Morgunblaðið - 05.05.2006, Blaðsíða 36

36 FÖSTUDAGUR 5. MAÍ 2006 MORGUNBLAÐIÐ
UMRÆÐAN
Vegna mikils aðstreymis aðsendra greina í aðdraganda bæjar- og sveitarstjórnarkosninganna verður
formi þeirra greina, sem lúta að kosningunum, breytt. Er þetta gert svo efnið verði aðgengilegra fyrir les-
endur og auka möguleika Morgunblaðsins á að koma greinunum á framfæri fyrir kosningar.
Bæjar- og sveitarstjórnarkosningar
Á ÁLFTANESI er gott að búa, það erum við sem hér
búum sammála um. Ástæða þess er að hér hefur verið
lögð áhersla á fjölskylduvænt samfélag í nálægð við nátt-
úruna.
En hvað er fjölskylduvænt samfélag? Í
fjölskyldustefnu Álftaness eru þessi meg-
inmarkmið höfð að leiðarljósi:
Að sveitarfélagið Álftanes sé fjöl-
skylduvænt.
Að styðja og styrkja fjölskyldur í verk-
efnum sínum.
Að heildarsýn á málefni fjölskyld-
unnar sé ávallt höfð að leiðarljósi.
Hvernig hefur svo verið staðið að þessum göfugu
markmiðum? Sjálfstæðisfélag Álftaness hefur stuðlað að
því, að hér sé fjölbreytt val um íbúðarhúsnæði, þannig að
ungt fólk sem er að kaupa sína fyrstu íbúð þarf ekki leng-
ur að flytjast af Álftanesinu. Einnig hefur þess verið gætt
að uppbygging á grunnskóla, leikskóla og tónlistarskóla
sé vönduð og fylgi þróuninni í bæjarfélaginu. Við vitum
öll hversu mikilvægt það er fyrir foreldra að eiga örugga
dagvistun fyrir barnið sitt og að vita til þess að hér sé
metnaðarfullt skólastarf í öllum skólum bæjarfélagsins.
Sjálfstæðisfélagið hefur einnig stutt vel við barna-
fjölskyldur með því að stórauka niðurgreiðslur til dag-
foreldra, þannig að kostnaður foreldra sem eru með börn
hjá dagforeldri er svipaður og fyrir leikskóla. En við vilj-
um gera enn betur, leikskólagjöld eru þungur baggi á
mörgum barnafjölskyldum, þetta er sá hópur sem er að
koma þaki yfir höfuðið og byggja upp sína fjölskyldu.
Þess vegna ætlar sjálfstæðisfélagið að lækka leik-
skólagjöld um 25% strax í haust.
En hvernig er hugað að þeim sem eldri eru? Í júlí 2005
var undirritaður samningur við Hjúkrunarheimilið Eir
um uppbyggingu á þjónustumiðstöð og öryggisíbúðum
fyrir eldri borgara, en upphafið að því var viljayfirlýsing
sem undirrituð var um mitt sumar 2003. Einnig er á mið-
svæðinu gert ráð fyrir íbúðum fyrir 50 ára og eldri. Með
þessum íbúðum og þjónustumiðstöð Eirar verður bylting
í þjónustu við þá sem eldri eru. Við ætlum ekki einvörð-
ungu að tryggja íbúðir fyrir eldri íbúa sem nú þegar búa
á Álftanesinu, því við viljum einnig gefa íbúum hér
möguleika á því að foreldrar þeirra geti flutt í návist við
þá og þannig stuðlað að auknum fjölskyldutengslum.
Sjálfstæðisfélagið á Álftanesi hefur unnið að því að hér
sé gott að búa, við höfum viljað gefa fleirum möguleika á
að búa hér þar sem okkur líður öllum svo vel. Við teljum
það eigingirni og þröngsýni að stoppa alla uppbyggingu
og þróun, að segja „núna er ég komin á þennan góða stað
og þá mega ekki fleiri njóta þess sama“.
Íbúar Álftaness, hér er gott að búa! Það má þakka
sterkum áhrifum fulltrúa Sjálfstæðisfélags Álftaness,
sem hafa verið í meirihluta í bæjarstjórn og ávallt haft
það að leiðarljósi að þjónusta við íbúana sé sem best. Val-
ið hinn 27. maí ætti því að vera einfalt, ef þið óskið þess
að hér sé áfram gott að búa í blómlegu bæjarfélagi með
bjarta framtíð, þá er valið X-D.
Álftanes – blómlegt bæjarfélag
með bjarta framtíð
Eftir Sigríði Rósu Magnúsdóttur
Höfundur er bæjarstjórnarfulltrúi og
skipar 2. sæti lista Sjálfstæðisfélags Álftaness.
ÞÁ ÁTT þú eftir að heyra að
Garðabær sé góður bær. Og það er
rétt, þetta er góður bær.
En þú átt samt eftir að pirrast í
umferðinni á leiðinni heim í Garða-
bæinn.
Þú átt eftir að
heyra um „ábyrga
fjármálastjórn“, góða
þjónustu fyrir „alla“
íbúa, sanngjarna
gjaldtöku o.fl.
Þú átt eftir að
furða þig á því hvað það er í raun og
veru dýrt að búa í þessum „góða bæ“,
t.d. hvað leikskólagjöld eru há.
Þú átt eftir að heyra um loforð en
ekki alltaf um efndir.
Meirihlutinn á eftir að segja þér
hvað eftir annað að Garðabær sé samt
góður bær, og að það sé þeim að
þakka.
Meirihlutinn á hins vegar ekki eftir
að segja þér að:
Nú fyrst er kominn raunverulegur
valkostur við Sjálfstæðisflokkinn í
Garðabæ; Bæjarlistinn.
Nú fyrst verið sett fram krafa um
lausn á skipulagsmálum Hafnarfjarð-
arvegar, hann lagður í stokk.
Nú fyrst verði komið til móts við
sanngjarnar kröfur eldri borgara í
Garðabæ og þeirra yngri sem vilja
kaupa sér íbúðir á sanngjörnu verði.
Nú fyrst verði farið að úthluta lóð-
um á vegum bæjarins, en ekki stutt
lengur við þá „verktakahollustu“ sem
einkennir störf meirihlutans.
Nú fyrst verði Garðabær raunveru-
lega bær fyrir ALLA Garðbæinga!
Bæjarlistinn er tilbúinn til forystu.
Við sættum okkur ekki lengur við þá
viðbragðapólitík sem einkennir fram-
göngu sjálfstæðismanna, það stefnu-
leysi í skipulagsmálum sem skapar
okkur daglega vandræði og tafir. Við
sættum okkur ekki við að álögur á
fjölskyldur og fyrirtæki í Garðabæ
séu með því hæsta sem gerist í land-
inu. Við sættum okkur ekki lengur við
að Sjálfstæðisflokkurinn fari með
eignir og fjármuni okkar, íbúanna,
sem sína eigin. Ætlar þú að sætta þig
við þetta?
Bæjarlistinn er tilbúinn til for-
ystu … við viljum bjóða þig velkom-
inn í enn betri Garðabæ!
Ertu nýr
Garðbæingur?
Eftir Þorgeir Pálsson
Höfundur skipar 4. sæti á lista
Bæjarlistans í Garðabæ.
LEIKSKÓLAMÁL hafa verið mikið til umræðu í aðdraganda sveit-
arstjórnarkosninganna 27. maí, og löngu tímabært. Bæjarstjórarnir í
Kópavogi og Hafnarfirði hafa keppst við að lækka leikskólagjöldin til að
geta sagt rétt fyrir kosningar: „Það er ódýrast og best hjá okkur.“
12% af rekstrarafgangi bæjarins til barna
Það sem hefur vantað í umræðuna, og kannski týnst í
þessum hanaslag, er af hverju þetta skiptir máli. Og af
hverju það er ekki nóg að lækka leikskólagjöldin niður í
250 þúsund á ári eins og í Kópavogi (11 mánuðir, átta
tíma dvöl með fæði). Vinstri græn fóru fyrst fram með
kröfuna um gjaldfrjálsan leikskóla, og nú vildu allir Lilju
kveðið hafa. Það er fínt, og sýnir kannski betur en margt
annað hversu mikilvæg rödd VG er í íslensku samfélagi. Vinstri græn í
Kópavogi hafa sagt gjaldfrjálsan leikskóla strax. Ekki í áföngum, ekki
bráðum, ekki stefna að, ekki seinna, heldur strax. Kópavogur hefur vel
efni á að gera vel við börn og fjölskyldur þeirra, kostnaðurinn á ári
myndi vera á bilinu 300–350 milljónir, eða sem svarar um 12% af áætl-
uðum rekstrarafgangi bæjarins á þessu ári.
Kjarabót án kollsteypu
Niðurfelling leikskólagjalda skiptir barnafjölskyldur gríðarlegu máli.
Fyrir fjölskyldu með 300 þúsund á mánuði í ráðstöfunartekjur, og eitt
barn í leikskóla, þýðir þetta um 7% hækkun ráðstöfunartekna á einu
bretti, og það án þess að bæjarstjórinn þurfi að hafa áhyggjur af koll-
steypu í efnahagslífinu. Fjölskyldan gæti notað peningana til að eyða
meiri tíma saman og með tíð og tíma myndi vinnudagur barna á leikskól-
anum væntanlega styttast, því foreldrarnir þyrftu ekki að vinna fyrir
„þrettánda mánuðinum“ til að borga leikskólagjöldin. Það er augljóst að
sá tími sem ung börn geta verið með foreldrum sínum er ekki tími sem
verður „keyptur“ seinna. Sú forvörn sem felst í því að styrkja og efla
fjölskyldur með þessum hætti skilar sér margfalt út í samfélagið. Látum
því engan segja okkur að þetta sé mál sem eigi að skoða eða gera í
áföngum. Við heyrum fólk oft segja að það vildi geta verið meira með
börnunum sínum. Tækifærið er núna. Atkvæði greitt vinstri grænum er
atkvæði með börnum.
Ekki bráðum, heldur strax!
Eftir Ólaf Þór Gunnarsson
Höfundur er öldrunarlæknir og oddviti V-lista Vinstri grænna í Kópavogi.
ÞAÐ KEMUR stöðugt betur í ljós að íþróttir eru besta
vopnið í baráttunni gegn ýmsum helstu vágestum nú-
tímans eins og t.d. offitu. Ótal rannsóknir sýna einnig að
regluleg hreyfing bætir námsgetu og
geðheilsu svo eitthvað sé nefnt. Þetta
viðurkenna flestir og því ætti að vera
ljóst að þeim fjármunum, sem varið er til
uppbyggingar íþróttamannvirkja, er vel
varið.
Styrkur íþróttafélaga okkar forvörn
Í Reykjavík starfa um tíu hverfisíþrótta-
félög, sem hvert um sig halda úti öflugu og mannbætandi
starfi í hverfum borgarinnar. Allir eru hvattir til að vera
með í fjölbreyttu starfi félaganna. Geta félaganna er hins
vegar misjöfn til að sinna þeim mikla fjölda Reykvíkinga,
sem vilja taka þátt í skipulögðu íþróttastarfi. Aðstöðu-
leysi hrjáir mörg félögin og geta þau því ekki tekið við
öllum þeim, sem áhuga hafa á að spreyta sig í íþróttum,
heldur þurfa þau að vísa þeim til annarra félaga og jafn-
vel til annarra sveitarfélaga á höfuðborgarsvæðinu.
Uppbygging sjálfstæðismanna
Á síðasta áratug átti mikil uppbygging íþróttamann-
virkja sér stað í Reykjavík. Sú sókn hófst undir forystu
meirihluta Sjálfstæðisflokksins í borgarstjórn sem gerði
áætlun um byggingu nýrra íþróttahúsa í flestum hverf-
um borgarinnar, m.a. íþróttahúss Fylkis í Árbænum, KR
í Vesturbænum, Fram við Safamýri og Víkings í Víkinni.
Sjálfstæðismenn gerðu sér því vel ljóst að bæta þyrfti að-
stæður til íþróttaiðkunar í hverfum borgarinnar og
fjölga iðkendum.
Þrátt fyrir setu í minnihluta hafa borgarfulltrúar
Sjálfstæðisflokksins beitt sér fyrir ýmsum framfara-
málum í þágu íþróttahreyfingarinnar í borginni. Þeir
áttu t.d. frumkvæði að flutningi tillagna um að bæta
innra starf íþróttafélaganna með hugmyndum um
íþróttafulltrúa fyrir íþróttafélög og sérstaka þjónustu-
samninga milli borgarinnar og íþróttafélaga. Þessar
hugmyndir sjálfstæðismanna hafa nú báðar komist til
framkvæmda þótt ekki gengi það þrautalaust. Þá hafa
sjálfstæðismenn m.a. einnig flutt tillögur um byggingu
íþróttahúss fyrir Íþróttafélag Reykjavíkur í Breiðholti,
félagshúss fyrir Leikni í Efra-Breiðholti og íþróttahúss
fyrir Ármann og Þrótt í Laugardal.
Í íþróttamálum hefur R-listinn lagt áherslu á ýmsar
miðlægar framkvæmdir sem í sjálfu sér eru góðra gjalda
verðar en því verður ekki á móti mælt að í þeirri vinnu
hafa hagsmunir hverfisíþróttafélaganna algjörlega setið
á hakanum. Á þetta ekki síst við um Breiðholt, Árbæ,
Grafarvog, Grafarholt, Fossvog og Vesturbæinn. Sjálf-
stæðisflokkurinn hefur með verkum sínum sannað að
hann leggur áherslu á aðstöðusköpun fyrir hverf-
isíþróttafélögin í borginni og mun sýna það í verki, fái
hann til þess stuðning borgarbúa 27. maí.
Íþróttir fyrir alla, X-D
Eftir Björn Gíslason
Höfundur skipar 13. sæti á framboðslista
Sjálfstæðisflokksins í Reykjavík.
Á KJÖRTÍMABILINU 2002–2006 hefur verið lokið því
verkefni að koma á mötuneytum við alla leik- og grunn-
skóla á Akureyri. Þeim sem nýta sér
mötuneytin í skólunum fer sífellt fjölg-
andi. Síðasta könnun sem gerð var sýndi
að u.þ.b. 47% nemenda grunnskólanna
nýttu sér að borða hádegismat í skól-
unum. Stefnan er sú að árið 2008 muni
70% nemenda og starfsmanna skólanna
nýta sér þjónustu mötuneytanna.
Spurningar hafa vaknað um hvort
skólamáltíðir eigi rétt á sér.
Þeir sem eru á móti skólamötuneytum telja að með
þeim fækki þeim stundum sem fjölskyldan er saman.
Þegar börnin fái hádegismat í skólunum verði kvöld-
matnum heima einfaldlega sleppt. Á síðustu árum hefur
samverustundin sem skapast við kvöldverðarborðið oft
verið sú eina, á virkum dögum, sem nútímafjölskyldan
hefur. Þeir sem mæla með skólamáltíðum telja að það sé
skólabörnum mikilvægt að fá orkuríkan mat um hádeg-
isbilið til að þau hafi úthald það sem eftir lifir dags. Með
það í huga er gert ráð fyrir að matseðlar skóla Akureyr-
arbæjar taki mið af leiðbeinandi matseðlum Lýð-
heilsustöðvar.
Alþjóðaheilbrigðismálastofnunin (WHO) hefur sam-
þykkt stefnu í baráttu gegn lífsstílssjúkdómum og ef við
ætlum að taka þá stefnu alvarlega er ljóst að skólarnir
verða, að einhverju leyti, að taka að sér það hlutverk að
tryggja skólabörnum næringarríkar máltíðir og kynna
þeim hollar neysluvenjur.
Með góðum rekstri mötuneyta grunnskólanna á Ak-
ureyri hefur tekist að halda matarverðinu lágu og með
aukinni nýtingu þeirra má jafnvel gera sér vonir um að
lækka matarkostnað barnanna enn frekar, í það minnsta
láta verðið standa í stað. Eftir áramótin síðustu var boðið
upp á þá nýbreytni að nemendur gátu keypt 3ja mánaða
matarkort og einnig kort fyrir alla önnina. Þeir sem
velja að kaupa 3ja mánaða kort fá máltíðina á 250 kr. en
ef keyptar eru allar máltíðir á heilli önn kostar máltíðin
210 kr. Venjulegt verð hverrar máltíðar þ.e. 10 máltíðir
á mánuði er 280 kr. Sú spurning hefur komið fram hvort
ekki beri að bjóða upp á fríar skólamáltíðir. Á Akureyri
yrði það kostnaður fyrir bæjarfélagið upp á 70–100 millj-
ónir á ári sem er sama upphæð og 400–500 kennslu-
stundir kosta eða 16–20 stöðugildi kennara eða annars
sérmenntaðs fólks. Hvað er mikilvægast? Fríar máltíðir,
fleiri kennslustundir, fleiri stöðugildi eða ef til vill eitt-
hvað allt annað? Þá umræðu verður að taka innan skóla-
samfélagsins.
Fríar skólamáltíðir
= 400 kennslustundir = 16 stöðugildi
Eftir Gerði Jónsdóttur
Höfundur skipar annað sætið á lista Framsóknarflokks-
ins í Akureyrarbæ fyrir sveitarstjórnarkosningar 2006.
ÁGÆTUR kunningi minn sagði
við mig um daginn þegar í ljós kom
að VG væri með tæplega 9% fylgi í
skoðanakönnun í Árborg: „Sjáðu,
þarna falla dauð niður 9% atkvæða
sem aðeins nýtast íhaldinu.“ Ég
þekki viðhorfið og
spurði hann hvort
þetta væri lýðræð-
ishugsunin í Sam-
fylkingunni. Kosn-
ingar og stjórnmál
snúast ekki um dauð
atkvæði, þá væri hér
aðeins einn flokkur, ein viðurkennd
skoðun og einræðisherra eins og
hefur verið og er í alltof mörgum
samfélögum í heiminum. Kosningar
eru tilraun til þess að sem flestar
skoðanir komist að og fái að njóta
sín. Þess vegna eru níu fulltrúar í
bæjarstjórn í Árborg og 63 alþing-
ismenn.
Vinstrihreyfingin – grænt fram-
boð hefur frá upphafi sýnt það að
hún hefur skoðanir sem eru nýstár-
legar og að mörgu leyti aðrar en aðr-
ir stjórnmálflokkar hafa. Hún hefur
einnig þorað að bera fram hug-
myndir sem ekki eru allra, en hafa
reynst eiga víðtækara fylgi en trúað
var fyrirfram. Það á t.d. við um
gjaldfrjálsan leikskóla sem þótti afar
slæm hugmynd fyrir fjórum árum,
en nú vilja aðrir stjórnmálaflokkar
eigna sér hana. Þess vegna er mik-
ilvægt að VG, Frjálslyndi flokkurinn
og jafnvel „exbé“ bjóði fram sem víð-
ast, hvort sem er til sveitarstjórna
eða til Alþingis. Það er ólýðræðisleg
og lítilmótleg baráttuaðferð þegar
stjórnmálaflokkar eigna sér atkvæði
fólks og gefa sér það að atkvæði
greidd einum stjórnmálaflokki séu
frá þeim tekin eða gagnist einhverri
allt annarri stjórnmálahreyfingu en
þeirri sem fær atkvæðið.
Kjósandi góður, finnist þér að
málflutningur VG eigi samhljóm í
hjarta þínu, greiddu þá atkvæði eins
og hjartað býður, það er þitt að ráð-
stafa atkvæðinu.
Vinstri græn, hreinar línur.
Láttu hjartað
ráða hvað
þú kýst
Eftir Þorstein Ólafsson
Höfundur er formaður
kjördæmisráðs VG í Suður-
kjördæmi og skipar 14. sæti á
lista VG í Árborg.