Morgunblaðið - 09.05.2006, Blaðsíða 6

6 ÞRIÐJUDAGUR 9. MAÍ 2006 MORGUNBLAÐIÐ
FRÉTTIR
VINSÆLASTI HÖFUNDUR Í HEIMI
DAN BROWN
NÝ BÓK Í ÍSLENSKRI ÞÝÐINGU EFTIR
MEISTARA SPENNUSÖGUNNAR
F
í
t
o
n
/
S
Í
A

F
I
0
1
7
1
5
7
- The Washington Post
SVONA Á AÐ SKRIFA
SPENNUSÖGUR.
ÞESSA BÓK LEGGURÐU
EKKI FRÁ ÞÉR FYRR EN
AÐ LESTRI LOKNUM“
„
NÚ Í KI
LJU
HÖNNUNARVINNU vegna fyrsta
áfanga af þremur í viðbyggingu við
Barna- og unglingageðdeild Land-
spítala – háskólasjúkrahúss (BUGL)
við Dalbraut í Reykjavík á að ljúka í
lok júní, að sögn Aðalsteins Pálsson-
ar, framkvæmdastjóra tækni og
eigna LSH. Aðalsteinn segir að þeg-
ar hönnunarvinnu ljúki verði beðið
eftir að fjárveitingar vegna bygging-
arinnar verði tryggðar svo hægt
verði að bjóða verkið út. Fáist öll
leyfi og takist að tryggja fjármagn
fyrir næsta ár verði hægt að bjóða
verkið út í sumar og hefja fram-
kvæmdir í haust. Gert sé ráð fyrir að
hægt verði að ljúka fyrsta áfanga
viðbyggingarinnar síðsumars 2007
fáist nægileg fjárveiting.
Aðalsteinn segir að um 100 millj-
ónir króna vanti svo hægt verði að
ljúka áfanganum, en þær þurfi að
koma á fjárlögum næsta árs. Alls sé
búið að tryggja um 180 milljónir
króna til framkvæmdanna. Um sé að
ræða gjafafé, ríkisframlög frá fyrri
árum og fé vegna sölu á eignum spít-
alans við Kleifarveg.
Á nýja lóð LSH eftir tvo áratugi
Aðspurður hvort fyrir liggi hve-
nær öllum áföngunum þremur verði
lokið segir Aðalsteinn að nauðsyn-
legt sé að haga framkvæmdum í takt
við starfsemi BUGL. Það megi
hugsa sér að hver áfangi verði látinn
taka við af öðrum og að um ár taki að
ljúka hverjum og einum. Það sé þó
háð fjárveitingum til verksins.
Aðalsteinn segir að líklega séu um
20 ár þar til BUGL flyst á hina nýju
lóð Landspítalans við Hringbraut.
„Þetta er þannig starfsemi að menn
vilja ekki fara með hana inn á nýju
Landspítalalóðina fyrr en það er
komin ró yfir svæðið. Það hefur allt-
af verið talað um að þetta yrði með
síðustu einingunum sem flyttu inn á
lóðina,“ segir Aðalsteinn. Hann
bendir á að þar sem svo langur tími
sé þar til BUGL flytur á nýju Land-
spítalalóðina hafi ekki verið hægt að
bíða með endurbætur á núverandi
húsnæði við Dalbraut. „Það verður
byggt upp og þessar eignir fá þá
bara annað hlutverk eftir 20 ár,“ seg-
ir hann.
Hönnun fyrsta áfanga viðbyggingar við BUGL lýkur í júní
Hægt að hefja framkvæmdir
í haust ef fjármagn fæst
Eftir Elvu Björk Sverrisdóttur
elva@mbl.is
„VIÐ leggjum höfuðáherslu á að
halda áfram á sömu braut og vinna
hér í sátt og samkomulagi við
íbúana,“ segir Lúðvík Geirsson, bæj-
arstjóri Hafnarfjarðar og efsti mað-
ur á framboðslista Samfylkingarinn-
ar í bænum, fyrir komandi
sveitarstjórnarkosningar. Samfylk-
ingin í Hafnarfirði kynnti kosninga-
stefnumál sín á blaðamannafundi í
gær, undir yfirskriftinni: Bjart
framundan.
Lúðvík sagði af því tilefni að mikl-
ir framgangstímar hefðu verið í
Hafnarfirði á því kjörtímabili sem nú
væri að ljúka. Mikil uppbygging
hefði átt sér stað á nýjum atvinnu-
svæðum og íbúðasvæðum. Þá hefði
íbúum fjölgað um allt að 4% á síð-
ustu árum, og væru nú um 23 þús-
und. „Þetta er fyrst og fremst því að
þakka að gott samkomulag hefur
verið í bænum, ekki bara í bæjar-
stjórn heldur líka við bæjarbúa,“
segir hann og bætir við: „Við höfum
lagt áherslu á lýðræðisþáttinn í
stjórnsýslunni og gott samráð við
bæjarbúa.“
Ellefu manns eru í bæjarstjórn
Hafnarfjarðar. Þar af eru nú sex
fulltrúar S-lista, Samfylkingarinnar,
og fimm fulltrúar D-lista, Sjálfstæð-
isflokks.
Vilja þráðlaust netsamfélag
Lúðvík segir að Hafnarfjörður
hafi á síðustu árum komið fram með
nýjungar í þjónustu við íbúana, til
dæmis með niðurgreiðslu á æsku-
lýðs- og íþróttastarfi barna. „Við
viljum stíga ný skref í þeim efnum
og niðurgreiða, með sama hætti, lík-
amsrækt og heilsurækt fyrir eldri
borgara í Hafnarfirði. Jafnframt
viljum við tryggja þeim ókeypis að-
gang að þjónustu og stofnunum í
bæjarfélaginu.“ Það vilja Samfylk-
ingarmenn gera með því að gefa út
svokölluð vildarkort fyrir aldraða í
Hafnarfirði, sem gildi m.a. að söfn-
um, íþrótta- og sundstöðum og hjá
almenningsvögnum.
Lúðvík segir að Samfylkingar-
menn stefni einnig að því að Hafn-
arfjörður verði þráðlaust netsam-
félag, opið öllum íbúum. „Þetta er
almannaþjónusta sem við teljum að
íbúarnir eigi að eiga aðgengi að.“
Í öldrunarmálum segjast Sam-
fylkingarmenn m.a. vilja hefja bygg-
ingu nýs hjúkrunarheimilis á Völl-
um. Þeir segjast þó leggja áherslu á
að aldraðir geti búið á eigin heim-
ilum eins lengi og þeir geti og kjósi
sjálfir. „Í því skyni verður félagsleg
heimaþjónusta aukin markvisst á
kjörtímabilinu,“ segir m.a. í stefnu-
skránni.
Í skólamálum vilja Samfylkingar-
menn m.a. að heilsdagsskólinn verði
efldur og að tónlistarnám, íþróttir og
æskulýðsstarf verði fellt inn í starfið.
Í leikskólamálum vilja þeir að öll-
um börnum verði tryggð leikskóla-
vist frá átján mánaða aldri. Þá vilja
þeir fjölga rýmum fyrir enn yngri
börn á leikskólum bæjarins. Lúðvík
segir að öflugt dagforeldrakerfi sé í
bænum og að Hafnarfjörður hafi
verið fyrst sveitarfélaga til að nið-
urgreiða þá þjónustu verulega. „En
við viljum líka koma með nýjar leið-
ir, þannig að það séu fleiri valkostir í
boði, en bara dagforeldrakerfið,“
segir hann; þess vegna vilji þeir
fjölga rýmum fyrir yngstu börnin.
Í skipulagsmálum segjast Sam-
fylkingarmenn vilja tryggja áfram
fjölbreytt framboð íbúða- og at-
vinnulóða og í umhverfismálum
leggja þeir m.a. áherslu á að há-
spennulínur, sem eru í nálægð við
íbúðahverfi, verði grafnar í jörð. Þá
vilja þeir skoða möguleika á því að
breyta fyrirkomulagi sorphirðu-
gjalds, þannig að greitt verði ákveðið
gjald fyrir hverja tunnu, sem er í
notkun.
Samfylkingin í Hafnarfirði kynnir stefnumál sín
Höfuðáhersla á að halda
áfram á sömu braut
Morgunblaðið/Ómar
Samfylkingin í Hafnarfirði kynnti kosningastefnumál sín á blaðamanna-
fundi í gær, undir yfirskriftinni: Bjart framundan.
arna@mbl.is
SJÁLFSTÆÐISMENN í Garða-
bæ vilja að fasteignaskattur á bæj-
arbúa eldri en 70 ára verði felldur
niður í þrepum og að fullu árið
2009. Þetta kemur m.a. fram í
stefnuskrá þeirra fyrir komandi
sveitarstjórnarkosningar. Erling
Ingi Ásgeirsson, formaður bæjar-
ráðs Garðabæjar og efsti maður á
framboðslista sjálfstæðismanna í
bænum, segir að þetta stefnumál
sé skref í þá átt að létta undir með
eldri borgurum í bæjarfélaginu.
Hann segir að höfuðáhersla sé
lögð á málefni eldri borgara í
stefnuskránni. „Við teljum að það
sé breið samstaða um að það sé
komið að þessum aldurshópi.“
Erling Ingi segist þó vilja taka
fram í þessu sambandi að Garða-
bær hafi gengið á undan öðrum
bæjarfélögum í því að vera með
lágar álögur á bæjarbúa. Útsvars-
prósentan sé t.d. 12,46%, eða
næstlægst á höfuðborgarsvæðinu.
Þá sé fasteignaskattur 0,24%, sem
sé sömuleiðis með því lægsta sem
gerist á höfuðborgarsvæðinu. „Við
erum fylgjandi því að halda álög-
um á íbúa í lágmarki. Það er okkar
framlag til bæjarbúa almennt og
þar með til yngri bæjarbúanna.“
Bæjarstjórn í Garðabæ er skip-
uð sjö fulltrúum. Þar af eru nú
fjórir fulltrúar D-lista, Sjálfstæð-
isflokks, einn fulltrúi S-lista, Sam-
fylkingarinnar, og tveir fulltrúar
B-lista, Framsóknarflokks og
óháðra.
Frambjóðendur Sjálfstæðis-
flokksins í Garðabæ gengu í hús í
bænum í gær, og kynntu stefnu-
skrá sína, og segir Erling að þeir
muni halda því áfram í dag og
næstu daga.
Hvatapeningar til
eldri borgara
Sjálfstæðismenn í Garðabæ vilja
m.a. að hjúkrunarheimilið í Holts-
búð verði flutt í nýtt húsnæði og
að rýmum verði þar með fjölgað úr
fjörutíu í sextíu, fyrst og fremst
einbýli, að því er fram kemur í
stefnuskránni. Þá vilja þeir m.a.
efla starfsemi Garðabergs, í sam-
starfi við Félag eldri bæjarbúa í
Garðabæ, og sömuleiðis skipu-
leggja starfsemi nýrrar félagsmið-
stöðvar eldri bæjarbúa í Jónshúsi
á Sjálandi.
Sjálfstæðismenn vilja auk þessa
sjá samtökum eldri borgara fyrir
lóðum í bænum, svo þau geti byggt
hentugt húsnæði fyrir fólk sem vill
minnka við sig, segir Erling.
Erling segir að sjálfstæðismenn
hafi haft frumkvæði að því að út-
hluta börnum og unglingum á
aldrinum sex til sextán ára, svo-
kölluðum hvatapeningum, þ.e. 20
þúsund krónum á ári, til að stuðla
að aukinni hreyfingu þeirra. Sjálf-
stæðismenn leggja til í stefnuskrá
sinni að slíkum hvatapeningum
verði einnig úthlutað til eldri borg-
ara, frá 67 ára aldri. „Auk þessa
viljum við beita okkur fyrir því að
málefni eldri borgara færist alfarið
frá ríki til sveitarfélaga,“ segir
hann.
Í málefnum leikskóla vilja sjálf-
stæðismenn m.a. koma á fót smá-
barnaleikskóla fyrir börn yngri en
tveggja ára. Þetta vilja þeir gera
til að auka enn frekar við þjón-
ustu, valfrelsi foreldra og fjöl-
breytni í rekstrarformi, að því er
segir í stefnuskránni. Erling segir
að með þessu sé ætlunin að brúa
bilið frá því fæðingarorlofi lýkur
og þar til börn geti farið í leik-
skóla.
Sjálfstæðismenn segja í stefnu-
skránni að leikskólinn sé fyrsta
skólastigið og að þeir vilji að nám
5 ára barna verði tengt enn frekar
við þá kennslu sem fram fari í
grunnskólanum. Þeir vilja því að
hluti dvalartíma 5 ára barna í leik-
skóla verði gjaldfrjáls. Af öðrum
stefnumálum sjálfstæðismanna í
Garðabæ, má m.a. nefna aukið
samstarf milli skóla og íþrótta- og
tómstundafélaga í bænum, þannig
að börn og unglingar fái notið,
segja þeir, samfellds vinnudags.
Þá vilja þeir m.a. að Vífilsstöðum
verði gert hátt undir höfði sem
sögufrægu húsi, að stefnt verði að
friðlýsingu Urriðakotsvatns og
Vífilsstaðavatns og að almennings-
samgöngur innanbæjar verði bætt-
ar.
Sjálfstæðismenn í Garðabæ kynna stefnuskrá sína
Vilja leggja niður fast-
eignaskatt aldraðra
Morgunblaðið/Brynjar Gauti
Erling Ingi Ásgeirsson sem skipar 1. sæti á lista sjálfstæðismanna og Ragn-
hildur Inga Guðbjartsdóttir sem er í 3. sæti kynntu stefnumálin fyrir hús-
ráðendum í Aratúni, þeim Hrafnkeli Pálmasyni og Elínu Björnsdóttur.
arna@mbl.is