Morgunblaðið - 26.03.2006, Blaðsíða 19

MORGUNBLAÐIÐ SUNNUDAGUR 26. MARS 2006 19
Hann segir að þrátt fyrir krefjandi viðskipta-
umhverfi, hafi eftirspurn aldrei verið meiri eftir
tilbúnum réttum, sérstaklega heilsuréttum,
réttum úr hágæðaflokki, sem og matvörum sem
fljótlegt og þægilegt er að matreiða og neyta.
Þetta sé þróun sem hafi einkennt markaðinn um
nokkurt skeið og slíkum vörum hafi vegnað bet-
ur en öðrum vörutegundum að undanförnu.
„Vöruúrval Bakkavarar er fjölbreytt og er fé-
lagið því í mjög góðri aðstöðu til þess að bregð-
ast við þörfum markaðarins á hverjum tíma.
Fyrst og fremst snýst þetta bara um það að
Bakkavör er betur rekið fyrirtæki en hin og hef-
ur öflugra stjórnendateymi.“
Ekki umbreytingafjárfestar
Ágúst segir jafnframt það alltaf hafa verið
markmið félagsins að kaupa fyrirtæki í góðum
rekstri.
„Við erum ekki umbreytingafjárfestar eins
og margir íslenskir fjárfestar sem hafa verið að
fjárfesta erlendis í illa reknum fyrirtækjum og
ætlað sér að græða á því að snúa rekstrinum við.
Við viljum bara kaupa góð fyrirtæki sem eru
með góð stjórnendateymi, byggja á því til fram-
búðar og ekki þurfa að eyða tíma og fyrirhöfn í
að snúa þeim við. Ein ástæða fyrir því að sam-
þætting okkar og Geest gekk svona vel er að við
keyptum gott fyrirtæki og erum með því að
gera gott fyrirtæki enn betra.“
Í Belgíu, Frakklandi og á Spáni eru aðallega
framleiddir tilbúnir réttir, ferskt salat og
ávaxtasalöt. Sala Bakkavarar á meginlandi Evr-
ópu nam um 8% af heildarveltu félagsins á árinu
2005. Sala dróst saman um 5% á árinu og nam
8,8 milljörðum króna. Þrátt fyrir tap á rekstri
tveggja rekstrareininga félagsins á meginlandi
Evrópu, varð hagnaður af annarri þeirra í lok
ársins, í kjölfar þeirra aðgerða sem gripið var
til. Skipulagsbreytingar í verksmiðju sem fram-
leiðir tilbúna rétti fyrir hollenska markaðinn
eru á áætlun, en þar er verið að vinna að því að
fækka verksmiðjum úr þremur í tvær.
Samanlögð sala annarra viðskiptaeininga fé-
lagsins á meginlandi Evrópu jókst lítillega í
fyrra, t.d. hjá þeim verksmiðjum sem framleiða
ferskt salat sem og ýmsar aðrar vörur úr köld-
um vöruflokkum fyrir spænska og franska smá-
sölumarkaðinn. Ein af verksmiðjum félagsins í
Frakklandi hefur nýlega hafið sölu á niður-
skornum ávöxtum. Þegar á heildina er litið hef-
ur matvöruverslun aukist bæði á Spáni og í
Frakklandi og er félagið því í betri stöðu við
upphaf ársins 2006.
Asíumarkaður næstur
Bakkavör Asía var stofnað á árinu 2004 til að
koma auga á sóknarfæri í Asíu sem er ört vax-
andi markaðssvæði. Mikil undirbúningsvinna
fór fram á árinu 2005 og stefnir Bakkavör að því
að taka þátt í þeirri miklu neytendavæðingu
sem á sér stað í Asíu um þessar mundir og hefja
starfsemi á svæðinu sem fyrst.
Á föstudaginn var svo tilkynnt um kaup
Bakkavarar á 40% hlutafjár í kínverska salat-
fyrirtækinu Creative Foods í samstarfi við
Glitni. Í tengslum við kaupin hafa Bakkavör
Asia og Glitnir stofnað nýtt félag, Bakkavör
China. Bakkavör á 60% hlutafjár í félaginu og
Glitnir 40%.
Hið nýja félag mun einbeita sér að fjárfest-
ingum í Kína og er fjárfestingin í Creative
Foods fyrsta verkefni þess.
Creative Foods ræktar og framleiðir ýmiss
konar salöt, eða um 250 vörutegundir í fjórum
verksmiðjum og er með um 600 starfsmenn.
Gert er ráð fyrir að velta yfirstandandi árs hjá
Creative Foods nemi um 923 milljónum króna.
Á meðal helstu viðskiptavina fyrirtækisins er
Yum! Brands, sem er ein stærsta veitingahúsa-
keðja í heimi og rekur meðal annars Kentucky
Fried Chicken og Pizza Hut. Aðrir viðskiptavin-
ir eru meðal annars WalMart, Carrefour, Star-
bucks og Burger King.
Annar stærsti hluthafahópur Bakkavarar er
grísk fjölskylda að nafni Katsouris og á hún
17,6% hlut. Blaðamanni leikur forvitni á að vita
hvernig þessi eignarhlutur kom til. Ágúst segir
að árið 2001 hafi fjölskyldan selt Bakkavör fyr-
irtækið sitt sem framleiddi þá ferska matvöru.
„Þau ákváðu síðan að verja hluta af andvirði
sölunnar til kaupa á hlutabréfum í Bakkavör.
Það gerðu þau með þessum góða árangri að þau
hafa fylgt okkur eftir og stutt okkur í þeirri
framtíðarsýn sem við höfum haft fyrir fyrirtæk-
ið. Þau eiga einnig 4% hlut í KB banka og eru í
hópi stærstu hluthafa bankans. Og þau eru í dag
ekki einungis stærstu erlendu aðilarnir í kaup-
höllinni heldur sennilega stærstu erlendu fjár-
festar á Íslandi, alla vega í fjárfestingum á
markaði,“ segir Ágúst.
Byggja fleiri stoðir
Blaðamaður kemst ekki hjá því að spyrja um
neikvæða umræðu um bankana undanfarið og
hvort áhrifa af henni gæti eitthvað á þeim mark-
aði sem Bakkavör starfar á. Lýður segir að um-
ræðan hafi ekki áhrif á rekstur Bakkavarar því
hún eigi sér stað á allt öðrum markaði, þ.e.
skuldabréfamarkaði. En hann segir umræðuna
töluverða í Bretlandi þar sem hann er búsettur.
„Það er mikil umfjöllun í bresku blöðunum
þannig að það er ljóst að það er mikil meðvitund
meðal fólks þar í landi. Alls staðar er talað mikið
um þessa svokölluðu krísu á Íslandi.“ Ágúst
bætir við að slík umræða geri íslensk hlutabréf
fyrst og fremst minna aðlaðandi fyrir erlenda
fjárfesta, verandi skráð í kauphöllinni í íslensk-
um krónum. „Það hefur auðvitað óbein áhrif á
rekstur fyrirtækisins til lengri tíma litið ef um-
ræða um Ísland og íslenskt efnahagslíf heldur
svona áfram. Það er alveg ljóst.“
Ágúst segir að framtíðaráform Bakkavarar
séu áframhaldandi vöxtur.
„Við munum halda áfram að vaxa með bæði
ytri og innri vexti. Með innkomu á Asíumarkað
erum við að horfa í nýjar áttir og byggja fleiri
stoðir undir félagið. Við sjáum fyrir okkur að
vöxtur verði hjá Bakkavör á öllum markaðs-
svæðum á næstu árum.“
zzz
zzzz
Ágúst og Lýður ásamt starfsmönnum á fyrsta starfsárinu. Frá árinu 2003
hefur félagið einbeitt sér að framleiðslu á ferskum tilbúnum matvælum.
sigurhanna@mbl.is
Hér má sjá hluta af framleiðslu Bakkavarar. Bretland er langstærsti markaður félagsins og er mikið af framleiðslunni selt
undir merkjum stórmarkaða þar í landi. Með kaupum í kínversku matvælafyrirtæki er stefnan sett á nýja markaði.
Opnunartími virka daga frá kl. 14.00-18.00, um helgar frá kl. 10.30-18.00
Sendum út á land - Upplýsingasími 511 1055
í Perlunni
catmandoo
R Ö H N I S C H
AND1
Firefly
Verðdæmi: Okkar verð: Fullt verð:
CATMANDOO úlpur 2.800 kr. 5.990 kr.
ADIDAS fótboltaskór 3.000 kr. 5.990 kr.
SPALDING körfuboltar 1.000 kr. 2.000 kr.
NIKE fótboltar 1.200 kr./1.700 kr. 2.990 kr./5.990 kr.
Sundbolir, NIKE-SPEEDO-ADIDAS-ARENA 1.000 kr./1.990 kr. 2.990 kr./3.990 kr.
CONWAY gönguskór 4.990 kr. 9.990 kr.
PUMA fótboltaskór 2.000 kr. 5.990 kr./8.990 kr.
Flísfóðraðir jakkar 1.500 kr. 5.990 kr.
Karlmannajakkar (fóðraðir) 5.000 kr. 18.990 kr.
RUCANOR sokkar (3 í pakka) 500 kr. 990 kr.
NIKE stuttbuxur 1.200 kr./1.700 kr. 2.990 kr./3.990 kr.
MITRE innanhússkór 1.500 kr. 8.490 kr.
Adidas
Fótboltavörur: Góðar jólagjafir: Nike, Adidas, Puma, Man. United
og Arsenal vörur í úrvali
Fótboltaskór - legghlífar - búningar - boltar,
mjög mikið úrval
Sundfatnaður: Nike, Adidas, Speedo
Sundbolir, bikiní, sundskýlur,
sundbuxur (boxer),
barnasundföt
Gaddaskór: Nike, - áhugavert fyrir frjálsíþróttafólk
Okkar takmark:
50-80% lækkun
af fullu verði