Morgunblaðið - 05.05.2006, Blaðsíða 35

MORGUNBLAÐIÐ FÖSTUDAGUR 5. MAÍ 2006 35
UMRÆÐAN
fyrir fagurkera á öllum aldri

sætar sumarstundir

endurkoma hönnuðar

vin í borgarysnum

glaðleg garðhúsgögn

léttleiki og litagleði

vorveisla í eldhúsinu
lifun
tímarit um heimili og lífsstíl – 05 2006
Tímaritið
Lifun fylgir
Morgunblaðinu
á morgun
BRÉF TIL BLAÐSINS
Morgunblaðið, Kringlunni 1, 103 Reykjavík  Bréf til blaðsins | mbl.is
OPIÐ bréf til Dags B. Eggertssonar,
formanns Skipulagsráðs Reykjavík-
urborgar:
Í Morgunblaðsgrein minni er birtist
í febrúar sl. fjallaði
ég um verndun
Elliðaárdalsins
sem náttúruperlu.
Í þeirri grein
gagnrýndi ég þig
harðlega, Dagur,
vegna tillögu sem
þú fylgdir úr hlaði
um stórfellda upp-
byggingu atvinnu-
húsnæðis í Elliða-
árdalnum fyrir neðan Stekkjar-
bakkann. Þessi uppbygging átti að
fara fram að stórum hluta á Elliðaár-
bökkum rétt fyrir ofan syðri kvísl
Elliðaárinnar. Með þessari tillögu er
verið að draga stórlega úr útivist-
argildi Elliðaárdalsins og um leið er
viðkvæmu lífríki Elliðaánna stefnt í
hættu.
Þú veist líka, Dagur, að tillögurnar
eru í algjörri andstöðu við að-
alskipulag. Ég vil benda þér á að hægt
væri að móta margar góðar tillögur í
anda ríkjandi skipulags með það fyrir
augum að bæta útivistarsvæðið í
Elliðaárdalnum til hagsbóta fyrir alla
borgarbúa. Ekki væri heldur óhugs-
andi að einhver starfsemi tengd úti-
vist, gróðurrækt og fleiru þess háttar
væri skipulögð í Dalnum enda tengdist
hún þá beint þeirri náttúruparadís
sem Elliðaárdalurinn er. Hér ber að
virkja íbúa til ákvarðanatöku ekki síst
þar sem um er að ræða fegursta og
vinsælasta útivistarsvæði borgarinnar.
Dagur, þú bætir síðan gráu ofan á
svart með því að heimila íbúðarbyggð í
Elliðaárdalnum Árbæjarmegin. Íbúar
mótmæltu þessu kröftuglega og telja
réttilega að verið sé að eyðileggja
Elliðaárdalinn sem útivistarsvæði.
Dagur, það er ljóst að þú skipar þér
ekki í fylkingu með okkur Reykvík-
ingum sem viljum vernda Elliðaárdal-
inn sem náttúruperlu og gera ennþá
fallegri fyrir komandi kynslóðir.
ÁGÚST THORSTENSEN,
íbúi í Stekkjarhverfi í Reykjavík.
Verndum Elliða-
árdalinn sem
perlu Reykjavíkur
Frá Ágústi Thorstensen
Ágúst Thorstensen
FYRIR rúmum mánuði kom
heilbrigðisráðherra þeirri breyt-
ingu á að þeir sem þurfa að leita
þjónustu hjartalækna verða að
borga þá þjónustu sjálfir. Til þess
að fá sömu endur-
greiðslu og aðrir
landsmenn þurfa þeir
fyrst að leita til heim-
ilislæknis áður en
þeir fara til hjarta-
læknis og síðan gera
sér sérstaka ferð til
Tryggingastofnunar
til að fá endur-
greiðslu. Þetta felur í
sér ýmis óþægindi,
m.a. bið á nauðsyn-
legri þjónustu. Það er
mikilvægt og oft lífs-
spursmál að fá sem
fyrst nauðsynlega læknisaðstoð.
Með því að gera þessa leið erfiðari
og flóknari getur það því miður
leitt til þess að fleiri deyi á þeirri
leið.
Ef þetta er fyrsti vísir að tilvís-
unarkerfi fyrir alla landsmenn, þá
er það skilyrði að opinber umræða
fari af stað í þjóðfélaginu um slíka
stefnubreytingu. Það er óverjandi
að taka upp slíkt kerfi gagnvart
einum hóp í þjóðfélaginu. Þar að
auki er margt sem bendir til þess
að í þessu felist ekki aðeins auk-
inn kostnaður fyrir einstaklingana,
heldur líka fyrir þjóðfélagið.
Sú mismunun sem felst í þessu
gagnvart hjartasjúklingum getur
vart staðist jafnræðisreglu stjórn-
sýslulaga þar sem segir í 11. grein
að „við úrlausn mála skulu stjórn-
völd gæta samræmis og jafnræðis
í lagalegu tilliti“. Sem betur fer
þróast læknavísindin ört og lækn-
isþjónustan er í stöðugri framför.
Engu að síður eru þær úrlausnir
sem sjúklingar fá mjög misjafnar.
Það er grundvallaratriði að gera
eins vel og hægt er. Heim-
ilislæknar hafa oft haldið á lofti
sínu ágæti og ætla ég
ekki að gera lítið úr
því. En mál sem snú-
ast um líf fólks stoppa
of oft hjá þeim. Þann-
ig gerist það því mið-
ur að fólk deyr úr
hjartasjúkdómum, eft-
ir að hafa leitað til
heimilislækna. Þannig
var næstum því farið
fyrir mér. Enn fleiri
deyja áður en þeir ná
svo langt. Þess vegna
er greiður aðgangur
að hjartalæknum lífs-
spursmál fyrir marga.
Í velferðarþjóðfélagi skiptir
hvert mannslíf máli. Í þannig
þjóðfélagi viljum við búa. Það er
mjög afgerandi stefna að bjarga
hverju því mannslífi sem hægt er.
Heilbrigðisráðherra hefur því
miður tekið aðra stefnu.
Deila á milli hjartalækna og
heilbrigðisráðherra stafar af því
að „of margir“ leita til hjarta-
lækna. Við í Hjartaheillum gleðj-
umst yfir aukinni þjónustu hjarta-
lækna og auknu streymi fólks til
þeirra. Hjartaheill eiga líka þátt í
því. Við höfum boðið almenningi
um allt land upp á ókeypis mæl-
ingar á blóðþrýstingi og blóðfitu.
Þúsundir manna hafa nýtt sér
þetta. Aðeins hérna á Vesturlandi
hafa komið yfir þúsund manns í
þessar mælingar. Hérna í Borg-
arnesi komu í fyrra um 200 manns
og margir urðu frá að hverfa
vegna mikillar aðsóknar. Í fram-
haldi af þessum mælingum hafa
þeir sem hafa greinst með áhættu
farið í frekari rannsóknir og
straumurinn til hjartalækna hefur
stóraukist. Einnig hafa margir
farið beint til sérfræðings eftir að
hafa haft samband við skrifstofu
Hjartaheilla. Við í Hjartaheillum
gleðjumst yfir þessu. Mörgum
mannslífum hefur verið bjargað.
Lífsgæði annarra hafa aukist. En
þeir rammar sem heilbrigðisráðu-
neytið hefur sett hjartalæknum
hafa sprungið. Mannslífin og lífs-
gæði fólks eru meira virði en það.
Öllum verður okkur á að taka
einhvern tíma rangar ákvarðanir.
Það sýnir þroskamerki fólks þegar
það viðurkennir mistök sín og leið-
réttir þau. Ég vil því skora á hátt-
virtan heilbrigðisráðherra að láta
skynsemina ráða og breyta um
stefnu gagnvart hjartasjúklingum.
Aðeins hjartasjúklingar
þurfa að lúta tilvísunarkerfi
Magnús Þorgrímsson
fjallar um heilbrigðismál ’Ef þetta er fyrstivísir að tilvísunar-
kerfi fyrir alla lands-
menn, þá er það skil-
yrði að opinber
umræða fari af stað í
þjóðfélaginu um slíka
stefnubreytingu.‘
Magnús Þorgrímsson
Höfundur er framkvæmdastjóri
Svæðisskrifstofu málefna fatlaðra á
Vesturlandi og stjórnarmaður í
Hjartaheillum.
Vöggusæn
gur
vöggusett
PÓSTSENDUM
Skólavörðustíg 21 ● sími 551 4050 ● Reykjavík