Morgunblaðið - 05.05.2006, Blaðsíða 26

26 FÖSTUDAGUR 5. MAÍ 2006 MORGUNBLAÐIÐ
MENNING
Franskar konur fitna ekki erfullyrðing sem hefur duniðá Íslendingum undanfarnar
vikur. Þar er verið að vísa til að
metsölubókin Franskar konur fitna
ekki sé komin út í íslenskri þýð-
ingu. Höfundur bókarinnar Mireille
Guiliana er frönsk kona sem hefur
búið í Bandaríkjunum í nokkra
áratugi. Hún kynntist Bandaríkj-
unum fyrst þegar hún fór þangað
skiptinemi í eitt ár sem unglingur
og sneri heim til Frakklands tíu
kílóum þyngri. Þegar hún stígur á
franska grundu á ný fær hún held-
ur óblíðar móttökur frá föður sín-
um sem, í staðinn fyrir að bjóða
hana velkomna, segir hana líta út
eins og kartöflupoka. Við heim-
komuna fer hún að skammast sín
fyrir þyngdina, því allir eru jú
grannir í Frakklandi, og leitar til
læknis sem gefur henni ráð um
hvernig hún á að létta sig. Út frá
þessum ráðum er bókin skrifuð.
  
Bókin hefur verið markaðssettum heim allan sem ekki-
megrunarbók sem getur breytt
hvernig þú hugsar og lifir. (Er það
ekki markmið allra megrunar-
bóka?) Kveikt er von hjá konum um
að þarna sé lausnin á aukakílóunum
komin og hún sé eitthvað öðruvísi
en í öðrum bókum. En svo er í raun
ekki, þótt bókin sé sett öðruvísi
fram en bækur af svipuðu sauða-
húsi segir hún nákvæmlega það
sama; borða minna, hreyfa sig
meira. Hún fjallar ekki um ákveðna
og öfgafulla megrunarkúra, mælir
reyndar mjög gegn þeim, heldur
fjallar hún um almenna skynsemi.
Lífshætti sem við vitum að við eig-
um að fara eftir en gerum yfirleitt
ekki. Að sögn Mireille er ástæðan
fyrir því að franskar konur eru
svona grannar sú að þær borða oft
en lítið á dag, gefa sér tíma til að
borða, borða ekki ruslfæði, elda
heima einu sinni á dag og snæða
ekki á hlaupum eða fyrir framan
sjónvarpið, drekka nóg vatn og
borða sætindi í hófi og þá aðeins
ekta súkkulaði (einn mola með
kaffibollanum). Þær taka stigann í
staðinn fyrir lyftuna, fara út að
labba og verða ástfangnar því ástin
er víst grennandi. Áberandi er að
hún ýtir ekki undir að konur stundi
öfgafulla líkamsrækt heldur hafi
gaman af því að fara út að labba og
hjóla og annað sem krefst ekki mik-
ils svita því franskar konur hafa
víst ekki gaman af því að svitna.
Mireille setur nokkuð út áBandaríkjamenn fyrir
græðgi og að þeir kunni ekki að
njóta gæðafæðu. Ekki hafa allir
Bandaríkjamenn tekið vel í það og
segir einn gagnrýnandi bókarinnar
að kvenmenn í Frakklandi þori
augljóslega ekki að fitna vegna
þess að útlitskröfur karlmanna þar
í landi til kvenna séu svo miklar og
það komi augljóslega fram í
bókinni. Gagnrýnandanum finnst
hún vera að segja nákvæmlega það
sem allir vita; að allt er gott í hófi.
Honum finnst Mireille ekki hæf til
að fullyrða um að franskar konur
fitni ekki því hún byggi bókina sína
á reynslu og viðhorfi lítils hóps
heldri kvenna. En Mireille sjálf er
forstjóri virts víninnflutnings-
fyrirtækis í Bandaríkjunum og þarf
ekki að hafa áhyggjur af aurunum.
Hún getur keypt dýrt hráefni, eytt
tveimur klukkutímum í hádegismat
og borðað eins oft og hún vill á veit-
ingahúsum.
  
Eins og flestar lífsstílsbækurhefur Franskar konur fitna
ekki setið ofarlega á metsölulistum
víða um heim, m.a í 1. sæti á met-
sölulista New York Times, og virð-
ist ætla að verða vinsæl hér á landi
einnig en hún trónir nú á met-
sölulista JPV og er í öðru sæti á
metsölulista Eymundsson. Bókin
hefur fengið fleiri góða dóma en
slæma og er fagnað sem bók sem
hvetur konur ekki til skyndilausna
heldur sem bók sem hvetur konur
til að breyta um lífsstíl og njóta
lystisemda lífsins án sektarkenndar
og grennast samt.
Markmið Mireille er gott og
blessað.
Fullyrðingar um
franskar konur
’Þótt bókin sé sett öðru-vísi fram en bækur af
svipuðu sauðahúsi segir
hún nákvæmlega það
sama; borða minna,
hreyfa sig meira.‘
ingveldur@mbl.is
AF LISTUM
Ingveldur Geirsdóttir
FYRIR tuttugu árum var sópran-
söngkonan Elín Ósk Óskarsdóttir
kölluð heim frá söngnámi á Ítalíu til
að fara með titilhlutverkið í óperunni
Tosca í uppfærslu Þjóðleikhússins.
Og þannig hófst glæstur söngferill
hennar sem skartar fjölmörgum inn-
lendum sem erlendum óperuhlut-
verkum. Á morgun mun Elín halda
upp á tuttugu ára söngferil sinn með
söngafmælistónleikum í Langholts-
kirkju ásamt Óperukór Hafn-
arfjarðar og stjórnandanum Kurt
Kopecky. Gestir tónleikanna verða
félagar úr Karlakórnum Stefni og
auk þess einsöngvararnir Bergþór
Pálsson, Jóhann Friðgeir Valdi-
marsson, Kjartan Ólafsson og Þor-
geir J. Andrésson.
„Ég er að fá til liðs við mig þá
söngvara og leikara sem ég hef
starfað með í gegnum þessi tuttugu
ár,“ segir Elín en hún er auk þess
stjórnandi og stofnandi Óperukórs
Hafnarfjarðar.
Ógleymanleg lafði Makbeð
„Þegar ég var þriggja ára gaf ég
þá yfirlýsingu í stofunni heima að ég
skyldi verða söngkona.“ Elín segist
svo hafa orðið staðráðin þegar hún
heyrði, ellefu ára gömul, aríuna
„Nessun dorma“ úr óperunni
Turandot, sungna af stórtenórnum
Pavarotti. „Ég sat í sófanum heima
fyrir austan á Hvolsvelli og grét af
hrifningu. Þá var ég alveg viss um að
ég ætlaði mér að verða óperu-
söngkona.“
Þau eru mörg hlutverkin sem Elín
hefur brugðið sér í á ferlinum og
kveðst hún afar lukkuleg með þau
öll. Hún segir þó að hlutverk hennar
sem lafði Makbeð í óperunni
Makbeð sem Íslenska óperan setti
upp í ársbyrjun 2003 standi upp úr.
„Það er stærsta og kröfuharðasta
hlutverk sem ég hef tekist á við og
þetta var mjög þroskandi tímabil,“
segir Elín en hún hlaut afar mikið lof
fyrir túlkun sína í verkinu, meðal
annars í einu virtasta óperutímariti í
heimi, Opera Now, þar sem segir að
hún hafi skapað virkilega eftir-
minnilega lafði Makbeð.
Ítalskar aríur
Heilmikið er á döfinni sem endra-
nær hjá söngkonunni og stendur til
hjá henni að syngja inn á fjóra
geisladiska. Einn þeirra er vænt-
anlegur um næstu jól en þar syngur
hún aríur með Sinfóníuhljómsveit
Íslands undir stjórn Kurt Kopecky.
Í haust mun hún svo syngja inn á
disk við undirleik Steinunnar Birnu
Ragnarsdóttur píanóleikara ásamt
strengjasveit og þar verða eingöngu
leikin íslensk lög í útsetningu Atla
Heimis Sveinssonar. Svo eru einnig
væntanlegir frá henni diskar með
kirkjutónlist annars vegar og hins
vegar með léttklassískri ítalskri tón-
list. Þar fyrir utan mun hún syngja í
óperuverki og á fjölmörgum tón-
leikum hér heima og erlendis.
Á efnisskrá söngafmælistónleik-
anna á morgun verða flutt ýmis verk
sem Elín hefur sungið á ferlinum
auk annarra verka. Þarna verður
fluttur rjóminn af ítölskum óperum
að sögn Elínar, bæði í flutningi kórs
og einsöngvara. Einnig verða fluttar
senur úr óperunum Galdralofti,
Þrymskviðu eftir Jón Ásgeirsson.
Tónleikarnir verða sem fyrr segir
í Langholtskirkju á morgun og hefj-
ast klukkan 16.
Tónlist | Söngafmæliskonsert í Langholtskirkju á morgun – ýmsir samstarfsmenn fagna með Elínu Ósk
Starf sópran-
söngkonunnar
Eftir Þormóð Dagsson
thorri@mbl.is
Morgunblaðið/Kristinn
20 ár eru liðin frá fyrsta óperuhlutverki Elínar Óskar Óskarsdóttur, sem kölluð var heim í það frá námi á Ítalíu.
STUTTVERKAHÁTÍÐIN Margt
smátt verður haldin í kvöld á Litla
sviði Borgarleikhússins. Á hátíðinni
sýna átta aðildarfélög Bandalags ís-
lenskra leikfélaga þrettán stuttverk
sem vel flest eru samin af leik-
skáldum innan raða þess.
Þetta er í þriðja sinn sem Margt
smátt er haldin í samvinnu við
Borgarleikhúsið en hún sýnir þá
grósku sem er í íslensku áhugaleik-
húshreyfingunni í ritun styttri leik-
verka. Frá upphafi hefur mark-
miðið með hátíðinni verið að vekja
athygli á því frumkvöðlastarfi sem
unnið er í íslenskum áhugaleik-
húsum í ritun og flutningi styttri
verka.
Stuttverkahátíðin hefst kl. 19 og
miðaverð er 1.000 kr.
Fjölbreytt leikverk
Þau verk sem sýnd verða eru:
Kratavar eftir Sigurð H. Pálsson –
Hugleikur
Það er frítt að tala í GSM hjá guði
eftir Pétur R. Pétursson – Leik-
félag Mosfellssveitar
Súsanna baðar sig eftir Lárus
Húnfjörð– Leikfélag Hafnarfjarðar
Dagur í lífi Mörthu Ernstdóttur
eftir Sverrir Friðriksson – Frey-
vangsleikhúsið
Bara innihaldið eftir Sævar Sig-
urgeirsson– Leikfélag Rangæinga
Geirþrúður svarar fyrir sig eftir
Margaret Atwood og Shakespeare –
Leikfélag Selfoss
Morð fyrir fullu húsi eftir Lárus
Húnfjörð– Leikfélag Hafnarfjarðar
Aðgerð eftir Guðjón Þorstein Pálm-
arsson– Leikfélag Kópavogs
Í öruggum heimi eftir Júlíu Hann-
am– Hugleikur
Afi brenndur eftir Odd Bjarna Þor-
kelsson – Leikfélag Kópavogs
Friðardúfan eftir Unni Guttorms-
dóttur– Leikfélagið Sýnir
Maður er nefndur eftir Birgi Sig-
urðsson og Pétur R. Pétursson –
Leikfélag Mosfellsbæjar
Hannyrðir eftir Sigurð H. Pálsson
– Hugleikur
Morgunblaðið/Halldór Kolbeins
Leikfélagið Sýnir sýndi Konuna frá Nam Xuang á Stuttverkahátíð í fyrra
en mætir nú með Friðardúfuna. Verk frá þrettán hópum verða sýnd.
Leiklist | Stuttverkahátíð í Borgarleikhúsinu
Þrettán stutt leikverk