafa
Útskýringar á fatalínu fyrir Maison Martin Margiela.
Hönnunarhópurinn Åbäke.
Ísskápsseglamynstur, innsetning unnið fyrir GAS shop í Tókýó. Útsaumað merki af feðrum Åbäke-félaga.
Á vit hins óþekkta og framandi
Í hlutarins eðli | Hönnunarhópurinn Åbäke hefur skapað sér nýstárlega og
óvenjulega ímynd og fjórmenningarnir sem hópinn skipa eru opnir fyrir því óþekkta
og framandi. Hönnun þeirra virðist líka oft vera tilviljanakennd og óregluleg en
hefur meiningu að baki, þó að hana þurfi ekki að taka of alvarlega. Lóa Auðunsdóttir
fjallar um hönnunarhópinn.