Morgunblaðið - 09.05.2006, Side 4

4 ÞRIÐJUDAGUR 9. MAÍ 2006 MORGUNBLAÐIÐ
FRÉTTIR
w w w . b a k k a v o r . c o m
BAKKAVÖR GROUP – HLUTHAFAFUNDUR 9. MAÍ 2006
Hluthafafundur hjá Bakkavör Group hf. ver›ur haldinn flri›judaginn 9. maí 2006,
kl. 16:00 í Ársal Hótel Sögu, 107 Reykjavík.
Eftirtalin mál eru á dagskrá fundarins:
1. Kynning á flriggja mána›a uppgjöri félagsins.
2. Kynning á kaupum Bakkavör Group á Laurens Patisseries Limited.
3. Tillaga til breytinga á samflykktum.
Eftirfarandi málsgrein bætist vi› 3. gr. samflykkta félagsins:
Stjórn félagsins er heimilt a› auka hlutafé félagsins um allt a› 85.000.000
króna a› nafnvir›i, me› áskrift n‡rra hluta. Hluthafar falla frá forgangsrétti
sínum til áskriftar a› flessum n‡ju hlutum, skv. 34. gr. laga nr. 2/1995 um
hlutafélög. Engar hömlur ver›a á vi›skiptum me› hina n‡ju hluti. fieir skulu
veita réttindi í félaginu frá skrásetningardegi fleirrar hækkunar sem fleir
tilheyra. Hinir n‡ju hlutir skulu vera í sama flokki og me› sömu réttindi og
a›rir hlutir í félaginu. Stjórn félagsins er fali› a› ákve›a nánari útfærslu á
hækkun flessari m.t.t. ver›s og grei›sluskilmála. Stjórn félagsins er heimilt
a› ákve›a a› áskrifendur grei›i fyrir hina n‡ju hluti a› hluta e›a öllu leyti
me› ö›ru en rei›ufé. Heimild flessi gildir til 9. maí 2007 a› svo miklu leyti
sem hún hefur ekki veri› n‡tt fyrir fla› tímamark.
4. Önnur mál.
Fundarstörf fara fram á ensku.
Atkvæ›ase›lar og önnur fundargögn ver›a afhent
vi› innganginn vi› upphaf fundarins.
Stjórn Bakkavör Group hf.
Kaffiveitingar frá Laurens Patisseries
verða í boði fyrir fundinn.
ÞAÐ má allt eins færa fyrir því
rök að Löngusker, þar sem fram-
sóknarmenn í Reykjavík vilja að
gerður verði flugvöllur, tilheyri
Álftanesi eins og Seltjarnarnesbæ.
Löngusker eru nefnd í lýsingum
jarða í báðum þessum sveit-
arfélögum í Jarðabók Árna Magn-
ússonar og Páls Vídalín. Það er
hins vegar ekkert sem bendir til
þess að Löngusker tilheyri
Reykjavík eða Kópavogi.
Sú hugmynd að byggja flugvöll
á Lönguskerjum hefur fengið mis-
jafnar undirtektir. Hugmyndin
vekur t.d. litla hrifningu hjá for-
ystumönnum sveitarfélaga í ná-
grenni Reykjavíkur. Bæjarstjór-
inn í Kópavogi hefur gagnrýnt
tillöguna harðlega enda verður
Kópavogshöfn líkast til ónothæf ef
byggja á flugvöll rétt utan við
höfnina. Sveitarstjórinn á Álfta-
nesi er ekki hrifinn af hugmynd-
inni og það sama má segja um
Jónmund Guðmarsson, bæj-
arstjóra á Seltjarnarnesi, sem
sagði í Morgunblaðinu um helgina
að Seltjarnarnesbær hefði lögsögu
yfir skerjunum þar sem Löngu-
skerin og nytjar af þeim hefðu á
sínum tíma tilheyrt jörðunum
Bakka, Lambastöðum og Hrólfs-
skála.
Stór hreppur verður lítill
Í þessu samhengi er fróðlegt að
skoða stuttlega sögu Seltjarnar-
ness, en sveitarfélagið er heldur
lítið í samanburði við Seltjarnar-
neshrepp hinn forna. Hann náði
yfir allt Nesið, sem liggur á milli
Kollafjarðar og Skerjafjarðar og
allt til fjalla. Hreppurinn náði því
yfir allt það svæði sem bæði
Reykjavík og Kópavogur standa á
í dag. Þegar ákveðið er að búa til
sérstakan kaupstað á jörðinni
Reykjavík eða Vík eins hún var
oft kölluð var þessi partur tekinn
út úr Seltjarnarneshreppi. Þetta
gerðist árið 1786. Þetta er hins
vegar aðeins fyrsta skref af mörg-
um sem leiðir til þess að þessi
stóri hreppur, Seltjarnarnes-
hreppur, verður á um 160 árum
aðeins brot af því sem hann var í
upphafi. Árið 1835 eru jarðirnar
Sel, Hlíðarhús, Arnarhóll og
Rauðará færðar undan hreppnum
og til Reykjavíkur. Árið 1894 er
komið að jörðunum Kleppi og
Laugarnesi. Árið 1923 eru jarð-
irnar Breiðholt, Bústaðir og Eiði
fluttar hreppaflutningum. Árið
1932 missti Seltjarnarneshreppur
Skildinganes. Hreppurinn tapaði
Elliðavatni og Hólminum árið
1943. Og árið 1948 varð Kópavog-
ur gerður að sérstöku sveitarfé-
lagi, en við það missti hreppurinn
mjög stórt landsvæði á einu bretti.
Sölvatekja á Lönguskerjum
Löngusker standa rétt utan við
jörðina Skildinganes og því væri
ekki óeðlilegt að álykta sem svo
að skerin hafi tilheyrt jörðinni. Í
Jarðabók Árna og Páls frá árinu
1703 er hins vegar ekkert minnst
á Löngusker þegar fjallað er um
Skildinganes. Í Jarðabókinni segir
hins vegar um konungsjörðina
Lambastaði sem var og er í sveit-
arfélaginu Seltjarnarnesi: „Sölva-
fjara nýtileg þar sem heita Löngu-
sker. Hrognkelsafjara nokkur
mætti vera í Lönguskerjum. Skel-
fjara í sama stað lítil og erfið.“ Söl
eru sem kunnugt er þörungateg-
und sem nýtt er til manneldis.
Í Jarðabókinni segir um kirkju-
jörðina Bakka á Seltjarnarnesi:
„Sölvatekju brúkar jörðin í
Lönguskerjum“. Þá er einnig vikið
að sölvatekju þegar fjallað er um
jörðina Hrólfsskála, en allar eru
þessar jarðir á Seltjarnarnesi. Út
frá þessu væri hægt að draga þá
ályktun að bæjaryfirvöld á Sel-
tjarnarnesi hafi fulla lögsögu á
Lönguskerjum.
Málið er hins vegar ekki svo
einfalt. Í þessari sömu Jarðabók
er jafnoft vikið að nytjum á
Lönguskerjum þegar fjallað er um
jarðir í Álftaneshreppi.
„Sölvafjöru á jörðin
á Lönguskerjum“
Um konungsjörðina Breiðaból-
stað í Álftaneshreppi segir:
„Sölvafjöru á jörðin á Lönguskerj-
um í Skerjafirði.“ Um hálflenduna
Haukshús á Álftanesi, sem einnig
er í eigu konungs, segir: „Sölva-
fjara er jörðinni eignuð og brúkar
hún þar sem heitir Löngusker“.
Svipaðar nytjar eru nefndar þegar
fjallað er um jörðina Lambhús á
Álftanesi.
Það verður tæplega dregin önn-
ur ályktun út frá þessari heimild
en að Seltjarnarneshreppur og
Álftaneshreppur eigi jafnan rétt á
að nýta Löngusker, hvort sem
bæjaryfirvöld gera það með því að
taka þaðan söl eða byggja þar
flugvöll. A.m.k. er alveg ljóst að
bæjaryfirvöld á Seltjarnarnesi
geta tæplega skipulagt nýtingu á
Lönguskerjum án samráðs við
sveitarstjórn Álftaness.
Heimir Þorleifsson sagnfræð-
ingur, sem m.a. hefur skrifað sögu
Seltjarnarness segir að Jarðabók-
in sé grundvallarheimild um jarðir
og jarðanytjar. Hann segir að um
það þurfi tæpast að deila að
Löngusker tilheyri ekki Reykjavík
og alls ekki Kópavogi. Jarðareig-
endur á Álftanesi og Seltjarn-
arnesi hafi hins vegar báðir nýtt
Löngusker og geti því bæjaryf-
irvöld í báðum sveitarfélögunum
gert kröfu um að ráða hvernig þau
eru nýtt.
Heimir benti á að svo virðist
sem þessi sölvatekja hefði verði
nokkuð mikil og skipt máli. A.m.k.
kæmi fram í riti Lúðvíks Krist-
jánssonar, Íslenskir sjávarhættir,
að söl hefðu verið seld frá bæjum
sem nytjuðu sölvatekju í Löngu-
skerjum.
Morgunblaðið/RAX
Löngusker í Skerjafirði blasa við frá Reykjavík, en borgaryfirvöld hafa hins vegar ekki lögsögu yfir skerjunum ef marka má heimildir.
Jarðir á Seltjarnarnesi og
Álftanesi nytjuðu Löngusker
Eftir Egil Ólafsson
egol@mbl.is
GERA má ráð fyrir að töluvert sé af
asparfræjum í loftinu þessa dagana,
að sögn Margrétar Hallsdóttur,
jarðfræðings hjá Náttúru-
fræðistofnun Íslands. Hún segir að
um þessar mundir sé nokkuð af
blómstrandi öspum víða í borginni
og þeir sem hafi ofnæmi fyrir asp-
arfrjóinu kunni því að hafa fundið
fyrir einkennum.
Margrét segist síðast hafa athug-
að niðurstöður frjókornamælinga 3.
maí sl. „Þá var ósköp venjulegt
ástand miðað við árstíma, það voru
víðifrjó og lyngfrjó í loftinu og þá
mældist fyrsta asparfrjóið,“ segir
Margrét. Hún segir birkifrjó ekki
enn komin af stað. Þau séu skæðasti
ofnæmisvaldurinn annars staðar á
Norðurlöndunum þar sem eru miklir
birkiskógar, en ekki sé mikið af birki
hér á landi. Birkifrjó gætu farið af
stað hér á landi upp úr miðjum maí
líkt og í fyrra. „Mér finnst nú samt
hafa verið miklu kaldara þetta vor
heldur en í fyrra þannig að ég held
að það byrji í fyrsta lagi upp úr
miðjum maí í ár,“ segir Margrét.
Hún segir að grasfrjó valdi mestu
ofnæmi hér á landi og þau fari ekki
að berast um loftið fyrr en í júní eða
júlí.
Morgunblaðið/Ómar
Nokkuð af asparfrjói er í lofti í borginni þessa dagana. Hlýtt hefur verið í
veðri og loftið nokkur kyrrt og var því mistur yfir Reykjavík í gær.
Asparfrjó hrellir
fólk með ofnæmi