Morgunblaðið - 05.05.2006, Blaðsíða 23

MORGUNBLAÐIÐ FÖSTUDAGUR 5. MAÍ 2006 23
MINNSTAÐUR
LANDIÐ
Siglufjörður | Félagsmiðstöðin
Æskó og Vinnuskólinn á Siglufirði
hafa hrundið af stað verkefninu
Flott án fíknar. Markmið verkefn-
isins er að hvetja unglinga til að
fresta því að byrja neyslu áfengis og
að reykja. Það er gert með sam-
komulagi milli viðkomandi unglings
við foreldra sína og klúbbinn, þar
sem skrifað er undir samning um að
unglingurinn neyti ekki vímuefna.
Verkefnið á að stuðla að hópefli
meðal unglinganna og auka fræðslu
þeirra um kosti þess að velja heil-
brigt líferni. Meiri hluti unglinga á
Siglufirði hefur skráð sig í Klúbbinn.
Þetta er fyrsta verkefnið sem fer
af stað utan höfuðborgarsvæðisins,
en það er unnið í samstarfi við Lind-
arskóla í Kópavogi sem hóf það.
Allar kannanir sýna að á sumrin
færist mjög í vöxt að unglingar byrji
neyslu. Þess vegna var farin sú leið
að tengja verkefnið inn í Vinnuskól-
ann. Stefnt er að því að verkefnið
verði rekið í eitt ár og endurskoðað
þá.
Vímuefnavandinn er alltaf að
aukast, ekki bara í Reykjavík heldur
líka á landsbyggðinni. Allar kann-
anir sýna að því lengur sem ungling-
urinn frestar því að byrja neyslu
áfengis eða að reykja, því minni lík-
ur eru á því að hann lendi í vanda-
málum þeim tengdum síðar á lífs-
leiðinni. Það er því allt að vinna til
þess að fá unglingana á sitt band,
skapa samstöðu gegn vímuefnum
með því að vinna saman að góðum
málum og heilbrigðu líferni.
Verkefnið byggist á viðburða-
dagskrá þar sem klúbbmeðlimir
hittast og gera eitthvað skemmtilegt
og uppbyggilegt.
Fyrsti viðburður klúbbsins var
haldinn á dögunum á Bió cafe. Þar
borðuðu krakkarnir og sungu sam-
an.
Flott án fíknar á Siglufirði
Laugarvatn | Í haust
verða í boði tvær mis-
munandi leiðir í íþrótta-
fræðum við Kennarahá-
skóla Íslands á
Laugarvatni. Annars veg-
ar er um að ræða nám til
B.Ed.-gráðu og hins veg-
ar til BS-gráðu.
Skipan B.Ed.-námsins
miðast við kennslu
íþrótta í leik-, grunn- og
framhaldsskólum og
verður sérstök áhersla
lögð á hvernig efla megi
heilsuuppeldi í skólum og
hvernig best sé að ná til
þeirra sem mesta þörf
hafa fyrir hreyfingu. BS-
námið miðar að því að
mennta íþróttafræðinga
sem starfa meira utan
skólakerfisins, við þjálfun
íþróttafólks, þjálfun í
heilsuræktarstöðvum,
þjálfun aldraðra, við
æskulýðsstörf og að fé-
lagsmálum hjá sveit-
arfélögum. Báðar gráð-
urnar veita full kennsluréttindi á öllum
skólastigum en bjóða uppá meiri sérhæf-
ingu og valmöguleika í náminu.
Stærð námskeiða breytist og munu öll
námskeið verða fjórar til sex einingar í stað
tveggja eininga eins og áður. Við það fækk-
ar námskeiðum á hverju misseri úr sex til
sjö niður í þrjú að jafnaði.
Lagður grunnur að háskólanámi
Á fyrsta námsári er lagður grunnur að
háskólanáminu. Farið er yfir upplýs-
ingatækni, málfar í tali og ritun, heim-
ildaleit og kröfur í skriflegum verkefnum.
Teknir eru fyrir þættir eins og heilsa, vöxt-
ur, lífsstíll og hreyfing barna og unglinga
auk sundkennslu, skyndihjálpar og björg-
unar.
Á öðru námsári skiptist námið í valsvið
auk kjarna. Í kjarnanum er lagður grunnur
að líffæra- og lífeðlisfræði, næringarfræði,
heilsufræði, sálfræði og sjónum beint að
samfélaginu sem við búum í. Á valsviðunum
skiptist áherslan milli starfsumhverfis í
skólum annars vegar og þjálfunar í íþrótta-
félögum og heilsuræktarstöðvum hins veg-
ar.
Á þriðja námsári er hreyfingarfræði og
lýðheilsa í kjarna. BS-nemar stúdera heilsu-
rækt og heilsuþjálfun á meðan B.Ed.-nemar
leggja áherslu á tómstundir, frítímann og
skólastarfið almennt. Íþróttagreinar til
keppni og heilsuræktar eru einnig stór hluti
námsins. Nemendur vinna lokaverkefni eftir
því hvor námsleiðin var valin.
Inntökukröfur í íþróttafræðinámið eru
stúdentspróf eða sambærileg menntun. Við
inntökuna er auk þess metin önnur viðbót-
armenntun og námskeið s.s. hjá íþrótta-
hreyfingunni. Starfsreynsla, félagsmálastörf
o.fl. sem nýtast kann í náminu er einnig
metið. Vegna fjöldatakmarkana þarf að
velja milli umsækjenda og er þá farið eftir
áðurtöldum upplýsingum.
Umsóknarfrestur um nám í grunndeild
Kennaraháskóla Íslands er til 17. maí.
Nýtt nám í íþrótta-
fræðum á Laugarvatni
Ljósmynd/Jón Reykdal
Kennsla Dr. Sigurbjörn Árni Arngrímsson kennir fitumælingu
hjá annars árs nemum íþróttabrautar.
Eftir Kára Jónsson
Ef þú tryggir þér nýjan Camp-let tjaldvagn fyrir 15. maí fylgja aukahlutir að
verðmæti 25.000 með. Enn ein ástæðan til að tryggja sér þennan einstaka tjaldvagn.
Nýr Camp-let tjaldvagn
á sérstöku tilboði!
Kletthálsi 13 // s. 587 6644 // www.gisli.is
Borgarnes | Stofnfundur
Menntaskóla Borgarfjarðar
ehf. var haldinn í gær að við-
stöddu miklu fjölmenni í
íþróttamiðstöðinni í Borgar-
nesi og Þorgerður Katrín
Gunnarsdóttir, menntamála-
ráðherra, tók fyrstu skóflu-
stunguna að nýju húsnæði
skólans, sem verður staðsett-
ur í grennd við gamla
íþróttavöllinn í Borgarnesi.
Skólinn verður fyrsti
framhaldsskóli landsins til að
vinna eftir nýrri námsskrá
framhaldsskóla sem miðar
að því að nemendur ljúki
námi á þremur árum í stað
fjögurra og er skilgreindur
af menntamálaráðuneytinu
sem tilraunaskóli á þessu
sviði. Skólinn er hlutafélag
og er stærsti einstaki eigand-
inn Sparisjóður Mýrasýslu en sveitarfélagið er
einnig stór hluthafi. Fjölmargir einstaklingar og
fyrirtæki í héraðinu eru einnig hluthafar. Þann-
ig söfnuðust 5,7 milljónir króna í hlutafé á stofn-
fundinum í gær.
Gert er ráð fyrir að skólinn muni vinna í nánu
samráði við grunnskóla sveitarfélagsins og há-
skólana í Borgarfirði á Hvanneyri og á Bifröst.
Mikill metnaður
Þorgerður Katrín Gunnarsdóttir mennta-
málaráðherra tók fyrstu skóflustungu að nýjum
menntaskóla í Borgarnesi að viðstöddu fjöl-
menni. Aðspurð sagðist Þorgerður hafa sam-
þykkt beiðni um stofnun menntaskóla vegna
þess mikla metnaðar og áhuga sem hér ríkir í
þeim málum. ,,Ég sá tækifæri fyrir fjölbreytni
og sveigjanleika í skólamálum, hugmyndin um
einkaskóla með utanumhald sveitarfélagsins er
metnaðarfull og býður upp á heildarhugsun í
skólamálum. Þýðingarmikið er að samvinna
milli framhaldsskólans og grunnskólanna takist
vel, og ég veit að háskólasamfélagið veitir dygg-
an stuðning. Þorgerður segir að með nýjum
menntaskóla komi ný námsskipan og sé áhersla
á að skólastigin vinni betur saman og samfella
þeirra verði aukin. Reiknað er með að í skól-
anum verði þriggja ára nám til stúdentsprófs,
bóknámsbrautir; náttúrufræðibraut, fé-
lagsfræðibraut og sérdeild fyrir fatlaða nem-
endur. ,,Miðað verður við þær kröfur sem há-
skólarnir gera, og gert er ráð fyrir um 120
nemendum. Þó hefur sýnt sig eins og í Grund-
arfirði að nemendur urðu fleiri en gert var ráð
fyrir. Nemendum fjölgar þegar menntunar-
tækifærin aukast. Vonandi tekst að fjölga þeim
sem fara til náms af þessu svæði. Þorgerður
efast ekki um að auðvelt verði að ráða fólk héðan
til starfa við nýja skólann, og mun ráðuneytið
verða til aðstoðar. ,,Hér úr skólastofunum verð-
ur milljón dollara útsýni segir Þorgerður og vís-
ar þar til Hafnarfjallsins, ,,og ég vil óska Borg-
firðingum til hamingju með framtakssemi, drift
og dugnað. Það hefur enn sýnt sig að þar sem er
framkvæmt, þar verða hlutirnir að veruleika.
„Með nýjum Menntaskóla Borgarfjarðar
verður í héraðinu mesta samfélagsbylting sem
orðið hefur áratugum saman. Við höfum hér
góða leik- og grunnskóla ásamt tveimur háskól-
um, Bifröst og Hvanneyri. Nú dettur síðasti
hlutinn inn í þá heildarmynd sem gerir Borg-
arfjörðinn að einstöku samfélagi á landsvísu,“
sagði Runólfur Ágústsson, rektor á Bifröst, í
ávarpi sínu á stofnfundinum í gær.
„Framtíð hvers samfélags í samtímanum
ræðst að verulegu leyti af gæðum skólanna.
Fólk vill búa þar sem góðir skólar starfa. For-
eldar láta sig varða menntun og velferð barna
sinna og það er liðin tíð að þeir vilji senda 16 ára
unglinga að heiman í nám fjarri fjölskyldu og
vinum. Slíkt þykir okkur ekki boðlegt í nútíma-
samfélagi,“ sagði hann einnig.
Morgunblaðið/Guðrún Vala
Fyrstu skóflustunguna að nýjum menntaskóla í Borgarfirði tók
Þorgerður Katrín Gunnarsdóttir menntamálaráðherra. Helga
Halldórsdóttir, forseti bæjarstjórnar, fylgist með.
Menntaskóli í Borg-
arnesi stofnsettur