Morgunblaðið - 30.03.2006, Qupperneq 6

6 FIMMTUDAGUR 30. MARS 2006 MORGUNBLAÐIÐ
FRÉTTIR
Heimsferðir bjóða þér beint flug til Alicante í vor
og sumar. Bókaðu strax og tryggðu þér sæti á
lægsta verðinu á www.heimsferdir.is.
Skógarhlíð 18 • sími 595 1000 • www.heimsferdir.is
Alicante
í vor og sumar
frá kr.10.799
Kr. 10.799
Flugsæti aðra leið með sköttum. Netverð.
Ath. takmarkað sætamagn í boði.
Kr. 22.188
Flugsæti báðar leið með sköttum. Netverð.
Ath. takmarkað sætamagn í boði.
Munið Mastercard
ferðaávísunina
Tryggðu þér lægsta verðið!
TVÖ ungmenni voru flutt á sjúkra-
húsið með grun um áfengiseitrun
eftir að drykkjukeppni á veitinga-
húsi á Sauðárkróki fór úr bönd-
unum. Auglýst hafði verið svoköll-
uð „skot“-keppni eða snafsa-
drykkjukeppni og tóku 12 manns
þátt.
Starfsmenn útideildar hjá bæn-
um komu inn á veitingastaðinn Bar-
inn þar sem keppnin var haldin og
töldu þeir að langflestir þátttak-
endanna hefðu verið undir tvítugu.
Þar af kepptu tvær stúlkur ásamt
tíu strákum og innbyrti sigurveg-
arinn, stúlka fædd 1986, 36 snafsa.
Hin stúlkan í keppninni var 17 ára
gömul og var það hún sem ásamt
pilti þurfti aðstoð sjúkraliða. Talið
er að 14 flöskur af sterku áfengi
hafi verið tæmdar. Lögreglan kom
á staðinn þegar sjúkralið var kallað
út og er hún með málið í rannsókn.
Verið var að undirbúa skýrslu-
tökur af vitnum í gær til að varpa
ljósi á atburðarásina. Telur lög-
reglan drykkjuna með öllu óvið-
unandi.
Drykkjukeppni
unglinga í lög-
reglurannsókn
HÉRAÐSDÓMUR Reykjavíkur hef-
ur úrskurðað 25 ára gamlan karl-
mann í viku gæsluvarðhald vegna
rannsóknar lögreglu á auðgunar-
brotum sem hann er grunaður um.
Um er að ræða vörur sem sviknar
voru út úr byggingavöruverslun og
millifærslur úr bönkum.
Í gæslu vegna
auðgunarbrota
FORRÁÐAMENN Atlantsolíu hafa
sent frá sér tilkynningu þar sem
þeir hvetja Ríkiskaup til að end-
urnýja ekki samning um eldsneyt-
iskaup ríkisstofnana sem rennur út
29. apríl næstkomandi. Jafnframt
skora forráðamenn olíufélagsins á
Ríkiskaup að fara með eldsneyt-
iskaupin í útboð að nýju. Fram
kemur að upphaflega hafi samning-
urinn verið gerður við Olíufélagið
og Skeljung um mánaðamótin jan-
úar-febrúar árið 2003 að undan-
gengnu útboði og gilti sá samn-
ingur til tveggja ára með mögu-
leika á framlengingu í tvö skipti.
Fyrri framlengingarsamningurinn
rennur út 29. apríl næstkomandi og
telur Atlantsolía rétt að nýtt útboð
fari fram til að gefa nýjum aðilum
kost á að taka þátt í því auk þess
sem það tryggði Ríkiskaupum
lægsta mögulega verð fyrir um-
bjóðendur sína.
Hvetja Ríkis-
kaup til útboðs
á eldsneyti
UPPSELT er í stæði á tónleika suð-
ur-afrísku söngkonunnar Miriam
Makeba en þeir eru liður í dagskrá
Listahátíðar í Reykjavík og munu
fara fram í Laugardalshöll þann 20.
maí. Óvenjulegt er að miðar í stæði
seljist fyrr upp en miðar í stúku.
Makeba hefur verið ötull tals-
maður blökkumanna og var hún
meðal annars í útlegð frá Suður-
Afríku í 31 ár vegna andstöðu sinn-
ar við aðskilnaðarstefnuna. Tónlist
hennar hefur verið mjög vinsæl og
hlaut hún meðal annars Grammy
verðlaunin árið 1966 fyrir bestu
þjóðlagaplötuna.
Uppselt í stæði
á tónleika
Miriam Makeba
LÖGREGLAN í Reykjavík hefur nú
til athugunar auglýsingar í fjöl-
miðlum um fjárhættuspil á Netinu.
Um er að ræða erlendan spilavef á
slóðinni betson.com sem hleypt hef-
ur verið af stokkunum á íslensku.
Lögreglan fékk tilkynningu um
málið í gær, þótt ekki hafi borist
kæra vegna þess.
Samkvæmt lögum um happdrætti
á Íslandi þá varðar það sektum eða
fangelsi allt að sex mánuðum að
auglýsa happdrætti sem ekki hefur
verið veitt leyfi fyrir samkvæmt
lögunum. Ef brotastarfsemin er
umfangsmikil eða ítrekuð getur
hún varðað fangelsi allt að einu ári.
Til greina kemur að kæra for-
svarsmenn auglýsinganna eða
stöðva birtingu auglýsinganna, að
sögn lögreglu.
Vafasamar aug-
lýsingar í skoðun
SJÓMAÐURINN á norska sel-
veiðiskipinu Polarsyssel sem sóttur
var langt norður í haf í fyrradag
vegna veikinda var útskrifaður af
sjúkrahúsi í gær að sögn læknis á
Landspítalanum. Veikindi sjó-
mannsins fólust í miklum blóðnös-
um og var því ákveðið að senda
þyrlu eftir honum.
Sjómaðurinn
útskrifaðurPRÓF fyrir verðandi sumarstarfsmenn Morgunblaðs-
ins var haldið í gær í húsakynnum Verslunarskóla Ís-
lands. Prófið stóð yfir milli klukkan 17 og 20 og
þreyttu það um 100 manns. Prófið fólst í raunhæfum
verkefnum, þar sem fréttamat, íslenskukunnátta, stíll
og tungumálakunnátta var prófuð. Að sögn prófhöf-
undar var prófið hæfilega snúið en þeir sem hæstir
verða á prófinu mega eiga von á því að verða boðið í
viðtal um sumarafleysingastarf á ritstjórn Morgun-
blaðsins.
Morgunblaðið/ÞÖK
Próf fyrir sumarfólk
RÍKISENDURSKOÐUN hefur sent
formanni fjárlaganefndar Alþingis at-
hugasemdir sínar við ummæli Vil-
hjálms Bjarnasonar, aðjúnkts við Há-
skóla Íslands, vegna sölu á hlut
ríkisins í Búnaðarbankanum til svo-
nefnds S-hóps. Er í bréfinu einkum
vísað til þeirra ummæla Vilhjálms að
útilokað sé að Hauck & Aufhäuser
bankinn hafi verið eigandi að helm-
ingshlut í Eglu hf., sem var aðili að S-
hópnum og keypti rúmlega 71% af
45,8% hlut í Búnaðarbanka Íslands
hf., sem ríkið seldi hópnum í janúar
2003.
Í bréfi Ríkisendurskoðunar kemur
fram að stofnunin átti fund með Vil-
hjálmi og í framhaldi af því aflaði Rík-
isendurskoðun ýmissa viðbótargagna
og skýringa á málinu.
Að mati stofnunarinnar kemur
ekkert fram í þeim gögnum sem stutt
geti þær víðtæku ályktanir sem Vil-
hjálmur Bjarnason dregur af gögnum
þeim sem hann hefur undir höndum
og öðrum óformlegum upplýsingum
sem hann kveðst búa yfir. Þvert á
móti telur Ríkisendurskoðun að ekk-
ert nýtt hafi komið fram í málinu.
Ekki bein merki um fjárfestingu
Í bréfi ríkisendurskoðanda kemur
m.a. fram að hann óskaði álits Stefáns
Svavarssonar, löggilts endurskoð-
anda og dósents við HR, á því hvort
unnt væri að fullyrða, með hliðsjón af
upplýsingum í reikningsskilum
Hauck & Aufhäuser fyrir árið 2003,
að bankinn hefði ekki fjárfest í Eglu
hf. „Í svari Stefáns, dags. 1. mars sl.,
bendir hann m.a. á að fjárfesting
bankans í Eglu hf. rúmast vel innan
liðarins „hlutabréf og önnur verðbréf
með breytilegum tekjum“ í efnahags-
reikningi bankans í reikningsskilun-
um 2003. Þá bendir hann á að hafi
bankinn selt hluta af fjárfestingu
sinni í Eglu hf. á árinu 2004, séu
tekjuliðir í ársreikningi bankans fyrir
árið 2004, sem rúmi vel þann ágóða,
sem hann kann að hafa haft af þeirri
sölu. Eftir að hafa reifað málið kemst
Stefán að þeirri niðurstöðu að ekki sé
hægt að fullyrða með því að rýna ein-
ungis í reikningsskil þýska bankans
fyrir árið 2003 að hann hafi ekki fjár-
fest í Eglu hf. á árinu 2003.
Það gagnstæða eigi raunar einnig
við, þ.e. þess sjást ekki merki með
beinum hætti að bankinn hafi fjárfest
í fyrirtækinu. Hann tekur jafnframt
fram að ekki sé skylda í reiknings-
skilum banka að sundurgreina fjár-
festingu í hlutabréfum eða öðrum
verðbréfum og því hafi þýski bankinn
verið í fullum rétti að veita ekki frek-
ari upplýsingar um fjárfestingu sína í
verðbréfum en hann gerði,“ segir í
greinargerð Ríkisendurskoðunar.
Stofnunin aflað sér einnig staðfest-
ingar Hauck & Aufhäuser þar sem
fram kemur að á meðan bankinn átti
hlutabréf í Eglu hf. frá í janúar
2003 og fram í júní 2005 hafi þau
verið færð í bókhaldi hans í samræmi
við þýsk lagafyrirmæli og aðrar regl-
ur þar í landi. Aflaði Ríkisendurskoð-
un einnig staðfestingar frá endur-
skoðendum reikninga bankans,
KPMG í Þýskalandi, um að hlutabréf-
in í Eglu hf. hafi verið færð í bókhaldi
bankans í samræmi við þýsk lög.
Þá segir í greinargerðinni að þýski
bankinn hafi greint frá því, að þar
sem hann hafi staðið að öllu varðandi
kaupin á hlutabréfunum í Eglu í sam-
ræmi við gildandi lög og reglur í
Þýskalandi hafi hann ekki átt í nein-
um sérstökum bréfaskiptum við
þýska fjármálaeftirlitið, enda sérstök
bréfaskipti óþörf þegar svo standi á.
Ríkisendurskoðun aflaði gagna vegna sölu Búnaðarbankans
Ekkert nýtt hefur
komið fram í málinu
Eftir Ómar Friðriksson
omfr@mbl.is
MAÐURINN sem fannst látinn
á Flúðum í Árnessýslu á mánu-
dag hét Pétur Benediktsson til
heimilis að Lækjargötu 32
Hafnarfirði. Hann var fæddur
12. júlí 1984 og var nemi í sagn-
fræði við Háskóla Íslands. Hann
lætur eftir sig unnustu. Foreldr-
ar hans eru Benedikt Þór Guð-
mundsson og Guðrún Péturs-
dóttir.
Bænastund var haldin í Smár-
anum í Kópavogi og Hjalla-
kirkju á þriðjudag til minningar
um Pétur sem var að góðu kunn-
ur sem knattspyrnuþjálfari
yngri flokka hjá Breiðabliki.
Fannst látinn
við Flúðir
HÉRAÐSDÓMUR Reykjavíkur vís-
aði í gær frá dómi kröfu fyrrum yf-
irlæknis á skurðstofu Landspítalans
sem krafðist ógildingar á ákvörðun
LSH um að leggja niður yfirlækn-
isstöðuna. Þá var sjúkrahúsið sýkn-
að af kröfu læknisins um miskabæt-
ur og þóknun vegna innheimtu
biðlauna.
Stefnandi málsins starfaði hjá
LSH frá árinu 1975 þar til hann lét af
störfum í janúar 2004. Hann var yf-
irlæknir á skurðstofu kvennadeildar
frá árinu 1998, en í desember 2003
var ákveðið að skurðstofa kvenna-
deildar yrði sameinuð svæfinga-,
gjörgæslu- og skurðstofusviði. Í
kjölfarið var yfirlæknisstaðan lögð
niður og lækninum sagt upp. Honum
var boðið starf sérfræðings við
kvennasvið sem hann afþakkaði. Eft-
ir að hann hætti störfum fékk hann
greidd biðlaun í 12 mánuði.
Að mati dómsins voru ekki færð
fullnægjandi rök fyrir þeirri stað-
hæfingu stefnanda að hann hefði lög-
varða hagsmuni af því að fá sérstak-
lega leyst úr ógildingarkröfunni án
þess að fram kæmi hverjar kröfur
stefnandi telji sig eiga á hendur
stefnda af þessu tilefni.
Málið dæmdi Sigríður Ingv-
arsdóttir héraðsdómari. Eiríkur Elís
Þorláksson hdl. flutti málið fyrir
lækninn og Anton Björn Markússon
hrl. fyrir LSH.
Kröfu yfirlæknis vegna
uppsagnar vísað frá