Morgunblaðið - 30.03.2006, Qupperneq 20

20 FIMMTUDAGUR 30. MARS 2006 MORGUNBLAÐIÐ
MINNSTAÐUR
AUSTURLAND
Egilsstaðir | Ársfundur trúnaðar-
manna AFLs, sem haldinn var 23.–
24. mars sl., telur nauðsynlegt að
efla samhug og samstöðu innan
verkalýðshreyfingarinnar. „Vegna
breyttra þjóðfélagsaðstæðna og
aukinnar alþjóðavæðingar verður
hart sótt að félögum launþega á
komandi árum. Nauðsynlegt er að
styrkja hreyfinguna á alla lund.
Fundurinn ályktar að kannaðir
verði til hlítar kostir og gallar þess
að sameina stéttarfélög á Austur-
landi í eitt öflugt félag sem lið í því
að styrkja innviði verkalýðshreyf-
ingarinnar á svæðinu,“ segir í einni
af ályktunum fundarins.
Trúnaðarmenn lýsa áhyggjum af
stöðu fiskvinnslu og sjávarútvegs á
svæðinu: „Kjör sjómanna hafa
rýrnað umtalsvert síðustu misseri
vegna þróunar á gengi krónunnar
og minnkandi kvóta. Á sama tíma
hafa tekjur fiskvinnslufólks dregist
saman vegna minnkandi afla og má
minna á verkefnaleysi fiskimjöls-
verksmiðja á svæðinu. Jafnframt
lýsir fundurinn furðu sinni á þeirri
ákvörðun viðkomandi fyrirtækja að
loka laxeldisstöðinni Sæsilfri í
Mjóafirði með ófyrirsjáanlegum af-
leiðingum fyrir starfsfólk sem vinn-
ur við laxeldið og slátrun. Þrátt
fyrir þessa þróun, halda stjórnvöld
að sér höndum og skipuleggja frek-
ari stóriðju og stórframkvæmdir á
kostnað fiskvinnslunnar. Fundur-
inn hvetur stjórn AFLs til að tak-
ast á við bónusmál í frystihúsum á
félagssvæðinu, en mikil óánægja er
víðast hvar með bónusmálin.“
Þá var ályktað að til að viðhalda
kaupi og kjörum launafólks á ís-
lenskum vinnumarkaði og tryggja
framhald íslenska velferðakerfisins
sé nauðsynlegt að tryggja að kaup
og kjör alls erlends launafólks sem
hingað kemur til starfa, um lengri
eða skemmri tíma, séu ekki lakari
en markaðslaun á hverjum tíma.
„Á sama hátt þarf að tryggja að
réttindi þessa fólks séu á allan hátt
sambærileg við rétt íslensks launa-
fólks og að fyrirtæki geti ekki
sparað sér framlag til velferðar-
kerfisins með því að sækja starfs-
fólk erlendis frá. Brýnt er að allir
þeir frestir til þess að fresta gild-
istöku um frjálsa för launafólks
verði nýttir.“
Fundurinn skoraði jafnframt á
stjórnvöld að fresta gildistöku
regla um frjálst flæði launafólks
frá nýjum aðildarríkjum EB um
allt að 3 ár. Bent er á að reynslan
hafi sýnt að íslensk löggjöf er ekki
tilbúin til að taka á málum sem upp
hafa komið og í ljósi mikillar
þenslu er hætt við að aukið, eft-
irlitslaust, flæði launafólks frá lág-
launasvæðum Austur-Evrópu,
myndi grafa undan grundvallarat-
riðum velferðarkerfisins.
Trúnaðarmenn AFLs
ígrunda stöðuna
Ljósmynd/AFL
Lagt við eyru Hér má sjá hluta fundargesta fylgjast með máli Finnbjörns
A. Hermannsson, formanns Samiðnar, um hlutverk trúnaðarmanna.
HÖFUÐBORGARSVÆÐIÐ
Egilsstaðir | Leikfélag Menntaskólans á Egilsstöðum sýnir um þessar
mundir söngleikinn Hárið í leikstjórn Þórunnar Sigþórsdóttur. Síðustu tvær
sýningarnar verða 30. og 31. mars kl. 20.30 í Valaskjálf.
Morgunblaðið/Steinunn Ásmundsdóttr
Hárið í uppfærslu ME
Djúpivogur | Að bænum Krossi á
Berufjarðarströnd hefur verið
verkaður hákarl frá alda öðli. Há-
karlahjallinn, sem er steinsnar frá
bænum og þjóðveginum, hefur
reyndar ekki bara nýst vel til verk-
unar á hákarli heldur og ekki síður
hefur hjallinn verið vinsælt mynd-
efni ferðamanna, enda allt um-
hverfið myndatökunnar virði.
Myndir af þessum hjalli hafa
birst víða í tímaritum og ferðabækl-
ingum á liðnum áratugum. Í þetta
skiptið var frændi ábúenda að
Krossi, Högni Albertsson, að vitja
um hákarlinn ásamt félaga sínum.
Morgunblaðið/Andrés Skúlason
Hákarlsins vitjað
ÍBÚALÝÐRÆÐI, umhverfis og skipulagsmál,
hagfræði borgarinnar, borgarsamfélag og borgar-
menning, umhverfi og vellíðan og sjálfsmynd
Reykvíkinga verða meðal helstu umræðuefna sem
tekin verða fyrir á borgaraþingi Íbúasamtakanna í
Reykjavík sem haldið verður í Tjarnarsal Ráðhúss
Reykjavíkur laugardaginn 1. apríl nk. Að þinginu
standa Íbúasamtök Grafarvogs, Laugardals, Vest-
urbæjar og 3. hverfis auk Samtaka um betri
byggð.
Á þinginu, sem stendur frá 9.40 til 15.30, munu
koma fram nokkrir landsþekktir áhuga- og fræði-
menn um málefni samfélagsins og flytja framsögu-
erindi um ofangreind málefni, en að þeim loknum
fara þinggestir í vinnustofur, þar sem málin verða
rædd fram og til baka. Niðurstöður vinnustofanna
verða síðan kynntar og teknar saman, stjórnmála-
mönnum að leiðarljósi um þarfir, óskir og vænt-
ingar borgaranna.
Að vinnustofunum loknum fara fram pallborðs-
umræður þar sem sitja formenn íbúasamtakanna
og oddvitar pólítískra flokka í Reykjavík. Frum-
mælendur á þinginu eru Gauti Kristmannsson
fræðimaður, Hrafn Gunnlaugsson kvikmynda-
gerðarmaður, Pétur H. Ármannsson, arkitekt,
Þorvaldur Gylfason hagfræðingur, Þorsteinn J.
Vilhjálmsson dagskrárgerðarmaður, Kristín Þor-
leifsdóttir landslagsarkitekt og Eggert Þór Bern-
harðsson sagnfræðingur.
Skapa þverpólitískan grundvöll
Að sögn Guðrúnar Jónsdóttur, stjórnarkonu í
Samtökum um Betri byggð, er markmið þingsins
að skapa vettvang fyrir borgara til að tjá sig um
það sem þeim liggur á hjarta og ræða málefni
borgarinnar á breiðara plani. „Það þarf að ræða
borgarumhverfið og ekki síst sjálfsmynd Reykvík-
inga,“ segir Guðrún og bætir við að mikilvægt sé
að borgarar mæti og komi að vinnustofum. „Við er-
um að skapa grundvöll sem er ekki flokkspólitísk-
ur, heldur þverpólitískur, þar sem málin eru rædd
með opnum hætti.“ Emil Örn Kristjánsson, hjá
íbúasamtökum Grafarvogs, segist vona að niður-
stöður vinnuhópanna og íbúaþingsins í heild muni
nýtast stjórnvöldum sem veganesti. „Við erum öll
hvert með sinn vettvanginn, við erum íbúar í ólík-
um hverfum, en allir hagsmunir okkar skarast ein-
hvers staðar og þess vegna viljum við koma þessari
umræðu af stað svo stjórnvöld viti um skoðanir
fólks á því hvernig borgin á að vera,“ segir Emil.
Íbúasamtök þekkja umhverfi íbúanna
Kristín Þorleifsdóttir, landslagsarkitekt og
stjórnarmaður í íbúasamtökum Laugardals, kveð-
ur skort á íbúasamtökum hafa staðið íbúalýðræði í
borginni fyrir þrifum. Hins vegar kveði nú við nýj-
an tón og mikil vakning sé meðal borgaranna.
Íbúasamtök hafi verið stofnuð í tveimur hverfum
undanfarið ár og vilji þau eiga náið samstarf við
borgaryfirvöld, íþróttafélög, félagasamtök og aðr-
ar grasrótarhreyfingar sem hafi með samfélags-
mál að gera. Þetta geri borgaryfirvöldum mun
auðveldara að skynja veruleika fólksins í borginni.
„Við sem íbúar í hverfum og á tilteknum svæðum
erum þau sem þekkjum þau best,“ segir Kristín.
„Við höfum miklu næmari tilfinningu fyrir um-
hverfi okkar. Í takt við allar hugmyndir um íbúa-
lýðræði, þá er það úr grasrótinni, því umhverfi sem
við þekkjum, sem hugmyndirnar þurfa að koma,
sem borginni er stjórnað eftir. Þetta er líka mjög
mikilvægur vettvangur til að þróa hugmyndafræð-
ina um samráð, hvar við stöndum í samráðs- og
þátttökuferlum og hvernig við viljum hafa þessa
hluti.“
Aðgangur að þinginu er að sjálfsögðu ókeypis og
öllum heimill.
Borgaraþing íbúasamtaka í Reykjavík í Tjarnarsal Ráðhúss Reykjavíkur
Vettvangur fyrir fólk til að
tjá sig og miðla hugmyndum
Morgunblaðið/Eyþór
Grasrótin Forsvarsmenn íbúasamtaka kynna borgaraþingið og fjalla um nauðsyn þess að byggja íbúa-
lýðræði frá grasrótinni. Emil Örn Kristjánsson, Dóra Pálsdóttir, Guðrún Jónsdóttir og Örn Sigurðsson.
Hafnarfjörður | Lýðræðis- og
jafnréttisnefnd Hafnarfjarð-
ar og jafnréttisnefnd Reykja-
víkurborgar, í samstarfi við
félagsmálaráðuneyti og
menntamálaráðuneyti, stóðu
á dögunum fyrir ráðstefnu
um jafnréttisstarf í leik- og
grunnskólum undir yfirskrift-
inni „Kynlegur skóli.“ Hátt í
300 manns mættu til ráð-
stefnunnar, sem haldin var í
Hafnarborg og var almenn
ánægja með þau erindi sem
flutt voru á ráðstefnunni.
Þorgerður Katrín Gunn-
arsdóttir ávarpaði ráðstefn-
una í upphafi og eftirfarandi
aðilar fluttu erindi um ýmis
málefni sem snerta jafnrétti
og skóla: Þórdís Þórðardóttir
lektor í uppeldis- og mennt-
unarfræði við KHÍ, Haf-
steinn Karlsson, skólastjóri
Salaskóla, Fanný Gunnars-
dóttir, starfandi námsráðgjafi
í Álftamýrarskóla, Halla
Gunnarsdóttir blaðamaður,
Ingólfur Ásgeir Jóhannesson
prófessor við kennaradeild
Háskólans á Akureyri, Mar-
grét Pála Ólafsdóttir skóla-
stjóri og Kira Appel sérfræð-
ingur í danska jafnréttis-
ráðuneytinu.
Í lok ráðstefnunnar kynnti
Stefán Jón Hafstein, formað-
ur menntaráðs Reykjavíkur-
borgar, verkefnistillögu sem
gerir ráð fyrir samstarfi
sveitarfélaga og annarra
stofnana til að auka jafnrétt-
isstarf innan leik- og grunn-
skólakerfisins.
Ráðstefna
um jafnrétti
í skólum