Morgunblaðið - 05.05.2006, Blaðsíða 53

MORGUNBLAÐIÐ FÖSTUDAGUR 5. MAÍ 2006 53
MENNING
ÞAÐ ER komið að því. Ein
skemmtilegasta myndlistarsýning
ársins hér á Íslandi er nánast full-
gerð, og verður opnuð fyrir al-
menningi á morgun. Þó að lista-
mennirnir sem um ræðir séu
vissulega ekki í hópi þeirra
reynslumestu eða viðurkenndustu,
er þessi sýning engu að síður snar
þáttur í myndlistarlífi landsins og
mörgum þykir hún ómissandi við-
burður heim að sækja á hverju
vori.
Hér er að sjálfsögðu um að ræða
útskriftarsýningu myndlistardeildar
og hönnunar- og arkitektúrdeildar
Listaháskóla Íslands, þar sem öll-
um þeim er ljúka B.A.-gráðu frá
þessum deildum Listaháskólans í
vor gefst kostur á að sýna verk sín
í þrjár vikur. Sýningin hefur verið
haldin með svipuðu sniði um langt
skeið; allt frá því að fyrirrennari
Listaháskólans, Myndlista- og
handíðaskólinn, var og hét. Hér er
um að ræða eina stóra samsýningu
nemenda – verðandi listamanna –
og þó ekki, því verk hvers og eins
er sjálfstætt og unnið á sjálf-
stæðum forsendum. Enginn heild-
arbragur er því á sýningunni, og
ekki er unnið út frá ákveðnu sam-
eiginlegu konsepti – nema ef vera
kynni ólgandi sköpunargleði og
krafti þess sem er um það bil að
ljúka sérhæfingu í námsgrein sinni.
Sjötíu nemendur sýna
Að þessu sinni eru útskrift-
arnemar sem sýna sjötíu talsins; 25
koma úr myndlistardeild og 45 úr
hönnunar- og arkitektúrdeild. Hafa
þau fengið, líkt og í tvígang áður,
Hafnarhús Listasafns Reykjavíkur
til afnota og breiða úr sér í hvern
krók og kima í húsinu. Þar gefur
að líta hin fjölbreytilegustu verk og
myndu lýsingar á þeim sjálfsagt
fylla heila blaðsíðu ef telja ætti
hvert og eitt þeirra upp. Frekar
hvetur blaðamaður lesendur til að
skoða sýninguna sjálfir og kynnast
þeim ólíku hugmyndum sem út-
skriftarárgangur hinna tveggja
sjónlistadeilda Listaháskóla Íslands
hefur um hvað sé spennandi, fram-
sækið og æskilegt í listsköpun um
þessar mundir.
Myndlist | Útskriftarsýning Listaháskóla Íslands opnuð á morgun
Hafnarhúsið
hertekið
Eftir Ingu Maríu Leifsdóttur
ingamaria@mbl.is
Sýningin opnuð á morgun kl. 14.
Nemendur veita leiðsögn alla
sunnudaga kl. 15 meðan sýningin
stendur yfir.
ALLIR útskriftarnemar í arki-
tektúrdeild Listaháskóla Íslands í
ár fengu sama verkefnið; að
hanna hugmyndir að alþjóðlegu
menningarhúsi á Landakotstúni,
sem myndi hýsa stofnanir á borð
við Göthe- og Fulbright-
stofnanirnar, MÍR og Alliance
Francaise, svo dæmi séu nefnd.
Nú gefur því að líta tólf slíkar
hugmyndir í Hafnarhúsinu og
segir Bergur Finnbogason, út-
skriftarnemi í arkitektúr og höf-
undur einnar hugmyndarinnar,
þær jafnólíkar og þær eru marg-
ar. „Eiginlega eru þær ólíkari en
þær eru margar, getur maður
sagt,“ segir hann og hlær. „Það
er mikið uppúr lagt á þessari sýn-
ingu, fullt af módelum og teikn-
ingum, þannig að það ætti að vera
góð skemmtun að skoða hana.“
Sjálfur segist hann hafa haft í
huga við gerð síns verkefnis að
þýða hugtakið alþjóðamenning
yfir á arkitektúrmál. „Það sem er
kannski merkilegt við þessa stað-
setningu – Landakot – er hve al-
þjóðleg hún er, með öll sendiráðin
í kring og þessa kirkju sem þjón-
ar að litlum hluta Íslendingum.
Mín áhersla er að ramma inn
þessar hugmyndir, um þennan
óíslenska veruleika sem er að
gerast þarna á hæðinni,“ útskýrir
hann.
Mikil vinna liggur að baki út-
færslu hugmyndanna, að sögn
Bergs, með tilheyrandi vökunótt-
um og vinnutörnum. „Við erum
búin að vinna að þessu síðan í jan-
úar og það verður gaman að sjá
útkomuna, þó að prósessinn
skipti í raun alveg jafnmiklu máli.
En auðvitað hlakka ég til á laug-
ardaginn,“ segir hann að síðustu.
Arkitektúr | Bergur Finnbogason
„VERKIÐ mitt samanstendur af
ísskúlptúr, plexíglerkassa og
kælikerfi,“ segir Agla Egilsdóttir,
sem senn útskrifast frá myndlist-
ardeild LHÍ. „Þetta er semsagt ís-
skúlptúr inni í kassa úr plex-
ígleri.“
Og þar inni er líka kona, ekki
satt? „Jú, hluti af konu, má
segja.“
Agla hefur að undanförnu unn-
ið mikið með málverk sem unnin
eru með hjálp íss, og segir hug-
myndina að verkinu nú eiga ræt-
ur að rekja til þeirrar vinnu. „En
svo langaði mig líka að vinna með
forgengileikann,“ bætir hún við.
Og hefur þetta ekki verið flókið
verk að gera? „Jú, þetta hefur
verið rosalega erfitt, en ég held
að þetta sé að smella núna. En
þetta er búið að vera „prójekt
taugaáfall“ í þrjár vikur,“ segir
hún og segist hlakka til að sjá fyr-
ir endann á verkinu. „Ég hlakka
mjög til að geta slakað á og horft
bara á þetta.“
Hún segir það ánægjulegt að
útskrifast og vera reynslunni rík-
ari eftir árin þrjú í skólanum.
„Maður veit miklu meira. En samt
veit maður líka að maður veit
ekki neitt,“ segir útskriftarnem-
inn Agla Egilsdóttir að síðustu.
Myndlistardeild | Agla Egilsdóttir
Unnið að uppsetningu útskriftarsýningar Listahá-
skóla Íslands, sem verður opnuð á morgun.
Morgunblaðið/Eyþór
Lars Skjelbreia, sem útskrifast úr myndlistardeild Listaháskólans í vor,
undirbýr verk sitt, en mikill ys hefur verið í Hafnarhúsinu undanfarið.
Tólf arkitektúrnemar sýna hugmyndir að menningar-
húsi við Landakot. Bergur Finnbogason við módel sitt.
LISTAMAÐURINN Graeme Finn
er Ástralíumaður búsettur í Þýska-
landi, hann sýnir nú í Evrópu í
fyrsta sinn, hjá Sævari Karli. Finn
sýnir teikningar en fæst einnig við
málverk og kvikmyndir í list sinni.
Teikningarnar sem Finn sýnir eru
litlar og einfaldar að gerð, en í við-
tali við listamanninn í Morg-
unblaðinu á dögunum kemur fram
að þær eru hluti af 300 teikninga
myndröð. Vinnuaðferð Finn bygg-
ist annars vegar á nokkurs konar
ósjálfráðri en um leið expressíón-
ískri teikningu þar sem línur og
form minna á tilviljanakenndar
blekklessur en hafa einnig ljóð-
ræna og mjúka hreyfingu í sér.
Mótvægi við þetta línuspil eru síð-
an örfá strik á hverri teikningu
sem gætu vísað til bakgrunns
nótnaskriftar eða einhvers annars
kerfis, sums staðar má sjá tölustafi
á myndfletinum. Teikningarnar eru
litlar og raðað saman í mynd-
klösum sem hentar þeim vel. Þær
eru viðkvæmnislegar og það er
ekki síst samspil lína og auðs
myndflatar sem skapar hugsanlegu
spennu í verkunum. Miðað við
þetta fínlega yfirbragð kemur að-
ferð Finn við upphengi mynda
sinna á óvart en hann hefur neglt
þær kirfilega í veggina með stál-
nöglum og það fleiri en einum í
hverja svo mann hryllir við. Það er
líkt og fínleg húð sé negld við
vegginn og minnir á dauð fiðrildi
fest til sýnis með títuprjónum. Mis-
munurinn sem kemur fram í vinnu
teikninganna og framsetningu
þeirra er því hrópandi og dregur
töluvert úr sannfæringarkrafti
þeirra. Þegar haft er í huga að hér
er um að ræða fyrstu einkasýningu
listamannsins í Evrópu kemur
einsleitni verkanna einnig á óvart,
það er tæpast að þessar litlu
myndir standi undir sér sem sýn-
ing, hér hefði án efa farið betur á
því að sýna einnig málverk þau
sem vísað er til í sýningarskrá og
virðast vera hryggstykki í list
Graeme Finn. Listamaðurinn legg-
ur í verkum sínum út af þekktu
þema, spennunni milli óbeislaðrar
orku persónulegrar tjáningar og
afls tilviljunarinnar annars vegar
og yfirvegunar geómetrískrar
abstraktsjónar hins vegar. Sam-
talið sem skapast er þó varla nægi-
lega frumlegt eða persónulegt til
þess að ná að verða eftirminnilegt.
Sýning sem næði að gefa litríkari
mynd af list Graeme Finn gæti þó
haft burði til þess.
Fiðrildi á vegg
MYNDLIST
Gallerí Sævars Karls
Til 8. maí. Opið á verslunartíma.
Graeme Finn
Ragna Sigurðardóttir
Morgunblaðið/Eyþór
Graeme Finn við teikningar sínar í
galleríinu.
Í VIÐTALI við Richard Morris, yf-
irmann The Associated Board of the
Royal Schools of Music, í blaðinu í
gær var sagt að áttunda stig
ABRSM-tónlistarprófsins, sem
Söngskólinn notast við, eigi við full-
numa tónlistarmann. Þar átti öllu
heldur að standa að nemandi sem
nær áttunda stigi sé orðinn fullbúinn
fyrir æðri menntun í sínu fagi.
LEIÐRÉTTING
Fullbúinn frekar
en fullnuma
Út er komin bókin Specimina Comm-
ercii eftir Ívar Brynjólfsson.
Þar er lýst á mynd-
rænan hátt niðurstöðu
12 ára rannsóknar
höfundar á sjónrænu
útliti samtímaversl-
anaumhverfis Íslendinga.
Bókinni verður dreift í betri bóka-
búðum.
Útgefandi er EKKI PRESS forlagið.
Nýjar bækur